Պաղպաղակ

Ի՞նչ է կատարվում օրգանիզմում, երբ պաղպաղակ ենք ուտում

103
(Թարմացված է 18:48 15.07.2021)
Դժվար է գտնել մեկին, որ անտարբեր լինի պաղպաղակի նկատմամբ։ Իսկ ամառվա շոգին պաղպաղակի պահանջը մի քանի անգամ է մեծանում։ Sputnik Արմենիան փորձել է պարզել` ինչպես է պաղպաղակն ազդում մեր օրգանիզմի վրա։

Ոմանք կարծում են, որ պաղպաղակն օգտակար է և հաճույքով վայելում են այն։ Մյուսները համոզված են, որ շաքարի և կալորիաների բարձր պարունակության պատճառով վնասակար է առողջության համար։

Իսկապես, բարձր կալորիականության պատճառով սննդաբանները իրենց կազմվածքին հետևող մարդկանց խորհուրդ են տալիս հրաժարվել պաղպաղակից։ Ու շատերն արդեն միայն երազում են պաղպաղակի համի մասին։ Ի դեպ, 100 գրամ պաղպաղակում 207-250 կալորիա կա, այնպես որ չափավոր ուտելու դեպքում չեք վնասի ձեզ։

Ամրացնում է օրգանիզմը

Վիտամինահանքային հարուստ բաղադրության շնորհիվ պաղպաղակն օրգանիզմը հագեցնում է անհրաժեշտ նյութերով։ Այն մոտ 20 տարբեր վիտամիններ է պարունակում, ինչպես նաև անփոխարինելի թթուներ, նատրիում, կալցիում, կալիում։

Օրինակ` պլոմբիրի մեկ չափաբաժնի հաշվին կարելի է ստանալ շուրջ 9% В2 վիտամին և կալցիումի օրական նորմայի 11%–ը։ Այդպիսով, սիրած անուշեղենը ամրացնում է օրգանիզմը։

Երջանկություն է պարգևում

Պաղպաղակը նպաստում է սերոտոնինի արտադրմանը, որը հայտնի է որպես «երջանկության հորմոն»։ Այդ է պատճառը, որ այս աղանդերի փոքր չափաբաժինը բարձրացնում է մարդկանց տրամադրությունը։ Բացի այդ, սերոտոնինը լավացնում է հիշողությունն ու օգնում հաղթահարել սթրեսը։

Բարելավվում է աղիների միկրոֆլորան

Պաղպաղակը դրական է ազդում աղիների միկրոֆլորայի վրա, օգտակար է նաև փորկապության և փորլուծության ժամանակ։

Ինչպես է ալկոհոլն ազդում 40 տարեկանից բարձր մարդկանց օրգանիզմի վրա

Աղեստամոքսային հիվանդությունների կանխարգելման հարցում որոշակի տեղ ունի նաև յոգուրտից պատրաստվող պաղպաղակը։ Յոգուրտային պաղպաղակի առավելությունն այն է, որ հենց սառեցված վիճակում երկար կարող է պահպանել իր օգտակար հատկությունները։

Բուժիչ պաղպաղակ

Այսօր արտադրողները մտածել են նաև իրենց կազմվածքին հետևողների մասին։Նրանք մշակել են կաթնային հիմքով ճարպազերծված արտադրանք, որն ունի հատուկ հավելում` «ինուլին»։ «Ինուլինը» թույլ է տալիս ստանալ նույն համային որակները, որոնք ունի յուղալի պաղպաղակը։

Ո՞ր դեպքում է պաղպաղակը վնասակար

Ինչպես արդեն նշեցինք, պաղպաղակը բարձր կալորիականություն ունի, և գիրության հակվածություն ունեցողները պետք է զուսպ լինեն այս անուշեղենի հարցում։

Եթե աղանդերը պատրաստված է բուսաշաքարով, ուրեմն հակացուցված է շաքարախտով հիվանդներին։ Խոլեստերինի բարձր մակարդակ ունեցող մարդկանց խորհուրդ չի տրվում կենդանական ճարպի հիմքով պաղպաղակ ուտել։

Պետք է խուսափել նաև պաղպաղակի բուրավետ տեսակներից, քանի որ դրանք սովորաբար ոչ բնական մրգային էսենցիաներ ու հավելումներ են պարունակում։

Ի՞նչ է կատարվում օրգանիզմում, երբ անանաս ենք ուտում

Վերջին շրջանում արտադրողներից շատերը չարաշահում են նաև արմավենու յուղը։ Այդ պատճառով պաղպաղակ գնելուց առաջ պետք է ուսումնասիրել բաղադրությունը։

