Արխիվային լուսանկար

Աշխատանք առանց սահմանների. ԵԱՏՄ-ում միգրանտների համար նոր հնարավորություններ են ստեղծվում

114
(Թարմացված է 16:14 11.06.2021)

Եվրասիական տնտեսական հանձնաժողովի (ԵՏՀ) ներքին շուկաների, տեղեկատվայնացման, ՏՀՏ հարցերով նախարար Գեղամ Վարդանյանը Sputnik-ին տված հարցազրույցում խոսել է ԵԱՏՄ ներքին շուկայում խոչընդոտների վերացմանն ուղղված աշխատանքների մասին:

Замминистра высокотехнологичной промышленности Армении Гегам Варданян на пресс-конференция по итогам полуфинала Международного конкурса инновационных проектов Евразийские цифровые платформы (13 сентября 2019). Еревaн
© Sputnik / Asatur Yesayants
Գեղամ Վարդանյան

- Պարոն Վարդանյան, կխոսե՞ք ԵԱՏՄ ներքին շուկայում խոչընդոտների վերացման մասին:

- Պետք է հասկանալ, որ արգելքը Միության ներքին շուկայի գործունեության շրջանակում ապրանքների, ծառայությունների, կապիտալի, աշխատուժի ազատ տեղաշարժի համար որոշակի խոչընդոտներ են, որոնք չեն համապատասխանում միության իրավունքին: Այն, ինչն ուղղակիորեն հակասում է միութենական պայմանագրին։ Պետք է տարբերել «խոչընդոտ» և «սահմանափակում» հասկացությունները, քանի որ սահմանափակումն այն է, ինչ նշված չէ ԵԱՏՄ–ի պայմանագրում, բայց խանգարում է աշխատանքին, և այդ դեպքում պայքարի գործիքակազմը մի փոքր այլ է։

Ինչ վերաբերում է ԵԱՏՄ ներքին շուկայում խոչընդոտների վերացմանն ուղղված աշխատանքին` մենք անցած տարի շատ լավ ցուցանիշների ենք հասել։ Չնայած COVID-19–ի համավարակին, ԵԱՏՀ-ն վերացրել է 12 արգելք ու արգելքի հատկանիշներով երեք խոչընդոտ:

Ընդանուր առմամբ, մեկ տարվա ընթացքում 15 արգելք է վերացվել։ Դա, ըստ էության, աննախադեպ է։ Սովորաբար տարեկան 9-10 խոչընդոտ է լինում, իսկ այս ճգնաժամային տարում 15–ն է եղել։ Դա ԵԱՏՄ երկրների մեծ աշխատանքի արդյունքն է։

Սովորաբար ցանկացած նման դեպք բավական երկար է քննարկվում։ Մեզ մոտ, ըստ նոր մեթոդաբանության, գործընթացը տևում է մոտ 2 ամիս։ Նման կարճ ժամկետ գրեթե ոչ մի տեղ չկա։ Այլ տնտեսական միավորումներում նման քեյսերի քննարկումները տարիներ են տևում, իսկ ԵԱՏՀ-ն արագ արձագանքման գործիքակազմ ունի։

— Վերացրած արգելքների օրինակներ կարո՞ղ եք բերել։ 

- Կար արգելք, երբ անհրաժեշտ էր սննդամթերքն ու այլ ապրանքներն առանձին-առանձին տեղափոխել։ Փոխադրողների համար դա մեծ խնդիր էր, որը սպառնում էր ժամանակային ու ֆինանսական կորուստներով։ Այն վերացվել է։

Կային նաև մսի, ձկնամթերքի ներմուծման առանձին արգելքներ։ Խնդիր կար լեգեոնականներ ֆուտբոլիստների հետ, այնտեղ կային որոշակի կանոններ, որոնք նույնը չէին ԵԱՏՄ բոլոր երկրների համար։

Նման արգելքները շատ են, դրանք բավականին շատ են ազդում երկրների փոխգործակցության գործընթացի վրա։

Ընդհանուր առմամբ 63 արգելք է հայտնաբերվել։ Դրանցից 51–ն արդեն վերացվել է (ավելի քան 80%–ը)։ Այսօրվա դրությամբ մնացել է 12 արգելք։ Զուգահեռ աշխատանքներ են տարվում նոր խոչընդոտների հայտնաբերման և հետագա վերացման ուղղությամբ։

