Իրանցիների հերթը պատվաստման համար Հյուսիսային պողոտայում

Գիշերային հերթ ու հրմշտոց. ինչի՞ են պատրաստ իրանցիները Երևանում պատվաստվելու համար

419
(Թարմացված է 11:40 14.07.2021)
Երևանում պատվաստման շրջիկ կետերի մոտ իրանցիների երկար հերթեր են գոյացել։ Sputnik Արմենիան փորձել է պարզել, թե ինչու նրանք չեն պատվաստվում հայրենիքում։

Նանա Մարտիրոսյան, Sputnik Արմենիա

Մի քանի օր է` Երևանի փողոցները Իրանից ժամանած հյուրերով են ողողված, ինչը մի փոքր անսովոր է տարվա այս ժամանակահատվածի համար։ Սովորաբար Հայաստան իրանցիների նման հոսք է լինում մարտի կեսերին, երբ նրանք զանգվածաբար այստեղ են գալիս Նովրուզը տոնելու։

Очередь иранцев для вакцинации на Северном проспекте (12 июля 2021). Ереaан
© Sputnik / Aram Nersesyan
Իրանցիների հերթը պատվաստման համար Հյուսիսային պողոտայում

Ինչպես Sputnik Արմենիային հայտնեցին Զբոսաշրջության կոմիտեից, Հայաստան այս տարվա մարտին 4953 Իրանի քաղաքացի է ժամանել, իսկ հունիսին` 8597, այսինքն գրեթե կրկնակի ավել։ Պատճառն ամենևին էլ միայն համավարակից հետո բացված սահմաններն ու զբոսաշրջային սեզոնը չեն։ Ներկայիս հոսքի մեծ մասը արևոտ Հայաստան է եկել ոչ թե մատչելի հանգիստ վայելելու ու բազում տպավորություններ ստանալու, այլ կորոնավիրուսի դեմ անվճար պատվաստելու համար։

Հադի անունով իրանցին Sputnik Արմենիայի թղթակցի հետ զրույցում պատմեց, որ զբոսաշրջիկների համար անվճար պատվաստման մասին տեղեկացել է մամուլից և որոշել անմիջապես ընտանիքով գալ այստեղ։ Նրա խոսքով` Իրանում պատվաստման հետ կապված խնդիրներ կան` պատվաստվել կարող են միայն խոցելի խմբերը` 60-ից բարձր տարիքի մարդիկ և քրոնիկ հիվանդություններ ունեցողները։

Ընդ որում նույնիսկ տեղական արտադրության դեղամիջոցը չի բավականացնում, իսկ բրիտանա–շվեդական AstraZeneca կամ ռուսական «Սպուտնիկ V» պատվաստանյութով բնակչության բոլոր խմբերին պատվաստելու մասին մնում է միայն երազել։

«Կան մարդիկ, որոնք առաջարկում են անօրինական պատվաստվել օտարերկրյա դեղամիջոցներով։ Բայց նախ վստահություն չկա, որ դեղամիջոցը կեղծ չէ, երկրորդը` մեկ դեղաչափը մոտ 30 դոլար է։ Սերտիֆիկատ ստանալու մասին բնականաբար խոսք անգամ չկա։ Իսկ այստեղ մենք հստակ իսկական պատվաստանյութ ենք ստանում և անհրաժեշտության դեպքում կարող են արտերկիր մեկնել»,– իր մտքերը ներկայացրեց մեր զրուցակիցը։

Иностранные туристы и местные жители стоят в очереди за вакцинацией у мобильной точки на Северном проспекте
© Sputnik / Hovhannes Shoghikyan
Իրանցիների հերթը պատվաստման համար Հյուսիսային պողոտայում

Հադին պատմեց, որ պատվաստվել է առաջին իսկ օրը։ Նրա մայրն ու երկու քույրերը սկզբում որոշեցին գնումների գնալ։ Մինչև կանայք գնումներ էին կատարում, պատվաստման շրջիկ կետի մոտ մի քանի մետր հերթ էր գոյացել, պատմում է նա։ Այնպես որ ընտանիքը ստիպված եղավ սպասել մի քանի ժամ։ 