Պաղպաղակն ուտելիս մարմնի ջերմաստիճանն արագ իջնում է, անոթները նեղանում են, գլխուղեղում նվազում է արյան հոսքը, ինչը հաճախ գլխացավ կարող է առաջացնել։ Այդ պատճառով սառը աղանդերը չարժե կուլ տալ նույնիսկ ամենաշոգ եղանակին։

Ի՞նչ է կատարվում օրգանիզմում, երբ հրաժարվում եք մսից

103
թեգերը:
վնաս, օրգանիզմ, պաղպաղակ
Ըստ թեմայի
Ամրացնում է իմունիտետը. սննդաբանը խոսել է մոռացվող բույսի հատկությունների մասին
«Եկեք չփչացնենք Աստծո պարգևը». Մյասնիկովը պատմել է համեմունքների վտանգավորության մասին
Կյանքի տևողությունը կախված է մազերի գույնից. գիտնականների հետազոտությունը
Կորոնավիրուս

280 նոր դեպք, ոչ մի մահ` մեկ օրում. կորոնավիրուսային հիվանդության ընթացքը Հայաստանում

36
(Թարմացված է 11:10 28.07.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 28 հուլիսի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 280–ով և դարձել 229 370: Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 4278 մարդ, կատարվել է 1 322 177 թեստավորում (+ 6932), առողջացել են վարակվածներից 219 379–ը (+99): Վերջին մեկ օրում կորոնավիրուսից մահանալու դեպք չի գրանցվել, վարակի զոհ դարձածների ընդհանուր թիվը 4597 է։ Կորոնավիրուսով վարակված, բայց այլ պատճառով մահացածների թիվը ևս չի ավելացել, այն 1116 է։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։ Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2021-ի հունիսի 1-ից բաց տարածքներում դիմակ դնելու պահանջը վերացվեց, իսկ պատվաստված քաղաքացիների համար փակ տարածքներում դիմակ դնելը պարտադիր չէ հուլիսի 1-ից։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Այն երկարաձգվել էր մինչև 2021թ.–ի հուլիսի 11–ը։ Հուլիսի 9–ին որոշում կայացվեց կարանտինը երկարաձգել մինչև 2021թ.–ի դեկտեմբերի 20–ը։

Ախորժակի ավելացումը կարող է կորոնավիրուսի հետևանք լինել. բժիշկ

36
թեգերը:
Մահ, թեստ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
COVID-ը բացասաբար է ազդում ինտելեկտի վրա․ հետազոտություն
Քանի՞ մարդ է Հայաստանում պատվաստվել Covid-19-ի դեմ. նախարարությունը թվեր է հրապարակել
Երևանի հասարարական տրանսպորտում կարող են COVID-ը սպանող սարքեր հայտնվել
Կովն ու հովիվը

Հայաստանում քանի՞ մարդ է սիբիրյան խոցով վարակվել. նախարարության պատասխանը

60
Վարակման դեպքեր հայտնաբերվել են Շիրակի ու Գեղարքունիքի մարզերում։ Մահվան դեպքեր չեն գրանցվել։

ԵՐԵՎԱՆ, 28 հուլիսի - Sputnik. Հայաստանում այս տարվա հունիս-հուլիս ամիսներին արձանագրվել է սիբիրյան խոցով վարակվելու 15 դեպք։ Տեղեկությունը Sputnik Արմենիայի գրավոր հարցմանն ի պատասխան հայտնեցին առողջապահության նախարարությունից։

«Վարակվելու 8 դեպք գրանցվել է Գեղարքունիքի մարզում՝ 3-ը` հունիսին ու 5-ը` հուլիսին։ Եվս 7 դեպք՝ Շիրակում հուլիսին։ 2020 թվականի ընթացքում վարակման դեպքեր չեն եղել», - նշեցին գերատեսչությունում՝ ընդգծելով, որ դեպքերից ոչ մեկը մահվան ելքով չի եղել։

Հիշեցնենք՝ Իսահակյան գյուղում սիբիրախտ հիվանդության պատճառով խոշոր և մանր եղջերավոր կենդանիների անկումներ էին արձանագրվել: Հունիսի 30-ին և հուլիսի 1-ին սիբիրյան խոց նախնական ախտորոշմամբ Գյումրու ինֆեկցիոն հիվանդանոց էին տեղափոխվել Իսահակյան գյուղի 7 բնակիչ: Նույն ախտորոշմամբ հուլիսի 4-ին ևս  մեկ հիվանդ էր տեղափոխվել հիվանդանոց:

Կենդանիների մոտ սիբիրյան խոցի նոր դեպքեր չկան. ՀՀ ամենամեծ անասնաշուկան վերահսկվում է

