Քննչական կոմիտե

Ռեստորանի աշխատակցին առևանգել են, ստիպել մտնել կղանքի մեջ. 3 անձի մեղադրանք է առաջադրվել

323
(Թարմացված է 20:42 13.07.2021)
Ռեստորանի աշխատակիցը խոստովանել է, որ մտերմիկ հարաբերություններ ունի ռեստորանի տիրոջ կնոջ հետ։

ԵՐԵՎԱՆ, 13 հուլիսի – Sputnik. Քննչական կոմիտեն պարզել է մարդու առևանգման դեպքով մանրամասներն ու երեք անձի մեղադրանք առաջադրել։

Պարզվել է, որ Կոտայքի մարզում գտնվող ռեստորանային համալիրի տնօրենի օգնականն իր հորեղբոր որդուն և ընկերոջը պատմել է ռեստորանի աշխատակցի ու սեփականատիրոջ կնոջ մտերմիկ հարաբերությունների մասին։ Բացի այդ, տնօրենի օգնականն իր հարազատներին ասել է նաև, որ ռեստորանի աշխատակիցը 5 միլիոն դրամ գումար է գողացել։

«2019թ. հոկտեմբերի 2-ին՝ ժամը 18:30-ի սահմաններում, երիտասարդները ռեստորանի սեփականատիրոջը պատկանող մեքենայով, բռնություն գործադրելով ռեստորանի հիշյալ աշխատակցի նկատմամբ, առևանգել են վերջինիս՝ պատժելու նպատակով: Ճանապարհին մեքենայի մեջ պարբերաբար ձեռքերով և ոտքերով հարվածներ են հասցրել աշխատակցի մարմնի տարբեր մասերին և պարտադրել խոստովանել սեփականատիրոջ կնոջ հետ մտերմիկ կապի մասին»,–նշված է հաղորդագրության մեջ։

Նրանք որսորդական և օդամղիչ ատրճանակի գործադրմամբ տղամարդուն սպանելու սպառնալիքներ են հնչեցրել և, ստանալով «խոստովանությունը»` նվաստացնելու նպատակով նրան տեղափոխել են Արագածոտնի մարզի Օշական գյուղում գտնվող ռեստորանի տնօրենի օգնականի վարձակալած խոզաբուծարան։ Այստեղ ինքնաձիգից կղանքի հորի մեջ կրակելով՝ ստիպել են տղամարդուն մտնել հորը. վախի ազդեցության տակ՝ նա ամբողջ մարմնով ստիպված ընկղմվել է հորում առկա կղանքի մեջ։

Վարդավառի օրը երկու դեռահասների միջև ծեծ ու դանակահարություն է եղել

Ռեստորանի տնօրենի օգնականին մեղադրանք է առաջադրվել ՀՀ քրեական օրենսգրքի 131-րդ հոդվածի 2-րդ մասի 1-ին կետով (մարդուն առևանգելը) և 119-րդ հոդվածի 2-րդ մասի 3-րդ կետով (խոշտանգումը), վերջինիս հորեղբոր տղային և ընկերոջը՝ 131-րդ հոդվածի 2-րդ մասի 1-ին կետով:

Քրեական գործը, մեղադրական եզրակացությունը հաստատելու և դատարան ուղարկելու միջնորդությամբ, ուղարկվել է հսկողություն իրականացնող դատախազին:

323
թեգերը:
առևանգում, Ռեստորան
Ըստ թեմայի
Գեղաշեն գյուղի սրբատեղիում կատարված սպանությունը բացահայտվել է
33-ամյա երիտասարդը ծեծել է հորը ու պայթեցրել նռնակը. մանրամասներ՝ Էջմիածնի սպանությունից
31-ամյա կինը խեղդամահ է արել 61-ամյա տղամարդուն. մանրամասներ՝ Եղվարդի սպանությունից
Հիվանդանոց, արխիվային լուսանկար

250 նոր դեպք, 5 մահ` մեկ օրում. կորոնավիրուսային հիվանդության ընթացքը Հայաստանում

