Նորածին Դանիել Չաքրյանը

Արցախյան պատերազմում որդուն կորցրած գյումրեցի կինը 3–րդ երեխային է լույս աշխարհ բերել

508
(Թարմացված է 18:24 10.06.2021)
Արցախյան պատերազմում որդուն կորցրած մայրը խորհուրդ է տալիս որդեկորույս մայրերին երեխաներ ունենալ։

ԵՐԵՎԱՆ, 10 հունիսի - Sputnik. Գյումրիում որդեկորույս մայրը 3–րդ զավակին է լույս աշխարհ բերել։ Լուսինե Արսենյանի որդին` Դանիելը, ծնվել է հունիսի 8–ին։

Ավագ որդու՝ Դավիթ Չաքրյանի զոհվելուց հետո 42-ամյա Լուսինեն իր մեջ ուժ գտավ ու 7 ամիս անց ևս մեկ որդի ունեցավ: Դժվար էր, բայց հարազատների ու գործընկերների աջակցությունը նրան օգնեց մայրանալու որոշումը կայացնել:

Молодая мать Лусине Арсенян
© Sputnik / Armenuhi Mkhoyan
Լուսինե Արսենյանը

Դավիթ Չաքրյանը բանակ էր զորակոչվել 2020-ի օգոստոսին: Մոր խոսքով` միշտ երազել էր Արցախում ծառայել: Շատ գոհ ու ուրախ էր, որ Արցախի հողում պետք է ծառայի: Ընդամենը մեկուկես ամսվա զինծառայողը Մարտակերտում մասնակցել է թեժ մարտերին։ Դավիթը զոհվել է հոկտեմբերին: Մայրն իր հղի լինելու մասին իմացել է որդու զոհվելուց մի քանի օր անց: Առողջական խնդիրների պատճառով նա բուժզննում է անցել, պարզվել է, որ հղի է:

«4 տարի պայքարեցինք, որ երեխա ունենանք». Հովհաննեսը զոհվեց` չտեսնելով երազանք-դստերը

Փոքրիկի անունը Դանիել են դրել: Sputnik Արմենիայի հետ զրույցում Լուսինեն ասաց, որ ճիշտ է, Դանիելը լույս աշխարհ է եկել որպես նոր հույս, բայց ոչ իր եղբոր փոխարեն: «Երբ պետք է երկրորդ երեխաս ծնվեր, մտածում էինք, որ տղա լինի, Դանիել կկոչենք, բայց ծնվեց աղջիկս, դրա համար էլ հիմա որոշեցինք այս փոքրիկիս Դանիել կոչել: Ի դեպ, երջանիկ պատահականությամբ կրտսեր որդիս ծնվեց հունիսի 8-ին՝ դստերս ծննդյան օրվանից 16 տարի անց»,-պատմում է Լուսինեն։

 Մոր համար այս երեխան սփոփանք է: «Սուտ է, Դավիթս չի մոռացվի՝  ժամանակը չի բուժի վերքը, բայց Դանիելս նոր շունչ ու ապրելու նոր ուժ կտա»:

Мать, потерявшая сына в карабахской войне, советует другим мамам завести детей
© Sputnik / Armenuhi Mkhoyan
Լուսինե Արսենյանը, իսկ հեռախոսի էկրանին նրա զոհված որդու լուսանկարն է

 Փոքրիկը ծնվել է «Գյումրիի մոր ու մանկան ավստրիական հիվանդանոց»-ում: Երեխայի ծնունդին անհամբեր սպասել են նաև Լուսինեի գործընկերները՝ «Գյումրիի մոր ու մանկան ավստրիական հիվանդանոցի» ողջ աշխատակազմը: Լուսինեն հիվանդանոցում կրտսեր բուժաշխատող է:

Սերյոժայի զոհվելուց 25 օր անց տանը մանկան ճիչ է լսվել. ծնվել է Սերյոժա Սերյոժայի Վիրաբյանը

«Շատ սպասված փոքրիկ է, անհամբեր սպասում էինք նրա լույս աշխարհ գալուն: Լուսինեն մեր ստացիոնար հսկողության տակ է գտնվել: Շատ ծանր հոգեբանական վիճակում էր, նաև առողջական խնդիրներ ունի: Բայց կինը հաղթահարեց ամեն ինչ»,- Sputnik Արմենիային ասաց հիվանդանոցի մանկաբարձ-գինեկոլոգ Ալլա Հովհաննիսյանը:

Акушер-гинеколог Алла Оганесян
© Sputnik / Armenuhi Mkhoyan
Ալլա Հովհաննիսյանը

Որդեկորույս մայրերին Լուսինեն խորհուրդ է տալիս իրենց մեջ ուժ գտնել ու նոր երեխաներ ունենալ: «Միայն թե խաղաղություն լինի»,-ավելացնում է կինը:

Որդուն կորցնելու ապրումները չէին կարող չանդրադառնալ կնոջ հղիության ընթացքի վրա։ Փոքրիկը ժամանակից շուտ է ծնվել, լույս աշխարհ է եկել 1 կգ 900 գրամ քաշով, ներարգանդային զարգացման հապաղումներ, նաև շնչառական խնդիրներ է ունեցել:

 Հիմա նորածին տղայի վիճակը բավարար է, սակայն մայրն ու որդին դեռ հիվանդանոցում կման ևս մեկ շաբաթ:

508
թեգերը:
Զինվոր, Զոհ, Արցախյան պատերազմ, նորածին, երեխա, Գյումրի
Ըստ թեմայի
ՀՀ նախագահը հյուրընկալել է սահմանամերձ համայնքների ու արցախցի երեխաներին. տեսանյութ
Արքայազն Հարրին և Մեգան Մարքլը դուստր են ունեցել. հայտնի է երեխայի անունը
Նիկոլ Փաշինյան. արխիվային լուսանկար