Հենց այդ օրն էլ ՀՀ առողջապահության նախարար Անահիտ Ավանեսյանը հայտնեց հունիսի 15-ից զբոսաշրջիկների համար պատվաստման կանոնների վերանայման մասին։ Այժմ զբոսաշրջիկներին կորոնավիրուսի դեմ կպատվաստեն այն պայմանով, որ նրանք Հայաստանի տարածում կգտնվեն ոչ պակաս, քան 10 օր։

«Մենք պատվաստանյութի առաջին դեղաչափը ստացանք, Հայաստանում 4 օր անցկացրինք և կվերադառնանք արդեն 2 ամիս անց երկրորդ դեղաչափը ստանալու համար։ Ամենայն հավանականությամբ, այդ ժամանակ էլ այստեղ մի քանի օր կանցկացնենք»,– պատմեց Հադիի մայրը` Հանին։

Ավանեսյանը չի բացառում, որ որոշ խմբերի համար պատվաստումը պարտադիր դառնա

Կինն ավելացրեց, որ իրենք Երևանի կենտրոնում բնակարան են վարձել մոտ 50 դոլար օրավարձով։ Բացի այդ, օրական երկու անգամ սնվում են սրճարանում` դրա վրա 40 դոլարից քիչ գումար ծախսելով։ Այսինքն օրական Հայաստանում բնակվելու համար շուրջ 100 դոլար է պահանջվում։ Նա նաև պատմեց, որ 5 հոգանոց ընտանիքը, ավտոմեքենայի վառելիքը ներառյալ, շուրջ 450-500 դոլար կծախսի Երևան գալու համար։

Որոշ ընտանիքներ, սակայն, ինքնաթիռով են գալիս և մնում այստեղ մեկ շաբաթից ավել, քանի որ հասկանալի չէ, թե քանի օր կարող է տևել պատվաստմանը սպասելը։ Իրանցի Ռահիմը հերթում երեք օր է սպասել։ Օրերից մեկը նա սպասել է առևտրի կենտրոններից մեկում գտնվող շրջիկ կետում, մյուս երկուսը` Հյուսիսային պողոտայում։ Վերջին օրը լուսաբացին գնացել է Մաշտոցի պողոտա, սակայն հերթն այստեղ արդեն բավական երկար էր։ Արդյունքում նա կարողացել է պատվաստվել Կասկադում. հենց այդտեղ այդ պահին մարդիկ քիչ են եղել։

Очередь за вакцинацией у мобильной точки по прививке от коронавируса на Северном Проспекте (6 июля 2021 год). Еревaн
© Sputnik / Hovhannes Shoghikyan
Իրանցիների հերթը պատվաստման համար Հյուսիսային պողոտայում

Ռահիմը Երևան է եկել պատվաստվելու համար, քանի որ աշխատանքի բնույթով հաճախ է Եվրոպա գործուղման մեկնում։

«Իրականում մենք հյուր ենք, և անվճար պատվաստումը ինքնին մարդասիրության դրսևորում է։ Բայց գործընթացը կարելի էր այնպես կազմակերպել, որ մարդիկ այրող արևի տակ ժամերով հերթ չկանգնեին։ Կարելի է, օրինակ, հերթագրվել հաջորդ օրը կոնկրետ ժամի համար, այդ դեպքում գործընթացն ավելի հարթ կընթանա»,– ասաց նա։

Պատվաստման շրջիկ կետերի մոտ մեծ հերթեր են գոյանում ոչ միայն ցերեկվա ժամերին, այլև գիշերը։ Համացանցում կադրեր են հայտնվել, որոնց վրա երևում է` ինչպես են իրանցիները գիշերում Երևանի կենտրոնում` Հյուսիսային պողոտայում՝ իրենց հերթը բաց չթողնելու համար։ Գործը նրան է հասել, որ սպասողների միջև վեճեր են առաջանում, բանը երբեմն հրմշտոցի է վերածվում։ Սակայն իրանցիների հոսքը դրանից չի պակասում։ Ընդ որում նրանց պատվաստում են բացառապես AstraZeneca դեղամիջոցով, որը Հայաստանը ձեռք է բերում 4,5 դոլար մեկ դեղաչափի համար արժեքով։

