Ալեքսանդր Բաբասյան

«Լիլիթին է նման». Ալեքսանդր Բաբասյանի ու Լյուսի Հայրապետյանի միջև սիրավե՞պ է սկսվել

385
(Թարմացված է 18:39 13.07.2021)
Լուրեր են շրջանառվում, որ նախկինում Ալեքսանդրն ու Լյուսին սիրավեպ են ունեցել, որը հիմա շարունակվում է։ Երկուսի սոցցանցային գրառումներն էլ որոշակի ակնարկ են պարունակում։

ԵՐԵՎԱՆ, 13 հուլիսի – Sputnik. Դերասան Ալեքսանդր Բաբասյանը, որը հայ հանդիսատեսին հայտնի է տարբեր սերիալներից, նոր լուսանկարներ է հրապարակել մոդել Լյուսի Հայրապետյանի հետ, որը սոցցանցերում հայտնի է դարձել բավականին բաց և ազատ լուսանկարներով։ Հրապարակված կադրերը քննարկումների պատճառ են դարձել։

Նշենք, որ Ալեքսանդր Բաբասյանը 2019 թվականի վերջին բաժանվեց ճանաչված սննդաբան Լիլիթ Բասյանից։

«Ասում են` ամեն նորը լավ մոռացված հինն է, բայց դեպքեր կան, որ պետք չէ հինը մոռանալ նորը սկսելու համար…. Լյուսի, ասում եմ նորից չնկարվե՞նք, լավ օր էր, հը՞ն, ոնց որ»,–գրել է Բաբասյանը։

Посмотреть эту публикацию в Instagram

Публикация от Alexandr Babasyan (@alexandrbabasyan)

Լուրեր են շրջանառվում, որ նախկինում Ալեքսանդրն ու Լյուսին սիրավեպ են ունեցել, որը հիմա շարունակվում է։ Չնայած Լյուսին արդեն հերքել է իրենց հնարավոր սիրավեպի մասին տեղեկությունները` նշելով, որ ընկերներ են, բայց խոսակցությունները շարունակվում են։

Լյուսին ևս Ալեքսանդրի հետ լուսանկարներ է հրապարակել Instagram-ի իր էջում։

«Մի 30 դուբլ նկարվեցինք ու մի կերպ ընտրեցինք մի քանիսը։ Բայց տղերքը ավելի բարդ են ընտրում, դա միանշանակ։ Հոգիս կերավ։ Ալեքսանդր, բարև անցյալից։ Հ.Գ. Բայց Սաշը ավելի լավ ա վերնագրել, ինչ խոսք... Ինչպես կասեն, мужское начало, мужское чутьё», – գրել է մոդելը` իր էջում հրապարակելով Ալեքսանդրի` իրեն ուղղված գրառումը։

Посмотреть эту публикацию в Instagram

Публикация от Lucie Hayrapetyan (@lustniak)

«Շատ գեղեցիկ զույգ եք։ Լիլիթ Բասյանին է նման։ Ավելի լավ է հինը նորացնել ու նորովի ապրել, պետք չէ նորը»,–գրել են նրանց էջի հետևորդները։

Հիշեցնենք` դեռևս 2019 թվականի վերջին սոցցանցերում և մամուլում լուրեր տարածվեցին, որ դերասան Ալեքսանդր Բաբասյանն ու Լիլիթ Բաբասյանն այլևս միասին չեն։ Զույգի բաժանման մասին սկսեցին խոսել, երբ Լիլիթն իր ծննդյան 27-րդ տարեդարձը որոշեց նշել ընտանիքից հեռու՝ ԱՄՆ-ում: Լիլիթը սոցցանցային իր էջերից ջնջեց ամուսնու հետ բոլոր լուսանկարներն ու փոխեց ազգանունը` Բաբասյանից դառնալով Բասյան։

«Ուժեղ կնոջ խոսքեր». ինչպես է Լիլիթ Բաբասյանը հաղթահարում բարդ իրավիճակները

Ավելի ուշ Լիլիթը խոստովանեց, որ իրենց բաժանման պատճառը Ալեքսանդրի դավաճանությունն է։

Զույգն ամուսնացել էր 2012 թվականին։ Նրանք մեկ որդի ունեն, որն արդեն 6 տարեկան է։

Ի՞նչ է անում Լիլիթ Բաբասյանը, երբ իրեն դավաճանում են. նա անկեղծացել է

385
թեգերը:
Հայաստան, դերասան, մոդել
Facebook

Գեղարքունիքի գյուղապետարաններից մեկի պաշտոնյան մերկ պարել է. նրան սպառնացել են խայտառակել

