ՏԿԵ նախարարի պաշտոնակատարը աշխատանքային այցով Գյումրիում է

Աշունը Գյումրիում թեժ է լինելու. Սուրեն Պապիկյանը գոհ է տեղի իշխանություններից

141
(Թարմացված է 16:36 13.07.2021)
Գյումրու քաղաքապետի հարցը կորոշվի հոկտեմբերի 17-ին նախատեսված ընտրությունների արդյունքում։

ԵՐԵՎԱն, 13 հուլիսի - Sputnik. Առաջիկա ՏԻՄ ընտրությունների հետ կապված՝ Գյումրիում բավական թեժ աշուն է սպասվում։ Այս մասին հանրապետության՝ մեծությամբ երկրորդ քաղաքում լրագրողների հետ զրույցում ասաց ՏԿԵ նախարարի պաշտոնակատար Սուրեն Պապիկյանը:

Գնահատելով Շիրակի մարզպետի ու Գյումրու քաղաքապետի աշխատանքները՝ Պապիկյանը նշեց, որ գործող մարզպետ Հովհաննես Հարությունյանի աշխատանքից գոհ են։ «Բարձր եմ գնահատում նաև քաղաքապետի աշխատանքը, մնացածը հաջորդիվ»,-ասաց Պապիկյանը:

Առաջիկա ՏԻՄ ընտրություններում Գյումրու քաղաքապետի թեկնածուի մասով նա շատ ասելիք այս պահին չուներ: Բայց շեշտեց՝ ինտենսիվ քննարկումների մեջ են, ուղղակի չի կարող անուններ բարձրաձայնել: «Երբ որոշում կունենանք, այդ մասին կխոսենք: Օգոստոս-սեպտեմբերին ինտենսիվ աշխատելու ենք այդ ուղղությամբ: Հոկտեմբերի17-ին է ընտրությունը, ամեն դեպքում ԿՀԸ հայտարարարությունն այդպիսին է»,-ասաց Սուրեն Պապիկյանը:

Հավելենք, որ ՏԿԵ նախարարի պաշտոնակատարը աշխատանքային այցով Շիրակի մարզում է՝ ծանոթանալու համար Հյուսիս-հարավ ճանապարհի շինարարության ընթացքին։

«Իմ եղունգներիս միշտ մանիկյուր պիտի լինի». Գյումրու մաքրության պահապանների պատմությունը

141
թեգերը:
ՏԻՄ ընտրություններ, Սուրեն Պապիկյան, Գյումրի
Ըստ թեմայի
Վարկը չտվի՝ պարան եմ պատրաստել կախվելու. Շիրակի մարզում բերքը վտանգված է
Գյումրու երիտասարդական զբոսայգին ապօրինի կերպով վաճառվել է. քրգործ է հարուցվել
Շիրակցիներին նոր հանդիպում խոստացան, Երևան-Գյումրի մայրուղին բացվեց
Ամպամած եղանակ

Հայաստանի որոշ հատվածներում կարկուտ կտեղա. եղանակի տեսություն

21
(Թարմացված է 18:07 23.07.2021)
Օդերևութաբանների կանխատեսումների համաձայն` օդի ջերմաստիճանը կրկին կբարձրանա, բայց +38-ից չի անցնի։

ԵՐԵՎԱՆ, 24 հուլիսի – Sputnik. Այսօր Հայաստանի առանձին շրջաններում, հիմնականում կեսօրից հետո սպասվում է անձրև և ամպրոպ, առանձին հատվածներում հնարավոր է նաև կարկուտ։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Հուլիսի 25-26-ը սպասվում է առանց տեղումների եղանակ: Քամին՝ հարավ-արևմտյան՝ 5-10 մ/վ, ամպրոպի ժամանակ սպասվում է քամու ուժգնացում 18-23մ/վրկ արագությամբ։

Օդի ջերմաստիճանը այսօրվանից աստիճանաբար կբարձրանա 2-3 աստիճանով։ Ամենաբարձր ջերմաստիճանը` +38, կգրանցվի Արարատի, Արմավիրի և Վայոց Ձորի մարզերում։

Եղանակի կանխատեսում
Եղանակի կանխատեսում

Այսօր Երևանում տեղումներ չեն սպասվում։ Ցերեկային ժամերին օդի ջերմաստիճանը կտատանվի +33-ից +35–ի սահմանում, իսկ գիշերը կնվազի մինչև +20-ից +22։

