Արխիվային լուսանկար

Համեղ, օգտակար սնվել ու նիհարել. 3 բաղադրատոմս հայտնի սննդաբանից

115
(Թարմացված է 22:04 13.07.2021)
Ճանաչված սննդաբանը սոցցանցային իր էջերում հաճախ է համեղ ու օգտակար բաղադրատոմսեր հրապարակում, դե իսկ հետևորդներն էլ պատրաստում են դրանք ու անպայման իրենց հրապարակումներում նշում Հեղնար Շելունցին։

ԵՐԵՎԱՆ, 15 հուլիսի – Sputnik. Հայաստանում առողջ ապրելակերպի հետևորդները տարեցտարի շատանում են։ Մարդիկ մեծ ցանկություն ունեն լինել ոչ միայն առողջ, այլև ազատվել ավելորդ կիլոգրամներից` դառնալով ավելի բարեկազմ։ Սննդաբան Հեղնար Շելունցը սոցցանցային իր էջերում հաճախ է հրապարակում բաղադրատոմսեր, որոնք ոչ միայն համեղ են, այլև շատ օգտակար։

Sputnik Արմենիան Շելունցի էջից առանձնացրել է մի քանի բաղադրատոմս, որոնք հարուստ են սպիտակուցներով, համեղ են ու կօգնեն նաև նիհարել։

Սնկով և կարմիր ոսպով ապուր 

Բաղադրիչներ՝

  • Սունկ-300 գր
  • Կարմիր ոսպ-1 բաժակ
  • Կարտոֆիլ-1հատ (փոքր)
  • Սոխ-1 (փոքր)
  • Սխտոր- 1 պճեղ
  • Տոմատի մածուկ-1 ճ/գ
  • Ձեթ
  • Ջուր
  • Աղ
  • Օրեգանո
  • Քիմիոն

Պատրաստման եղանակը`

Սոխն ու սխտորը տապակեք ձեթի մեջ: Ավելացրեք սունկը: Այնուհետև տոմատի մածուկը, համեմունքները: Ավելացրեք նախապես թրջած կարմիր ոսպը, կարտոֆիլը և եռացրած ջուրը: Ապուրը եռալուց հետո ավելացրեք աղ ու եփեք մոտ 20 րոպե: Վերջում մատուցեք կանաչիով:

Պաստայի սիրահարներ, հավաքվե՛ք 

Բաղադրիչներ`

  • Պաստա (penne տեսակը լավագույնը կլինի)
  • Հավի կրծքամիս-300 գր
  • Չերրի լոլիկ
  • Կանաչ ռեհան (բազիլիկ)
  • Սխտոր
  • Համեմունքներ՝ աղ, սև պղպեղ, օրեգանո, կարմիր պապրիկա, ուրց (թարմ), չիլի պղպեղ (եթե կծու սիրում եք)։

Պատրաստման եղանակը.

Լոլիկն ու հավի կրծքամիսը համեմել: Տեղափոխել 180 c տաքացված ջեռոց` 25-30 րոպե: Լոլիկը որքան շատ լինի, այնքան հյութեղ կստացվի։ Հանել ջեռոցից, հավը մանրացնել պատառաքաղի օգնությամբ: Ավելացնել կանաչ ռեհան ու խառնել: Ավելացնել նախապես եփված խյուսը, նորից խառնել ու վայելել համեղ ուտեստը:


Հավի հյութեղ կրծքամիս 

Անհրաժեշտ բաղադրիչներ՝

  • Հավի կրծքամիս
  • Մանանեխ
  • Լոլիկ կամ լոլիկի չիր
  • Չերրի լոլիկ
  • Դդմիկ կամ սունկ
  • Պանիր (ցանկալի է մոցարելա)
  • Աղ/պղպեղ
  • Սխտոր

Պատրաստման եղանակը.