- «Աշխատանք առանց սահմանների» նախագիծն ի՞նչ հնարավորություններ է բացում ԵԱՏՄ երկրների քաղաքացիների համար:

- Այսօր շուկայում կան բազմաթիվ որոնողական համակարգեր, կայքեր, որոնք կարող են օգնել աշխատանք գտնել։ Բացի այդ, կան ազգային համակարգեր, որոնք գրանցում են այն մարդկանց, որոնք ուզում են աշխատանք գտնել, ինչպես նաև ընկերություններ կամ կառույցներ, որոնք պատրաստ են թափուր աշխատատեղեր առաջարկել։ Սոցիալական ծառայությունները բոլոր երկրներում նման տվյալների բազաներ ունեն։

Հայաստանցի անօրինական միգրանտները պետք է մինչև հունիսի 15-ը լքեն Ռուսաստանը. ՌԴ ՆԳՆ

 «Աշխատանք առանց սահմանների» նախագծի շրջանակում կարողացանք միավորել այդ տվյալների բազաները։ Ու ամենակարևորն այն է, որ կարողացանք անել դա վիրտուալ տիրույթում։ Մարդը, որը մտնում է իր սոցիալական ծառայությունների ազգային համակարգ և աշխատանք է փնտրում, զուգահեռաբար աշխատանք է փնտրում ԵԱՏՄ բոլոր 5 երկրներում։ Դա այս պահին շատ կարևոր է, մենք տեսնում ենք, որ համաճարակը կամաց–կանաց թուլանում է, ամեն ինչ սկսում է ակտիվանալ, համապատասխանաբար, աշխատանքի շուկան նույնպես պետք է ակտիվանա։ Սա այն գործիքն է, որը ճիշտ ժամանակին է գալիս և կօգնի մեր քաղաքացիներին արագ աշխատանք գտնել, իսկ գործատուներին՝ գտնել նրանց անհրաժեշտ աշխատակիցներին։

- Ինչպե՞ս է լուծվում հայցորդների անձնական տվյալների պաշտպանության հարցը:

- Դիմողների անձնական տվյալները չեն գնում այն երկրից, որտեղ դրանք գտնվում են: Դրանց պաշտպանության հարցը կարգավորվում է ազգային օրենսդրությամբ։ Տվյալների բազաներից յուրաքանչյուրը կարգավորվում է իր երկրում` ինչպես նախկինում է կարգավորվել:

Անձնական տվյալների պաշտպանությունն ապահովված է։ Տվյալները ոչ մի տեղ չեն հավաքվում, մի վայրում չեն կուտակվում, ամբողջ տեղեկատվությունը տրամադրվում է բացառապես հարցումներով:

- Եթե ԵԱՏՄ մի երկրի քաղաքացին Միության մեկ այլ երկրում աշխատանք է գտել «Աշխատանք առանց սահմանների» ծառայության օգնությամբ, արդյո՞ք ԵԱՏՀ-ն օգնում է նրան նոր տեղում տեղավորվել:

- Մենք ընդհանուր աշխատաշուկա ունենք։ Համակարգն ինքնին որոշակի փոխզիջում է, որտեղ մենք պայմանավորվել ենք` ինչից ենք սկսում աշխատանքն այդ ուղղությամբ։ Հաջորդ փուլը կլինի ծառայություններ ավելացնելը։ Դա ամենակարևորն է։ Մարդկանց հետաքրքիր է ոչ միայն աշխատանք գտնելը։ Նրանք ուզում են նաև երաշխիքներ ստանալ, որ խնդիրներ չեն ունենա։

Անհրաժեշտ է, որ մարդիկ, որոնք այլ երկրում աշխատանք են գտել, գան այնտեղ ու խնդիրներ չունենան: Համակարգը պետք է ունենա ուղեկցման քաղաքացիների ու նրանց տեղաբաշխման ծառայություն։ Տարբեր ընկերություններ կարող են միանալ և առաջարկել իրենց ծառայությունները, օրինակ` իրավաբանական խորհրդատվություններ։

