Առուշ Առուշանյան

Առուշանյանին տեղափոխել են ԱԱԾ մեկուսարան. ի պաշտպանություն նրա ստորագրահավաք է սկսվել

259
(Թարմացված է 17:21 21.07.2021)
Առուշ Առուշանյանի խափանման միջոցի վերաբերյալ բողոքը Վերաքննիչ դատարանը դեռևս վարույթ չի ընդունել։

ԵՐԵՎԱՆ, 21 հուլիսի - Sputnik. Գորիսի համայնքապետ Առուշ Առուշանյանը «Արմավիր» ՔԿ-ից տեղափոխվել է ԱԱԾ մեկուսարան։ Տեղեկությունը Sputnik Արմենիայի հետ զրույցում հայտնեց Առուշանյանի պաշտպան Արմեն Մելքոնյանը։

«Երեկ են տեղափոխել. մտերիմների, հարազատների հետ տեսակցություններն արգելված են։ Նման որոշում է կայացվել»,- ասաց Մելքոնյանը։

Նրա խոսքով` Վերաքննիչ դատարանը դեռևս վարույթ չի ընդունել փաստաբանների` Առուշանյանին կալանավորելու որոշումը բողոքարկելու դիմումը։

Պաշտպանները Առուշանյանի կալանավորման որոշումը կվիճարկեն դատարանում, իսկ մինչ այդ Գորիսում համայնքապետին ազատ արձակելու պահանջով ստորագրահավաք են սկսել։

«Առուշանյանի կալանավորմամբ մտահոգված գորիսեցիները այսօր 17։00-ից սկսած` կարող են միանալ ստորագրահավաքին Գորիսի Գ․ Տաթևացու անվան հրապարակում (Մշակույթի տան հարակից տարածք»,- Sputnik Արմենիայի հետ զրույցում նշեց նախաձեռնող խմբի անդամներից Զաքար Խոջաբաղյանը։

Ակնհայտ է, որ Առուշ Առուշանյանի կալանավորումն ապօրինի է. փաստաբան

Առուշանյանի փաստաբան Էրիկ Ալեքսանյանը մեզ հետ զրույցում ընդգծեց, որ Վերաքննիչ դատարանն ի թիվս այլ հարցերի պետք է պատշաճ գնահատական տա նաև Առուշ Առուշանյանի խափանման միջոց կալանքի փոփոխության նպատակով ստորագրահավաքի առկայությանը և կայացնի օրինական որոշում։

«Խափանման միջոցի և դրա տեսակի ընտրության շրջանակում դատարանը հավաքագրում է նաև անձին բնութագրող տվյալներ։ Այս դեպքում ստորագրահավաքն անձը բնութագրող տվյալ է, և դատարանը պետք է արդեն իսկ ընտրված խափանման միջոցի օրինաչափության հարցի շրջանակում դրան պատշաճ գնահատականի արժանացնի»,- շեշտեց նա։

Ալեքսանյանի խոսքով՝ այս դեպքում ստորագրահավաքի մասնակիցների քանակն էական նշանակություն չունի, դրա առկայությունն արդեն իսկ վկայում է Առուշանյանի անձի նկատմամբ դրական բնութագրի մասին։ Պաշտպանը, սակայն, չի բացառում, որ ստորագրահավաքի մասնակիցների նկատմամբ ևս գործի դրվի «պողպատե մուրճն» ու «ասֆալտին փռելու» քաղաքականությունը:

«Ինձ արդեն որևէ բան չի զարմացնում: Անկեղծ ասած` այս ամենին արդեն ժպիտով եմ վերաբերվում։ Մենք տեսնում ենք, որ այն անձինք, որոնք աջակցում են Առուշանյանին և մտահոգված են քաղաքական հետապնդման ենթարկված մյուս համայնքապետերի համար, նրանք ևս ենթարկվում են տարբեր ռեպրեսիաների, բերման են ենթարկվում ոստիկանության բաժիններ»,- ասաց Ալեքսանյանը:

Ավելի վաղ Ալեքսանյանը հայտնել էր, որ Առուշանյանի խափանման միջոցը վիճարկելու համար հուլիսի 19-ին Վերաքննիչ դատարան բողոք են ներկայացրել:

Նշենք, որ Գորիսի համայնքապետին մեղադրանք է առաջադրվել ՀՀ քրեական օրենսգրքի 35-154.2-րդ հոդվածի 4-րդ մասի 2-րդ կետով, 38-149-րդ հոդվածի 2-րդ մասի 4-րդ կետով և 38-154.2-րդ հոդվածի 3-րդ մասով (քվեարկության գաղտնիությունը խախտելը, ընտրական իրավունքի իրականացմանը խոչընդոտելը)։

