Հայկական ու ադրբեջանական դիրքեր

Խոտ էր, սահմանը չէր երևում. Սյունիքի Տեղ գյուղում 2 կմ–անոց սահման է գծվել

233
(Թարմացված է 17:53 20.07.2021)
Համայնքի ղեկավարը Sputnik Արմենիայի հետ զրույցում հերքեց տարածված լուրերը, թե ադրբեջանական կողմը Տեղ գյուղի մոտ 2 կմ մտել է ՀՀ տարածք։

ԵՐԵՎԱՆ, 20 հուլիսի - Sputnik. Սյունիքի մարզի Տեղ գյուղի տարածքում հայ–ադրբեջանական սահմանի 2 կմ–անոց հատվածում տեղի ուժերով սահմանագծման աշխատանքներ են իրականացվել։

Այս մասին Sputnik Արմենիային հայտնեց Տեղ համայնքի ղեկավար Ներսես Շադունցը` հերքելով տարածված լուրերը, թե ադրբեջանական կողմը գյուղի մոտ 2 կմ մտել է ՀՀ տարածք։

Գյուղապետի խոսքով, սահմանի երկարությամբ 2 կմ գծելու մասին լուրը սխալ մեկնաբանություն է ստացել։

«Իրենց պոստից ներքև 2 կմ երկարությամբ գծել ենք` մեր ու իրենց սահմանն իրարից տարանջատելու համար։ Գծել ենք, որ երևա, որ մեր հողագործները չանցնեն իրենց կողմ, իրենցն էլ`չանցնեն մեր կողմ։ Խոտեր էր, սահմանը չէր երևում։ Ընդամենը ժամանակավոր, GPS-ով գծել ենք, որ խախտումները մի քիչ պակասեն»,– բացատրեց գյուղապետը։

Շադունցը նաև հայտնեց, որ ադրբեջանական կողմի հետ բանակցություններին ու սահմանի գծման աշխատանքներին մասնակցել են ռուս սահմանապահները, ՀՀ ԶՈւ բանակային կորպուսի ղեկավարությունը։

Նա չի բացառում, որ ժամանակավոր նշված սահմանը կարող է չհամընկնել իրական սահմանի հետ, բայց դա ինչ–որ առումով կապահովի տեղի բնակչության անվտանգությունը` զերծ պահելով պատահաբար սահմանն անցնելու վտանգից։

Ինչու է ադրբեջանական կողմը սահմանային սադրանքների դիմում. պարզաբանում է փորձագետը

«Տենց են արել, որ ժողովուրդը կողմնորոշվի։ 1990-ականներից հետո ծնված երիտասարդներ կան, որ անասնապահությամբ, հողագործությամբ են զբաղվում, իրենք էն ժամանակ ըսկի սահմանին ծանոթ էլ չեն եղել։ Հո ես չեմ գնալու ամեն անգամ ռուսներին խնդրեմ, որ` եկեք, մեր հովվին հետ բերեք»,– ասաց նա։

Գյուղապետի խոսքով՝ գծված սահմանին անմիջապես մոտ գյուղի դաշտերն են, որոնք ադրբեջանցիները թույլ չէին տալիս հնձել։ Սահմանը գծելուց հետո, Շադունցի խոսքով, հայ գյուղացիներն արդեն անարգել հունձ են անում այդտեղ։

Հիշեցնենք` հուլիսի 19-ին միջադեպ է գրանցվել Սյունիքի մարզի Տեղ գյուղի սահմանային հատվածում։ Համայնքի բնակիչ կոմբայնավարը, ապակողմնորոշվելով տեղանքում, հայտնվել էր ադրբեջանական զինված ուժերի վերահսկողության տակ գտնվող տարածքում: Հայ դիրքապահների, ռուս սահմանապահների և համայնքի ղեկավարության ջանքերով կոմբայնավարը, ինչպես նաև կոմբայնը, վերադարձվել են հայկական կողմին։