Ծառայություններն ապագայի հարց են: Առայժմ «Աշխատանք առանց սահմանների»–ն զուտ որոնողական համակարգ է, որը հնարավորություն է տալիս աշխատանք գտնել։ Քանի որ օգտագործվում է սոցիալական ծառայությունների բազա, այն պարունակում է բացառապես հավաստի և ստուգված տեղեկատվություն։ Բայց այս պահին տարբեր ծառայություններ են ավելացվում:

Հարկ է նշել, որ եթե Ուզբեկստանն ու Տաջիկստանն (որտեղ շատ աշխատանքային միգրանտներ կան) այդ նախագծին միանալու ցանկության հայտնեն, ԵԱՏՄ երկրները չպետք է առարկություններ ունենան: Դա վատ չէր լինի։ Նախագիծը դեռևս գործում է Միության շրջանակներում, բայց մենք հաճույքով կքննարկենք նաև այլ երկրների մասնակցությունը։ Այժմ նման ծրագրեր չկան, բայց ցանկության դեպքում պատրաստ ենք աշխատել ԵԱՏՄ–ի ոչ անդամ պետությունների հետ։

Ռուսաստանում միգրանտներին կպարտավորեցնեն գրանցվել էլեկտրոնային ռեեստրներում

114
թեգերը:
Եվրասիական տնտեսական միություն (ԵԱՏՄ), միգրանտ, աշխատանք
Ըստ թեմայի
ԵԱՏՀ խորհուրդն արգելել է անհատական պաշտպանիչ միջոցներ արտահանել ԵԱՏՄ-ից
ՀՀ–ն աշխատում է նիկոտին պարունակող արտադրանքի նոր կանոնակարգի ուղղությամբ․ ԵԱՏՀ նախարար
ԵԱՏՄ երկրների տնտեսությունները դիմակայել են կորոնավիրուսային ճգնաժամին․ ԵԱՏՀ նախարար
Տատյանա Բրուխունովա

Տարօրինակ լողազգեստ. Պետրոսյանի երիտասարդ կնոջ լուսանկարը բուռն արձագանքի է արժանացել

221
(Թարմացված է 21:02 22.06.2021)
Տատյանա Բրուխունովան հանգիստն անցկացնում է Մալդիվյան կղզիներում և պարբերաբար լուսանկարներ ու տեսանյութեր է հրապարակում սոցցանցում։

ԵՐԵՎԱՆ, 22 հունիսի – Sputnik. Ռուսաստանցի երգիծաբան Եվգենի Պետրոսյանի երիտասարդ կինը` Տատյանա Բրուխունովան, իր հանգստից լուսանկար է հրապարակել, որում նա արտասովոր, եթե չասենք, տարօրինակ լողազգեստով է։

«Հզոր է». Եվգենի Պետրոսյանի կրակոտ պարը. տեսանյութ

Սև լողազգեստի վրա ժապավենաձև մակարոններ են պատկերված։ Ընդ որում` երկու մակարոնները հենց կրծքերի վրա են։ Տատյանան` գլխարկը գլխին, նստած է օվկիանոսի ափին։

«Ես ոչ միայն շատ պայուսակներ ունեմ, այլև լողազգեստներ», – լուսանկարին կից գրել է նա։

Посмотреть эту публикацию в Instagram

Публикация от Татьяна Брухунова (@bruhunova)

Օրեր առաջ Բրուխունովան ցուցադրել էր զվարճալի թութակներով լողազգեստը։

Посмотреть эту публикацию в Instagram

Публикация от Татьяна Брухунова (@bruhunova)

Հետևորդները գնահատել էին նրա բարձր կուրծքն ու շքեղ ազդրերը։

Ուրիշ կին կա՞ կողքին․ Եվգենի Պետրոսյանը նոր օգնականի հետ է միջոցառումներին այցելում

«Չնաշխարհիկ գեղեցկուհի։ Այնքան թեթև ու նուրբ է։ Ինչ զվարճալի լողազգեստ է։ Գեղեցիկ եք։ Նրբագեղ կազմվածք ունեք։ Լողազգեստը հիասքանչ է, հատկապես վերևի մասը», – լուսանկարը մեկնաբանել են օգտատերերը։

