Իջին (Հեղինե Գրիգորյան)

«Ես ասացի այո». երգչուհի Իջինը նշանվել է

280
(Թարմացված է 16:44 14.07.2021)
Իջինի էջի հետևորդները բազմաթիվ մեկնաբանություններ են գրել ու շնորհավորել երգչուհուն։

ԵՐԵՎԱՆ, 14 հուլիսի – Sputnik. ԱՄՆ–ում և Ռուսաստանում հայտնի երգչուհի Իջինը (Հեղինե Գրիգորյան) նշանվել է։ Երգչուհին տեղեկությունը հայտնել է Instagram–ի իր էջում ու լուսանկար հրապարակել։ Հրապարակմանը կից երգչուհին նշել է, որ այժմ Հունաստանում է։

«Ես ասացի այո: Մեկ տարի առաջ ցանկությունների ցանկ կազմեցի, և այդ ժամանակ ինձ թվում էր՝ ես գրում ու երազում էի անիրականանալիի մասին՝ գտնել սիրելի տղամարդու, որն ինձ միայն ժպիտ և երջանկություն կպարգևի: Նրան հանդիպելու առաջին օրից ժպիտն իմ դեմքից անպակաս է: Հենց սա է երջանկությունը, հանգստությունն ու ներդաշնակությունը: Ահա իրական սերը։ Ընդունում եմ շնորհավորանքներ»,- լուսանկարներին կից գրել է երգչուհին:

Նրա էջի հետևորդները բազմաթիվ մեկնաբանություններ են գրել ու շնորհավորել երգչուհուն։

«Հիասքանչ նորություն, ուրախ եմ ձեզ համար», «Թող ժպիտդ երբեք չպակասի», «Անսահման երջանիկ լինեք»,–գրել են նրանք։

Посмотреть эту публикацию в Instagram

Публикация от EGINE / Иджùн / Իջին (@egine_life)

Իջինը ծնվել է Երևանում կիթառահարի և պրոֆեսիոնալ երգչուհու ընտանիքում։ 90–ականների սկզբին Գրիգորյանների ընտանիքը տեղափոխվել է Մոսկվա, այնուհետև` Նովոռոսիյսկ։ 2012 թ–ին նա դարձել է «Տարվա բացահայտում» մրցանակի դափնեկիր Armenian music awards–ում։ Դրանից հետո դարձել է «Ռուսաստանի երիտասարդ շնորհալիներ» համառուսական մրցույթի դափնեկիր, Լոս Անջելեսի կատարողական արվեստի աշխարհի առաջնության հաղթող։

280
թեգերը:
երգչուհի, նշանադրություն
Ըստ թեմայի
«Բուզովայի կարծիքը հետաքրքիր չէ»․ Դավան՝ «Դոմ 2» շոուն վարելու հնարավորության մասին
Բորիս Ջոնսոնն ու Քերրի Սայմոնդսը լուսանկար են հրապարակել իրենց գաղտնի հարսանիքից
Ո՞վ է Հայկ Սարգսյանի նշանածը․ մանրամասներ
Սանկտ Պետերբուրգ

Սանկտ Պետերբուրգում բուժվել ցանկացող օտարերկրացիների տասնյակում նաև հայերն են

7
(Թարմացված է 22:55 04.08.2021)
ՌԴ հյուսիսային մայրաքաղաքում մոտ երեք տասնյակ առողջարաններ պատրաստ են ընդունելու կորոնավիրուսով վարակված օտարերկրացիներին։

ԵՐԵՎԱՆ, 4 օգոստոսի - Sputnik. Ռուսաստանի հյուսիսային մայրաքաղաք Սանկտ Պետերբուրգում հատուկ վերականգնողական ծրագրերով կօգնեն օտարերկրացիներին ազատվել կորոնավիրուսով վարակվելուց հետո ի հայտ եկած բարդություններից։ Այստեղ բուժվել ու վերականգնվել ցանկացողների մեծ մասը ԱՊՀ երկրներից է։ Քաղաքի իշխանությունները դա բացատրում են նրանով, որ այդ երկրներից Ռուսաստան հասնելն ավելի հեշտ է։ Վերականգնողական ծրագրերը հասանելի են առողջարաններում։

Մինչև 2021 թվականի ավարտը բժշկական զբոսաշրջության շնորհիվ Սանկտ Պետերբուրգի իշխանություններն ակնկալում են ընդունել 99 հազար օտարերկրացու։ Անցյալ տարի առողջությունը վերականգնելու համար քաղաք է այցելել 96,7 հազար օտարերկրյա քաղաքացի։