45
(Թարմացված է 10:58 24.07.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 24 հուլիսի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 250–ով և դարձել 228632: Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 3975 մարդ (+81), կատարվել է 1299559 թեստավորում (+6527), առողջացել են վարակվածներից 218958–ը (+162): Վերջին մեկ օրում կորոնավիրուսից մահանալու 4 դեպք է գրանցվել, վարակի զոհ դարձածների ընդհանուր թիվը 4584 է։ Կորոնավիրուսով վարակված, բայց այլ պատճառով մահացածների թիվն ավելացել է 2-ում և դարձել 1115։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։ Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2021-ի հունիսի 1-ից բաց տարածքներում դիմակ դնելու պահանջը վերացվեց, իսկ պատվաստված քաղաքացիների համար փակ տարածքներում դիմակ դնելը պարտադիր չէ հուլիսի 1-ից։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Այն երկարաձգվել է մինչև 2021թ.–ի հուլիսի 11–ը։ Հուլիսի 9–ին որոշում կայացվեց կարանտինը երկարաձգել մինչև 2021թ.–ի դեկտեմբերի 20–ը։

Օտարերկրացիները ՀՀ-ում կպատվաստվեն, եթե... մանրամասնում է նախարարությունը

45
թեգերը:
համավարակ, վարակ, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Բոլոր պատվաստանյութերն էլ չպատվաստվելուց լավ են. Նուբար Աֆեյան
Նուբար Աֆեյանը կարող է Հայաստանին Moderna պատվաստանյութեր նվիրել
«Դելտայից» վտանգավոր մանրէահի՞մք. Խարիտոնովը կասկածի տակ է առել ԱՀԿ տնօրենի ասածը
Ամպամած եղանակ

Հայաստանի որոշ հատվածներում կարկուտ կտեղա. եղանակի տեսություն

69
(Թարմացված է 18:07 23.07.2021)
Օդերևութաբանների կանխատեսումների համաձայն` օդի ջերմաստիճանը կրկին կբարձրանա, բայց +38-ից չի անցնի։

ԵՐԵՎԱՆ, 24 հուլիսի – Sputnik. Այսօր Հայաստանի առանձին շրջաններում, հիմնականում կեսօրից հետո սպասվում է անձրև և ամպրոպ, առանձին հատվածներում հնարավոր է նաև կարկուտ։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Հուլիսի 25-26-ը սպասվում է առանց տեղումների եղանակ: Քամին՝ հարավ-արևմտյան՝ 5-10 մ/վ, ամպրոպի ժամանակ սպասվում է քամու ուժգնացում 18-23մ/վրկ արագությամբ։

Օդի ջերմաստիճանը այսօրվանից աստիճանաբար կբարձրանա 2-3 աստիճանով։ Ամենաբարձր ջերմաստիճանը` +38, կգրանցվի Արարատի, Արմավիրի և Վայոց Ձորի մարզերում։

Եղանակի կանխատեսում
Եղանակի կանխատեսում

Այսօր Երևանում տեղումներ չեն սպասվում։ Ցերեկային ժամերին օդի ջերմաստիճանը կտատանվի +33-ից +35–ի սահմանում, իսկ գիշերը կնվազի մինչև +20-ից +22։

Ինչո՞ւ է հեղուկ գազը թանկացել Հայաստանում. պարզաբանում է հանձնաժողովը

69
թեգերը:
Անձրև, Կարկուտ, եղանակ, Հայաստան
թեմա:
Եղանակը Հայաստանում
Ըստ թեմայի
Վրացական կողմը ցույց է տվել` ինչ փուլում է Լարսի ճանապարհի շինարարությունը. լուսանկարներ
Նուբար Աֆեյանը կարող է Հայաստանին Moderna պատվաստանյութեր նվիրել
Նոր ռեկորդ Հայաստանի աշխատատեղերի շուկայում. գրանցված աշխատողների թիվը շարունակում է աճել
Արմեն Սարգսյանը Տոկիոյում

«Վաղը նավթ չենք վաճառելու, այլ...». ՀՀ նախագահը պատմել է` ում հետ ինչ է խոսել Տոկիոյում

0
(Թարմացված է 12:46 24.07.2021)
Տոկիոյում հայաստանյան լրատվամիջոցներին տված հարցազրույցում ՀՀ նախագահ Արմեն Սարգսյանը հետաքրքիր համեմատություն է արել` նշելով, որ քաղաքականությունն ու բիզնեսը ինչ–որ իմաստով նաև սպորտի էլեմենտներ ունեն։

