Թրթնջուկ

Ամրացնում է իմունիտետը. սննդաբանը խոսել է մոռացվող բույսի հատկությունների մասին

125
(Թարմացված է 11:38 06.07.2021)
Մասնագետը նշել է, որ այս բույսը վիտամին C-ի պարունակությամբ մի քանի անգամ գերազանցում է կիտրոնին ու սպանախին։

ԵՐԵՎԱՆ, 7 հուլիսի - Sputnik. Սննդաբան Աննա Կորոլը ՌԻԱ Նովոստիին ասել է, որ Թրթնջուկը ամենաօգտակար բույսերից մեկն է, որը բազմաթիվ վիտամիններ ու օրգանիզմին անհրաժեշտ նյութեր է պարունակում:

Մասնագետը հիշեցրել է, որ ասկորբինաթթուն օգնում է ամրապնդել իմունիտետն ու նվազեցնել արյան մեջ «վատ» խոլեստերինի մակարդակը: Թրթնջուկի ընդամենը 100 գրամը պարունակում է վիտամին C-ի օրական նորմայի ավելի քան 50%-ը: Այս ցուցանիշով թրթնջուկը զգալիորեն գերազանցում է նույնիսկ կիտրոնին ու սպանախին:

Բացի այդ, թրթնջուկը հարուստ է բետա-կարոտինով, որը մաշկի ու աչքերի վիճակի «պատասխանատուն» է և արտահայտված հակաօքսիդիչ հատկություններ ունի:

Բժիշկը պատմել է, թե ինչի պատճառով կարող է ցերեկը քնկոտություն առաջանալ

Սննդաբանը նշել է, որ այդ բույսը B խմբի վիտամինների պարունակությամբ առաջատարների թվում է։ Այդ վիտամինները օգտակար են հիշողության և ուշադրության բարելավման, նյարդային համակարգի նորմալ աշխատանքի, ինչպես նաև բերանի խոռոչն ու աղիների լորձաթաղանթն առողջ պահելու համար:

Թրթնջուկի մեջ կա նաև վիտամին K ու կալցիում, որոնք օգնում են ամրապնդել արյան անոթների պատերն ու նոսրացնել արյունը։ Հենց այդ պատճառով էլ հաճախ թրթնջուկ է օգտագործվում լնդերի արնահոսություն ժամանակ։

Թրթնջուկի հյութն օգնում է բարելավել երիկամների վիճակն ու վերացնել այտուցները։ Թրթնջուկը օգտակար է նաև լյարդի ու լեղապարկի հիվանդություն ունեցող մարդկանց համար, քանի որ դրա բաղադրիչները բարելավում են լեղիի շրջանառությունը:

Այս բույսից պատրաստվող ամենահայտնի ուտեստը թրթնջուկով ապուրն է, որը կարելի է մատուցել ինչպես սառը, այնպես էլ տաք վիճակում: Սովորաբար այդ ապուրը պատրաստվում է առանց մսի, բայց ցանկության դեպքում կարելի է եփել ցանկացած մսի արգանակով։ Դրա մեջ պետք է լինի կարտոֆիլ, գազար, ձու, թրթնջուկ, սոխ, սամիթ համեմունքներ ըստ նախասիրության։ Թրթնջուկով ապուրը բարձրացնում է հեմոգլոբինը, օրգանիզմը հագեցնում վիտամիններով, կարգավորում է աղեստամոքսային համակարգի աշխատանքը և բարելավում լյարդի աշխատանքը։

Սիրում եմ քեզ աղի չափ, կամ սննդակարգ «հայկական ձևով»

Դրա հետ մեկտեղ մասնագետը զգուշացրել է, որ չպետք է մոռանալ հակացուցումների մասին։ Օրինակ՝ թրթնջուկային թթուն կարող է միզապարկի ու երիկամների քարեր առաջացնել։ Թրթնջուկը պետք է ամբողջությամբ բացառվի սննդակարգից նաև միզաքարային հիվանդության, օստեոպորոզի, խոցային հիվանդության ու գաստրիտի սրացման դեպքում:

Կարելի՞ է սուրճ խմել ամառվա շոգին. պարզաբանում է բժիշկը

125
թեգերը:
օրգանիզմ, սննդաբան, բժիշկ
Ըստ թեմայի
Բժիշկը պատմել է աղի օգուտի ու վնասի մասին
Մասնագետն ասել է` ինչ է պետք խմել նիհարելու ժամանակ
Սննդաբանը խոսել է ամենաօգտակար սառնանուշի մասին, որը միաժամանակ նաև ամենահինն է
Բժիշկն ասել է` ինչ կլինի, եթե շաբաթական հինգ անգամ ձուկ ուտեք
Արյունաբանական կենտրոն

