Ջիվան Գասպարյան

Հոգեցունց դուդուկ. Ջիվան Գասպարյանի մի քանի ամենավառ ելույթները

160
(Թարմացված է 00:28 07.07.2021)
Ջիվան Գասպարյանի կատարմամբ մի շարք մեղեդիներ վաղուց դադարել են զուտ ազգային արժեք լինելուց` հիրավի դառնալով համընդհանուր ձեռքբերում։ Մեծն երաժիշտն այսօր հեռացավ կյանքից... Sputnik Արմենիան հիշում է նրա ամենավառ կատարումները։

Ջիվան Գասպարյանը հայկական ժողովրդական դուդուկի օգնությամբ կարողացավ հայկական երաժշտությունը միջազգային բեմ հանել։ Նվագել պետք է հոգով` չէր հոգնում կրկնել մաեստրոն։

2002 թվականին «Երաժշտարվեստի բնագավառում ունեցած վաստակի համար» նա ստացավ WOMEX (World Music Expo) մրցանակը։ Իսկ չորս տարի անց առաջադրվեց «Գրեմմիի» «Աշխարհի ժողովուրդների երաժշտությունը» անվանակարգում։  Նա մի քանի անգամ  հայկական ժողովրդական երաժշտություն կատարող փոքր համույթի հետ հյուրախաղերով շրջեց աշխարհով մեկ։

Մահացել է Ջիվան Գասպարյանը

Մաեստրոն աշխատում էր մեր ժամանակների այնպիսի ականավոր երաժիշտների հետ, ինչպիսիք են Լայոնել Ռիչին, Փիթեր Գեբրիելը, Հանս Ցիմերը, Բրայան Մեյը, Սերժ Թանկյանը, Անդրեաս Վոլենվեյդերը, Բորիս Գրեբենշչիկովը, Մայքլ Բրուքը։

Գասպարյանին շատ լավ ճանաչում են նաև Ռուսաստանում, որտեղ նա համագործակցում էր Ռոման Միրոշնիչենկոյի, Իգոր Կրուտոյի, Լեոնիդ Ագուտինի, Վլադիմիր Պրեսնյակով կրտսերի, Իրինա Ալեգրովայի և շատ ուրիշների հետ։

Նրան հաջողվեց ամբողջ աշխարհում իր հարազատ մշակույթին հաղորդակից դարձնել միլիոնավոր մարդկանց։ Մեծամասամբ Ջիվան Գասպարյանի շնորհիվ 2005 թվականին հայկական դուդուկին և դրանով կատարվող երաժշտությանը ՅՈւՆԵՍԿՕ–ն շնորհեց մարդկության բանավոր և ոչ նյութական մշակույթի ժառանգության գլուխգործոցի կարգավիճակ։

«Գլադիատոր» և «Օսկարի» առաջադրում

2000 թվականին էկրան բարձրացավ ռեժիսոր Ռիդլի Սքոթի «Գլադիատոր» ֆիլմը։  Ֆիլմի մրցանակները բազմաթիվ են, այդ թվում` 5 «Օսկար» և երկու «Ոսկե գլոբուս», որոնցից մեկը` լավագույն երաժշտության համար։

Ինչու Ջիվան Գասպարյանին ոչ ոքի հետ չես շփոթի

Պատմական այդ կինոէպոպեայի համար զարմանահրաշ երաժշտություն են գրել  գերմանացի կոմպոզիտոր Հանս Ցիմերը, Ջիվան Գասպարյանը և ավստրալիացի երաժիշտ ու կոմպոզիտոր Լիզա Ջերարդը։

Հանս Ցիմերը Գասպարյանին անվանել է աշխարհի ապշեցնող երաժիշտներից մեկը և աստված` դուդուկ նվագելու գործում. «Նա անմիջապես հիշվող բացառիկ հնչեղություն է ստեղծում»։

«Ֆրեսկաներ»

2003 թվականին նա երաժշտություն գրեց Ալեքսանդր Գուտմանի «Ֆրեսկաներ» գեղարվեստա–հրապարակախոսական ֆիլմի համար։ Ֆիլմը պատմում է ԽՍՀՄ փլուզումից հետո Հայաստանի կյանքի և գրեթե անմիջապես ԽՍՀՄ փլուզմանը հաջորդած սարսափելի երկրաշարժի մասին։

Հիասքանչ իմպրովիզացիա

2005 թվականին Նորվեգիայի Թրոմսյո քաղաքում, «46664» համերգի ժամանակ, STARMUS փառատոնի հիմնադիր Գարիկ Իսրայելյանի նախաձեռնությամբ պետք է դուետով հանդես գային Ջիվան Գասպարյանն ու Queen  խմբի կիթառահար  Բրայան Մեյը։

