Ռոբերտ Քոչարյան. արխիվային լուսանկար

Մարտի 1-ի նիստը հետաձգվեց. ընտրություններից հետո պարզ կլինի` ով ինչ կարգավիճակ կունենա

48
(Թարմացված է 14:34 15.06.2021)
Ամբաստանյալներից դատական նիստին ներկայացել էր միայն ՀՀ նախկին փոխվարչապետ Արմեն Գևորգյանը, փաստաբաններից` նրա պաշտպան Էրիկ Ալեքսանյանը։

ԵՐԵՎԱՆ, 15  հունիսի - Sputnik. «Մարտի 1»-ի գործով հերթական դատական նիստն այսօր Երևանի ընդհանուր իրավասության դատարանում դարձյալ հետաձգվեց։

Ամբաստանյալներից դատական նիստին ներկայացել էր միայն ՀՀ նախկին փոխվարչապետ Արմեն Գևորգյանը, փաստաբաններից` նրա պաշտպան Էրիկ Ալեքսանյանը։

ՀՀ երկրորդ նախագահ Ռոբերտ Քոչարյանն ու նրա պաշտպան Արամ Վարդևանյանը դիմում էին ներկայացրել, որ այսօր Արարատի մարզում մասնակցում են քարոզարշավի ու չեն կարող ներկայանալ դատարան, պաշտպաններից Հայկ Ալումյանը տեղեկացրել էր, որ առողջական խնդիրներ ունի, իսկ Արամ Օրբելյանը՝ մեկ այլ գործով դատական նիստ։

Մեղադրող դատախազներն արձանագրեցին, որ այդ բացակայություններն անհարգալից վերաբերմունք են դատարանի նկատմամբ, ինչին Արմեն Գևորգյանն արձագանքեց. «Երկրում կարևոր իրադարձություններ են, իսկ դատախազներն իրենց վարքագիծը չեն փոխում»։

«Մարտի 1»-ի գործի «նոր սերիա» են պատրաստում. «Փաստ»

Արդեն դատական նիստի ավարտին լրագրողների հետ զրույցում մեկնաբանելով Գևորգյանի հայտարարությունը, մեղադրող դատախազ Գևորգ Բաղդասարյանն ասաց.

«Քարոզարշավով պայմանավորված վարքագիծը փոխող դատախազներին ես չէի հարգի»։

Դատական նիստը հետաձգվեց, հաջորդ նիստը նշանակվեց ընտրություններից հետո՝ հունիսի 29-ին` պատճառաբանելով, որ այդ ժամանակ պարզ կլինի, թե ամբաստանյալներն ինչ կարգավիճակ կունենան։

«Թուրքը դու ես, արա՛, հե՜յ». իրարանցում «Մարտի 1»-ի գործով նիստի ժամանակ

48
թեգերը:
Արմեն Գևորգյան, Ռոբերտ Քոչարյան, Դատարան, դատախազ, դատ, Մարտի 1
թեմա:
«Մարտի 1»-ի գործը (285)
Ըստ թեմայի
Ծիծաղելի է Փաշինյանի հայտարարությունը, թե «Մարտի 1-ի» գործը բացահայտվել է. Լևոն Քոչարյան
«Մարտի 1-ի» գործով հերթական նիստը հետաձգվեց. ամբաստանյալների գործերը կառանձնացվե՞ն
Մարտի 1-ի դեպքերը ներկայիս իրավիճակի համեմատ «մանկական խաղեր» են. Քոչարյան
«Մարտի 1»-ի գործով դատախազը միջնորդում է կասեցնել քրեական գործի վարույթը
Երևան–Սեան մայրուղի

Երևան-Սևան-Երևան մայրուղու վրա սահմանվել է շտապօգնության ծառայության հերթապահություն

21
(Թարմացված է 12:23 27.07.2021)
Ամռան ամիսներին Երևան-Սևան-Երևան մայրուղին գերծանրաբեռնված է լինում, ինչի համար էլ տեղում հերթապահություն կիրականացվի։