Սահմանային լարվածությունն ու Ալիևի մոսկովյան այցը փոխկապակցված են. Պողոսյան

233
թեգերը:
Սահման, Տեղ, Ներսես Շադունց
Ըստ թեմայի
Երասխի համայնքապետը բեկորային վնասվածք է ստացել, հարուցվել է քրեական գործ
Արման Թաթոյանի գլխավորած խումբը Երասխում է. փաստահավաք աշխատանքներ են կատարվում
Կրակելու են մի տեղ, վերցնելու են ուրիշ տեղ. պաշտպանության նախկին նախարարը` Երասխի մասին
Ամպամած եղանակ

Հայաստանի որոշ հատվածներում կարկուտ կտեղա. եղանակի տեսություն

48
(Թարմացված է 18:07 23.07.2021)
Օդերևութաբանների կանխատեսումների համաձայն` օդի ջերմաստիճանը կրկին կբարձրանա, բայց +38-ից չի անցնի։

ԵՐԵՎԱՆ, 24 հուլիսի – Sputnik. Այսօր Հայաստանի առանձին շրջաններում, հիմնականում կեսօրից հետո սպասվում է անձրև և ամպրոպ, առանձին հատվածներում հնարավոր է նաև կարկուտ։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Հուլիսի 25-26-ը սպասվում է առանց տեղումների եղանակ: Քամին՝ հարավ-արևմտյան՝ 5-10 մ/վ, ամպրոպի ժամանակ սպասվում է քամու ուժգնացում 18-23մ/վրկ արագությամբ։

Օդի ջերմաստիճանը այսօրվանից աստիճանաբար կբարձրանա 2-3 աստիճանով։ Ամենաբարձր ջերմաստիճանը` +38, կգրանցվի Արարատի, Արմավիրի և Վայոց Ձորի մարզերում։

Եղանակի կանխատեսում
Եղանակի կանխատեսում

Այսօր Երևանում տեղումներ չեն սպասվում։ Ցերեկային ժամերին օդի ջերմաստիճանը կտատանվի +33-ից +35–ի սահմանում, իսկ գիշերը կնվազի մինչև +20-ից +22։

Ինչո՞ւ է հեղուկ գազը թանկացել Հայաստանում. պարզաբանում է հանձնաժողովը

48
թեգերը:
Անձրև, Կարկուտ, եղանակ, Հայաստան
թեմա:
Եղանակը Հայաստանում
Ըստ թեմայի
Վրացական կողմը ցույց է տվել` ինչ փուլում է Լարսի ճանապարհի շինարարությունը. լուսանկարներ
Նուբար Աֆեյանը կարող է Հայաստանին Moderna պատվաստանյութեր նվիրել
Նոր ռեկորդ Հայաստանի աշխատատեղերի շուկայում. գրանցված աշխատողների թիվը շարունակում է աճել
Արխիվային լուսանկար

Խմած տղամարդը Վանաձորում փորձել է կրկնակի քվեարկություն անել. գործն ուղարկվել է դատարան

26
(Թարմացված է 23:54 23.07.2021)
Հանցագործությունն ավարտին չի հասցվել ընտրողների գրանցման սարքավորման կողմից կրկնակի գրանցման փորձն արձանագրելու պատճառով։

ԵՐԵՎԱՆ, 23 հուլիսի - Sputnik. Դատարան է ուղարկվել կրկնակի քվեարկության փորձի վերաբերյալ ևս մեկ քրեական գործ։ Տեղեկությունը Facebook-ի իր էջում հայտնում է ՀՀ գլխավոր դատախազի խորհրդական Գոռ Աբրահամյանը։

Ըստ հաղորդագրության՝ Ս. Ղ.-ին մեղադրանք է առաջադրվել այն բանի համար, որ նա 2021թ. հունիսի 20-ին կայացած ՀՀ Ազգային ժողովի արտահերթ ընտրությունների ընթացքում Վանաձոր քաղաքի թիվ 23/29 ընտրատեղամասում իր անձնագրով ժամը 12:08-ին քվեարկել է, ավելի ուշ՝ կրկին փորձել։