Սիբիրյան խոցը վարակիչ հիվանդություն է, որը, որպես կանոն, լինում է խոտակեր կենդանիների (կովեր, ոչխարներ, այծեր) մոտ: Մարդիկ կարող են վարակվել վարակված կենդանիներից կամ վարակված կենդանական ծագում ունեցող մթերքներից։ Սիբիրյան խոցի հիմնական կլինիկական արտահայտումները մաշկային են, քիթ-կոկորդի, աղիքային, թոքային։

60
թեգերը:
ՀՀ Առողջապահության նախարարություն, կով, Հայաստան, սիբիրյան խոց
Ըստ թեմայի
Իսահակյան գյուղում արձանագրվել են սիբիրյան խոցի դեպքեր. կան հոսպիտալացվածներ
Իսահակյան գյուղի անասնաբույժն ինքնասպան է եղել. այդտեղ սիբիրյան խոց էր հայտնաբերվել
Անասունին մորթել և վաճառել են գյուղում` չկասկածելով, որ սիբիրյան խոց է. մանրամասներ
Դատարան

Լրտեսության համար ՀՀ և ՌԴ 2 քաղաքացու Ռուսաստանում դատում են

0
Արարատ Խաչատրյանն ու Դենիս Լոբովը մաս են կազմել ՌԴ-ից Ուկրաինա Ս-300 զենիթահրթիռային համակարգերի՝ պետական գաղտնիք հանդիսացող ռադիոլոկացիոն սարքավորումների մաքսանենգությանը:

ԵՐԵՎԱՆ, 28 հուլիսի - Sputnik. Ռոստովի շրջանային դատարանը 9,5 տարվա և 10 տարվա 5 ամսվա ազատազրկման է դատապարտել Ռուսաստանի ու Հայաստանի քաղաքացիներին, որոնք մեղավոր են ճանաչվել պետական դավաճանության և Ուկրաինայի օգտին լրտեսության մեջ։ Տեղեկությունը հաղորդում է ԱԴԾ-ի հանրային կապերի կենտրոնը:

«Ռոստովի մարզային դատարանը մեղադրական դատավճիռներ է կայացրել ՌԴ քաղաքացի Դենիս Լոբովի ու ՀՀ քաղաքացի Արարատ Խաչատրյանի նկատմամբ, որոնք մասնակցել են Ռուսաստանի Դաշնության տարածքից Ուկրաինա Ս-300 զենիթահրթիռային համակարգերի համար պետական գաղտնիք հանդիսացող ռադիոտեղորոշիչ սարքավորումների մաքսանենգ մատակարարումների իրականացմանը», - նշված է հաղորդագրության մեջ:

ՌԴ Քրեական օրենսգրքի 275 հոդվածով նախատեսված «Պետական դավաճանություն» ու 276-րդ հոդվածով նախատեսված «Լրտեսություն» հանցագործությունների համար դատարանը դատապարտել է Լոբովին 9 տարի 6 ամիս ազատազրկման, Խաչատրյանին՝ 10 տարի 5 ամիս ազատազրկման: Երկուսն էլ պատիժը կրելու են խիստ ռեժիմի գաղութում։

Պարզվել է, որ Լոբովն ու Խաչատրյանը տեղեկություններ են հավաքել C-300 ԶՀՀ-ի կազմի մեջ մտնող կլիստրոնների (մշտական հոսանքը փոփոխական դարձնող սարք) մասին ու նմուշներ են փոխանցել Ուկրաինա: Լոբովը պահել է սարքավորումներ իր տան նկուղում։ Խաչատրյանը սահմանամերձ բնակիչների միջոցով կազմակերպել է կլիստրոնների տեղափոխումն Ուկրաինա։

«Ինձ «ռուսական լրտես» էր անվանում». Վանեցյանը` Փաշինյանի մեղադրանքների մասին

«Կլիստրոնների վերջնական ստացողը «Ուկրօբորոնպրոմ» պետական ընկերությունն էր», - ընդգծվում է հաղորդագրության մեջ:

2020 թվականի մարտին Խաչատրյանը հերթական գնման համար ժամանել է Ռուսաստան, որտեղ նրան ձերբակալել են։

0
թեգերը:
ռուս, հայ, Դատարան, լրտեսություն, Ուկրաինա, Ռուսաստան
Ըստ թեմայի
Արցախում բրիտանական ականազերծող ընկերության լրտեսության մասին քրգործը վարույթ է ընդունվել
«Ծանր ջուր» Արթուրի ու Սերժի համար, կամ ինչպես էին Հայաստանում բռնում «լրտեսներին»
Մանր խուլիգաններ` լրտեսների փոխարեն, կամ ինչպես ԱԱԾ–ն վերածեցին ոստիկանական բաժանմունքի