ԵՐԵՎԱՆ, 27 հուլիսի – Sputnik. Առողջապահության նախարար Անահիտ Ավանեսյանի հրամանով`շտապ բժշկական օգնության ծառայության լրացուցիչ հերթապահություններ են սահմանվել Երևան-Սևան-Երևան մայրուղու վրա։ Տեղեկությունը հայտնում է ՀՀ առողջապահության նախարարությունը Facebook–ի էջում։

«Թվով 4 կետում` սեպտեմբերի 5-ը ներառյալ, ուրբաթ օրերին ժամը 16:00-ից 22:00-ը, իսկ շաբաթ և կիրակի օրերին ժամը 08:00-ից 22:00-ը սահմանվել է հերթապահություն` Կոտայքի մարզի «Աբովյան» ԲԿ-ի, «Չարենցավան» ԲԿ-ի, «Հրազդանի ԲԿ-ի» և Գեղարքունիքի մարզի «Սևան» ԲԿ-ի շտապ բժշկական օգնության ծառայությունների միջոցով»,–նշված է հաղորդագրության մեջ։

Հավելենք, որ ամռանը Երևան-Սևան-Երևան մայրուղին գերծանրաբեռնված է լինում։ Բացի այդ, վերոհիշյալ ժամանակահատվածում առավել հաճախ են արձանագրվում ճանապարհատրանսպորտային պատահարներ:

Երևան-Սևան ճանապարհին «Մերսեդեսը» բախվել է «ZIL-130»-ին. կան տուժածներ

21
թեգերը:
Ճանապարհ, Սևան, երևանցիներ, շտապօգնություն
Ըստ թեմայի
Անոմալ շոգեր են. ի՞նչ կանչեր է ստանում Շտապօգնությունը
ԱԻՆ-ը շտապօգնության 4 ավտոմեքենա է ստացել
Ճապոնիայի կառավարությունը ՀՀ–ին 51 շտապօգնության մեքենաներ կնվիրի. Ավանեսյան
Ռադիկ Օղիկյան. արխիվային լուսանկար

«ժամանակավորապես վերադարձել եմ»․ Երասխի գյուղապետը պատմել է իր վիճակի մասին

138
(Թարմացված է 11:31 27.07.2021)
Օղիկյանը Երասխի դիրքերում հակառակորդի արձակած կրակոցից ուսի հատվածում վնասվածք էր ստացել։

ԵՐԵՎԱՆ, 27 հուլիսի – Sputnik. Երասխի գյուղապետ Ռադիկ Օղիկյանը, որը հուլիսի 20-ին վիրավորում էր ստացել ադրբեջանական ԶՈւ–ի կողմից, դեպքից հետո առաջին անգամ Facebook-ում դիմել է հանրությանը։

«Ողջույն, հայ ազգ, Աստծո կամոք ողջ եմ։ Ուրախությամբ տեղեկացնեմ բոլորիդ, որ ապաքինվում եմ դեպի լավը, ժամանակավորապես վերադարձել եմ մի շարք առօրյա գործերիս», - գրել է գյուղապետը։

Օղիկյանը վիրավորում էր ստացել աջ ուսի հատվածում, սկզբում տեղափոխվել էր «Արարատ» ԲԿ, ապա Երևանի «Աստղիկ» ԲԿ։

Հիվանդանոցում նրան վիրահատել էին։

Օղիկայնը վիրավորում էր ստացել Երասխի դիրքերում ադրբեջանցիների նետած ականների հետևանքով առաջացած հրդեհը մարելիս։

Կրակելու են մի տեղ, վերցնելու են ուրիշ տեղ. պաշտպանության նախկին նախարարը` Երասխի մասին