«Նույն օրը` ժամը 19:53-ին, գտնվելով ալկոհոլի ազդեցության տակ, մեկից ավելի անգամ քվեարկելու դիտավորությամբ կրկին փորձել է նույն անձնագրով գրանցվել քվեարկության համար, սակայն իր կամքից անկախ հանգամանքներում հանցագործությունն ավարտին չի հասցրել` ընտրողների գրանցման սարքավորման կողմից կրկնակի գրանցման փորձն արձանագրելու պատճառով»,- նշված է գրառման մեջ։

Զինվորների քվեարկության տեսանյութի հիման վրա նյութեր են նախապատրաստվում. դատախազություն

Տղամարդուն մեղադրանք է առաջադրվելՀՀ քրեական օրենսգրքի 34-153-րդ հոդվածի 1-ին մասով (հանցափորձ, մեկից ավելի անգամ կամ այլ անձի փոխարեն քվեարկելը)։

Այսօր քրեական գործի նկատմամբ դատավարական ղեկավարումն իրականացնող դատախազի կողմից հաստատվել է մեղադրական եզրակացությունը։

Գործն ուղարկվել է Լոռու մարզի ընդհանուր իրավասության դատարան։

«Էշեր». ընտրողի քվեարկությունը զարմացրեց հանձնաժողովականներին. տեսանյութ

26
թեգերը:
ԱԺ, Ընտրություններ, Վանաձոր, քվեարկություն
Ըստ թեմայի
Քվեարկության օրը մոտ 110 հազար քաղաքացու անձնագիր չի «աշխատել». Վարդևանյան
Զինվորների քվեարկության տեսանյութի հիման վրա նյութեր են նախապատրաստվում. դատախազություն
Քվեարկության արդյունքները Փաշինյանի համար «պյուռոսյան հաղթանակ» են դարձել․ Աբաս Ջումա
Mитинг в поддержку победы партии Гражданский договор на внеочередных выборах (21 июня 2021). Еревaн

Սուրեն Պապիկյանը սուպերնախարարից դառնալու է սուպերփոխվարչապետ. «Հրապարակ»

0
Թերթի տեղեկություններով` ամենաեկամտաբեր և փողոտ ոլորտները ենթարկվելու են Սուրեն Պապիկյանին։

ԵՐԵՎԱՆ, 24 հուլիսի – Sputnik. «Հրապարակ» թերթը գրում է, որ ՀՀ տարածքային կառավարման և ենթակառուցվածքների նախարար Սուրեն Պապիկյանը սուպերնախարարից դառնալու է սուպերփոխվարչապետ․ իշխանության փողն ինքն է տնօրինելու բառի ուղիղ և անուղղակի իմաստով։

«Նրա՝ կառավարություն տեղափոխվելով, կարելի է ասել, կազմաքանդվելու է ՏԿԵ նախարարությունը, ենթակա գրեթե բոլոր ոլորտները հանվելու են նախարարության կառուցվածքից և դրվելու են փոխվարչապետի ենթակայության տակ»,– նշված է հոդվածում։

Նախարարության ենթակայության տակ գործում է 4 մարմին՝ Ջրային կոմիտեն, Միգրացիոն ծառայությունը, Պետական գույքի կառավարման կոմիտեն, Քաղաքացիական ավիացիան, դրանից բացի՝ մոտ երկու տասնյակի հասնող պետական ոչ առևտրային կազմակերպություններ, որպիսիք են Ջրառը, ատոմակայանը, ՀԷՑ-ը և այլն։

Ըստ օրաթերթի` կառավարության կառուցվածքային փոփոխություններով, ինչպես նաև վարչապետի որոշումներով՝ ամենաեկամտաբեր և փողոտ ոլորտները ենթարկվելու են Պապիկյանին։ Անգամ ճանապարհաշինությունը ինչ-որ կոմիտեի տեսքով դուրս կգա ՏԿԵՆ-ից և ուղիղ կենթարկվի Պապիկյանին։ Նրան կենթարկվեն նաև մարզպետները և այլն։

Հոդվածագրի խոսքով` սա է պատճառը, որ Ռոմանոս Պետրոսյանը հրաժարվում է տարածքայինի նախարար նշանակվելուց։

0