Արյան բանկի պաշարները բավարար են. Յոլյանի անվան արյունաբանական կենտրոնի հայտարարությունը

40
(Թարմացված է 13:17 28.07.2021)
Արյունաբանական կենտրոնը հայտնում է, որ արյան փոխներարկում կարող է անհրաժեշտ լինել յուրաքանչյուրիս՝ ցանկացած պահի։

ԵՐԵՎԱՆ, 28 հուլիսի – Sputnik. Յոլյանի անվան արյունաբանական կենտրոնը տեղեկացնում է, որ Արյան բանկի պաշարները բավարար են ազգաբնակչության կարիքները հոգալու համար։ Նման հայտարարությւոն է տարածել կենտրոնը ֆեյսբուքյան իր էջում գրառում կատարելով։

«Ինչպես միշտ, այնպես էլ այսօր ՀՀ ԱՆ «Պրոֆեսոր Յոլյանի անվան արյունաբանական կենտրոն»-ի Արյան բանկի պաշարները բավարար են ազգաբնակչության կարիքները հոգալու համար։ Հարկ է նշել սակայն, որ կանոնավոր արյունատվությունը խրախուսվում է»,–նշված է գրառման մեջ։

Միաժամանակ, կենտրոնը հայտնում է, որ արյան փոխներարկում կարող է անհրաժեշտ լինել յուրաքանչյուրիս՝ ցանկացած պահի։

Նշենք, որ արյունաբանական կենտրոնի բժիշկներից մեկը սոցցանցի իր էջում գրել էր, թե արյան կարիք կա, սակայն կարճ ժամանակ անց նա ջնջեց այդ գրառումը` տեղադրելով կենտրոնի հայտարարությունը։

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, երեք վիրավոր։

40
թեգերը:
Հայաստան, Յոլյանի անվան արյունաբանական կենտրոն, արյուն
Ըստ թեմայի
Կիրառվել են ականանետներ, շփման գծի փոփոխություն չի եղել. ՊՆ–ի նոր հաղորդագրությունը
ՊՆ–ն հրապարակել է ադրբեջանական կրակոցներից զոհված զինծառայողների անունները
ՀՀ նախագահն իր աջակցությունն է հայտնում հայոց բանակին
Բայքերները Երևանում. արխիվային լուսանկար

«Զարկերակը լեռներում». եվրոպացի բայքերները Շորժայում մրցաշար կանցկացնեն

59
(Թարմացված է 13:18 28.07.2021)
Մրցաշարին կարելի է մասնակցել երեք օրվա համար վճարելով 12 հազար դրամ։

ԵՐԵՎԱՆ, 28 հուլիսի – Sputnik. Գեղարքունիքի Շորժա գյուղում տեղի կունենա մոտոկրոսի Հայաստանի բաց առաջնություն։ Տեղեկությունը Sputnik Արմենիա մուլտիմեդիոն մամուլի կենտրոնում հայտնել է «Biker zone» կազմակերպության նախագահ Արտակ Ռշտունին։

Председатель организации Biker zone. Армения Артак Рштуни на пресс-конференции в преддверии фестиваля байкеров Сердцебиение гор
© Sputnik / Andranik Ghazaryan
Արտակ Ռշտունի

Մրցաշարը կոչվում է «Զարկերակը լեռներում», այն բաց կլինի։ Դրան կմասնակցեն տեղացի և արտասահմանյան բայքերներ։

«Կժամանեն նաեւ Ախալցխայից մեր հայրենակիցները, մոտոկրոսի Վրաստանի չեմպիոնները», - ասաց նա:

Որս, ձկնորսություն, մոտոցիկլ, գիրք և ֆուտբոլ. ի՞նչ կապ ունի այս ամենն ըմբշամարտի հետ

Պրոֆեսիոնալները կմրցեն հատուկ տիպի մոտոցիկլետներով, իսկ սկսնակների համար մրցավազք կանցկացվի մայրուղու վրա՝ դեպի Սևանի վանք։

Մրցաշարին կարելի է մասնակցել երեք օրվա համար վճարելով 12 հազար դրամ։

59
թեգերը:
մրցույթ, մոտոցիկլետ, մոտոարշավ, Շորժա, Հայաստան
Ժոնթան Լաքոտ

Ֆրանսիան Հայաստանին և Ադրբեջանին քաղաքական գործընթացների վերսկսման կոչ է անում. Լաքոտ

0
(Թարմացված է 14:07 28.07.2021)
Ֆրանսիան կդիտարկի Հայաստանի կողմից պաշտպանության ոլորտում աջակցության վերաբերյալ դիմումները, սակայն պետք է հաշվի առնել այն, որ Հայաստանը և Ֆրանսիան միևնույն ռազմական ալյանսների մաս չեն կազմում:

ԵՐԵՎԱՆ, 28 հուլիսի – Sputnik. Ֆրանսիան քաղաքական գործընթացների վերսկսման կոչ է անում Հայաստանին և Ադրբեջանին, այն պետք է լինի արդար և չպետք է տեղի ունենա ուժի կամ այլ ազդեցության ներքո: Ինչպես հայտնում է «Արմենպրեսը», Էրեբունու հնագիտական պեղումներն ավարտելու կապակցությամբ տեղի ունեցած ասուլիսի ժամանակ նման հայտարարություն է արել Հայաստանում Ֆրանսիայի դեսպան Ժոնաթան Լաքոտը:

«Մենք նաև գիտակցում ենք, որ այս ամենը տեղի է ունենում մի կոնտեքստում, երբ հայ-ադրբեջանական սահմանին վատթարացում կա: Սրանք իրադարձություններ են, որոնք առաջացնում են Ֆրանսիայի անհանգստությունը, որովհետև դա նաև հրադադարի խախտում է, դրա պատճառով նաև Հայաստանի սահմաններին անվտանգային իրավիճակի վատթարացում է գրանցվում: Այս համատեքստում Ֆրանսիան կոչ է անում Հայաստանի և Ադրբեջանի միջև քաղաքական գործընթացները վերսկսել»,–ասել է Լաքոտը` անդրադառնալով Գեղարքունիքի մարզում գիշերվանից ընթացող զինված գործողություններին: 

Նրա խոսքով` Ֆրանսիայի հիմնական մտահոգությունը Հայաստանի սահմանային իրավիճակն է:

«Բնականաբար, մենք չենք մոռանում նոյեմբերի 9-ի եռակողմ հայտարարության մեջ ուրիշ կետերի մասին, որոնց կատարման հետ կապված դեռ խնդիրներ կան, մասնավորապես, Ադրբեջանում պահվող բոլոր ռազմագերիների ազատ արձակման կետը»,- հավելել է դեսպանը:

Ադրբեջանում 2 հայ զինծառայողի 15 տարվա ազատազրկման են դատապարտել

Անդրադառնալով Հայաստանին պաշտպանության ոլորտում աջակցելու Ֆրանսիայի հնարավորությանը, Լաքոտը նշել է, որ Ֆրանսիան կդիտարկի Հայաստանի կողմից պաշտպանության ոլորտում աջակցության վերաբերյալ դիմումները, սակայն պետք է հաշվի առնել այն, որ Հայաստանը և Ֆրանսիան միևնույն ռազմական ալյանսների մաս չեն կազմում:

«Ընդհանուր առմամբ մեր նպատակը ոչ թե ապագա ինչ-որ պատերազմի պատրաստվելն է, այլ պատերազմից խուսափելն է, որովհետև, կածում եմ, որ տարածաշրջանում առկա խնդիրները չպետք է ունենան ուժային լուծում` Ղարաբաղի հարցը, հայ-ադրբեջանական սահմանի հարցը պետք է լուծվեն միայն բանակցային ճանապարհով: Ցանկացած այլընտրանք տանելու է փակուղի»,- ասել է Լաքոտը:

 Անդրադառնալով Ֆրանսիայի նախագահ Էմանուել Մակրոնի Հայաստան հնարավոր այցին, դեսպանն ասել է, որ իսկապես 2018 թվականին Ֆրանկոֆոնիայի գագաթնաժողովի ժամանակ նա պարտավորվել է կրկին գալ Հայաստան:

«Այս պահի դրությամբ ոչ մի հստակ ամսաթիվ չկա: Բայց, ընդհանուր առմամբ կարող եմ ասել, որ նախագահ Մակրոնը կգա այն ժամանակ, երբ այցը օգտակար կլինի տարածաշրջանում քաղաքական գործընթացներին աջակցելուն: Այդ պահին պարզ կտեսնենք, թե ինչ փաստաթուղթ կարող է ստորագրվել Հայաստանի և Ֆրանսիայի միջև»,- ասել է Լաքոտը՝ անդրադառնալով կողմերի միջև որևէ փաստաթղթի ստորագրման հնարավորության մասին հարցին:

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, երեք վիրավոր։

0
թեգերը:
Ադրբեջան, Սահման, Գեղարքունիքի մարզ, Հայաստան, Ժոնաթան Լաքոտ, Ֆրանսիա
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
ՊՆ–ն հրապարակել է ադրբեջանական կրակոցներից զոհված զինծառայողների անունները
ՀՀ նախագահն իր աջակցությունն է հայտնում հայոց բանակին
Սահմանին զոհված զինծառայողներից մեկը Չինչին գյուղի միակ շրջանավարտ Դավիթն է