Արմեն Չարչյանը դատարանի բակում. 22 հունիսի, 2021

Արմեն Չարչյանը կկալանավորվի. դատարանը որոշում կայացրեց

619
(Թարմացված է 23:44 23.06.2021)
Չարչյանի պաշտպան Էրիկ Ալեքսանյանը հայտարարեց, որ դատարանի որոշումը բողոքարկելու են։

ԵՐԵՎԱՆ, 23 հունիսի – Sputnik. «Իզմիրլյան» բժշկական կենտրոնի ղեկավար Արմեն Չարչյանը կալանավորվեց։ Նման որոշում կայացրեց Երևանի առաջին ատյանի ընդհանուր իրավասության դատարանի դատավոր Արմինե Մելիքսեթյանը։ Այդ մասին հայտնեց Չարչյանի պաշտպան Էրիկ Ալեքսանյանը։
Դատավորը, փաստորեն, բավարարեց գործով քննիչի` Չարչյանին կալանավորելու միջնորդությունը։

«Դատարանը գտել է, որ Չարչյանի` քննությանը խոչընդոտելու հիմքի համատեքստում ռիսկը բարձր է։ Միանշանակ հնգօրյա ժամկետում այն բողոքարկելու ենք, քանի որ դատարանի որոշումը ոչ իրավաչափ է։ Նման որոշմամբ ևս մեկ անգամ հաստատվեց, որ Չարչյանի նկատմամբ իրականացվում է քաղաքական հետապնդում»,–ասաց փաստաբանը։

Ալեքսանյանի խոսքով` ցուցմունքները, որոնք ներկայացնում է վարույթն իրականացնող մարմինը, որով իբրև թե հիմնավորվում էր կասկածը, հակառակը, դրանցով ավելի շատ հերքվում է հիմնավոր կասկածը։ Այսինքն, ըստ դատարանի` ազատության մեջ գտնվելու պարագում Չարչյանը կարող է ազդել ցուցմունք տվածների վրա, սակայն, ըստ պաշտպանի, ուշագրավը հենց այն է, որ ցուցմունքները պաշտպանողական բնույթի են, հօգուտ իրենց։

Ալեքսանյանը հայտնեց, որ Չարչյանը չի ներկայացել դատարան, քանի որ որոշակի առողջական խնդիրներ ունի. պաշտպանները դեռևս նրա հետ կապ չեն հաստատել։ Նրա խոսքով` Չարչյանը 2 օր է, ինչ ազատության մեջ է, և եթե որևէ մեկի կարծիքի վրա խոչընդոտելու ցանկություն ունենար, ապա դա այս ընթացքում էլ կարող էր անել։

Ի դեպ, դատարանը մասնակի է բավարարել քննիչի միջնորդությունը, այսինքն` նրան 2-ի փոխարեն մեկ ամսով են կալանավորել։
Դատարանի բակում Չարչյանի գործընկերներն էին հավաքվել, որոնցից մեկն ասաց, որ վաղվանից հրաժարվելու են բուժել որևէ մեկին։ Հարցին, թե գործադո՞ւլ են պատրաստվում անել, պատասխանեցին, որ կորոշեն ու կհայտարարեն այդ մասին։

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն իր աշխատակիցներին ասում էր, որ տնօրինությունը շատ կոշտ վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Սա քաղաքական տեռոր է․ Արմեն Չարչյանը՝ իր դեմ հարուցված քրեական գործի մասին

Նույն օրը հայտնի դարձավ, որ Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Հունիսի 20-ի գիշերը Երևան քաղաքի Ավան և Նոր Նորք վարչական շրջանների ընդհանուր իրավասության դատարանի դատավոր Շահվերդյանը բավարարեց պաշտպանների բողոքը, ու Արմեն Չարչյանն առավոտյան դուրս եկավ «Շենգավիթ» ԲԿ-ից, ուր տեղափոխվել էր գիշերը՝ առողջական խնդիրների պատճառով։

619
թեգերը:
Արմեն Չարչյան, դատ, կալանք
Ըստ թեմայի
«Այո, ես վիրահատել եմ ՀՔԾ պետի հայրիկին». Արմեն Չարչյանը մանրամասներ հայտնեց
ԿԸՀ–ն թույլատրել է Արմեն Չարչյանին քրեական հետապնդման ենթարկել
Սոֆյա Հովսեփյանը պատրաստ է Արմեն Չարչյանին երաշխավորագիր տալ կալանքից ազատման համար
Երևան–Գյումրի գնացքի նկարազարդած վագոնը

Պայծառ վագոն դեպի Գյումրի, կամ ինչպես գերմանացին հայտնվեց հայկական ռելսերի մոտ

24
(Թարմացված է 14:03 03.08.2021)
Գերմանացի Յուլիան Մոմբոիսը մեկն է 6 երկրներից Հայաստան ժամանած այն 22 արվեստագետներից, որոնք մասնակցելու են Գյումրիում օգոստոսի 6-8–ը տեղի ունենալիք յուրօրինակ փառատոնին։

