Արխիվային լուսանկար

100-ից ավել դպրոցներում մասնագետների պակաս կա. օրենքի փոփոխությունը կլուծի՞ խնդիրը

89
Կրթության հարցերով փորձագետ Ատոմ Մխիթարյանը կարծում է, որ կադրերի խնդիրը պետք է լուծվի ոչ միայն օրենքի փոփոխությամբ, այլ նաև աշխատավարձերի վերանայման միջոցով։

ԵՐԵՎԱՆ, 14 հունիսի - Sputnik. Դպրոցներում ուսուցիչների շարքերը լրացնելու նոր կարգը` ոչ մանկավարժական կրթությամբ անձանց նույնպես աշխատանքի ընդունելը, չնայած դրական, բայց ժամանակավոր լուծում է։ Sputnik Արմենիայի հետ զրույցում նման կարծիք հայտնեց կրթության հարցերով փորձագետ Ատոմ Մխիթարյանը` անդրադառնալով «Հանրակրթության մասին օրենքում» փոփոխություններ կատարելու նախագծին։

«Հանրակրթության մասին օրենքում» փոփոխություններ են կատարվել, ըստ որոնց` այսուհետ դպրոցներում կկարողանան դասավանդել նաև մանկավարժական կրթություն չունեցող ոլորտային մասնագետները։

«Այն, որ այս նախագիծը դրական է, ոչ միայն իմ, այլ նաև կրթական ոլորտի մասնագետների և ուսուցիչների կարծիքն է։ Հարցն այն է, որ 100-ից ավել դպրոցներում մասնագետների պակաս կա, և դրանք այն դպրոցներն են, որոնք գտնվում են սահմանամերձ համայնքներում։ Բացի այդ, գյուղական դպրոցներում կա մասնագետների կարիք»,–ասաց Մխիթարյանը։

Նրա խոսքով` օրենքի փոփոխությամբ 2 խնդիր է լուծվում. սա կլրացնի մասնագետների բացը` աշխատելու հնարավորություն տալով մարդկանց, որոնք բուհական կրթություն ունեն, սակայն մանկավարժական կրթություն և մեթոդաբանության փորձ չունեն։

«Մեզ պետք են մարդիկ, որոնք թևերը քշտած կկատարեն ամենօրյա աշխատանք». կրթության փորձագետ

Հարցն այն է, որ այստեղ պետք է շատ նրբանկատ լինել և անպայման վերապատրաստել նրանց, ովքեր կուզենան դպրոցներ մտնել։ Այսինքն` մեկը, որն ավարտել է ԵՊՀ-ի ֆիզիկայի ֆակուլտետը, սակայն մանկավարժի որակավորում չունի, պետք է անպայման որոշակի վերապատրաստում անցնի դպրոցում դասավանդելուց առաջ։

Մխիթարյանը, սակայն, նկատում է` ուսուցիչների աշխատավարձերի վերանայման խնդիր էլ կա։ Նրա խոսքով` երկիրը, որը մտածում է իր ապագայի մասին, պետք է անպայման ուսուցիչների աշխատավարձերի մասին էլ մտածի։

«Հայաստանի նման երկիրը, որը ժամանակին Խորհրդային Միությունում ունեցել է բարձրագույն կրթության ամենաբարձր մակարդակը, պետք է օգտագործի այդ փորձը և հնարավորություն տա, որպեսզի մարդիկ տարբեր ոլորտներից «հոսեն» դեպի կրթական համակարգ։ Իհարկե, ուսուցիչների աշխատավարձի որոշակի վերանայմանը զուգահեռ` սա պետք է լինի»,–ասում է Մխիթարյանը։

Մասնագետի խոսքով` պետք է ևս մեկ փոփոխություն էլ լինի. անհրաժեշտ է` պատվերով տեղեր լինեն բուհերում։ Այսինքն` այս կամ այն գյուղի դպրոցն ավարտած լավագույն շրջանավարտներին հնարավորություն տան պետպատվերի շրջանակներում սովորել մանկավարժական համալսարաններում` պայմանով, որ հետ վերադառնան և գյուղի դպրոցում դասավանդեն որոշակի ժամանակաշրջան։

Մխիթարյանը վստահեցնում է` սա արդարացված մոտեցում կլինի, քանի որ շատ ծախսեր չեն պահանջվի դպրոցների պարագայում. կադրերը կլինեն տեղից, տեղի նիստուկացին ծանոթ։

Մխիթարյանը հավելեց, որ այս ամենին զուգահեռ` անհրաժեշտ է կադրային քաղաքականության առումով հեռանկարային լուծումների մասին մտածել։