Այս տարվա մայիսի տվյալներով՝ քաղաքն արդեն ընդունել է գրեթե 41 հազար հոգու: Հիվանդների մեծ մասն Ուզբեկստանի քաղաքացիներն են (11 հազար մարդ), երկրորդ տեղում Տաջիկստանն է (7,2 հազար մարդ), իսկ երրորդում ՝ Ուկրաինան (4,5 հազար մարդ):

Ախորժակի ավելացումը կարող է կորոնավիրուսի հետևանք լինել. բժիշկ

Սանկտ Պետերբուրգում բժշկական օգնություն ստանալու ցանկություն ունեցող քաղաքացիների թվով տասնյակում է նաև Հայաստանը։ Այս ցանկում են Բելառուսը, Ղրղզստանը, Ադրբեջանը, Ղազախստանը, Մոլդովան և Չինաստանը: Խոսքը ոչ միայն այն օտարերկրացիների մասին է, որոնք հատուկ բուժման նպատակով են մեկնում Ռուսաստան, այլև Ռուսաստանի տարածքում մշտապես բնակվող ներգաղթյալների մասին։

Այսօր կորոնավիրուսը հաղթահարած օտարերկրացիներին Պետերբուրգում պատրաստ են ընդունել 28 առողջարաններ։

Հայաստանում հայտնաբերվել են կորոնավիրուսի բրիտանական և «Դելտա» մանրէահիմքեր

7
թեգերը:
Ռուսաստան, Սանկտ Պետերբուրգ, կորոնավիրուս
Ըստ թեմայի
Պատվաստման համար կարելի է հերթագվել նաև բջջային հավելվածով
17 քաղաքացի ծանր վիճակում են. առողջապահության նախկին նախարարը պատվաստվելու կոչ է անում
ՀՀ-ն կընդլայնի երկրների ցանկը, որոնց համար «Ճամփորդիր առանց COVID -19»-ը կդառնա պարտադիր
«Նորք» ԲԿ. արխիվային լուսանկար

17 քաղաքացի ծանր վիճակում են. առողջապահության նախկին նախարարը պատվաստվելու կոչ է անում

124
(Թարմացված է 20:12 04.08.2021)
Արմեն Մուրադյանը խնդրում է պատվաստվելու գործընթացը քննարկման առարկա չդարձնել ու վստահել մասնագիտական կարծիքներին։

ԵՐԵՎԱՆ, 4 օգոստոսի - Sputnik. Առողջապահության նախկին նախարար, ԵՊԲՀ ռեկտոր Արմեն Մուրադյանը կոչ է անում քաղաքացիներին պատվաստվել կորոնավիրուսի դեմ։ Facebook-ի իր էջում նա ներկայացրել է, «Միքայելյան» համալսարանական հիվանդանոցում կորոնավիրուսի վիճակագրությունը։

««Միքայելյան» համալսարանական հիվանդանոցի Covid բաժանմունքի վերակենդանացման բաժանմունքում կա 17 քաղաքացի` ծանր վիճակում։ Նշեմ, որ դեռ 7 օր առաջ այդ բաժանմունքում մարդկանց թիվը 0 էր»,- գրել է Մուրադյանը։

Նա պատվաստվելու կոչ է արել և խնդրել պատվաստվելու գործընթացը չդարձնել քննարկման առարկա և վստահել մասնագիտական կարծիքներին:

Նշենք, որ COVID-19-ի դեմ պատվաստումների մեկնարկից ի վեր, օգոստոսի 1-ի դրությամբ, Հայաստանում կատարվել է 171890 պատվաստում, որից առաջին դեղաչափ` 120285, երկրորդ դեղաչափ` 51605։

Հիշեցնենք` «AstraZeneka»-ով, «Սպուտնիկ-V»-ով և «ԿորոնաՎակ»-ով պատվաստումները կարող են իրականացվել 18 և բարձր տարիքի անձանց շրջանում, ըստ դիմելիության, կամավորության սկզբունքով։

Կարևոր է, բայց․․․ ի՞նչ են մտածում ՀՀ քաղաքացիները պարտադիր պատվաստման մասին

Պատվաստումներն իրականացվում են առողջության առաջնային պահպանման կազմակերպություններում շաբաթվա բոլոր օրերին (շաբաթ և կիրակի սահմանվել են հերթապահություններ՝ ժամը 10։00-16։00-ը)։