ԵՐԵՎԱՆ, 4 օգոստոսի – Sputnik. Հարավկովկասյան երկաթուղու` Երևան–Գյումրի գնացքի վագոններից մեկն այսուհետ մյուսներից կտարբերվի իր պայծառ գույներով ու նկարազարդմամբ։ Sputnik Արմենիային հայտնի դարձավ, որ վագոնը նկարազարդել են հայտնի լուսանկարիչ, Հայաստանն ու Արցախը «բլոճիկների» գրաֆիտիներով ողողած Արեգ Բալայանը և մեր երկիր մի քանի շաբաթով հյուր եկած գերմանացի նկարիչ Յուլիան Մոմբոիսը։

Вагон ЮКЖД, разрисованный в рамках фестиваля Gurban в Гюмри иностранными художниками
© Photo : provided by Maria Matinyan
Երևան–Գյումրի գնացքի նկարազարդած վագոնը

Յուլիան Մոմբոիսը մեկն է 6 երկրներից Հայաստան ժամանած այն 22 արվեստագետներից, որոնք մասնակցելու են Գյումրիում օգոստոսի 6-8–ը տեղի ունենալիք յուրօրինակ «Գրաունդ Արտ Ֆեստ» փառատոնին։ Փառատոնի շրջանակում 22 արվեստագետները մեկ ամիս շարունակ միասին ստեղծագործել են Գյումրիում, իսկ օգոստոսի երեք օրվա ընթացքում կցուցադրեն իրենց աշխատանքները։ Փառատոնը բաղկացած է լինելու տարբեր բնույթի արվեստային միջոցառումներից` ցուցահանդեսներ, համերգներ, ներկայացումներ, փերֆորմանսներ, ֆիլմերի բացօթյա դիտումներ և այլն։

Вагон ЮКЖД, разрисованный в рамках фестиваля Gurban в Гюмри иностранными художниками
© Photo : provided by Maria Matinyan
Երևան–Գյումրի գնացքի նկարազարդած վագոնը

Յուլիանը փառատոնի շրջանակում պատրաստել է քանդակներ և արել գրաֆիտիներ։ Նրա և մյուսների աշխատանքները փառատոնին կարելի է տեսնել անվճար։

Вагон ЮКЖД, разрисованный в рамках фестиваля Gurban в Гюмри иностранными художниками
© Photo : provided by Maria Matinyan
Երևան–Գյումրի գնացքի նկարազարդած վագոնը

«Գրաունդ Արտ Ֆեստ» փառատոնը ստեղծվել է «Գուրբան» նախագծի շրջանակում, որը համաֆինանսավորվում է Երևանի «Գյոթե» կենտրոնի, Մյունխենի Գեղարվեստի ակադեմիայի հիմնադրամի, Բավարիայի մշակույթի և գիտության նախարարության, Հայաստանի ԿԳՄՍ նախարարության և այլ տեղական և միջազգային կազմակերպությունների կողմից։

  • Երևան–Գյումրի գնացքի նկարազարդած վագոնը
    Երևան–Գյումրի գնացքի նկարազարդած վագոնը
    © Photo : provided by Maria Matinyan
  • Երևան–Գյումրի գնացքի նկարազարդած վագոնը
    Երևան–Գյումրի գնացքի նկարազարդած վագոնը
    © Photo : provided by Maria Matinyan
  • Երևան–Գյումրի գնացքի նկարազարդած վագոնը
    Երևան–Գյումրի գնացքի նկարազարդած վագոնը
    © Photo : provided by Maria Matinyan
1 / 3
© Photo : provided by Maria Matinyan
Երևան–Գյումրի գնացքի նկարազարդած վագոնը
24
թեգերը:
Գյումրի, Գնացք, Գերմանիա, Հայաստան
Ըստ թեմայի
Հայաստանի տարածքով Եվրոպայից Իրան և Թբիլիսիի հետ կապված ծրագրեր. ուրիշ ի՞նչ սպասել ՀԿԵ–ից
ՀԿԵ–ն 6 նոր ավտոմեքենա է փոխանցել երկու ուղեմասին ու գծային մեքենայացված կայանին
Ե՛վ էժան, և՛ հարմարավետ. ՀԿԵ-ն մտադիր է Երևան–Թբիլիսի–Երևան էլեկտրագնացք գործարկել
Արխիվային լուսանկար

Շոգը վերադառնում է. եղանակի տեսություն

49
(Թարմացված է 15:14 03.08.2021)
Հիդրոօդերևութաբանները ներկայացրել են, թե Հայաստանի որ մարզում որքան ջերմաստիճան կգրանցվի։

ԵՐԵՎԱՆ, 4 օգոստոսի – Sputnik. Արարատյան դաշտում և նրա նախալեռներում, Վայոց Ձորի նախալեռներում, Սյունիքի հովտային շրջաններում և Երևանում առկա է և սպասվում է բարձր կարգի հրդեհավտանգ իրավիճակ: Տեղեկությունը հայտնում է ՀՀ ԱԻՆ մամուլի ծառայությունը։