76
(Թարմացված է 21:36 31.07.2021)
Գյուղապետարանի 54-ամյա գլխավոր մասնագետը Facebook սոցցանցի միջոցով շփում է ունեցել ՌԴ քաղաքացի ներկայացող, «Ալինա Պասսելինի» անվամբ օգտատիրոջ հետ:

ԵՐԵՎԱՆ, 31 հուլիսի - Sputnik. Գեղարքունիքի մարզի գյուղապետարաններից մեկի պաշտոնյան համաձայնել է համացանցով մերկանալ ու պարել, որից հետո նրան սպառնացել են, որ եթե 1500 դոլար չվճարի, ապա նրա մերկապարը կհրապարակեն սոցցանցերում։ Տեղեկությունը հայտնում է Shamshyan.com–ը։

Կայքի տեղեկություններով` օրեր առաջ ՀՀ ոստիկանության քրեական վարչությունում օպերատիվ տեղեկություններ են ստացվել, որ այս տարվա հունիսի սկզբին Գեղարքունիքի մարզի գյուղերից մեկի գյուղապետարանի 54-ամյա գլխավոր մասնագետը Facebook սոցցանցի միջոցով շփում է ունեցել ՌԴ քաղաքացի ներկայացող, «Ալինա Պասսելինի» անվամբ օգտատիրոջ հետ:

«Շփման ժամանակ գյուղապետարանի գլխավոր մասնագետն այդ օգտատիրոջ խնդրանքով մերկացել է, իսկ օգտատերը տեսազանգի ընթացքում նկարահանել է նրան և մեկ օր անց, երբ նրանց միջև սոցցանցում հերթական շփումն է եղել, նրանից պահանջել է 1500 ԱՄՆ դոլար՝ սպառնալով, որ եթե գումարը չտա, այդ տեսանյութը հրապարակելու է նրա հարազատների ֆեյսբուքյան էջերում»,–գրում է կայքը:  

Որոշ ժամանակ անց այլ՝ «Պետրոս Կարապետյան» անվամբ օգտատերը կապ է հաստատել գյուղապետարանի աշխատակցի հետ և սոցիալական ցանցի միջոցով տվել ցուցումներ, թե ինչպես նշված գումարը փոխանցի: Սակայն գյուղապետարանի պաշտոնյան նրան տեղեկացրել է, որ «մերկապարի գումար չունի, ընկած են վարուցանքով, առաջիկա օրերին էդ գործերը պրծնի, մի բան կկպցնի, գումարը կտա»: 

Երևանում վիճաբանությունն ավարտվել է կրակոցով. 30–ամյա տղամարդու ոտքն ամպուտացրել են

Փաստի առթիվ ոստիկանությունում նյութեր են նախապատրաստվում:  

76
թեգերը:
Գեղարքունիքի մարզ, Գյուղապետ, սոցցանցեր, Պար, ՀՀ Ոստիկանություն
Փաշինյանը մասնակցել է Արմեն Շեկոյանի հոգեհանգստի արարողությանը

Փաշինյանը մասնակցել է Արմեն Շեկոյանի հոգեհանգստի արարողությանը

107
(Թարմացված է 20:14 31.07.2021)
Նիկոլ Փաշինյանի որոշմամբ՝ ստեղծվել էր Արմեն Շեկոյանի հուղարկավորության հանձնաժողով: Նրա հուղարկավորությունը կկայանա օգոստոսի 1-ին՝ ժամը 11:00-13-00՝ Գրողների միությունից։

ԵՐԵՎԱՆ, 31 հուլիսի - Sputnik. ՀՀ վարչապետի պաշտոնակատար Նիկոլ Փաշինյանն այսօր Կոնդի Սուրբ Հովհաննես եկեղեցում մասնակցել է գրող, բանաստեղծ, արձակագիր, լրագրող Արմեն Շեկոյանի հոգեհանգստի արարողությանը։ Տեղեկությունը հայտնում է ՀՀ կառավարության մամուլի ծառայությունը։

И.о. премьер-министра Никол Пашинян на панихиде Армена Шекояна (31 июля 2021). Еревaн
© Photo / official site of the Prime minister of RA
Փաշինյանը մասնակցել է Արմեն Շեկոյանի հոգեհանգստի արարողությանը