«Թրոմսյոում էր նաև Փիթեր Գեբրիելը։ Ես նրան խնդրեցի բեմ բարձրանալ և նվագել Ջիվան Գասպարյանի և Բրայան Մեյի ելույթի ժամանակ։ Նա պատասխանեց, որ դժվար է առանց փորձի բեմում միանգամից նման բան անել։ Բայց արդյունքում համաձայնեց։ Իսկ համերգից հետո Led Zeppelin–ի վոկալիստ Ռոբերտ Փլանթն ինձ ասաց, որ դա հիասքանչ կատարում էր», – հարցազրույցներից մեկում հիշում է Գարիկ Իսրայելյանը։

«Եվրատեսիլ»

2010 թվականին «Եվրատեսիլ-2010» երգի մրցույթին Ջիվան Գասպարյանը ելույթ ունեցավ Եվա Ռիվասի հետ։ Հայաստանի մասնակիցն  այդ ժամանակ 7-րդ տեղը գրավեց։

«Երեք լեգենդները Կրեմլում»

2011 թվականին մաեստրոն մասնակցեց «Երեք լեգենդները Կրեմլում» համերգին, որտեղ նվագում էր Ռուսաստանի նախագահական նվագախմբի և Մոսկվայի Սրետենսկու վանքի արական երգչախմբի հետ։

160
թեգերը:
Մահ, Ջիվան Գասպարյան, դուդուկահար, դուդուկ
Ըստ թեմայի
Նուռն ու դուդուկը մատրյոշկաների և կոկոշնիկների հետ. ինչպես տոնեցին Մոսկվայի օրը Երևանում
«էս ի՜նչ լավն էր». Մայքլ Ջեքսոնի ամենահայտնի երգերից մեկը` թառով ու դուդուկով
Ինչ է սպասում հայկական դուդուկին. ՀՀ-ն արձագանքել է թուրք-ադրբեջանական նախաձեռնությանը
Հոգեբուժարան. արխիվային լուսանկար

Ու՞ր են «կորել» Ավանի հոգեբուժարանում բուժում ստացող 27 անձինք. դատախազության բացահայտումը

22
(Թարմացված է 18:01 27.07.2021)
Առաջարկվում է խստացնել արտահիվանդանոցային հարկադիր բուժման մեջ գտնվող անձանց տեղաշարժի, վարքագծի, հարկադիր բուժում ստանալու նկատմամբ պետական վերահսկողությունը։

ԵՐԵՎԱՆ, 27 հուլիսի - Sputnik. «Ավան» հոգեկան առողջության կենտրոնում արտահիվանդանոցային հարկադիր բուժման և հսկողության մեջ գտնված 93 անձանցից 27-ը տևական ժամանակ չեն հաճախել կենտրոն։ Խոսքն այն մարդկանց մասին է, որոնց նկատմամբ հարկադիր բուժման կամ հսկողության որոշումներ են կայացվել դատարանների կողմից տարբեր ժամանակահատվածներում։ Տեղեկությունը հայտնում է ՀՀ գլխավոր դատախազության մամուլի ծառայությունը։

«Այդ 27 անձանց վերաբերյալ բժշկական փաստաթղթերի  ուսումնասիրությամբ պարզվել է, որ նրանցից 6-ը տևական ժամանակ դիսպանսեր չհաճախելու, անհրաժեշտ դեղորայք չստանալու արդյունքում առողջական վիճակի վատթարացման պատճառով գտնվել է ստացիոնար բուժման մեջ այլ հոգեբուժական հաստատություններում, 9-ը բացակայել է ՀՀ-ից, 2-ը ներկայումս պատիժ է կրում ՀՀ ԱՆ տարբեր ՔԿՀ-ներում, իսկ 10-ի մասով ոստիկանության աշխատակիցները պարբերաբար պարտավորեցրել են ներկայանալ «Ավան» ՀԱԿ ՓԲԸ՝ վերջիններից վերցնելով գրավոր պարտավորագրեր, սակայն այդ անձինք դրանից հետո ևս դիսպանսեր չեն հաճախել»,- նշված է հաղորդագրության մեջ։

Դատախազությունը պարզել է, որ նշված անձանցից ոմանք նախկինում անմեղսունակության վիճակում կատարել են նույնիսկ առանձնապես ծանր և հանրային մեծ վտանգավորություն ներկայացնող արարքներ՝ սպանություն, դիտավորությամբ առողջությանը ծանր կամ միջին վնաս հասցնել և այլն։

