Արման Թաթոյան

Սյունիքի մարզի համայնքների ղեկավարների հետապնդումների հարցով ՄԻՊ–ը միջոցներ է ձեռնարկում

69
(Թարմացված է 13:08 19.07.2021)
Մարդու իրավունքների պաշտպանի աշխատակազմում տեղի է ունեցել հանդիպում փաստաբանների հետ: Հանդիպման ընթացքում քննարկվել են նաև մարդու իրավունքների պաշտպանի կողմից համապատասխան միջոցների ձեռնարկումը։

ԵՐԵՎԱՆ, 19 հուլիսի – Sputnik. ՀՀ մարդու իրավունքների պաշտպան Արման Թաթոյանը Facebook–ի էջում հաղորդագրություն է տարածել, որում հայտնում է, որ Սյունիքի մարզի Մեղրի համայնքի նախկին, Գորիսի, Որոտանի, Քարահունջի, Քաջարանի, Սիսիանի ղեկավարների նկատմամբ քրեական հետապնդում նախաձեռնելու ու նրանց ազատությունից զրկելու հետ կապված հարցերն ի սկզբանե գտնվել ու գտնվում են իր ուշադրության կենտրոնում:

Պաշտպանը հայտնում է, որ ահազանգեր ստանալուց հետո աշխատանքային խումբ է գործուղվել Սյունիքի մարզ, տեղի են ունեցել այցեր ազատությունից զրկված մի շարք ղեկավարների, ինչպես նաև քննարկումներ մարզի բնակիչների հետ: Քննարկումներ են տեղի ունեցել նաև իրավապահ և տեղական ինքնակառավարման նշված մարմիններից մի քանիսի հետ: Առանձին ուսումնասիրվում և վերլուծության են ենթարկվում լրատվամիջոցների և սոցիալական ցանցերի հրապարակումները:

ՄԻՊ–ին բողոքներ են հասցեագրել նաև Սյունիքի հիշյալ համայնքների ղեկավարների փաստաբանները։ Ըստ նրանց` քրեական հետապնդումները, ձերբակալումներն ու կալանավորումները հիմքեր չունեն և պետք է անհապաղ դադարեցվեն կամ վերացվեն:

Դրանից բացի, հուլիսի 16-ին մարդու իրավունքների պաշտպանի աշխատակազմում տեղի է ունեցել հանդիպում փաստաբանների հետ:

Հանդիպման ընթացքում քննարկվել են նաև Մարդու իրավունքների պաշտպանի կողմից համապատասխան միջոցների ձեռնարկումը:

Մարդու իրավունքների պաշտպանի աշխատակազմից արդեն իսկ ուղարկվել են մի շարք պաշտոնական գրություններ:

Հիշեցնենք` ԱԺ արտահերթ ընտրություններից հետո Սյունիքի նախկին և ներկա որոշ պաշտոնյաների դեմ քրեական գործեր են հարուցվել։ Կալանավորվել են Քաջարանի համայնքի ղեկավար Մանվել Փարամազյանը, Մեղրիի նախկին համայնքապետ Մխիթար Զաքարյանը, Որոտանի համայնքապետ Սուրիկ Օհանջանյանը, Գորիսի մշակութային կենտրոնի տնօրեն Հայկ Խաչատրյանը։ Կալանավորվել է Քարահունջի համայնքապետ Լուսինե Ավետյանը։

Առուշ Առուշանյանը 2 ամսով կալանավորվել է, իսկ Սիսիանի համայնքապետ Արթուր Սարգսյանը ձերբակալվել է։ 

69
թեգերը:
ՀՀ ՄԻՊ, Արման Թաթոյան, Սյունիք
Ըստ թեմայի
«Էս ի՞նչ թատրոն է». Առուշանյանի դեմ ցուցմունք է տվել Քարահունջի ղեկավարը
Որոտանի գյուղապետի տնից զենք ու զինամթերք է հայտնաբերվել
«Մի երկու ամիս էլ Սուրենին կնստացնեն». Որոտանի վարչական ղեկավարին ձերբակալել են
Արյունաբանական կենտրոն

Արյան բանկի պաշարները բավարար են. Յոլյանի անվան արյունաբանական կենտրոնի հայտարարությունը

56
(Թարմացված է 13:17 28.07.2021)
Արյունաբանական կենտրոնը հայտնում է, որ արյան փոխներարկում կարող է անհրաժեշտ լինել յուրաքանչյուրիս՝ ցանկացած պահի։