Կրծքամիսը ծեծել ու ստանալ բարակ շերտ։ Համեմել աղով, պղպեղով ու սխտորով։ Շերտերով ավելացնել մանանեխ, բարակ կտրատած լոլիկ ու քերած պանիր։ Ցանկության դեպքում ավելացնել նաև սպանախ։ Փաթաթել, ամրացնել փայտիկով:

Թավայի մեջ կարագ լցնել ու հավի ռոլերը տապակել միջին աստիճանի կրակի վրա՝ ամեն կողմից 5 րոպե։

Այնուհետև տեղափոխել ջեռոցի տարայի մեջ, ավելացնել չերի լոլիկ, ցանկության դեպքում սունկ կամ դդմիկ, վրայից քերած պանիր ու թխել ջեռոցում մոտ 10-15 րոպե։

Նշենք, որ սննդաբանը խորհուրդ է տալիս շաբաթվա մեջ առնվազն 3 անգամ ապուր պատրաստել, որոնք ոչ միայն համեղ են, այլև անհրաժեշտ մարսողության համար։

Ո՞րն է ամենաօգտակար ապուրը. սննդաբանի խորհուրդը

115
թեգերը:
սննդաբան, բաղադրատոմս, ապուր
Ըստ թեմայի
«Սննդի համաշխարհային քարտեզը» ներկայացնում է հայկական համեղ ապուրների լավագույն վեցնյակը
Ո՞րն է ամենաօգտակար ապուրը. սննդաբանի խորհուրդը
Համեղ ու օրիգինալ. Երևանում ո՞ր ռեստորաններն են արտասովոր ապուրներ մատուցում
Մրգեր

Որ մթերքներն են օգնում հիշողության, մտավոր աշխատունակության լավացմանը. ուսումնասիրություն

23
(Թարմացված է 09:05 02.08.2021)
Ամերիկացի գիտնականները 20 տարի են ծախսել այս հետազոտության վրա, որում ավելի քան 50 հազար մարդ է ներգրավված։

ԵՐԵՎԱՆ, 2 օգոստոսի - Sputnik. Կոգնիտիվ գործառույթների խանգարումներ առաջացնող հիվանդությունների (հիշողության, մտավոր աշխատունակության և այլ կոգնիտիվ ֆունկցիաների թուլացում) կանխարգելման համար խորհուրդ է տրվում ֆլավոնոիդների բարձր պարունակությամբ մթերք օգտագործել: Այս թեմայով հոդվածը հրապարակվել է American Academy of Neurology ամսագրում:

Գիտնականները հաստատել են այդ հակաօքսիդանտ նյութերի օգուտը` լայնածավալ ուսումնասիրության միջոցով։ Ուսումնասիրությանը մասնակցել է 49,5 հազար կին և 30 հազար տղամարդ։ 20 տարվա ընթացքում հեղինակները հետևել են նրանց սննդակարգին ու համեմատել առողջության ցուցանիշները: Արդյունքների համաձայն՝ ֆլավոնոիդներով մթերք օգտագործած մարդիկ 20 տոկոսով ավելի քիչ են բախվել կոգնիտիվ բնույթի խնդիրների:

Հակաօքսիդանտներով հարուստ մթերքների թվին են պատկանում տանձը, խնձորն ու նեխուրը։ Բացի այդ, բժիշկները խորհուրդ են տալիս օգտագործել պղպեղ ու թուրինջ: Հատուկ ուշադրություն պետք է դարձնել մրգերի գույնին․եթե պտուղը կամ բանջարեղենը դեղին է, դա օգտակար է նման հիվանդությունների կանխարգելման համար։

23
թեգերը:
տանձ, հիշողություն, գիտնական, պղպեղ, խնձոր
Ըստ թեմայի
Գիտնականներն ասել են, թե որ հյութն է 97%–ով ճնշում կորոնավիրուսը
Գիտնականները պատմել են, թե որ դեպքում սուրճը չի օգնում
Բժիշկը զգուշացրել է` կորոնավիրուսի «դելտա» շտամի դեպքում հիվանդությունը երկար է տևում
Արփի Վանյան

Պատկերացնում եմ՝ ինչպես եմ Հադրութ մտնում, գերեզման վազում․ արցախցիների կյանքը կռվից հետո

29
(Թարմացված է 09:04 02.08.2021)
Պատերազմից հետո հայրենազրկված հադրութցիները բազմաթիվ խնդիրների առաջ են հայտնվել՝ սոցիալական, իրավական, հոգեբանական։ Նոր միջավայրում ինտեգրումն էլ հեշտ չի ստացվում։

Գրող, սցենարիստ Արփի Վանյանը ծնունդով Հադրութից է, սակայն արդեն երկար տարիներ Երևանում է ապրում։ Ասում է` տարին տարի չէր լինի, եթե ընտանիքի հետ գոնե երկու անգամ հարազատ Հադրութ չգնային...