Ավելի վաղ Տատյանա Բրուխունովան անձնական բլոգում տեսանյութ էր հրապարակել, թե ինչպես է զբոսնում մոտորանավակով։ Նա Պետրոսյանի հետ օվկիանոս էր դուրս եկել` դելֆիններին դիտելու։

«Երջանկություն կա»․ փոքրիկ Վահանին գրկած Եվգենի Պետրոսյանի լուսանկարը ցնցել է մարդկանց

221
թեգերը:
Լողազգեստ, Տատյանա Բրուխունովա
«Հայաստան» դաշինքի անդամներ

«Հայաստան» դաշինքը դատի է տվել ՀՀ կենտրոնական ընտրական հանձնաժողովին

163
(Թարմացված է 19:16 22.06.2021)
«Հայաստան» դաշինքը դիմել էր ԿԸՀ` հայտնելով, որ ՔՊ–ն քարոզարշավի ընթացքում «ակնհայտորեն օգտագործում է վարչական ռեսուրսը»։

ԵՐԵՎԱՆ, 22 հունիսի - Sputnik․ «Հայաստան» դաշինքը հունիսի 21–ին դիմել է ՀՀ վարչական դատարան` հայց ներկայացնելով ՀՀ կենտրոնական ընտրական հանձնաժողովի դեմ։ Ըստ դատական տեղեկատվական համակարգում հրապարակված դատական գործի` «Հայաստան» դաշինքը դատարանից պահանջում է պարտավորեցնել ԿԸՀ–ին մասնակիորեն անվավեր ճանաչել հունիսի 19-ին կայացրած որոշումը և նախազգուշացում կիրառել «Քաղաքացիական պայմանագիր» կուսակցության նկատմամբ:

Հիշեցնենք` «Հայաստան» դաշինքը հունիսի 17-ին դիմել էր ԿԸՀ` հայտնելով, որ ՔՊ–ն քարոզարշավի ընթացքում «ակնհայտորեն օգտագործում է վարչական ռեսուրսը»` կառավարության լրատվական վարչության աշխատակիցներ տեսանկարահանման նպատակով, մեծ թվով ոստիկաններ ու ծառայողական ավտոմեքենաներ և այլն։ Դիմումում նշվել էր նաև Վարդենիսի տուն–ինտերնատի բնակիչներին քարոզարշավում ներգրավելու հանգամանքը։

Հունիսի 19–ին ԿԸՀ–ն որոշել էր մերժել բողոքը վերոհիշյալ հանգամանքների մասով, իսկ վարչապետի կողմից Facebook-ի պաշտոնական էջի օգտագործման պահով` կարճել։

ԿԸՀ–ն արձանագրություն կազմեց. Մուկուչյանը հայտնեց ընտրությունների նախնական արդյունքները

163
թեգերը:
«Հայաստան» դաշինք, Դատարան, Կենտրոնական ընտրական հանձնաժողով (ԿԸՀ)
Ըստ թեմայի
Պայքարը շարունակելու ենք. «Հայաստան» դաշինքի ղեկավարը` մանդատները վերցնել–չվերցնելու մասին
«Հայաստան» դաշինքն ընտրությունների արդյունքի առնչությամբ կդիմի Սահմանադրական դատարան
Միջազգային դիտորդներն անպատասխան են թողել ներկայացրած խախտումները․ «Հայաստան» դաշինք

Երեք հիմնական միֆ Երկրորդ համաշխարհային պատերազմի մասին

0
(Թարմացված է 23:36 22.06.2021)
Ինչո՞ւ են Հիտլերի նկատմամբ հաղթանակը ավելի ու ավելի հաճախ վերագրում ԱՄՆ-ին, երբ են առաջացել պատերազմի թեմայով առաջին միֆերը և ինչպես պայքարել դրանց դեմ։ Հայրենական մեծ պատերազմի մեկնարկի 80-ամյակի առթիվ ներկայացնում ենք Sputnik-ի հոդվածը։

Ինչո՞ւ են ժամանակակից հանրության շրջանակում այդքան շատ կեղծիքներ հայտնվել Երկրորդ համաշխարհայինի մասին, և արդյո՞ք հնարավոր է դիմակայել դրանց։ Չէ՞ որ պատմությունը խեղաթյուրող և նացիզմի դեմ հաղթանակի գործում խորհրդային զինվորների ավանդը նսեմացնող հրապարակումները հայտնվում են հիմնականում սոցիալական ցանցերում, իսկ դրանք շատ դժվար է վերահսկել։