Թեև էկոնոմիկայի նախարար Վահան Քերոբյանին հերթերը միայն ոգեշնչում են, և նա այս փորձը լավ առիթ է համարում բժշկական տուրիզմի զարգացման մասին մտածելու համար, սակայն քաղաքացիներից և հասարակական գործիչներից շատերին հերթերը` առավել ևս գիշերային, արդեն նյարդայնացնում են։

Иностранные туристы и местные жители стоят в очереди за вакцинацией у мобильной точки на Северном проспекте
© Sputnik / Hovhannes Shoghikyan
Իրանցիների հերթը պատվաստման համար Հյուսիսային պողոտայում

«Ասպարեզ» մամուլի ակումբի նախագահ Լևոն Բարսեղյանը, օրինակ, առաջարկել է մայրաքաղաքը բեռնաթափելու և մարզերի տնտեսական զարգացմանն աջակցելու նպատակով շրջիկ կետերը դուրս բերել Երևանից։ Պատասխանատու կառույցները դեռ նրա առաջարկին չեն արձագանքել։

Հիշեցնենք, որ Հայաստանում զանգվածային պատվաստման գործընթացը մեկնարկել է ապրիլի 13-ին, մինչև տարեվերջ նախատեսվում է պատվաստել շուրջ 700 հազար մարդու։ Հուլիսի 11-ի դրությամբ Հայաստանում կորոնավիրուսի դեմ 108 107 պատվաստում է արվել։ 77449 դեպքում առաջին դեղաչափն է պատվաստվել, 30658–ի` երկրորդ։

Կարևորը՝ արագ․ Մոսկվայում պատվաստում են աշխատանքային միգրանտներին

Պատվաստումն իրականացվում է երեք դեղամիջոցներով` «Սպուտնիկ V», AstraZeneca և Coronavac։ Պատվաստվել կարող են 18 և բարձր տարիքի մարդիկ, անվճար և կամավոր հիմունքներով։

419
թեգերը:
կորոնավիրուս, Իրանի Իսլամական Հանրապետություն, պատվաստումներ, Երևան
թեմա:
Կորոնավիրուսը Հայաստանում և Արցախում (1952)
Ըստ թեմայի
Ինչ բարդացումներ կարող են լինել պատվաստումից հետո, և ինչ է պետք անել այդ դեպքում
ԱՄԷ–ն համարվել է կորանավիրուսի դեմ ամենաշատ պատվաստումներն իրականացրած երկիրը
Իրավիճակը վերահսկելի է. նախարարը ներկայացրել է պատվաստումների վիճակագրությունը
Пациенты Государственного Научного центра социальной и судебной психиатрии

Ու՞ր են «կորել» Ավանի հոգեբուժարանում բուժում ստացող 27 անձինք. դատախազության բացահայտումը

7
(Թարմացված է 17:59 27.07.2021)
Առաջարկվում է խստացնել արտահիվանդանոցային հարկադիր բուժման մեջ գտնվող անձանց տեղաշարժի, վարքագծի, հարկադիր բուժում ստանալու նկատմամբ պետական վերահսկողությունը։

ԵՐԵՎԱՆ, 27 հուլիսի - Sputnik. «Ավան» հոգեկան առողջության կենտրոնում արտահիվանդանոցային հարկադիր բուժման և հսկողության մեջ գտնված 93 անձանցից 27-ը տևական ժամանակ չեն հաճախել կենտրոն։ Խոսքն այն մարդկանց մասին է, որոնց նկատմամբ հարկադիր բուժման կամ հսկողության որոշումներ են կայացվել դատարանների կողմից տարբեր ժամանակահատվածներում։ Տեղեկությունը հայտնում է ՀՀ գլխավոր դատախազության մամուլի ծառայությունը։