Պատվաստման համար նախապես պետք է զանգահարել նախընտրած պոլիկլինիկա` անկախ կցագրումից և գրանցվել։
Կարող են պատվաստվել նաև օտարերկրյա քաղաքացիները: Պատվաստումներն անվճար են:

124
թեգերը:
կորոնավիրուս, պատվաստումներ, Հայաստան, Արմեն Մուրադյան
թեմա:
Կորոնավիրուսը Հայաստանում և Արցախում
Ըստ թեմայի
«Դուք գնացեք, թող իրենց հերթ չհասնի». համաճարակաբանը՝ Covid-ի դեմ պատվաստումների մասին
Քանի՞ մարդ է Հայաստանում պատվաստվել Covid-19-ի դեմ. նախարարությունը տվյալներ է հայտնում
ՀՀ-ն կընդլայնի երկրների ցանկը, որոնց համար «Ճամփորդիր առանց COVID -19»-ը կդառնա պարտադիր
Դիլիջան

Կհասնենք ամպերին. ՌԴ առևտրային ներկայացուցիչը խոսել է ՀՀ–ում բիզնես ծրագրերի մասին

6
(Թարմացված է 23:15 04.08.2021)
Ռուսական կապիտալով ներդրում է արվում Դիլիջանի կենտրոնի նախագծի համար, իսկ Երևանի նոր ինժեներական քաղաքը սպասում է ռուս գործընկերներին։

ԵՐԵՎԱՆ, 4 օգոստոսի – Sputnik. Տնտեսական հեռանկարների մասին կարելի է պատմել բազմագույն գրաֆիկների և դիագրամների միջոցով։

Բայց Դիլիջանի կանաչ գույնն ամառվա շոգին այնուամենայնիվ ավելի համոզիչ կլինի։ Այսպես է որոշել Հայաստանում Ռուսաստանի առևտրային ներկայացուցիչ Աննա Դոնչենկոն և չի սխալվել։ Այստեղ աշխատելու հնարավորությունների մասին նա պատմում է այնպես, որ հազար ու մի տեսարժան վայրեր տեսած ռուս գործարարները ցանկանան մտածել Հայաստանում ներդրումներ կատարելու մասին։

Ինչը կարող է դրական ազդակ լինել ներդրումների համար. Քթոյանը`տնտեսական միջավայրի մասին

Աննա Դոնչենկոն սոցիալական ցանցերում կրեատիվ և ժամանակակից ոճով ներկայացրել է Հայաստանը։ Պաշտոնյաները սովորաբար բյուրոկրատիայի կանոններով են աշխատում, բայց այս դեպքում ստեղծարարության տրամաբանությամբ է։

Դոնչենկոն սկսում է Դիլիջանի զբոսաշրջային հնարավորություններից․ «Ինչ-որ մեկը ժամանակին ասել է` եթե դրախտում լեռներ, անտառներ և աղբյուրներ լինեին, այն նման կլիներ Դիլիջանին։ Դժվար է չհամաձայնել՝ Դիլիջանը բոլոր կողմերից շրջապատված է արգելոցի տարածքով»,-պատմում է Դոնչենկոն` իր խոսքերն ամրապնդելով թռչնի թռիչքի բաձրությունից արված կադրերով։

Մյուս հանգստավայրերի համեմատ Դիլիջանն անշուք է թվում, համենայն դեպս՝ առայժմ։ Բնությունն իսկական է և ոչ մի կերպ ձևափոխված չէ (որպես ապացույց Դոնչենկոն դրոնից նկարահանված ևս մեկ տեսանյութ է ցուցադրում), խոհանոցը՝ նույնպես (դրանում կարելի է անձամբ համոզվել), իսկ քաղաքի կենտրոնում նոր ներդրումային նախագիծ է պատրաստվում։

«Լճակի մոտ, որը քաղաքացիները Կարապի լիճ են անվանում, հանգստի գոտի կստեղծվի՝ այգիներով, վազքուղիներով և հեծանվային ճանապարհներով։ Այստեղ ենթադրվում է համերգներ, փառատոններ և տոնավաճառներ անցկացնել»,-պատմում է հյուրընկալության ոլորտի համաշխարհային միության նախագահ Հրանտ Բաբասյանը։