Հինգ օջախ, որոնք կարող են երրորդ համաշխարհային պատերազմի պատճառ դառնալ

Այնուամենայնիվ, դրա դեմ հնարավոր է պայքարել, կարծում են մեդիաոլորտի մասնագետները։ Սակայն դրա համար պետք է հասկանալ պատերազմի մասին երեք գլխավոր միֆերը։

Միֆ այն մասին, որ հաղթանակը ԱՄՆ-ի շնորհիվ էր

«Կեղծարարության փորձեր, խոսակցություններ, որ պատերազմում Ամերիկան է հաղթել, նախկինում էլ են եղել, միայն թե այն ժամանակ լկտիության մակարդակն ավելի ցածր էր,-կարծում է գերմանացի գրող, «Antispiegel» կայքի ղեկավար Թոմաս Ռյոպերը։- Առաջ գոնե ասում էին, որ ԽՍՀՄ-ն ու ԱՄՆ-ն դաշնակիցներ են եղել, որ ամենամեծ կորուստները կրել է հենց արևելյան ռազմաճակատը։ Իսկ հիմա խորհրդային զինվորներին ավելի ու ավելի հաճախ են օկուպանտներ անվանում, իսկ ամերիկացիները, պարզվում է, շոկոլադով էին եկել Գերմանիա»։

Ինչպես Հիտլերի գլոբուսը հայտնվեց հայի ձեռքում. նացիստները հույս ունեին հե՞տ պտտել ժամանակը

Ռյոպերի կարծիքով՝ պատմության աղավաղմանը շատ են նպաստում եվրոպական ԶԼՄ-ները, այդ թվում՝ գերմանական պարբերականները։ Նա հիշեցնում է, որ գերմանական «Der Spiegel» ամսագիրը սոցցանցերում հրապարակում էր արել այն մասին, որ Օսվենցիումի համակենտրոնացման ճամբարը ազատագրել են ամերիկացիները։ Ավելի ուշ, քննադատությունների տարափից հետո, պարբերականը հայտարարել էր, որ «սխալ» է թույլ տվել և ուղղել էր հրապարակումը։ Հիմա այնտեղ ասվում է, որ «Աուշվից» համակենտրոնացման ճամբարը ազատագրել է Կարմիր բանակը։

Մասնագետներն առաջարկում են դատապարտել պատմության ցանկացած խեղաթյուրում։ Այդպես, «Der Spiegel»-ի հրապարակմանը ուշադրություն հրավիրեցին գերմանալեզու օգտատերերերի մեկնաբանությունները, որոնք համարում էին, որ պաշտպանում են ոչ միայն իրական փաստը, այլև Աուշվիցում զոհված 1,4 միլիոն մարդկանց հիշատակը;

Միֆ այն մասին, որ նոր սերունդն անտարբեր է այդ պատերազմի նկատմամբ

Կարծիք կա, որ երիտասարդներն ավելի ու ավելի քիչ են հետաքրքրվում Երկրորդ համաշխարհային պատերազմի թեմայով։ Սակայն դա այդպես չէ, կարծում է Russia Today-ի լրագրող Մարիա Բուտինան և օրինակ է բերում «Անմահ գնդի» երթը. եթե նախկինում Ռուսաստանի սահմաններից դուրս այդ ակցիային մասնակցում էր ընդամենը 39 երկիր, ընդամենը մի քանի տարում նրանց թիվը հասավ 115-ի:

«Ուստի կարևոր է աջակցել մեր հայրենակիցներին, նրանք պատմական հիշողության պաշտպաններն են, խաղաղության և համագործակցության գաղափարներն իրականացնողները, արտերկրում Ռուսաստանի քաղաքացիների աջակցությունն ու հենարանը»,-ասում է Բուտինան։