«Այդ 27 անձանց վերաբերյալ բժշկական փաստաթղթերի  ուսումնասիրությամբ պարզվել է, որ նրանցից 6-ը տևական ժամանակ դիսպանսեր չհաճախելու, անհրաժեշտ դեղորայք չստանալու արդյունքում առողջական վիճակի վատթարացման պատճառով գտնվել է ստացիոնար բուժման մեջ այլ հոգեբուժական հաստատություններում, 9-ը բացակայել է ՀՀ-ից, 2-ը ներկայումս պատիժ է կրում ՀՀ ԱՆ տարբեր ՔԿՀ-ներում, իսկ 10-ի մասով ոստիկանության աշխատակիցները պարբերաբար պարտավորեցրել են ներկայանալ «Ավան» ՀԱԿ ՓԲԸ՝ վերջիններից վերցնելով գրավոր պարտավորագրեր, սակայն այդ անձինք դրանից հետո ևս դիսպանսեր չեն հաճախել»,- նշված է հաղորդագրության մեջ։

Դատախազությունը պարզել է, որ նշված անձանցից ոմանք նախկինում անմեղսունակության վիճակում կատարել են նույնիսկ առանձնապես ծանր և հանրային մեծ վտանգավորություն ներկայացնող արարքներ՝ սպանություն, դիտավորությամբ առողջությանը ծանր կամ միջին վնաս հասցնել և այլն։

Պարզվել է նաև, որ «Ավան» ՀԱԿ-ից պարբերաբար գրություններ են ուղարկվել բուժվող հիվանդի բնակության վայրի տարածքային ոստիկանության բաժին, սակայն առկա օրենսդրական կարգավորումների արդյունքում որևէ գործնական միջոց չի կիրառվել բուժումից խուսափող անձանց հայտնաբերելու ուղղությամբ:

Ստուգման ընթացքում արձանագրվել են դեպքեր, երբ արտահիվանդանոցային հարկադիր բուժում նշանակելուց կարճ ժամանակ անց անձը հատել է ՀՀ պետական սահմանն ու այլևս չի վերադարձել: Փաստորեն, դատարանների կողմից կայացված դատական ակտերը փաստացի չեն կատարվել:

 Դատախազությունը նշում է օրենսդրական այն բացերը, որոնց հետևանքով նման իրավիճակ է ստեղծվել։ Պատճառներից մեկն այն է, որ արկադիր բուժումից խուսափող անձանց հարկադիր կարգով բժշկական հիմնարկներ բերման ենթարկելու իրավասություն ոստիկանությունը չունի։

Հաշվի առնելով այս ամենը՝ ՀՀ գլխավոր դատախազությունում մշակվել է «ՀՀ ոստիկանության մասին», ՀՀ քրեական օրենսգրքում, ինչպես նաև ՀՀ կառավարության 2006թ.-ի հունիսի 22-ի N 884-Ն որոշման մեջ փոփոխությունների փաթեթի նախագիծ, որն արդեն ուղարկվել է ՀՀ արդարադատության նախարարություն:

Առաջարկվում է սահմանել, որ ոստիկանությունը օրենքով սահմանված կարգով և դեպքերում պարտավոր է հոգեբուժական կազմակերպություն բերման ենթարկել հարկադիր բուժումից խուսափող անձանց:

Առաջարկվում է նաև դատարանին իրավունք վերապահել հոգեբույժի մոտ հարկադիր արտահիվանդանոցային հսկողություն և հարկադիր բուժում նշանակելիս անձի վրա դնել առանց դատարանի որոշման մշտական բնակության վայրը չփոխելու և (կամ) ՀՀ տարածքը չլքելու պարտականություն:  

7
թեգերը:
Հայաստան, ՀՀ գլխավոր դատախազություն, հոգեբուժարան
Լիլիթ Բասյան

Լիլիթ Բասյանը խոստովանել է, որ իր կյանքում նոր տղամարդ կա

146
(Թարմացված է 16:57 27.07.2021)
Լիլիթ Բասյանը փոքրիկ տեսանյութ է հրապարակել, որում երևացող շքեղ ծաղկեփունջը հավանաբար ստացել է հենց այդ տղամարդուց։