Պատերազմում տուժած զինծառայողների ընտանիքները հոգեբանական աջակցություն կստանան

Պարզվել է նաև, որ «Ավան» ՀԱԿ-ից պարբերաբար գրություններ են ուղարկվել բուժվող հիվանդի բնակության վայրի տարածքային ոստիկանության բաժին, սակայն առկա օրենսդրական կարգավորումների արդյունքում որևէ գործնական միջոց չի կիրառվել բուժումից խուսափող անձանց հայտնաբերելու ուղղությամբ:

Ստուգման ընթացքում արձանագրվել են դեպքեր, երբ արտահիվանդանոցային հարկադիր բուժում նշանակելուց կարճ ժամանակ անց անձը հատել է ՀՀ պետական սահմանն ու այլևս չի վերադարձել: Փաստորեն, դատարանների կողմից կայացված դատական ակտերը փաստացի չեն կատարվել:

 Դատախազությունը նշում է օրենսդրական այն բացերը, որոնց հետևանքով նման իրավիճակ է ստեղծվել։ Պատճառներից մեկն այն է, որ արկադիր բուժումից խուսափող անձանց հարկադիր կարգով բժշկական հիմնարկներ բերման ենթարկելու իրավասություն ոստիկանությունը չունի։

Հաշվի առնելով այս ամենը՝ ՀՀ գլխավոր դատախազությունում մշակվել է «ՀՀ ոստիկանության մասին», ՀՀ քրեական օրենսգրքում, ինչպես նաև ՀՀ կառավարության 2006թ.-ի հունիսի 22-ի N 884-Ն որոշման մեջ փոփոխությունների փաթեթի նախագիծ, որն արդեն ուղարկվել է ՀՀ արդարադատության նախարարություն:

Առաջարկվում է սահմանել, որ ոստիկանությունը օրենքով սահմանված կարգով և դեպքերում պարտավոր է հոգեբուժական կազմակերպություն բերման ենթարկել հարկադիր բուժումից խուսափող անձանց:

Առաջարկվում է նաև դատարանին իրավունք վերապահել հոգեբույժի մոտ հարկադիր արտահիվանդանոցային հսկողություն և հարկադիր բուժում նշանակելիս անձի վրա դնել առանց դատարանի որոշման մշտական բնակության վայրը չփոխելու և (կամ) ՀՀ տարածքը չլքելու պարտականություն:  

22
թեգերը:
Հայաստան, ՀՀ գլխավոր դատախազություն, հոգեբուժարան
Ըստ թեմայի
Կենտրոնը գերբեռնված է. ՄԻՊ–ի աշխատակիցներն  անակնկալ այցելել են Նուբարաշենի հոգեբուժարան
Անպատիժ մնացած սպանություններ, կամ հոգեբուժարան տանող ճանապարհներն արյունոտ են
Վարդենիսի հոգեբուժարանի աշխատակիցը 16 տարի շարունակ շահագործել է հիվանդներից մեկին
Լիլիթ Բասյան

Լիլիթ Բասյանը խոստովանել է, որ իր կյանքում նոր տղամարդ կա

159
(Թարմացված է 16:57 27.07.2021)
Լիլիթ Բասյանը փոքրիկ տեսանյութ է հրապարակել, որում երևացող շքեղ ծաղկեփունջը հավանաբար ստացել է հենց այդ տղամարդուց։

ԵՐԵՎԱՆ, 27 հուլիսի – Sputnik. Սննդաբան Լիլիթ Բասյանը (Բաբասյանը) Instagram–իր էջի «սթորի» բաժնում հարցուպատասխան է կազմակերպել՝ անդրադառնալով նաև անձնական բնույթի հարցերի։ Դերասան Ալեքսանդր Բաբասյանի հետ ամուսնալուծությունից մեկուկես տարի հետո Լիլիթը խոստովանել է, որ իր կյանքում նոր տղամարդ կա։

Նշենք, որ վերջին շրջանում լուրեր էին տարածվում, թե Լիլիթը պատրաստվում է նոր ընտանիք կազմել։ Այդ խոսակցություններն ավելի ակտիվացան, երբ Լիլիթը Instagram–ի «սթորի» բաժնում լուսանկար հրապարակեց մի տղամարդու հետ, որի դեմքը չէր երևում։

Այսօր հետևորդներից մեկը հարցրել է` արդյոք ճի՞շտ են ընտրյալ ունենալու մասին լուրերը։ Լիլիթն ի պատասխան փոքրիկ տեսանյութ է հրապարակել, որում շքեղ ծաղկեփունջ է երևում, և գրել է. «Այո»։