Հիշեցնենք, որ, օրինակ, 2020-21-րդ ուսումնական տարում ոչ մի դիմորդ ֆիզիկա մասնագիտությունը չի ընտրել մանկավարժական մասնագիտացում ունեցող բուհերում։ Նախկին օրենքի համաձայն` մանկավարժ դառնալու համար պարտադիր էր բազային կրթություն ունենալ, իսկ հիմա այդ դրույթը հանվեց։

«Մի ամբողջ սերունդ կարող ենք կորցնել». ինչ պետք է անի կրթության նորանշանակ նախարարը

89
թեգերը:
Ուսուցիչ, Օրենք, Հայաստան, դպրոց, կրթություն
Ըստ թեմայի
Ուսուցիչների աշխատավարձը կբարձրանա, ակադեմիական քաղաք կհիմնադրվի. Փաշինյանը ԿԳՄՍՆ–ում էր
Հայաստանի 101 դպրոցում կան առարկաներ, որոնք չեն դասավանդվում ուսուցիչներ չլինելու պատճառով
Ո՞ր դեպքում և ո՞ր ուսուցիչները կստանան աշխատավարձի 30-50 %-ի չափով հավելավճար
Ինչո՞ւ երիտասարդ կադրերը չեն գալիս դպրոց. փորձագետը խոսել է ուսուցիչների խնդիրներից
«Էրեբունի» ԲԿ

Որդու գերեզմանից Երևան վերադառնալիս վթարի է ենթարկվել Արցախում զոհված Դավիթ Այդոևի մայրը

268
(Թարմացված է 23:49 28.07.2021)
Հերոս զինվորի մոր վիճակը ծանր է, նրան սպասում է բարդ վիրահատական միջամտություն։ Դավիթը տիկին Լալիի միակ զավակն էր։

ԵՐԵՎԱՆ, 28 հուլիսի – Sputnik. Այսօր որդու գերեզմանից Երևան վերադառնալիս Ապարան քաղաքի տարածքում վթարի է ենթարկվել Արցախում նահատակված հերոս Դավիթ Այդոևի մայրը` տիկին Լալին: Այս մասին Facebook–ի իր էջում տեղեկացնում է «Եզդիների տուն» նախաձեռնության ղեկավար Այսեր Իսայանը:

Նրա խոսքով`տիկին Լալին ծանր վիճակում` ողնաշարի բազմաթիվ կոտրվածքներով, Էրեբունի ԲԿ Է տեղափոխվել։

«Տիկին Լալիին սպասում է բարդ վիրահատական միջամտություն։ Նշեմ, որ Դավիթը տիկին Լալիի միակ զավակն էր»,– հայտնում է Իսայանը:

Հիշեցնենք, որ Դավիթ Այդոևն ազգությամբ եզդի էր։ Ծնվել է 2000թ–ի օգոստոսի 10–ին Սպիտակ քաղաքում, բայց մանկուց ապրել է Երևանում։ Սովորել է Հայ–մերիկյան բժշկական քոլեջում։ Զբաղվել է թեթև աթլետիկայով։ Ծառայության էր անցել Ջաբրայիլում։

«Մամ, մինչև չգնամ, կռիվը չի վերջանա». Եռաբլուրում հետմահու պարգևատրեցին Հայկազ Մկրտչյանին

Արցախյան 44–օրյա պատերազմի օրերին հրամանատարի վիրավորվելուց հետո Դավիթն է ստանձնել պատասխանատուի դերը, կարողացել ճիշտ կողմնորոշվելու շնորհիվ գրագետ գործողություններ կազմակերպել ու գրավել հակառակորդի երկու դիրք: Այդ դիրքերից մեկն էլ իր պատվին է կոչվել՝ Այդոևի բլուր։ Դավիթը զոհվել է 2020 թվականի հոկտեմբերի 5–ին։

ՊԲ N պաշտպանական շրջանի 7-րդ հրաձգային վաշտի ողջ կազմը հետմահու պարգևների է արժանացել

268
թեգերը:
Զոհ, Արցախ, վթար, մայր, Զինվոր
Ըստ թեմայի
Հետմահու բարձրագույն կոչում ստացած զինծառայողների ընտանիքները պարգևավճար կստանան
Արժանացել են «Արցախի հերոս» բարձրագույն կոչման՝ հետմահու
Դավիթ Գրիգորյանը ոչնչացրել է 12 տանկ, 1 ՏՕՍ համակարգ. նա պարգևատրվեց հետմահու
Արցախի ԱԺ նախագահը հետմահու շնորհված պարգևներ է հանձնել զոհված զինծառայողների հարազատներին
Արխիվային լուսանկար

ՄԻՊ–ն այցելել է զինվորական հոսպիտալ և տեսակցել Գեղարքունիքում վիրավորված զինծառայողներին