ԵՐԵՎԱՆ, 27 հուլիսի – Sputnik. Սննդաբան Լիլիթ Բասյանը (Բաբասյանը) Instagram–իր էջի «սթորի» բաժնում հարցուպատասխան է կազմակերպել՝ անդրադառնալով նաև անձնական բնույթի հարցերի։ Դերասան Ալեքսանդր Բաբասյանի հետ ամուսնալուծությունից մեկուկես տարի հետո Լիլիթը խոստովանել է, որ իր կյանքում նոր տղամարդ կա։

Նշենք, որ վերջին շրջանում լուրեր էին տարածվում, թե Լիլիթը պատրաստվում է նոր ընտանիք կազմել։ Այդ խոսակցություններն ավելի ակտիվացան, երբ Լիլիթը Instagram–ի «սթորի» բաժնում լուսանկար հրապարակեց մի տղամարդու հետ, որի դեմքը չէր երևում։

Այսօր հետևորդներից մեկը հարցրել է` արդյոք ճի՞շտ են ընտրյալ ունենալու մասին լուրերը։ Լիլիթն ի պատասխան փոքրիկ տեսանյութ է հրապարակել, որում շքեղ ծաղկեփունջ է երևում, և գրել է. «Այո»։

«Ուժեղ կնոջ խոսքեր». ինչպես է Լիլիթ Բաբասյանը հաղթահարում բարդ իրավիճակները

Ավելի վաղը Լիլիթը պատասխանել էր հարցին, թե իսկապե՞ս չի ների դավաճանությունը։ «Այլևս երբեք։ Ես չեմ կարող հասկանալ՝ ինչպես կարելի է դավաճանել հոգին։ Չէ՞ որ խնդիրը ոչ թե ֆիզիկական, այլ հոգևոր դավաճանության մասին է։ Ես գիտեմ, որ իմ մեջ կա ամեն ինչ, որպեսզի երջանկացնեմ տղամարդուն։ Եթե ես սիրում եմ, ապա իմ սերը ֆանատիկ է։ Ես ապրում և շնչում եմ այդ սիրով։ Մի՞թե արժե ինձ կորցնել»,– գրել էր սննդաբանը։

Լիլիթին նաև մասնագիտական հարցեր են ուղղել նիհարելու մասին և շնորհակալություն հայտնել իրենց ոգեշնչելու համար։ Սննդաբանը նշել է, որ իր համար էլ հետևորդների արդյունքներն են մոտիվացիա դառնում։

Հիշեցնենք` դեռևս 2019 թվականի վերջին սոցցանցերում և մամուլում լուրեր տարածվեցին, որ դերասան Ալեքսանդր Բաբասյանն ու Լիլիթ Բաբասյանն այլևս միասին չեն։ Զույգի բաժանման մասին սկսեցին խոսել, երբ Լիլիթն իր ծննդյան 27-րդ տարեդարձը որոշեց նշել ընտանիքից հեռու՝ ԱՄՆ-ում: Լիլիթը սոցցանցային իր էջերից ջնջեց ամուսնու հետ բոլոր լուսանկարներն ու փոխեց ազգանունը` Բաբասյանից դառնալով Բասյան։

Պաշտում եմ ձեր հայկականությունը. Էլինա Ջանիբեկյանը պատմել է Մատենադարանի մասին

Ավելի ուշ Լիլիթը խոստովանեց, որ իրենց բաժանման պատճառը Ալեքսանդրի դավաճանությունն է։

Զույգն ամուսնացել էր 2012 թվականին։ Նրանք մեկ որդի ունեն, որն արդեն 6 տարեկան է։

Ինչո՞ւ չեք նիհարում. սննդաբան Լիլիթ Բաբասյանն ունի այս հարցի պատասխանը

146
թեգերը:
տղամարդ, Լիլիթ Բաբասյան