Մածնաբրդոշ

Շեֆ-խոհարարը պատմել է շոգ ամառվա համար կատարյալ կերակրատեսակի մասին

100
(Թարմացված է 15:24 14.06.2021)
Խոհարար-բլոգերը պարզաբանել է, թե ինչպես կարելի է ադ կերակրատեսակը դիետիկ դարձնել և որ բաղադրիչներից է գերադասելի հրաժարվել։

ԵՐԵՎԱՆ, 15 հունիսի – Sputnik. Մածնաբրդոշը կամ ռուսական «օկրոշկան» շոգ ամառվա համար լավագույն կերակրատեսակն է։ Կարևորը ապուրի հիմքը որոշելն է։ Sputnik-ի հետ հարցազրույցում այսպիսի կարծիք է հայտնել շեֆ-խոհարար, խոհարարության բլոգեր Սերգեյ Սինիցինը։

Շեֆ-խոհարարը նկատել է, որ ինչ-որ մեկին դուր է գալիս մածնաբրդոշը կեֆիրի հիմքով, ուրիշներին՝ կվասով «օկրոշկան», ոմանք էլ կվասի մեջ տաք գարեջուր են ավելացնում։

«Ոման անգամ մի կաթիլ սամբուկա են ավելացնում, որպեսզի կվասով «օկրոշկան» անիսոնային բույր ունենա։ Կեֆիրի փոխարեն կարելի ըմպելի յոգուրտ կամ նուշի կաթ վերցնել, հետաքրքիր համ կստացվի»,-նշել է նա։

Այս ապուրը կարելի է անգամ դիետիկ դարձնել՝ որոշ բաղադրիչներ փոխելով։ Սինիցինի խոսքով՝ ավելի լավ է հրաժարվել կարտոֆիլից, փոխարենն ավելի շատ կանաչեղեն, բողկ և թարմ բանջարեղեն ավելացնել։ Իսկ երշիկը կարելի է փոխարինել հնդկահավի խաշած մսով։

«Կարելի է նաև զանազան սուպերֆուդեր ավելացնել․ չիայի սերմեր, քրքում կամ սպիրուլինա, այսինքն ցանկացած մթերք, որն առավելագույնս հարուստ է վիտամիններով և օգտակար նյութերով և օգուտ կտա ձեր օրգանիզմին»,-խորհուրդ է տվել շեֆ-խոհարարը։

Սննդամթերքի տպիչն ու արհեստական միսը ֆանտաստիկա չեն. ռուսական նոր մշակումը

Իսկ կվասի սիրահարներին Սինիցինը խորհուրդ է տվել ուշադրություն դարձնել այդ մթերքի հատկություններին։ Օրինակ՝ տնային պայմաններում կվաս օգտագործելուց հետո չարժե ղեկին նստել խմորման պատճառով։

100
թեգերը:
մածուն, խոհարար
Ըստ թեմայի
Թե՞յ, թե՞ ներկված ջուր․ սննդաբանը խոսել է թեյի տոպրակների պարունակության մասին
Ում խորհուրդ չի տրվում բողկ ուտել. սննդաբանի խորհուրդները
Գիտնականները պարզել են, թե որ սննդակարգն է նվազեցնում COVID-19-ով վարակվելու ռիսկը
Երևան–Սեան մայրուղի

Երևան-Սևան-Երևան մայրուղու վրա սահմանվել է շտապօգնության ծառայության հերթապահություն

21
(Թարմացված է 12:23 27.07.2021)
Ամռան ամիսներին Երևան-Սևան-Երևան մայրուղին գերծանրաբեռնված է լինում, ինչի համար էլ տեղում հերթապահություն կիրականացվի։

ԵՐԵՎԱՆ, 27 հուլիսի – Sputnik. Առողջապահության նախարար Անահիտ Ավանեսյանի հրամանով`շտապ բժշկական օգնության ծառայության լրացուցիչ հերթապահություններ են սահմանվել Երևան-Սևան-Երևան մայրուղու վրա։ Տեղեկությունը հայտնում է ՀՀ առողջապահության նախարարությունը Facebook–ի էջում։

«Թվով 4 կետում` սեպտեմբերի 5-ը ներառյալ, ուրբաթ օրերին ժամը 16:00-ից 22:00-ը, իսկ շաբաթ և կիրակի օրերին ժամը 08:00-ից 22:00-ը սահմանվել է հերթապահություն` Կոտայքի մարզի «Աբովյան» ԲԿ-ի, «Չարենցավան» ԲԿ-ի, «Հրազդանի ԲԿ-ի» և Գեղարքունիքի մարզի «Սևան» ԲԿ-ի շտապ բժշկական օգնության ծառայությունների միջոցով»,–նշված է հաղորդագրության մեջ։

Հավելենք, որ ամռանը Երևան-Սևան-Երևան մայրուղին գերծանրաբեռնված է լինում։ Բացի այդ, վերոհիշյալ ժամանակահատվածում առավել հաճախ են արձանագրվում ճանապարհատրանսպորտային պատահարներ:

Երևան-Սևան ճանապարհին «Մերսեդեսը» բախվել է «ZIL-130»-ին. կան տուժածներ

21
թեգերը:
Ճանապարհ, Սևան, երևանցիներ, շտապօգնություն
Ըստ թեմայի
Անոմալ շոգեր են. ի՞նչ կանչեր է ստանում Շտապօգնությունը
ԱԻՆ-ը շտապօգնության 4 ավտոմեքենա է ստացել
Ճապոնիայի կառավարությունը ՀՀ–ին 51 շտապօգնության մեքենաներ կնվիրի. Ավանեսյան
Ռադիկ Օղիկյան. արխիվային լուսանկար

«ժամանակավորապես վերադարձել եմ»․ Երասխի գյուղապետը պատմել է իր վիճակի մասին

127
(Թարմացված է 11:31 27.07.2021)
Օղիկյանը Երասխի դիրքերում հակառակորդի արձակած կրակոցից ուսի հատվածում վնասվածք էր ստացել։

ԵՐԵՎԱՆ, 27 հուլիսի – Sputnik. Երասխի գյուղապետ Ռադիկ Օղիկյանը, որը հուլիսի 20-ին վիրավորում էր ստացել ադրբեջանական ԶՈւ–ի կողմից, դեպքից հետո առաջին անգամ Facebook-ում դիմել է հանրությանը։

«Ողջույն, հայ ազգ, Աստծո կամոք ողջ եմ։ Ուրախությամբ տեղեկացնեմ բոլորիդ, որ ապաքինվում եմ դեպի լավը, ժամանակավորապես վերադարձել եմ մի շարք առօրյա գործերիս», - գրել է գյուղապետը։

Օղիկյանը վիրավորում էր ստացել աջ ուսի հատվածում, սկզբում տեղափոխվել էր «Արարատ» ԲԿ, ապա Երևանի «Աստղիկ» ԲԿ։

Հիվանդանոցում նրան վիրահատել էին։

Օղիկայնը վիրավորում էր ստացել Երասխի դիրքերում ադրբեջանցիների նետած ականների հետևանքով առաջացած հրդեհը մարելիս։

Կրակելու են մի տեղ, վերցնելու են ուրիշ տեղ. պաշտպանության նախկին նախարարը` Երասխի մասին

Հիշեցնենք` հուլիսի 14-ին հայ-ադրբեջանական Երասխի հատվածում ադրբեջանական ԶՈւ ստորաբաժանումները մարտական դիրքերի առաջխաղացման նպատակով փորձել էին ինժեներական տեխնիկայի կիրառմամբ ամրաշինական աշխատանքներ իրականացնել: Հայկական կողմի՝ նշված աշխատանքները դադարեցնելուն միտված հակազդող գործողություններից հետո ադրբեջանցի զինծառայողները նշանառու կրակ էին բացել հայկական դիրքերի ուղղությամբ: Ծավալված փոխհրաձգության հետևանքով ՀՀ ԶՈւ զինծառայող էր մահացել:

Ադրբեջանի զինված ուժերը Երասխի հայկական դիրքերի ուղղությամբ կրակ էին բացել նաև հուլիսի 16-ին և 17-ին։

127
թեգերը:
ադրբեջանցի, Վիրավոր, Գյուղապետ, Երասխ
Ըստ թեմայի
Երասխի համայնքապետը վիրահատվել է․ ազգականը մանրամասներ է հայտնել
Օտարերկրյա դեսպանությունների ռազմական կցորդներին է ներկայացվել Երասխի իրավիճակը
Արման Թաթոյանն այցելել է Երասխ փաստահավաք աշխատանքների համար. տեսանյութ, լուսանկարներ
Բայքեր

Ասուլիս. «Ինչու են բայքերները տարբեր երկրներից գալիս Հայաստան»

0
Հուլիսի 28-ին, ժամը 12:00-ին Sputnik Արմենիա մուլտիմեդիոն մամուլի կենտրոնում կկայանա «Biker zone» կազմակերպության նախագահ Արտակ Ռշտունու մամուլի ասուլիսը։

«Զարկերակը լեռներում 2021» երրորդ միջազգային բայքերական փառատոնը տեղի կունենա Հայաստանում հուլիսի 30-ից օգոստոսի 1-ը: Շորժայում անցկացվող փառատոնին  Հայաստանից բացի կմասնակցեն նաև բայքերներ հեռավոր և մերձավոր երկրներից:

«Biker zone» կազմակերպության նախագահ Արտակ Ռշտունին փառատոնի վերաբերյալ մանրամասներ կներկայացնի հուլիսի 28-ին, ժամը 12:00-ին Sputnik Արմենիա մուլտիմեդիոն մամուլի կենտրոնում:

Ասուլիսը կհեռարձակվի նաև Facebook-ում և Youtube-ում:

Հարցերը կարող եք ուղարկել նաև v.aloyan@sputniknews.com էլեկտրոնային հասցեին, ինչպես նաև կարող եք գրել @Vardan_Aloyan  Telegram ալիքով:

Հեռ.` +374(98)180-626, +374(91)42-12-35։

Հասցե՝ ք. Երևան, Ամիրյան 4/7, «Իմպերիում պլազա» բիզնես-կենտրոնի շենք, 4-րդ հարկ։

0
թեգերը:
ասուլիս