Ինչո՞ւ է հեղուկ գազը թանկացել Հայաստանում. պարզաբանում է հանձնաժողովը

21
թեգերը:
Անձրև, Կարկուտ, եղանակ, Հայաստան
թեմա:
Եղանակը Հայաստանում
Ըստ թեմայի
Վրացական կողմը ցույց է տվել` ինչ փուլում է Լարսի ճանապարհի շինարարությունը. լուսանկարներ
Նուբար Աֆեյանը կարող է Հայաստանին Moderna պատվաստանյութեր նվիրել
Նոր ռեկորդ Հայաստանի աշխատատեղերի շուկայում. գրանցված աշխատողների թիվը շարունակում է աճել
Արխիվային լուսանկար

Խմած տղամարդը Վանաձորում փորձել է կրկնակի քվեարկություն անել. գործն ուղարկվել է դատարան

26
(Թարմացված է 23:54 23.07.2021)
Հանցագործությունն ավարտին չի հասցվել ընտրողների գրանցման սարքավորման կողմից կրկնակի գրանցման փորձն արձանագրելու պատճառով։

ԵՐԵՎԱՆ, 23 հուլիսի - Sputnik. Դատարան է ուղարկվել կրկնակի քվեարկության փորձի վերաբերյալ ևս մեկ քրեական գործ։ Տեղեկությունը Facebook-ի իր էջում հայտնում է ՀՀ գլխավոր դատախազի խորհրդական Գոռ Աբրահամյանը։

Ըստ հաղորդագրության՝ Ս. Ղ.-ին մեղադրանք է առաջադրվել այն բանի համար, որ նա 2021թ. հունիսի 20-ին կայացած ՀՀ Ազգային ժողովի արտահերթ ընտրությունների ընթացքում Վանաձոր քաղաքի թիվ 23/29 ընտրատեղամասում իր անձնագրով ժամը 12:08-ին քվեարկել է, ավելի ուշ՝ կրկին փորձել։

«Նույն օրը` ժամը 19:53-ին, գտնվելով ալկոհոլի ազդեցության տակ, մեկից ավելի անգամ քվեարկելու դիտավորությամբ կրկին փորձել է նույն անձնագրով գրանցվել քվեարկության համար, սակայն իր կամքից անկախ հանգամանքներում հանցագործությունն ավարտին չի հասցրել` ընտրողների գրանցման սարքավորման կողմից կրկնակի գրանցման փորձն արձանագրելու պատճառով»,- նշված է գրառման մեջ։

Զինվորների քվեարկության տեսանյութի հիման վրա նյութեր են նախապատրաստվում. դատախազություն

Տղամարդուն մեղադրանք է առաջադրվելՀՀ քրեական օրենսգրքի 34-153-րդ հոդվածի 1-ին մասով (հանցափորձ, մեկից ավելի անգամ կամ այլ անձի փոխարեն քվեարկելը)։

Այսօր քրեական գործի նկատմամբ դատավարական ղեկավարումն իրականացնող դատախազի կողմից հաստատվել է մեղադրական եզրակացությունը։

Գործն ուղարկվել է Լոռու մարզի ընդհանուր իրավասության դատարան։

«Էշեր». ընտրողի քվեարկությունը զարմացրեց հանձնաժողովականներին. տեսանյութ

26
թեգերը:
ԱԺ, Ընտրություններ, Վանաձոր, քվեարկություն
Ըստ թեմայի
Քվեարկության օրը մոտ 110 հազար քաղաքացու անձնագիր չի «աշխատել». Վարդևանյան
Զինվորների քվեարկության տեսանյութի հիման վրա նյութեր են նախապատրաստվում. դատախազություն
Քվեարկության արդյունքները Փաշինյանի համար «պյուռոսյան հաղթանակ» են դարձել․ Աբաս Ջումա
Knoxlabs–ի մշակումներից

Մտքի ուժ և տիեզերք. հայազգի ինժեները նոր սերնդի կառավարման սարքի նախատիպ է պատրաստել

0
(Թարմացված է 15:41 22.07.2021)
Նոր թևնոցները պետք է ընդունեն ու կարդան շարժումների ազդակները, որոնք գլխուղեղը տալիս է ձեռքերին, և ի կատար ածեն դրանք վիրտուալ, իսկ հետո նաև իրական տիրույթում։

Նոր սերնդի սարքերը կկառավարվեն ոչ միայն ձեռքերով, այլև ուղեղի ազդակներով, այսինքն` մտքի ուժով։ Արդեն մի քանի տարի է, ինչ այս խնդրի վրա հսկայական միջոցներ են ծախսում Facebook–ն ու այլ խոշոր ընկերությունները։ Նման մի սարք է նախագծել նաև ամերիկյան «Knoxlabs» ընկերությունը, որի հիմնադիրը հայազգի ճարտարագետ Տարոն Խաչատրյանն է։

Тарон Хачатрян о разработках лаборатории виртуальной реальности Knoxlabs
© Photo : provided by Taron Khachatryan
Տարոն Խաչատրյան