ԵՐԵՎԱՆ, 28 հուլիսի – Sputnik. Յոլյանի անվան արյունաբանական կենտրոնը տեղեկացնում է, որ Արյան բանկի պաշարները բավարար են ազգաբնակչության կարիքները հոգալու համար։ Նման հայտարարությւոն է տարածել կենտրոնը ֆեյսբուքյան իր էջում գրառում կատարելով։

«Ինչպես միշտ, այնպես էլ այսօր ՀՀ ԱՆ «Պրոֆեսոր Յոլյանի անվան արյունաբանական կենտրոն»-ի Արյան բանկի պաշարները բավարար են ազգաբնակչության կարիքները հոգալու համար։ Հարկ է նշել սակայն, որ կանոնավոր արյունատվությունը խրախուսվում է»,–նշված է գրառման մեջ։

Միաժամանակ, կենտրոնը հայտնում է, որ արյան փոխներարկում կարող է անհրաժեշտ լինել յուրաքանչյուրիս՝ ցանկացած պահի։

Նշենք, որ արյունաբանական կենտրոնի բժիշկներից մեկը սոցցանցի իր էջում գրել էր, թե արյան կարիք կա, սակայն կարճ ժամանակ անց նա ջնջեց այդ գրառումը` տեղադրելով կենտրոնի հայտարարությունը։

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, երեք վիրավոր։

56
թեգերը:
Հայաստան, Յոլյանի անվան արյունաբանական կենտրոն, արյուն
Ըստ թեմայի
Կիրառվել են ականանետներ, շփման գծի փոփոխություն չի եղել. ՊՆ–ի նոր հաղորդագրությունը
ՊՆ–ն հրապարակել է ադրբեջանական կրակոցներից զոհված զինծառայողների անունները
ՀՀ նախագահն իր աջակցությունն է հայտնում հայոց բանակին
Բայքերները Երևանում. արխիվային լուսանկար

«Զարկերակը լեռներում». եվրոպացի բայքերները Շորժայում մրցաշար կանցկացնեն

69
(Թարմացված է 13:18 28.07.2021)
Մրցաշարին կարելի է մասնակցել երեք օրվա համար վճարելով 12 հազար դրամ։

ԵՐԵՎԱՆ, 28 հուլիսի – Sputnik. Գեղարքունիքի Շորժա գյուղում տեղի կունենա մոտոկրոսի Հայաստանի բաց առաջնություն։ Տեղեկությունը Sputnik Արմենիա մուլտիմեդիոն մամուլի կենտրոնում հայտնել է «Biker zone» կազմակերպության նախագահ Արտակ Ռշտունին։

Председатель организации Biker zone. Армения Артак Рштуни на пресс-конференции в преддверии фестиваля байкеров Сердцебиение гор
© Sputnik / Andranik Ghazaryan
Արտակ Ռշտունի

Մրցաշարը կոչվում է «Զարկերակը լեռներում», այն բաց կլինի։ Դրան կմասնակցեն տեղացի և արտասահմանյան բայքերներ։

«Կժամանեն նաեւ Ախալցխայից մեր հայրենակիցները, մոտոկրոսի Վրաստանի չեմպիոնները», - ասաց նա:

Որս, ձկնորսություն, մոտոցիկլ, գիրք և ֆուտբոլ. ի՞նչ կապ ունի այս ամենն ըմբշամարտի հետ

Պրոֆեսիոնալները կմրցեն հատուկ տիպի մոտոցիկլետներով, իսկ սկսնակների համար մրցավազք կանցկացվի մայրուղու վրա՝ դեպի Սևանի վանք։

Մրցաշարին կարելի է մասնակցել երեք օրվա համար վճարելով 12 հազար դրամ։

69
թեգերը:
մրցույթ, մոտոցիկլետ, մոտոարշավ, Շորժա, Հայաստան
Տարոն Հովհաննիսյան

Ալիևի ուզածը մեկն է. Հովհաննիսյանը` հայ–ադրբեջանական սահմանի լարվածության մասին

0
(Թարմացված է 14:58 28.07.2021)
«Օրբելի» կենտրոնի վերլուծաբան Տարոն Հովհաննիսյանը Sputnik Արմենիայի եթերում անդրադարձել է հայ–ադրբեջանական սահմանին առաջացած լարվածությանը, Ադրբեջանի հրահրած սադրանքների դրդապատճառներին և միջնորդական խաղաղարար առաքելությունները ձախողելու վարքագծին։
Տարոն Հովհաննիսյան. «Ադրբեջանը տորպեդահարում է Ռուսաստանի միջնորդական նախաձեռնությունը»