Մոտակայքում նախատեսվում է մի քանի նոր հյուրանոց կառուցել քաղաքի հյուրերի համար։ Ռուսական կապիտալի մասնակցությամբ այդ ներդրումային նախագիծը բաց է հնարավոր գործընկերների համար։ Այնպես որ, Դիլիջանը հանգիստ կարող է զարգացնել կապերը քույր քաղաք Պյատիգորսկի հետ, որը Ռուսաստանի ամենահայտնի և սիրված հանգստավայրերից է։

«Կապիտալը փախչում է երկրից». Ավետիսյանը` ներդրումների և կարանտինի երկարաձգման մասին

Առևտրային ներկայացուցչի հաջորդ կանգատը նոր ինժեներական քաղաքն է, որն արդեն մի քանի տարի է, ինչ գործում է Երևանի հյուսիսային արվարձանում։ Եվրասիական միությունում համագործակցության առաջնային ուղղություն են դարձել բարձր տեխնոլոգիաները, այդ թվում՝ բիոտեխնոլոգիաներն ու նանոտեխնոլոգիաները, ֆոտոնիկան, բնական ռեսուրսների արդյունահանման և վերամշակման, ինչպես նաև շրջակա միջավայրի պահպանության նոր տեխնոլոգիաները:

Ինժեներական քաղաքը կարող է այդպիսի համագործակցության ելակետը դառնալ։ Այն, իհարկե, այնքան խոշոր չէ, որքան Սկոլկովոն, Նովոսիբիրսկի Ակադեմիական քաղաքը կամ Կազանի Իննոպոլիսը, բայց այստեղ արդեն իսկ մի քանի ընկերություն է գործում, որոնք պատվերներ են կատարում նաև Ռուաստանի համար։ Ընկերություններից մեկը թեստավորման համակարգ է մշակում ռուսական նոր մեքենաների էլեկտրոնիկայի համար, մյուսն էլեկտրոնիկայի ուսումնական հավաքածուներ է պատրաստում ռուսական դպրոցների և վարժարանների համար։

«Այս պահին մենք աշխատում ենք ինժեներական քաղաքում ռուսական ընկերությունների աշխատանքի մասին` ՀՀ բարձր տեխնոլոգիական արդյունաբերության նախարարության առաջարկի վրա»,-ավելացնում է Դոնչենկոն։

Երևանում անգամ գետնի տակ կարելի է ռուսական կոնֆետներ ճարել։ Առևտրային ներկայացուցիչն ապացուցում է դա` շարժասանդուղքով իջնելով քաղաքի սուպերմարկետներից մեկը և հարցուփորձ անելով գնորդներին։

Ներդրումային ի՞նչ ծրագրեր են հետաքրքրում ռուսական բիզնեսին Հայաստանում

Ընդհանուր առմամբ, Հայաստանը Ռուսաստանից ներկրում է մոտ 300 միլիոն դոլարի սննդամթերք և հումք (պարենի ողջ ներմուծման մեկ երրորդը)։ Հիմնական մասը ցորենն ու արևածաղկի ձեթն են, որոնք Հայաստանում օբյեկտիվ պատճառներով չեն արտադրվում կամ բավարար չափով չեն արտադրվում։ Ներկրվում են նաև շոկոլադե կոնֆետներ, հրուշակեղեն, եգիպտացորեն, շաքար։

Հայաստանում տեղական պաղպաղակի զանազան տեսակներ կան, բայց ոմանք ռուսականից էլ չեն հրաժարվում (տարիքով ավելի մեծերին մոսկովյան պաղպաղակի համը մանկությունն է հիշեցնում)։

«Ձգտելու և խանութների ցուցափեղկերն ընդլայնելու տեղ կա»,-ավելացրել է Դոնչենկոն։

Ի դեպ, ՌԴ Վիճակագրական կոմիտեի տվյալնեով՝ անգամ ճգնաժամային 2020 թ․-ին Հայաստան է այցելել մոտ 145 հազար ռուա զբոսաշրջիկ։

6
թեգերը:
Հայաստան, բիզնես, Ներդրում, ծրագիր, Ռուսաստան
Ըստ թեմայի
Մտքի ուժ և տիեզերք. հայազգի ինժեները նոր սերնդի կառավարման սարքի նախատիպ է պատրաստել
Ինչո՞վ ենք պակաս Սարգսյանից ու Վուչիչից, կամ ի՞նչ կարող են ՀՀ–ն ու Սերբիան ստանալ ԵԱՏՄ–ից
Հայկական տեխնոլոգիան կարող է մի քանի անգամ արագացնել աշխարհում նոր դեղերի ստեղծումը