Տարոնը տասը տարեկան էր, երբ նրա ընտանիքը տեղափոխվել է ԱՄՆ: Այստեղ նա ստացել է միկրոէլեկտրոնիկայի ինժեների և ծրագրավորողի կրթություն։ Ուսումն ավարտելուց հետո հիմնադրել է իր առցանց լաբորատորիան՝ «Knoxlabs»-ը, որը դարձավ միասնական հարթակ՝ մեկ տեղում ներկայացնելով վիրտուալ աշխարհի տարբեր գործիքներն ու նորությունները։

«Knoxlabs» ընկերությունն առաջիններից էր, որ սկսել էր զանգվածաբար արտադրել «VR Cardboard»–ներ՝ վիրտուալ իրականության մատչելի ակնոցներ։ Քիչ ավելի ուշ այդ շուկան գրավել էր «Google»-ը, բայց տեսնելով, որ «Knoxlabs»-ն արդեն իսկ արտադրության փորձ ունի, նրան մեծ պատվեր էր տվել։ Տարոնի ընկերությունն ընդհանուր առմամբ արտադրել է աշխարհում թողարկված ամեն երրորդ «VR Cardboard-»ը` մոտ 3 միլիոն հատ։ «Knoxlabs»-ը համագործակցում է համակարգչային ոլորտի մի շարք առաջատար ընկերությունների հետ, տարբեր վիրտուալ սարքերի բացառիկ ներկայացուցիչն է Միացյալ Նահանգներում, այդ թվում նաև Facebook-ին պատկանող «Oculus»-ի պաշտոնական ներկայացուցիչն է։

Разработки лаборатории виртуальной реальности Knoxlabs
© Photo : provided by Taron Khachatryan
Տարոն Խաչատրյան

Այժմ ընկերությունն աշխատում է նոր սարքի վրա՝ հատուկ թևնոցների, որոնք պետք է ընթերցեն ուղեղից դեպի ձեռքերի մկանները գնացող ազդակները, մշակեն դրանք և ավելի արագ տեղ հասցնեն մարդու մտքից եկող տեղեկությունները։

Թևնոցների միջոցով ազդակները որսալու համար Տարոնի թիմը ստեղծել է ինքնաուսուցվող ցանց (GAN), որը սովորում է կետերի եռաչափ բազմությունից (point cloud) տարբերել, դուրս բերել իրական պատկերներ։ Հետագայում մարդը, այդ թևնոցները հագնելով` կկարողանա ավելի արագ մշակել ուղեղից ստացած ինֆորմացիան և ձեռքի շարժումներով համակարգի օգնությամբ վիրտուալ տիրույթում միանգամից ստանալ համապատասխան առարկան։

Տարոնի հետ աշխատում են այլ ինժեներներ, ծրագրավորողներ և ֆիզիկոսներ, բայց ավելի խորն ուսումնասիրության համար անհրաժեշտ են նաև բժիշկներ և ֆիզիոլոգներ։ Պետք է անել հազարավոր տոմոգրաֆիական սկանավորումներ` հասկանալու, թե ուղեղի որ հատվածներն են ակտիվանում, երբ այնտեղից հրաման է գալիս, օրինակ, ծալելու արմունկը կամ թեքելու ձեռքը, իսկ հետո` ճիշտ ընթերցել այդ ազդակները և փոխանցել դեպի վիրտուալ իրականություն։ Պետք է նաև ուսումնասիրել, թե արդյոք այդպիսի մտավոր կառավարումը բացասաբար չի՞ ազդում գլխուղեղի ակտիվության և մարդու հոգեբանական վիճակի վրա։

Разработки лаборатории виртуальной реальности Knoxlabs
© Photo : provided by Taron Khachatryan
«Knoxlabs»–ի մշակումներից

«Ես կարող էի ստեղծել օնլայն խանութ կամ հյուրանոցային համակարգ, որոնք արագ փող կբերեին։ Բայց դա հետաքրքիր չէր լինի։ Մի լավ խոսք կա` մենք այն ենք, ինչ մենք ստեղծում ենք։ Ծնողներիս շնորհները միավորվել են մեջս. մայրիկս բժիշկ է` ավելի տրամաբանական մտածելակերպի տեր մարդ, իսկ հայրիկս` ավելի զգայական ու հոգևոր։ Դրա համար ես միշտ ցանկացել եմ ոչ միայն լավ մասնագետ դառնալ, այլ նաև նոր իմաստ հաղորդել իմ գործին», – ասում է Տարոնը։

Նա վստահ է` այս ամենը կիրառելի կլինի ոչ միայն խաղերում։ Հեռակառավարման այս թևնոցները կարող են օգտակար լինել մեր պետության համար հույժ կարևոր ոլորտներում։