Արմեն Շեկոյանը ծնվել է 1953 թվականի մարտի 28-ին: 1974 թվականին ավարտել է Երևանի Խաչատուր Աբովյանի անվան պետական մանկավարժական համալսարանի բանասիրական ֆակուլտետը: 1985 թվականին սովորել է Մոսկվայի Մաքսիմ Գորկու անվան գրականության ինստիտուտի գրական բարձրագույն դասընթացներում։

1976-1990 թվականներին աշխատել է «Ծիծեռնակ» ամսագրում, Գրական ինստիտուտում «Սովետական գրող» հրատարակչությունում, ՀՀ մշակույթի նախարարությունում: 1990-1992 թվականներին եղել է «Նաիրի» հրատարակչության գլխավոր խմբագիր, իսկ 1992-1997 թվականներին` Հովհ. Թումանյանի տուն-թանգարանի տնօրենը։

Սիրված են հեղինակի «Մետաքսի ճանապարհ», «Երևան-հյուրանոց», «Անտիպոեզիա», «Թուղթ ու գիր», «Բախտ», «Ճոճք», «Ճամփորդ արևը», «Անձրև, անձրև, մի արի» և այլ գրքերը:

Նշենք, որ վարչապետի պաշտոնակատար Նիկոլ Փաշինյանի որոշմամբ՝ ստեղծվել էր գրող Շեկոյանի հուղարկավորության հանձնաժողով: Հուղարկավորությունը կկայանա օգոստոսի 1-ին՝ ժամը 11:00-13-00՝ Գրողների միությունից։ Նրան կհուղարկավորեն Երևանի քաղաքային պանթեոնում։

Արմեն Շեկոյանը մահացել է հուլիսի 29-ին, կյանքի 68–րդ տարում։

107
թեգերը:
Նիկոլ Փաշինյան, Հայաստան, Արմեն Շեկոյան, հոգեհանգիստ
Բելառուսի նախագահ Ալեքսանդր Լուկաշենկոյի թոռնուհին ամուսնացել է

Բելառուսի նախագահ Ալեքսանդր Լուկաշենկոյի թոռնուհին ամուսնացել է

0
(Թարմացված է 22:57 31.07.2021)
Հարսանեկան հանդիսությանը ներկա էին միայն հարազատներն ու մտերիմները։ Պաշտոնական տեղեկատվության համաձայն ՝ հյուրերի ընդհանուր թիվը 70 է եղել։

ԵՐԵՎԱՆ, 31 հուլիսի - Sputnik. Բելառուսի նախագահի ավագ որդու՝ Ալեքսանդր Լուկաշենկոյի ավագ դուստրը՝ 23 - ամյա Վիկտորյան, ամուսնացել է։ Ալեքսանդր Լուկաշենկոյի հետ նորապսակների լուսանկարը հրապարակել է պետության ղեկավարի մամուլի ծառայությանը մոտ գտնվող «Пул Первого» Telegram-ալիքը:

Պապը թոռնուհուն՝ Վիկտորիային և նրա ամուսնուն, շնորհավորել է հարսանիքի օրվա առթիվ։

«Դուք գրում եք ձեր պատմությունը...», - ասել է Ալեքսանդր Լուկաշենկոն:

Հարսանիքը տեղի է ունեցել ընտանեկան նեղ շրջանակում. ներկա են եղել 70 հյուրեր: Փեսայի անձնական կյանքի, գործունեության մասին տեղեկություններ չկան։

Վիկտորյա Լուկաշենկոն Ալեքսանդր Լուկաշենկոյի ավագ որդու՝ Ալեքսանդրի  դուստրն է, ով այժմ զբաղեցնում է Ազգային օլիմպիական կոմիտեի նախագահի պաշտոնը։ Վիկտորիան մասնագիտությամբ տնտեսագետ-միջազգայնագետ է։ Խաղացել է մի քանի ֆիլմերում։ Ընդհանուր առմամբ, Ալեքսանդր Լուկաշենկոն ունի յոթ թոռ։

0
թեգերը:
Բելառուս, Ալեքսանդր Լուկաշևիչ, թոռ, հարսանիք, ամուսնություն
Ըստ թեմայի
Բրազիլացի սիրահարները հոգնել են սպասելուց. զանգվածային հարսանիք` համավարակի ֆոնին
Քարաբերդում տարածված անեկդոտն ու գյուղի վերջին հարսանիքը. այստեղ մնացել են միայն տարեցները
Չաղ Ռուստամը և Փաշինյանը` նույն սրահում. ովքե՞ր են եղել Հայկ Սարգսյանի հարսանիքի հյուրերը