Արխիվային լուսանկար

Որ ոչ մի անազնիվ ձեռք չհասնի հայ զինվորի շենքին. Սահակյան–Մուրադյան վեճը շարունակվում է

129
(Թարմացված է 21:22 05.07.2021)
Արմեն Մուրադյանը պնդում է, որ վերանորոգումը տևելու է մոտավորապես 5-6 ամիս, որից հետո ստորաբաժանումը հնարավորություն է ունենալու նույն հասցեում շարունակել իր գործունեությունը։ Արտավազդ Սահակյանը հրապարակում է «Զինվորի տան» տնօրենի նամակը։

ԵՐԵՎԱՆ, 5 հուլիսի – Sputnik. Արտավազդ Սահակյան–Արմեն Մուրադյան ֆեյսբուքյան վիճաբանությունը շարունակվում է։ ԵՊԲՀ ռեկտոր Արմեն Մուրադյանը նոր գրառում է արել` արձագանքելով գործընկերոջ` իր դեմ ուղղված քննադատություններին։

Նախ` միկրովիրաբույժ Արտավազդ Սահակյանը Facebook-ի իր էջի տեսաուղերձում հրապարակել է «Զինվորի տուն վերականգնողական կենտրոնի» տնօրեն Հայկուհի Մինասյանի նամակը` կենտրոնում նախատեսվող վերանորոգման աշխատանքների մասին և եզրակացնում. «Այստեղ ոչ մի տարածք չի թողնվում միկրովիրաբուժության ամբիոնի գործունեության, ինչպես նաև բժիշկների, կլինիկաօրդինատների ու մյուսների համար»։ Սահակյանը պնդում է, որ այդ ամենը կատարվել է իրենց թիկունքում` Հայկուհի Մինասյանի միջոցով ու ռեկտոր Արմեն Մուրադյանի հովանավորչությամբ ու թողտվությամբ։

Սահակյանն իր ուղերձում դիմում է ՀՀ վարչապետի պաշտոնակատարին ու կառավարությանը` հորդորելով վերանայել վերանորոգման որոշումը, քանի որ, իր մեկնաբանությամբ, ամբիոնից թաքուն կատարվել է գործարք` առանց հաշվի առնելու ամբիոնի ու ամբիոնի աշխատակազմի շահերը։

«Նույնիսկ կառավարությունում կարծել են, թե Արտավազդ Սահակյանն է դա ցանկանում անել,– ասում է նա,– իրականում պատկերը հետևյալն է` առևանգվում է մեր տարածքը, կառուցվում է արդեն մասնավոր մեկ այլ կազմակերպություն այս հիմնարկում, և դա, որպես կանոն, միշտ կատարվում է որևէ բարեգործական, հասարակական դրոշի ներքո»։

18-20 տարեկան զինվորներն ուղղակի ֆանտաստիկ էին. պատերազմ անցած ռուսահայ բժիշկի հուշերը

Ավելի ուշ Սահակյանին պատասխանել է ԵՊԲՀ ռեկտոր Արմեն Մուրադյանը` հերքելով Աբովյան 58 շենքը օտարելու մասին լուրը։

«Շենքը չի օտարվել, պետական գույք է, ԵՊԲՀ-ին կցված, և պարզապես 15 տարի ժամկետով հայ զինվորն իրավունք ունի առանց վարձակալության գումարի բուժվել այդ հասցեում գտնվող շենքում»,– գրում է Մուրադյանը` հրապարակելով այդ մասին վարչապետ Կարեն Կարապետյանի և Նիկոլ Փաշինյանի օրոք ընդունված կառավարության երկու որոշումները։

«Իսկ ինչ վերաբերվում է շենքը 15 տարի ժամկետով «Հայ Զինվորին» անհատույց տրամադրելու կառավարության որոշմանը, ապա կարծում եմ, այո, ճիշտ եք, Արտավազդ Բագրատիչ, որոշումը պետք է վերանայվի և 100 տարով տրվի Հայ Զինվորին, այլ ոչ թե 15: Հուսով եմ Դուք ևս կօգնեք մեզ, որ այդ շենքը տրվի «Հայ Զինվորին»՝ 100 տարվա իրավունքի ուժով, որ երբեք ոչ մի անազնիվ ձեռք չհասնի «Հայ Զինվորի» արժանապատիվ բուժման նպատակով տրված շենքին»,– գրում է Մուրադյանը։