Անցյալ տարի Facebook-ը կես միլիարդ դոլարով ձեռք է բերել նեյրոնային ցանցերի հետազոտական լաբորատորիա։ Այլ ընկերություններ ևս այս գործի վրա խոշոր գումարներ են ծախսում, բայց վերջնական արդյունք դեռ չեն ստացել։ «Այս ուղղությամբ Հայաստանը կարող է առաջիններից մեկը դառնալ»,– վստահ է Տարոնը։ Այս տեխնոլոգիան կյանքի կոչելու դրամաշնորհ ստանալու համար «Knoxlabs»-ը դիմել է ամերիկյան վենչուրային ֆոնդերից մեկին և ընտրության առաջին փուլն արդեն հաղթահարել է։

Разработки лаборатории виртуальной реальности Knoxlabs
© Photo : provided by Taron Khachatryan
«Knoxlabs»–ի մշակումներից

Տարոնը հեռահար նպատակ է համարում Հայաստանի ազգային տիեզերական ծրագիրը։ Բայց սա պիտի լինի ոչ թե վերացական երազանք, այլ նպատակ, որին կծառայի մեծ հետազոտական աշխատանք, ընդգծում է նա։ Ընդ որում` տիեզերական ծրագիրն այդքան անիրագործելի չէ, որքան 50 կամ նույնիսկ 20 տարի առաջ։ Հիմա կարելի է արտադրել փոքր արբանյակներ (cubesats), որոնց քաշը կարող է լինել 10 կիլոգրամ և պակաս։ Վերջին մի քանի տարվա ընթացքում Երկիր մոլորակի ուղեծիր է հանվել մի քանի հարյուր այդպիսի արբանյակ, ընդ որում` ոչ միայն գերհզոր երկրների կողմից։ Այդպիսի փորձ ունեցել են, օրինակ, Էստոնիան և Քենիան։

Տիեզերքի մասին Տարոնն ուզում է գիտելիք քաղել նաև սեփական փորձով և չի հրաժարվում տիեզերական ճամփորդության գեթ մեկ հնարավորությունից։ Վերջերս ամերիկյան «SpaceX» ընկերությունը հայտարարել էր 2021 թվականի աշնանը կայանալիք առաջին քաղաքացիական տիեզերական ճամփորդության մասին, իսկ մասնավոր վճարահաշվարկային ընկերություններից մեկը գնել էր տիեզերական օդանավի չորս տոմս․մեկը՝ ընկերության տնօրենի համար, երկրորդը փոխանցել է մի մանկական հիվանդանոցի, երրորդը` այդ հիվանդանոցի խոշոր նվիրատուներից մեկին, իսկ ահա չորրորդի համար խաղարկություն էր հայտարարել։ Տարոնը` որպես տիեզերքի ամենահավատարիմ սիրահար, դիմել էր խաղարկությանը։ Ցավոք, մրցույթում չհաղթեց, բայց նրա նկարը խաղարկության մյուս բոլոր մասնակիցների նկարների հետ կմեկնի տիեզերք, իսկ թռիչքին Տարոնը կհետևի մեկնարկի վայրից։

«Երբ ես փոքր էի, ամռանը մենք միշտ Բյուրականի աստղադիտարան էինք գնում, այդ ժամանակվանից ինձ մոտ ձևավորվել է անհագ հետաքրքրությունն ու սերը տիեզերքի հանդեպ։ 1996-ին հայրս ինձ նույնիսկ տարել էր Վիկտոր Համբարձումյանի թաղմանը։ Համբարձումյանն իմ մանկական հերոսներից մեկն է, և ես հպարտ եմ, որ մենք այդպիսի անուն և աստղադիտարան ենք ունեցել։ Հիմա պետք է այդ ժառանգությունը նորից կյանքի կոչենք», – ասում է նա։

Նշենք` Տարոնը մասնակցում է նաև «Գիտուժ» նախաձեռնությանը, որի նպատակն է ավելացնել գիտության ֆինանսավորումը Հայաստանում։

Հայ ֆիզիկոսներն ալգորիթմներ են մշակում նոր սերնդի համակարգիչների համար

0
թեգերը:
Սարք, ինժեներ, Հայաստան
Ըստ թեմայի
Հայկական «խելացի» բիզնեսը․ էներգաարդյունավետության մասնագետները ոչ մեկին պետք չեն
Ինչ են ուզում հայ մաթեմատիկոսները «սովորեցնել» համակարգչին. նոր և կարևոր մշակումներ
Հայ կենսաբանները նոր մաշկ են ստեղծում մարդու համար. բարդագույն խնդիրը լուծում են ոչնչից
Ոչ միայն կենացով. սփյուռքահայ տնտեսագետն ուզում է Հայաստանում կառավարման նոր մոդել ներդնել