Արցախյան 44–օրյա պատերազմից հետո Արփին հիմնադրել է «Հադրութի դեօկուպացիա» ՀԿ-ն, որը զբաղվում է բռնի տեղահանված հադրութցիների սոցիալական, իրավական, նաև Հադրութի մշակութային ժառանգության հարցերով։

Իսկ խնդիրները շատ են ու բազմապիսի։ Նոյեմբերի եռակողմ հայտարարությունից հետո Արցախի նախագահը որոշակի օգնություն է ցուցաբերել, որով ՀԿ–ն կարողացել է մի քանի ամսով լուծել 25 ընտանիքի կեցության հարցը։

Իսկ ներկայում, Արփիի խոսքով, սոցիալական խնդիրը բավականին սուր է հատկապես տղամարդկանց դեպքում։ Կանայք և երեխաները պետությունից 68 հազար դրամի չափով աջակցություն են ստանում, իսկ տղամարդիկ՝ ոչ։

«Անհասկանալի տրամաբանություն է։ Տղամարդիկ մի քանի անգամ դիմել են և՛ ՀՀ ղեկավարությանը, և՛ Արցախի, ամեն անգամ ասել են՝ այո՛, ճիշտ եք, կվերանայենք այդ հարցը, բայց մինչև այսօր չեն վերանայել։ Ստացվում է, որ տղամարդիկ (պատերազմ անցած կամ չանցած) այսօր գրպանում մի կոպեկ փող չունեն` աշխատանք են փնտրում, գտնել չեն կարողանում»,- շեշտում է Արփին։

Ըստ էության՝ անգամ պատերազմի դժոխքով անցած տղամարդիկ, որոնք չեն վիրավորվել և հաշմանդամության կարգ չունեն, որևէ աջակցություն չեն ստանում։

Արփին ընդգծում է՝ աշխատանք գտնելու համար տղամարդիկ տարբեր դռներ են թակում։ Նրանց խոստանում են՝ «կզանգենք», բայց զանգ այդպես էլ չի ստացվում։

«Հադրութի դեօկուպացիա» ՀԿ-ն հայթայթած ֆինանսական միջոցների հաշվին կարողանում է ժամանակ առ ժամանակ աջակցության ծրագրեր իրականացնել։ Դրանցից մեկն, օրինակ, «Նախշուն Հադրութ» ծրագիրն է։

«Կանանց տվել ենք թելեր և շյուղեր, պլեդներ են գործում, հետո մենք իրենցից գնում ենք այդ պլեդները, փորձում վաճառել՝ այդպիսով օգնելով կանանց գումար վաստակելու հարցում»,–պատմում է Արփին։

Այսօր հադրութցիների առջև ծառացած ամենամեծ խնդիրներից մեկն էլ իրավական աջակցություն ու խորհրդատվություն ստանալն է։ Մարդիկ Հադրութում թողել են իրենց տունն ու ունեցվածքը. անհրաժեշտ է գույքագրել ամբողջը, ներկայացնել միջազգային կառույցներին։ ՀԿ–ն ունի մեծ ծրագիր՝ հավերժացնելու հադրութցիների պատմությունները։

Պապին, Ծիտը, Գևորգը... մոռանալ չի կարելի. կապիտանը պատմում է հերոսների ու չհերոսների մասին

«15 թվի եղեռնից հետո չկային տեխնիկական հնարավորություններ՝ արձանագրելու ցեղասպանությունը վերապրածների պատմությունները։ Հիմա այդ մարդիկ այլևս ողջ չեն, շատ պատմություններ կորսված են։ Բայց այսօր տեխնոլոգիաները թույլ են տալիս վավերագրել այս ամենը։ Ուզում ենք հադրութցիների պատմությունը՝ իրենց հետ բերած լուսանկարներով, նյութերով ներկայացնել»,- ասում է Արփին` նշելով, որ ներկայում այս ծավալուն ծրագրի իրականացման համար են ֆինանսավորում փնտրում։