ԵՐԵՎԱՆ, 24 հուլիսի – Sputnik.  ՀՀ նախագահ Արմեն Սարգսյանը, որը Ճապոնիա է մեկնել աշխատանքային այցով, հարցազրույց է տվել տեղում աշխատող հայաստանյան լրատվամիջոցներին, այդ թվում` Sputnik Արմենիային։

Արմեն Սարգսյանը շեշտել է, որ Տոկիո է մեկնել ոչ միայն հայ մարզիկների կողքին լինելու, այլև Ճապոնիայի ղեկավարների հետ հանդիպելու նպատակով։

«Երեկ հանդիպեցի Ճապոնիայի կայսեր հետ, և բավական հետաքրքիր զրույց ունեցանք, թե ինչպես կարող են երկու երկրներն իրար հետ ավելի սերտ համագործակցեն և՛ քաղաքականության, և՛ մշակույթի ու կրթության ոլորտում։ Այսօր շատ հաջող հանդիպում ունեցա Ճապոնիայի վարչապետի հետ, որի ընթացքում առնվազն 5 կոնկրետ ծրագրերի մասին խոսեցինք, որոնք կապված են ճապոնական Հայաստանում ճապոնական բիզնեսի կամ ներդրումների հետ»,– ասաց Սարգսյանը` հավելելով, որ Ճապոնիան աշխարհի տեխնոլոգիական ամենաառաջատար երկրներից մեկն է, որի հետ համագործակցությունը, նախագահի բնորոշմամբ, մեծ արժեք ունի։

Առաջիկա երկու օրերին Արմեն Սարգսյանը հանդիպումներ է ունենալու նաև Ճապոնիայի առաջատար տեխնոլոգիական ընկերությունների ղեկավարների հետ։

«Մեր երկրի ապագան մեր ամենամեծ ռեսուրսի` մարդկային ռեսուրսի ճիշտ օգտագործման մեջ է։ Մեր ապագան գիտությունն է, նոր տեխնոլոգիաները։ Մենք վաղը նավթ չենք վաճառելու, այլ գաղափարներ, մտքեր, տեխնոլոգիական հաջողություններ։ Իսկ դրա համար պետք է այսօր սովորեն աշխարհի լավագույններից, իրենց հետ աշխատենք, որպեսզի վաղը կարողանանք աշխարհում դեր ունենալ»,– ասաց ՀՀ նախագահը։

Սարգսյանը հետաքրքիր համեմատություն արեց` նշելով, որ քաղաքականությունը, բիզնեսը ինչ–որ իմաստով նաև սպորտի էլեմենտներ ունեն։

«Երբ ես թենիս էի խաղում, միշտ փորձում էի խաղալ ինձնից ավելի ուժեղի հետ, որովհետև այդկերպ ես անընդհատ աճում էի։ Երբ խաղում էի ավելի թույլի հետ, իմ որակն իջնում էր։ Սա կյանքի օրենքներից մեկն է։ Եթե ուզում եմ երկրում լավագույն տնտեսությունն ու տեխնոլոգիան ունենալ, պետք է աշխատեմ և մրցեմ աշխարհի լավագույնների հետ»,– ասաց նա։

Ինչ վերաբերում է սպորտին, Արմեն Սարգսյանը ցավով հայտնեց, որ այսօր այլևս ժամանակ չունի նախկինի պես մարզվելու ու թենիս խաղալու, բայց որոշել է անպայման վերադառնալ կորտ։ Նա բոլորին հորդորեց ժամանակ գտնել նաև սպորտի ու մարզվելու համար։ Ըստ ՀՀ նախագահի` դա նաև կորոնավիրուսի հետևանքների դեմ պայքարելու լավագույն միջոցն է։

Հիշեցնենք` Արմեն Սարգսյան երեկ ներկա է եղել ամառային օլիմպիական խաղերի բացման արարողությանը, իսկ այսօր հետևել է մարմնամարզիկ Արթուր Դավթյանի ելույթներին։

0
թեգերը:
սպորտ, Արմեն Սարգսյան, Հայաստան