Այն մարդկանց թիվը, ովքեր ցանկանում են ճշմարտությունն իմանալ պատերազմի մասին, աճում է նաև մերձավոր արտերկրում, կարծում են ֆորումի խոսնակները։ Դրա ապացույցը ռուսաստանցի Սերգեյ Միրոշնիչենկոյի կամավորական աշխատանքն է, ով աշխատանքից ազատ ժամանակ թարգմանում է Նյուրնբերգյան գործընթացի սղագրությունները և Երկրորդ համաշխարհային պատերազմի հետ կապված այլ փաստաթղթեր:

Վերջերս համացանցում նաև նոր կայք է հայտնվել՝ «Nuremberg Media»-ն, որը պատմում է Նյուրնբերգյան ռազմական դատարանի մասին։ Նախագծի ստեղծողները «Ռոսիա Սեգոդնյա» ՄՏԳ-ն է և «Sputnik» գործակալությունը։

Պատերազմի մասին խոսելիս պետք է փաստեր ներկայացնել, համոզված են «Նյուրնբերգի դասերը» համաժողովի մասնակիցները։ Մարդիկ, որոնք հայտարարում են, թե կոմունիզմն ու նացիզմը նույն բանն են, կորցնում են իրենց բոլոր փաստարկները՝ ծանոթանալով զանգվածային ստերիլիզացման գաղափարին։ Այս նախագիծը առաջարկել է գերմանացի բժիշկ Ադոլֆ Պոկորնին՝ 1941թ․-ի հոկտեմբերի իր նամակում՝ պնդելով, որ «թշնամին պետք է լինի ոչ միայն պարտված, այլև ոչնչացված»։

Պայծառ ապագայի գլխավոր թշնամին, կամ ինչպես են պարտված երկրները դուրս եկել ճգնաժամից

Այդ նպատակով Պոկորնին առաջարկում էր ստերիլիզացնել «3 միլիոն բանտարկյալ-բոլշևիկներին, որոնց պետք է զրկել բազմանալու հնարավորությունից»։ Բժշկի կարծիքով՝ դա անելուց հետո գերիներին կարելի էր մինչև կյանքի վերջ օգտագործել որպես աշխատուժ, և փորձարկման հաջող արդյունքի դեպքում նախատեսվում էր ճիշտ նույն կերպ վարվել ԽՍՀՄ մնացած բնակչության հետ Հիտլերի հաղթանակի դեպքում։

Ֆեյքերը ինտերնետի՞ շնորհիվ են հայտնվել

Իրականում կեղծ նորությունները միշտ էլ գոյություն են ունեցել, կարծում է լրագրող և «Թվային պատմություն» YouTube-ալիքի հեղինակ Եգոր Յակովլևը։ Եվ չնայած համացանցի շնորհիվ ֆեյքերը արագ են տարածվում տեղեկատվական դաշտում, դրանց մակարդակը բավական ընկել է։ 19-րդ դարում, օրինակ, պատմական մոլորությունները շատ ավելի ստեղծագործաբար էին հորինում։

1817թ․-ին չեխ բանաստեղծ Վացլավ Գանկան հայտնեց, որ Կրալե Դվուր քաղաքի եկեղեցում ձեռագիր է հայտնաբերել՝ հնագույն էպոս այն մասին, թե ինչպես են չեխերը 1242թ․-ին ջարդել․․․ թաթար-մոնղոլներին։ Շատ չեխեր հավատացին լեգենդին։ Բանաստեղծի սուտը հաջողվեց բացահայտել միայն 70 տարի անց դատարանի միջոցով։

Եվս մեկ հայտնի ֆեյք 1939թ․-ին հրապարակել էր ֆրանսիական «Havas» տեղեկատվական գործակալությունը։ Այն պնդում էր, որ Իոսիֆ Ստալինն ուզում էր գրավել Լեհաստանը և անգամ տարածում էր մի ճառ, որը գեներալիսիմուսն իբր արտասանել էր քաղբյուրոյում ի աջակցություն Գերմանիայի՝ Երկրորդ համաշխարհային պատերազմի նախաշեմին։

Բրիտանացի և գերմանացի գիտնականները պատերազմից հետո կարողացան ապացուցել, որ «Havas» գործակալության հրապարակած ճառը կեղծիք է։

0
թեգերը:
ԽՍՀՄ, Ռուսաստան, Հայրենական մեծ պատերազմ, Երկրորդ համաշխարհային պատերազմ