Հաղորդագրության համաձայն` Հայաստանի Հանրապետության տարածքում օգոստոսի 4-6-ը սպասվում է առանց տեղումների եղանակ, 7-8-ի կեսօրից հետո առանձին շրջաններում սպասվում է անձրև և ամպրոպ, առանձին հատվածներում հնարավոր է նաև կարկուտ։

Քամին կլինի հարավարևմտյան՝ 5-10 մ/վ, ամպրոպի ժամանակ սպասվում է քամու ուժգնացում` 18-23 մ/վ արագությամբ։

Օդի ջերմաստիճանն օգոստոսի 4-6-ն աստիճանաբար կբարձրանա 3-4 աստիճանով։

Եղանակի կանխատեսում
Եղանակի կանխատեսում

Երևան քաղաքում օգոստոսի 4-6-ը սպասվում է առանց տեղումների եղանակ։

Օգոստոսի 7-8-ի երեկոյան ժամերին առանձին հատվածներում սպասվում է կարճատև անձրև և ամպրոպ, ամպրոպի ժամանակ հնարավոր է քամու ուժգնացում` 18-20 մ/վ արագությամբ:

«Անակոնդան Գրոզնիում». մարզադաշտում խաղի ժամանակ հայտնված օձը զվարճացրել է օգտատերերին

49
թեգերը:
եղանակ, արև, Անձրև, Հայաստան, Մարզ, Երևան
թեմա:
Եղանակը Հայաստանում
Ըստ թեմայի
Մահանալ կորտո՞ւմ. Խաչանովին զայրացրել է, որ օլիմպիական խաղերը ցերեկվա շոգին են անցկացվում
Ո՞ւմ համար է սեքսը վտանգավոր շոգ եղանակին. խորհուրդներ բժշկից
Հայաստանում եղանակային անոմալիա է գրանցվել. Գագիկ Սուրենյանը մանրամասներ է ներկայացնում
Борец Арсен Арутюнян

Տոկիո–2020. Արսեն Հարությունյանը պարտվեց մեկնարկային խաղում, բայց դեռ մեկ շանս ունի

11
(Թարմացված է 08:51 04.08.2021)
Հայաստանցի ըմբիշը 1/8 եզրափակիչում մրցեց Մոնղոլիայի ներկայացուցիչ, աշխարհի առաջնությունների կրկնակի բրոնզե մեդալակիր, 2018 թվականի Ասիական խաղերի չեմպիոն Բեհբայար Էրդենեբատի հետ։

ԵՐԵՎԱՆ, 4 օգոստոսի – Sputnik. Ազատ ոճի ըմբիշ, 57 կգ քաշային Արսեն Հարությունյանը պարտություն կրեց Տոկիոյում ընթացող 32–րդ ամառային օլիմպիական խաղերի հենց մեկնարկային խաղում։

Հայաստանցի ըմբիշը 1/8 եզրափակիչում մրցեց Մոնղոլիայի ներկայացուցիչ, աշխարհի առաջնությունների կրկնակի բրոնզե մեդալակիր, 2018 թվականի Ասիական խաղերի չեմպիոն Բեհբայար Էրդենեբատի հետ և 1-6 հաշվով պարտություն կրեց՝ չկարողանալով դուրս գալ հաջորդ փուլ։

Եթե Բեհբայարը դուրս գա եզրափակիչ, Հարությունյանը սփոփիչ գոտեմարտ անցկացնելու և օլիմպիական բրոնզե մեդալի համար պայքարելու հնարավորություն կստանա։

Քառորդ եզրափակիչում Մոնղոլիայի ներկայացուցչի մրցակիցը կլինի իրանցի ըմբիշ Ռիզա Աթրինագարչին, որը 1/8 եզրափակիչում պայքարից դուրս թողեց Թուրքիայի ներկայացուցիչ Սուլեյման Աթլին՝ առավելության հասնելով 3-2 հաշվով։

Արսեն Հարությունյանն այսօրվա մեր միակ ներկայացուցիչն է օլիմպիական խաղերում։

Հիշեցնենք` Տոկիոյի 32–րդ օլիմպիական խաղերը մեկնարկել են հուլիսի 23–ին և կավարտվեն օգոստոսի 7–ին։

«Վաղը նավթ չենք վաճառելու, այլ...». ՀՀ նախագահը պատմել է` ում հետ ինչ է խոսել Տոկիոյում

Օլիմպիական խաղերն անցկացվում են մեկ տարի ուշացումով կորոնավիրուսի համավարակի պատճառով:

Օլիմպիադային կմասնակցի 206 երկրի 12500 մարզիկ։ Նրանք կմրցեն 33 մարզաձևում՝ պայքարելով 339 մեդալի համար։

Սպորտային այս տոնին Հայաստանը ներկայացնում են 17 մարզիկներ 8 մարզաձևերում:

Օլիմպիական հավաքական. ովքեր կներկայացնեն Հայաստանը Տոկիոյում

11