Նա նաև նշում է, որ Աբովյան 58 շենքը՝ համաձայն 11.03.2011 թվականի ԱԻՆ եզրակացության, վթարային է, ենթակա է հիմնովին ու հրատապ հիմնանորոգման։ Իսկ մինչ վերանորոգման աշխաըտանքների ավարտը Արտավազ Սահակյանին առաջարկում է ժամանակավորապես տեղավորվել Հերացի, Միքայելյան կամ Զինվորի տան վերանորոգված տարածքում։ Ըստ նրա` վերանորոգումը տևելու է մոտավորապես 5-6 ամիս, որից հետո ստորաբաժանումը հնարավորություն է ունենալու նույն հասցեում շարունակել իր գործունեությունը։

Հիշեցնենք` հուլիսի 1-ից մամուլում աղմուկ էր բարձրացել, որ հայտնի միկրովիրաբույժ Արտավազդ Սահակյանին ստիպում են լքել իր հիմնադրած կլինիկան։ 2 օր անց`հուլիսի 3-ին, Արտավազդ Սահակյանը Facebook-ի իր էջում մեկնաբանել էր տարածված լուրերը` ասելով. «Ոչ ոք չի պարտադրում հեռանալ աշխատանքից կամ զբաղեցրած պաշտոնից, բայց պարտադրում են դուրս գալ այն շենքից, որտեղ արդեն երկար տարիներ գործում է Համալսարանական թիվ 1 կլինիկական հիվանդանոցի պլաստիկ, վերականգնողական վիրաբուժության և միկրովիրաբուժության կլինիկան»։

Ընդ որում, ըստ նրա, այդ պատմությունը նոր չէ և սկսվել է դեռ 2017 թվականիցն, երբ Արմեն Մուրադյանը նշանակվել էր ԵՊԲՀ ռեկտոր ու իրեն հորդորել լքել տարածքը, տեղափոխվել մեկ այլ տարածք, ինչին ինքն ընդդիմացել է։ Այն պատճառաբանությունը, թե այդ պահանջը կապված է կլինիկայի վերանորոգման հետ, Սահակյանն անհիմն էր որակել` ասելով, որ իր անձնական կապերի և բժիշկների շնորհիվ ամբողջ բաժանմունքը հիմնովին վերանորոգվել է։

Վիրավոր զինծառայողի ծննդյան օրն են տոնել վերականգնողական կենտրոնում. հուզիչ տեսանյութ

Սահակյանից հետո Facebook-ի իր էջում հայտարարություն էր տարածել նաև ԵՊԲՀ ռեկտոր Արմեն Մուրադյանը՝ նշելով, որ Արտավազդ Սահակյանն աշխատել ու աշխատելու է բժշկական համալսարանում և արժանավայել պայմաններում:

Արմեն Մուրադյանի խոսքով՝ կապված վերանորգման աշխատանքների հետ` բժիշկ Սահակյանին բազմիցս առաջարկվել է ժամանակավորապես ծավալել կլինիկական գործունեությունը կա՛մ Հերացի, կա՛մ Միքայելյան հիվանդանոցներում՝ մինչև Աբովյան 58 շենքի վերանորոգման ավարտը:

Բարձրացված աղմուկին արձագանքել էր նաև «Զինվորի տուն» վերականգնողական կենտրոնի տնօրեն Հայկուհի Մինասյանը` ասելով, որ օրեր առաջ դիմել է Արմեն Մուրադյանին խնդրանքով՝ ժամանակավոր տեղափոխել «Զինվորի Տանը» տեղակայված միկրովիրաբուժության ամբիոնը այլ հատված՝ առկա տարածքը հիմնանորոգելու/վերազինելու և ապա կրկին նույն նշանակությամբ, նույն անձնակազմով գործարկելու խնդրանքով:

129
թեգերը:
Արմեն Մուրադյան, Արտավազդ Սահակյան, վեճ
Ըստ թեմայի
«Էրեխեքին տեր կանգնի, կարող է` ինչ–որ բան պատահի». մայոր Խաչատրյանն օգնության կարիք ունի
Մայրը լուրերից իմացավ, որ Էդգարն Արցախի հերոս է. ինչպես խոցեց առաջին ու հաջորդ 9 տանկերը
Վերքերը բուժելուց բացի, տղաները հաղթում են պատերազմի ուրվականին
Դավիթ Քոչարով

Դավիթ Քոչարովը նշանակվել է ռուսական խոշորագույն Rutube տեսահարթակի գլխավոր պրոդյուսեր

22
(Թարմացված է 17:14 03.08.2021)
Rutube հարթակի վերագործարկման մասին հայտնի է դարձել ապրիլին։ Այն պատկանում է «Գազպրոմ մեդիա» հոլդինգին, որը 2020 թվականի վերջին փակել է տեսահոսթինգի 100% կոնսոլիդացման գործարքը։