«Ուժեղ կնոջ խոսքեր». ինչպես է Լիլիթ Բաբասյանը հաղթահարում բարդ իրավիճակները

Ավելի վաղը Լիլիթը պատասխանել էր հարցին, թե իսկապե՞ս չի ների դավաճանությունը։ «Այլևս երբեք։ Ես չեմ կարող հասկանալ՝ ինչպես կարելի է դավաճանել հոգին։ Չէ՞ որ խնդիրը ոչ թե ֆիզիկական, այլ հոգևոր դավաճանության մասին է։ Ես գիտեմ, որ իմ մեջ կա ամեն ինչ, որպեսզի երջանկացնեմ տղամարդուն։ Եթե ես սիրում եմ, ապա իմ սերը ֆանատիկ է։ Ես ապրում և շնչում եմ այդ սիրով։ Մի՞թե արժե ինձ կորցնել»,– գրել էր սննդաբանը։

Լիլիթին նաև մասնագիտական հարցեր են ուղղել նիհարելու մասին և շնորհակալություն հայտնել իրենց ոգեշնչելու համար։ Սննդաբանը նշել է, որ իր համար էլ հետևորդների արդյունքներն են մոտիվացիա դառնում։

Հիշեցնենք` դեռևս 2019 թվականի վերջին սոցցանցերում և մամուլում լուրեր տարածվեցին, որ դերասան Ալեքսանդր Բաբասյանն ու Լիլիթ Բաբասյանն այլևս միասին չեն։ Զույգի բաժանման մասին սկսեցին խոսել, երբ Լիլիթն իր ծննդյան 27-րդ տարեդարձը որոշեց նշել ընտանիքից հեռու՝ ԱՄՆ-ում: Լիլիթը սոցցանցային իր էջերից ջնջեց ամուսնու հետ բոլոր լուսանկարներն ու փոխեց ազգանունը` Բաբասյանից դառնալով Բասյան։

Պաշտում եմ ձեր հայկականությունը. Էլինա Ջանիբեկյանը պատմել է Մատենադարանի մասին

Ավելի ուշ Լիլիթը խոստովանեց, որ իրենց բաժանման պատճառը Ալեքսանդրի դավաճանությունն է։

Զույգն ամուսնացել էր 2012 թվականին։ Նրանք մեկ որդի ունեն, որն արդեն 6 տարեկան է։

Ինչո՞ւ չեք նիհարում. սննդաբան Լիլիթ Բաբասյանն ունի այս հարցի պատասխանը

159
թեգերը:
տղամարդ, Լիլիթ Բաբասյան
Արթուր վանեցյան

Արթուր Վանեցյանն առաջարկում է ստեղծել Արցախի հարցերով մշտական հանձնաժողով

0
(Թարմացված է 18:16 27.07.2021)
«Պատիվ ունեմ» դաշինքը նախատեսում է ԱԺ առաջին նիստում հանդես գալ Արցախի հարցերով մշտական հանձնաժողով ստեղծելու նախաձեռնությամբ։

ԵՐԵՎԱՆ, 27 հուլիսի – Sputnik. «Պատիվ ունեմ» դաշինքի պատգամավորության թեկնածու, ԱԱԾ նախկին պետ Արթուր Վանեցյանը մտադիր է հանդես գալ Ազգային ժողովի մշտական հանձնաժողովների շարքում Արցախի հարցերով մշտական հանձնաժողով ստեղծելու առաջարկությամբ։ Վանեցյանն այս մասին հայտնել է Facebook–ի իր էջում։

«Հաշվի առնելով հետընտրական շրջանում Արցախի շուրջ ստեղծված իրավիճակը, Արցախին առնչվող բազմաթիվ նոր խնդիրները և մարտահրավերները՝ անվտանգայինից մինչև սոցիալական, մշակութայինից մինչև տնտեսական, ճիշտ եմ համարում ԱԺ մշտական հանձնաժողովների շարքում ստեղծել Արցախի հարցերով մշտական հանձնաժողով»,–գրել է նա։

Վանեցյանի խոսքով` «Պատիվ ունեմ» դաշինքը նախատեսում է ԱԺ առաջին նիստում հանդես գալ լրացուցիչ հիմնավորումներով։

Հիշեցնենք, որ նորընտիր խորհրդարանի առաջին նստաշրջանը մեկնարկելու է օգոստոսի 2-ին` ժամը 10:00-ին։ Օրակարգում 7 հարց է ընդգրկված, որոնցից մեկն էլ մշտական հանձնաժողովների ստեղծման հարցն է լինելու։

«Պատիվ ունեմ» դաշինքը վերցնելու է մանդատները 4 պատճառով

0