Հիշեցնենք` ԱԺ արտահերթ ընտրություններից հետո Սյունիքի 5 համայնքապետերից 4-ի նկատմամբ հարուցվել է քրեական գործ. Մանվել Փարամազյանը, Մխիթար Զաքարյանը, Առուշ Առուշանյանը, Արթուր Սարգսյանը կալանավորված են:

Ավելի վաղ կալանավորման որոշում էր կայացվել նաև Գորիս խոշորացված համայնքի Որոտանի և Քարահունջի վարչական ղեկավարների նկատմամբ: Քարահունջի վարչական ղեկավար Լուսինե Ավետյանին երեկ ազատ են արձակել։

259
թեգերը:
Առուշ Առուշանյան, մեկուսարան, ՀՀ ազգային անվտանգության ծառայություն. ԱԱԾ
Ըստ թեմայի
Գորիսի համայնքապետարանում 38 մլն դրամ են յուրացրել․ հարուցվել է քրեական գործ
Գորիսի համայնքապետ Առուշ Առուշանյանը կալանավորվեց
ՔԿ-ն մանրամասներ է հայտնում Գորիսի գիշերային կրակոցների մասին
Երևան, արխիվային լուսանկար

Հայաստանում օդի ջերմաստիճանը կբարձրանա. եղանակի տեսություն

32
(Թարմացված է 20:14 01.08.2021)
Օդերևութաբանների կանխատեսումների համաձայն` ջերմաստիճանի բարձրացմանը զուգահեռ մի քանի օրով կդադարեն տեղումները։

ԵՐԵՎԱՆ, 2 օգոստոսի – Sputnik. Այսօր կեսօրից հետո Հայաստանի առանձին շրջաններում սպասվում է անձրև և ամպրոպ, առանձին հատվածներում հնարավոր է նաև կարկուտ։ Տեղեկությունը հայտնում է ՀՀ արտակարգ իրավիճակների նախարարությունը։

Ըստ հաղորդագրության` ամպրոպի ժամանակ սպասվում է քամու ուժգնացում՝ 18-23 մ/վ արագությամբ։

Օդի ջերմաստիճանն օգոստոսի 3-6-ի ցերեկն աստիճանաբար կբարձրանա 2-3 աստիճանով։ Այդ օրերին տեղումներ չեն գրանցվի։

Այսօր երեկոյան ժամերին անձրև կտեղա նաև Երևանի առանձին հատվածներում։ Անձրևը կուղեկցվի ամպրոպով, և այդ ժամանակ քամու ուժգնությունը կարող է հասնել 18-20 մ/վ–ի։

 Եղանակի կանխատեսում
Եղանակի կանխատեսում

Կեսօրին մայրաքաղաքում օդի ջերմաստիճանը կտատանվի +33-ից +35–ի սահմանում, իսկ գիշերը կնվազի մինչև +21-ից +23։

32
թեգերը:
Հայաստան, եղանակ, Անձրև, Քամի, Կարկուտ
թեմա:
Եղանակը Հայաստանում
Ըստ թեմայի
Քաղաքապետարանի պատվիրած ավտոբուսները Չինաստանում զարդարել ու ճանապարհել են Երևան
8 սեանս` անվճար. ՀՀ–ում առաջին անգամ պետական հոգեբանական աջակցություն են տրամադրում
Ո՞ւմ համար է սեքսը վտանգավոր շոգ եղանակին. խորհուրդներ բժշկից
Ալեքսանդր Ռևա

Ալեքսանդր Ռևայի հայուհի կինը հրապարակել է դստեր տեսագրությունը և զարմացրել իր հետևորդներին

102
(Թարմացված է 22:55 01.08.2021)
Հայտնի շոումենի դուստրը ոչ մանկական ստեղծագործություն է կատարում, և ակնհայտ է, որ հասկանում է` ինչի մասին է երգը։

ԵՐԵՎԱՆ, 1 օգոստոսի - Sputnik. Ռուս շոումեն և հեռուստահաղորդավար Ալեքսանդր Ռևայի կինը՝ Անժելիկա Ռևան, հուզիչ տեսանյութ է հրապարակել, որում նրա դուստրը՝ Ամելին, երգում է (ավելի ճիշտ ՝ ձայնակցում) ավստրալուհի SIA-ի հիթերից մեկը:

«Սիրտս պատռում է իր ռեպերտուարով։ Ամելի, խնայիր մորդ նյարդերը։ Ում հետաքրքիր է, փնտրեք թարգմանությունը, կամ ես ձեզ կուղարկեմ մեկնաբանություններում, միասին կլացենք», - տեսանյութին կից գրել է Անժելիկան։

Տեսանյութն արդեն ավելի քան 31 հազար դիտում ունի, օգտատերերը հիացական մեկնաբանություններ են գրել ու զարմացել, որ աղջիկն անգիր գիտի տեքստը:

Посмотреть эту публикацию в Instagram

Публикация от A N G E L I K A R E V V A (@angelikarevva)

«Հոր աղջիկն է, մոր երջանկությունը։ Իսկ ինչպես է արտաբերում բառերը` առանց շրջանցելու։ Կեցցես», - գրել է նրանցից մեկը։

«Հիանալի է երգում։ Ապրես, փոքրիկ գեղեցկուհի», - ավելացրել է մեկ ուրիշը։

Ալեքսանդր Ռևան չորրորդ անգամ ամուսնացել է «իր հայուհու» հետ

Ալեքսանդրն ու Անժելիկան իրենց հարաբերությունները պաշտոնապես գրանցել են 2007-ին, երբ Անժելիկան արդեն հղի էր: Մի քանի ամիս անց լույս աշխարհ եկավ նրանց առաջին դուստրը՝ Ալիսան, իսկ 2013-ին՝ Ամելին։

Իսկ եթե ամուսինը տեսնի՞. համացանցում քննարկում են Ալեքսանդր Ռևայի հայ կնոջ լուսանկարը

Անժելիկայի հայրը հայ է, մայրը` ռուս։

Իսկական հայուհի. Ալեքսանդր Ռևան հրապարակել է դստեր լուսանկարներն ու պարծեցել նրանով

102
թեգերը:
Ալեքսանդր Ռևա, երեխա, տեսանյութ
Ըստ թեմայի
Ադրբեջանցի Նաթելան` Լոբոդայի նախկին պրոդյուսերը, խոստովանել է, որ հայկական արմատների ունի
Մի ուրիշ Կլեոպատրա․ Իզաբել Բայրաքդարյանը «վերակենդանացրեց» Հայաստանի մոռացված թագուհուն
«Սովածեր եմ». Սիլվա Հակոբյանի փոքրիկ դստեր զվարճալի տեսանյութը
Поединок 1/8 финала по борьбе греко-римского стиля между Артуром Алексаняном (Армения) и Узур Джузупбеков (Кыргызстан) на XXXII летних Олимпийских играх (2 августа 2021). Токио

Արթուր Ալեքսանյանը երկրորդ հաղթանակը տոնեց օլիմպիական խաղերում

0
(Թարմացված է 08:51 02.08.2021)
«Սպիտակ արջը» հաղթելով դուրս եկավ կիսաեզրափակիչ, որտեղ մրցելու է Իրանի Իսլամական Հանրապետության ներկայացուցիչ Մոհամադհադի Սարավիի հետ։

Օլիմպիական խաղերի չեմպիոն Արթուր Ալեքսանյանը Տոկիոյի օլիպիական խաղերի քառորդ եզրափակչում 5։1 հաշվով առավելության հասավ ֆին ըմբիշ Արվի Մարտին Սավոլայնենի նկատմամաբ։

«Սպիտակ արջի» համար շատ ծանր սկիզբ ունեցավ գոտեմարտը Սավոլայնենի հետ։ Առաջին մրցափուլում մրցավարները պասիվություն տվեցին մեր ըմբիշին ու մեկ միավոր Սավոլայնենին։ Բայց ֆինը Ալեքսանյանին գլորել պարտերից չկարողացավ։ Բայց նվազագույնառավելությամբ հաղթեց առաջին մրցափուլը։

Երկրորդ մրցափուլում Արթուր հաստատեց իր բարձր կարգը ու, ինչպես ասում են, ամեն ինչ իր տեղը դրեց։ Նախ Արթուրը վաստակեց մեկ միավոր ու պարտերում աշխատելու հնարավորություն։ Եվ հետո, երկու անգամ գլորելով մրցակցին, առաջ անցավ հաշվի մեջ 5։1 հաշվով։

Սավոլայնենը ստիպված էր հարմարվել պարտության հետ, իսկ Արթուրը հաղթելով դուրս եկավ կիսաեզրափակիչ, որտեղ մրցելու է Իրանի Իսլամական Հանրապետության ներկայացուցիչ Մոհամադհադի Սարավիի հետ։

0