ԵՐԵՎԱՆ, 28 հուլիսի – Sputnik. Լիտվան COVID-19-ի դեմ AstraZeneca պատվաստանյութի 27,5 հազար չափաբաժին կնվիրի Հայաստանին։ Տեղեկությունը հայտնում են տեղական լրատվամիջոցները։
Նշվում է, որ նվիրատվությունը կատարվելու է Արևելյան գործընկերության երկրներին աջակցելու շրջանակում։
Բացի Հայաստանից, պատվաստանյութից որպես նվեր կստանան նաև Ուկրաինան և Մոլդովան։
Ուկրաինան կստանա 131 հազար չափաբաժին, Մոլդովան` 26,5 հազար, Հայաստանը` 27,5 հազար։
Լիտվայի առողջապահության նախարար Արունաս Դուլկիսը կառավարության նիստում տեղեկացրել է, որ հաջորդ շաբաթ պատվաստանյութ կուղարկվի Մոլդովա։
Մոտ ժամանակներս դեղերը կհատկացվեն նաև այլ պետություններին։
«AstraZeneca» պատվաստանյութի նոր խմբաքանակ է ներկրվել Հայաստան