Ի թիվս առկա մի շարք խնդիրների՝ Արփին ընդգծում է նաև ինտեգրման խնդիրը։ Միշտ չէ, որ դա հարթ է ստացվում, հատկապես, երբ մարդիկ տարբեր բարբառներով են խոսում։ Այս ամենի կողքին Արփին կարևորում է իրենց՝ Հադրութի բարբառի պահպանումը, պարբերաբար հադրութցիների հանդիպումների կազմակերպումը, որ հավաքվեն ու հարազատ բարբառով զրույցի բռնվեն։

Իսկ բոլոր ծրագրերի հիմքում, անշուշտ, Հադրութ վերադառնալու երազանքն է։ Արփին նշում է՝ առանց այդ հավատի ամեն բան անիմաստ է դառնում, կյանքի գույներն են կորչում։

«Ես մի վայրկյան անգամ չեմ կասկածում, որ վերադառնալու եմ։ Ես անընդհատ պատկերացնում եմ՝ ինչպես եմ մտնում Հադրութ, ինչպես եմ նկարում, ինչպես եմ վազում գերեզմաններ, չխենթանալու համար՝ մամայիս հետ երկնքում եմ խոսում, ասում եմ՝ գիտեմ, որ դու վերևում ես, ոչ թե այնտեղ...»։

Արցախցի կանայք սկսում են զրոյից․ երբ պետությունը լուռ է, անհատն է գործի անցնում

Ծաղկուն քաղաքը թշնամին քարուքանդ արեց, google maps-ի օգնությամբ տեսել են՝ հարազատ փողոցներն ու տներն այրված են։ Ցավը մեծ է, բայց հույսն ու հավատն ավելի մեծ են։ Հենց դրանք են օգնում հաղթահարել առկա բազմաթիվ խնդիրները, ուժ տալիս պայքարել հայրենի տուն վերադառնալու համար։

29
թեգերը:
Հադրութ, Պատերազմ
Ըստ թեմայի
Կառավարությունում քննարկել են քաշաթաղցիների և հադրութցիների բնակապահովման հարցը
Շնորհակալություն, Երևան. հադրութցիները ծառեր են տնկել Նոր Նորքում
Ստեփանակերտում կառուցվող շենքի բնակարանները կտան Շուշիից ու Հադրութից տեղահանվածներին
Շտապօգնություն

Ողբերգական ավտովթար` Արարատի մարզում. վարորդը տեղում մահացել է

0
(Թարմացված է 09:46 02.08.2021)
Քննիչի հանձնարարականով՝ ավտոմեքենաները տեղափոխվել են ոստիկանության Վեդիի բաժնի պահպանվող հատուկ տարածք։

ԵՐԵՎԱՆ, 2 օգոստոսի – Sputnik. Ողբերգական ավտովթար է այսօր տեղի ունեցել Արարատի մարզում։ Ինչպես հայտնում է Shamshyan.com–ը, ժամը 05։55-ի սահմաններում Վեդի-Վանաշեն միջհամայնքային ավտոճանապարհին բախվել են Արարատի մարզի բնակիչներ 64-ամյա Արամայիս Տերտերյանի վարած Opel Zafira մակնիշի և 27-ամյա Արամ Ղուկասյանի վարած ZIL MMZ մակնիշի ավտոմեքենաները։ 

Երևան-Սևան ավտոճանապարհին մեքենան գլորվել է ձորը

Վթարի հետևանքով Տերտերյանը տեղում մահացել է, իսկ ZIL-ը դուրս է եկել ճանապարհի երթևեկելի գոտուց և կողաշրջվել։

Փաստի առթիվ հարուցվել է քրեական գործ ՀՀ Քրեական օրենսգրքի 242 հոդվածի 2-րդ մասի հատկանիշներով։ 

Քննիչի հանձնարարականով՝ ավտոմեքենաները տեղափոխվել են ոստիկանության Վեդիի բաժնի պահպանվող հատուկ տարածք։

0
թեգերը:
Հայաստան, ավտովթար, ավտոմեքենա, Զոհ, վարորդ