Հիշեցնենք` հուլիսի 14-ին հայ-ադրբեջանական Երասխի հատվածում ադրբեջանական ԶՈւ ստորաբաժանումները մարտական դիրքերի առաջխաղացման նպատակով փորձել էին ինժեներական տեխնիկայի կիրառմամբ ամրաշինական աշխատանքներ իրականացնել: Հայկական կողմի՝ նշված աշխատանքները դադարեցնելուն միտված հակազդող գործողություններից հետո ադրբեջանցի զինծառայողները նշանառու կրակ էին բացել հայկական դիրքերի ուղղությամբ: Ծավալված փոխհրաձգության հետևանքով ՀՀ ԶՈւ զինծառայող էր մահացել:

Ադրբեջանի զինված ուժերը Երասխի հայկական դիրքերի ուղղությամբ կրակ էին բացել նաև հուլիսի 16-ին և 17-ին։

138
թեգերը:
ադրբեջանցի, Վիրավոր, Գյուղապետ, Երասխ
Ըստ թեմայի
Երասխի համայնքապետը վիրահատվել է․ ազգականը մանրամասներ է հայտնել
Օտարերկրյա դեսպանությունների ռազմական կցորդներին է ներկայացվել Երասխի իրավիճակը
Արման Թաթոյանն այցելել է Երասխ փաստահավաք աշխատանքների համար. տեսանյութ, լուսանկարներ
Омбудсмен Карабаха Артак Бегларян в Степанакертском центре охраны здоровья матери и ребенка

Ստեփանակերտում առաջիկայում շահագործման կհանձնվի նոր ծննդատունը

0
(Թարմացված է 12:55 27.07.2021)
Պատերազմի օրերին ռմբակոծված ծննդատունը պետական և բարեգործական ներդրումների շնորհիվ նոր սարքավորումներով հագեցված կլինի։

ԵՐԵՎԱՆ, 27 հուլիսի – Sputnik. Ստեփանակերտում առաջիկայում շահագործման կհանձնվի նոր ծննդատունը: Տեղեկությունը հայտնում է Արցախի կառավարությունը` հավելելով, որ Արցախի պետական նախարար Արտակ Բեգլարյանն այցելել է Մոր և մանկան առողջության պահպանման կենտրոն։

«Թեպետ 44-օրյա պատերազմի ընթացքում ծննդատան նոր մասնաշենքին լուրջ վնասներ են հասցվել, սակայն դա չի փոխել կառավարության մոտեցումները: Մենք պատրաստվում ենք պետական և բարեգործական ներդրումների շնորհիվ նոր սարքավորումներով և ենթակառուցվածքներով արդիական ծննդատուն ունենալ»,–ասել է Բեգլարյանը։

Նրա խոսքով` սկզբունքային հարց է նաև բուժաշխատողների վարձատրության համակարգը խթանող ու մրցակցային դարձնելը, որի շուրջ նախնական մշակումներ են եղել։ Բեգլարյանը վստահեցրել է` ոչինչ չեն խնայելու արդյունավետ առողջապահության համակարգ ունենալու համար գրավիչ միջավայր և անհրաժեշտ պայմաններ ստեղծելու հարցում:

Իր հերթին Արցախի առողջապահության նախարար Միքայել Հայրիյանն էլ կարևորել է մատուցվող ծառայությունների որակի շարունակական բարձրացումը, էլեկտրոնային բժշկության համակարգի ներդրումը։ Նա նշել է, որ առաջիկայում նախատեսվում են ծրագրային լուրջ բարեփոխումներ:

Հիշեցնենք, որ 44-օրյա պատերազմի ժամանակ ադրբեջանական կողմը թիրախավորում էր նաև ենթակառուցվածքները, բժշկական կենտրոնները, դպրոցներն ու մանկապարտեզները։ Հարվածների հետևանքով ավերվել էր Ստեփանակերտի ծննդատունն ու դրա հարևանությամբ գտնվող հիվանդանոցը։

0
թեգերը:
ծննդատուն, Արտակ Բեգլարյան (Արցախի ՄԻՊ), Ստեփանակերտ, Արցախ