ԵՐԵՎԱՆ, 3 օգոստոսի - Sputnik. Ռուսական Rutube-ի առաջատար տեսահարթակի գլխավոր պրոդյուսեր է նշանակվել Դավիթ Քոչարովը։ Տեղեկությունն իր Telegram ալիքում հայտնել է հեռուստահաղորդավարուհի ու պրոդյուսեր Թինա Կանդելակին՝ հղում անելով «Գազպրոմ մեդիայի» մամուլի ծառայությանը։

«Դավիթ, շնորհավորում եմ քեզ այս վաստակած նշանակման կապակցությամբ: Դու այն մարդն ես, որը և՛ ՍՏՍ-ում, և ivi - ում միշտ աշխատել է մինչև վերջ, աշխատել է դեկտեմբերի 31-ին և մինչև վերջ մոնտաժել է նյութը։ Դրա համար էլ գնահատում եմ», - գրել է Կանդելակին։

Նա ավելացրել է՝ շները հաչում են, քարավանը գնում է արտահայտությունը, հավանաբար ակնարկելով այդ բարձրության ճանապարհին ինչ-որ խոչընդոտներ։

Ընկերության հաղորդագրության մեջ նշվում է, որ Քոչարովը պատասխանատու կլինի բովանդակության, կոնտենտ մարքեթինգի ու Rutube Originals-ի գործարկման համար:

ՀՀ նախագահ Արմեն Սարգսյանն ընդունել է Փարիզի հայազգի փոխքաղաքապետին. տեսանյութ

2019 թվականի սեպտեմբերից մինչև 2021 թվականի ապրիլ Քոչարովը զբաղեցրել է ivi առցանց կինոթատրոնի գլխավոր պրոդյուսերի պաշտոնը։ Եղել է նաև ՍՏՍ հեռուստաալիքի մարքեթինգի գծով տնօրեն (2019 թվական), ՏՆՏ հեռուստաալիքի համացանցի ու արտաեթերային պրոմո-բաժնի ղեկավար (2013 թվականի ապրիլ -2015 թվական): Նա ՍՏՍ ու Ռոսիա հեռուստաալիքների համար կոնտենտ արտադրող «Goose Goose Films» փրոդաքշն ստուդիայի հիմնադիրն է։

Հայաստանը խաղաղություն է ուզում. հայազգի թենիսիստը աշխարհին է փոխանցել հայրենիքի ուղերձը

22
թեգերը:
Դավիթ Քոչարով, պրոդյուսեր, հայ
Ըստ թեմայի
Հայազգի բժիշկը կորոնավիրուսի դեմ պայքարի համար արժանացել է Պուտինի սահմանած շքանշանի
Հայազգի գործարարի ռեստորանը որոշել է սատարել Կոմունարկայի հիվանդանոցի բժիշկներին
Հայազգի ութ գործարար ընդգրկվել են Forbes-ի` Ռուսաստանի ամենահարուստ մարդկանց ցանկում
«Շենգավիթ» ԲԿ-ում եռյակ է ծնվել

«Շենգավիթ» ԲԿ-ում եռյակ է ծնվել. 25-ամյա Լաուրան 4 տղայի մայր է դարձել

167
(Թարմացված է 15:59 03.08.2021)
Ծնողներն աննկարագրելի զգացողություն են ունեցել, երբ հղիության վաղ շրջանում պարզել են, որ ոչ թե մեկ, այլ երեք տղա են ունենալու։

ԵՐԵՎԱՆ, 3 օգոստոսի – Sputnik. «Շենգավիթ» բժշկական կենտրոնում բնական ճանապարհով բեղմնավորված, առանց օժանդակ տեխնոլոգիաների կիրառման եռյակ է ծնվել: Տեղեկությունը հայտնում է ԲԿ–ի մամուլի ծառայությունը։

Արարատի մարզի Նոր Կյանք գյուղի բնակիչ, 25-ամյա Լաուրա Միրզոյանն ու նրա ամուսինը պլանավորում էին երկրորդ երեխան: Ծնողներն աննկարագրելի զգացողություն են ունեցել, երբ հղիության վաղ շրջանում պարզել են, որ ոչ թե մեկ, այլ երեք տղա են ունենալու, այն դեպքում, երբ մեկ արու զավակ ունեին՝ 5–ամյա Նարեկը:

«Արեգը, Արենը և Արամը ծնվել են հուլիսի 21-ին, 1700, 1950 և 1900 գրամ քաշերով՝ կեսարյան հատման ճանապարհով, 34–35 շաբաթական հղիության շրջանում «Շենգավիթ» ԲԿ-ի մանկաբարձ-գինեկոլոգ Կարինե Հովհաննիսյանի օգնությամբ»,–նշված է հաղորդագրության մեջ:

Երջանիկ մայրիկը շնորհակալություն է հայտնել բժշկական անձնակազմին հոգատար, ջերմ վերաբերմունքի համար:

«Չկա առավել մեծ երջանկություն, քան բազմազավակ մայր լինելը»,–շնորհակալություն է հայտնել երիտասարդ մայրիկը։

Երևանում 53-ամյա կինը զույգ փոքրիկներ է լույս աշխարհ բերել. տեսանյութ

Երեխաները գտնվել են «Շենգավիթ» բժշկական կենտրոնի նորածինների ինտենսիվ թերապիայի և վերակենդանացման բաժանմունքում և ակտիվ բուժման կուրսն անցնելուց հետո բավարար վիճակում դուրս են գրվել։

Լեռնանիստի եռակի ուրախությունը. պատերազմի սթրեսն ընտանիքը եռյակի ծնունդով է հաղթահարում

167
թեգերը:
Հայաստան, Երևան, եռյակ
Դոլար

Ռուսաստանից ու ԱՄՆ-ից տրանսֆերտների ներհոսքը գերազանցել է սպասումները. ԿԲ

0
(Թարմացված է 18:15 03.08.2021)
ԿԲ-ի կանխատեսումները փոխվել են. սպասվում է, որ ԱՄՆ-ից դրամական փոխանցումները կսկսեն կրճատվել միայն 2022 թվականի սկզբին:

ԵՐԵՎԱՆ, 3 օգոստոսի - Sputnik. Ռուսաստանից ու ԱՄՆ-ից տրանսֆերտների ներհոսքը գերազանցել է կանխատեսվող ցուցանիշները։ Տեղեկությունը ՀՀ Կենտրոնական բանկում մամուլի ասուլիսի ժամանակ հայտնեց ԿԲ դրամավարկային քաղաքականության վարչության պետ Հայկ Ավետիսյանը։

Փաստացի ներհոսքը և՛ Ռուսաստանից, և՛ ԱՄՆ-ից ավելի շատ էր, քան ակնկալում էր ԿԲ-ն։ ԱՄՆ-ից ստացվող մուտքերի կրճատում սպասվում է միայն 2022 թվականի սկզբից, երբ կավարտվեն տնային տնտեսությունների դրամական աջակցության ծրագրերը (COVID relief):

ԿԲ նախագահ Մարտին Գալստյանն իր հերթին նշեց, որ դեռևս հայտնի չէ, թե երբ է ԱՄՆ-ն ուզում «փակել» իր ընդլայնողական դրամավարկային քաղաքականությունը, սակայն ակնհայտ է, որ այդ մասին խոսակցություններն ավելի հաճախակի են դառնում, առավել ևս, որ ԱՄՆ-ում գնաճը գերազանցում է 5 տոկոսը. նման բան վաղուց չի եղել:

Նշենք, որ տարեսկզբից տրանսֆերտների ներհոսք է արձանագրվում ոչ միայն Ռուսաստանից (հիմնական աղբյուրը) ու ԱՄՆ-ից, այլև Ղազախստանից ու Ֆրանսիայից (մյուս երկու համեմատաբար խոշոր աղբյուրները)։

Նշենք, որ Կենտրոնական բանկի վիճակագրության համաձայն՝ Հայաստանի արտաքին վճարային հաշվեկշիռը 2021-ի առաջին եռամսյակում (վերջին հասանելի տվյալները) կազմել է մինուս 82 մլն դոլար՝ 2020-ի առաջին եռամսյակի մինուս 233 մլն դոլարի համեմատ: Դրան նպաստել է նաև տրանսֆերտների ներհոսքը: Մասնավորապես, առաջին եռամսյակի ներհոսքը նույնիսկ ավելի բարձր է եղել, քան 2020 թվականի առաջին եռամսյակում (303 մլն դոլար՝ 235 մլն դոլարի համեմատ):

Գնաճը Հայաստանում դուրս է եկել վերահսկողությունից. տնտեսագետ    

0
թեգերը:
Ռուսաստան, Հայաստան, ԱՄՆ, Կենտրոնական բանկ (ԿԲ)
Ըստ թեմայի
ՌԴ-ից եկող տրանսֆերտները կնվազեն. կորոնավիրուսը վնասել է նաև արտագնա աշխատանքի մեկնողներին
ԱՄՆ–ից Հայաստան տրանսֆերտներն աճում են. նաև ՌԴ–ից է ակտիվություն ակնկալվում