Ադրբեջանցիներն ամեն կերպ ուզում են կնքել մի պայմանագիր, որում կամրագրվեն իրենց բոլոր պահանջները, և որով դե ֆակտո կլեգալացվի Հայաստանի սուվերեն տարածքի օկուպացիան։ Sputnik Արմենիայի հետ զրույցում նման կարծիք հայտնեց Տարոն Հովհաննիսյանը։

«Այսինքն` Իլհամ Ալիևի ուզածը Հայաստանի միակողմանի զիջումների փաստաթղթային ամրագրումն է, ինչի ուղղությամբ էլ ադրբեջանցիները շարունակ ձգտում են ճնշում գործադրել»,– նշեց վերլուծաբանը։

Ադրբեջանական կողմը, մայիսից սկսած, անընդհատ լարում է իրավիճակը և շարունակաբար իրականացնում ագրեսիվ գործողություններ ո՛չ միայն հայկական դիրքերի, այլև խաղաղ բնակավայրերի նկատմամբ, իսկ վերջին տասն օրվա ընթացքում ակտիվացել է նաև Երասխի հատվածում` փորձելով գրավել հայկական ուժերի վերահսկողության ներքո գտնվող մի քանի դիրքեր և առաջխաղացում ապահովել ՀՀ սուվերեն տարածքի հաշվին։ Հովհաննիսյանի խոսքով` կողմերի միջև նախապես պետք է լիներ հանդիպում, քննարկում ՌԴ միջնորդությամբ, մինչդեռ Ադրբեջանը փաստացի տորպեդահարում է Ռուսաստանի միջնորդական նախաձեռնությունը։

«Հետևաբար Բաքվի քաղաքականությունը վկայում է այն մասին, որ ամեն կերպ փորձում է խուսափել, խափանել խաղաղ բանակցություններ սկսելու համանախագահների ջանքերը և այդ գործընթացից դուրս մնալու համար ստեղծում է լարվածություն»,– ավելացրեց նա։

Հովհաննիսյանի կարծիքով` ադրբեջանական կողմն ագրեսիվ գործողություններով փորձում է նաև ճնշում գործադրել Հայաստանի վրա դելիմիտացիայի, դեմարկացիայի հարցերում զիջումների գնալու համար։ Ըստ նրա` թեև Բաքվից հնչող հայտարարություններում նշվում է խաղաղության պայմանագիր կնքելու մասին, բայց այնպիսի նախապայմաններ են առաջադրվում, ինչն անհնարին է դարձնում գործընթացը։

Ըստ վերլուծաբանի` խաղաղության պայմանագիրն իր բաղադրիչներով աշխատատար և ծավալուն գործընթաց է, ուստի պետք է կայանան հանդիպումներ, որոնց ընթացքում հնարավոր կլինի գալ փոխզիջումային տարբերակի, այսինքն` անհրաժեշտ է ձևավորել ընդհանուր տեսլական, նոր հետո իրականացնել քայլեր, իսկ այդ դեպքում Ադրբեջանը պետք է հրաժարվի ագրեսիվ քաղաքականությունից, զորքերը հետ քաշի ՀՀ տարածքից, ստեղծի խաղաղ պայմաններ հետագա քննարկումների համար, ինչը թույլ կտա տեսականորեն ինչ–որ արդյունքի գալ խաղաղության պայմանագրի տեսքով։

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, չորս վիրավոր։

0
թեգերը:
Իլհամ Ալիև, Ադրբեջան, Տարոն Հովհաննիսյան, Հայաստան
Ըստ թեմայի
Կիրառվել են ականանետներ, շփման գծի փոփոխություն չի եղել. ՊՆ–ի նոր հաղորդագրությունը
Ադրբեջանը պատասխանատվություն է կրում 3 հայ զինծառայողի սպանության համար. ՄԻՊ
Ֆրանսիան Հայաստանին և Ադրբեջանին քաղաքական գործընթացների վերսկսման կոչ է անում. Լաքոտ