Փաշինյանը հունիսի 21-ին հրավիրում է Հանրապետության հրապարակ` իրենց հաղթանակը տոնելու

98
(Թարմացված է 13:56 12.06.2021)
Նիկոլ Փաշինյանը նշում է, որ ընտրությունների արդյունքներով պետք է քաղաքացին ցույց տա, թե ով է «ժեխը»։

ԵՐԵՎԱՆ, 12 հունիսի - Sputnik. ՀՀ վարչապետի պաշտոնոկատար Նիկոլ Փաշինյանը բոլորին ընտրությունների հաջորդ օրը` հունիսի 21-ին, հրավիրում է Երևանի Հանրապետության հրապարակ։ Փաշինյանն այդ մասին հայտարարեց քարոզարշավի շրջանակներում Գեղարքունիքի մարզի Ճամբարակ համայնքի բնակիչների հետ հանդիպման ժամանակ։

«Այո՛, Հայաստանից պետք է հեռացվի կեղեքող էլիտան։ Ընտրությունների արդյունքներով ցույց տվեք, թե ով է «ժեխը»։ Բոլորիդ հունիսի 21-ին հրավիրում եմ Հանրապետության հրապարակ` արձանագրելու ոչ բռնի պողպատյա հեղափոխության, ՀՀ քաղաքացու հաղթանակը»,–ասաց Փաշինյանը։

Նշենք, որ Հայաստանում հունիսի 7–ից մեկնարկել է պաշտոնական քարոզարշավը։

Արտահերթ խորհրդարանական ընտրությունները տեղի են ունենալու հունիսի 20–ին։ Դրանց մասնակցում է 21 կուսակցություն և 4 դաշինք։

«Պետությունը 2001-ից փող է տալիս, որ մաքրեն տարածքը. չկա, կերան». Փաշինյանին` Ծովագյուղում

98
թեգերը:
հաղթանակ, Ընտրություններ, Նիկոլ Փաշինյան
թեմա:
ԱԺ արտահերթ ընտրություններ 2021
Ըստ թեմայի
«Ակտիվ քննարկման մեջ ենք ռուսական կողմի հետ». Փաշինյանը` սահմանին ստեղծված իրավիճակի մասին
Ստորագրելուց առաջ Փաշինյանը քննարկել է համաձայնագիրն իր թիմի հետ․ Օնիկ Գասպարյան
Փորձ է արվում ցույց տալ, որ Փաշինյանն ունի Արևմուտքի աջակցությունը
Փաշինյանը 2018թ․-ի հաջողությունը չի ունենա, բայց ճակատագրական պարտություն նույնպես չի կրի
Տիգրան Դավուդյան. արխիվային լուսանկար

ՔՊ ցուցակում ընդգրկված Տիգրան Դավուդյանը նաև Իրանի քաղաքացի է. ԿԸՀ–ն մերժել է գրանցումը

42
(Թարմացված է 13:32 12.06.2021)
Կենտրոնական ընտրական հանձնաժողովը դատախազություն է ուղարկել Տիգրան Դավուդյանի գրանցման առնչությամբ իր ունեցած նյութերը։

ԵՐԵՎԱՆ, 12 հունիսի - Sputnik. Կենտրոնական ընտրական հանձնաժողովն անվավեր է ճանաչել «Քաղաքացիական պայմանագիր» կուսակցության ընտրական ցուցակի 131-րդ հորիզոնականում ընդգրկված Տիգրան Դավուդյանի գրանցումը։ Այս մասին տեղեկանում ենք ԿԸՀ պաշտոնական կայքում հրապարակված որոշումներից։

Պարզվել է, որ Դավուդյանն ունի նաև Իրանի քաղաքացիություն։ ԿԸՀ-ն ՔՊ պատգամավորի թեկնածուի ներկայացուցչին հայտնել է, որ վարույթ է հարուցվել, սակայն Դավուդյանի` ԻԻՀ քաղաքացիություն ունենալու փաստը հերքելու վերաբերյալ որևէ ապացույց չի ներկայացվել։

Ուստի, ԿԸՀ-ն հայտնում է, որ Դավուդյանն օրենքով սահմանված կարգով չունի ընտրվելու իրավունք։

Կենտրոնական ընտրական հանձնաժողովն այս նյութերն ուղարկել է դատախազություն։

Նշենք, որ Հայաստանում հունիսի 7–ից մեկնարկել է պաշտոնական քարոզարշավը։

Արտահերթ խորհրդարանական ընտրությունները տեղի են ունենալու հունիսի 20–ին։ Դրանց մասնակցում է 21 կուսակցություն և 4 դաշինք։

«Զոմբի», «ոհմակ», «բորենի». Թաթոյանը դատապարտում է վիրավորելն ու ծաղրելը

42
թեգերը:
Ընտրություններ, «Քաղաքացիական պայմանագիր» կուսակցություն, Կենտրոնական ընտրական հանձնաժողով (ԿԸՀ)
Ըստ թեմայի
ԿԸՀ-ն համաձայն է․ պատգամավորի թեկնածուի դեմ քրեական գործ կհարուցվի
Տիգրան Արզաքանցյանը դատարանում կվիճարկի ԿԸՀ-ի որոշումը
Փաստաբանները զբաղվում են. Արզաքանցյանը կվիճարկի՞ ԿԸՀ-ի որոշումը
Սիրանուշ Սահակյան

Հայ գերիների դատավարության արդյունքները միջազգայնորեն չեն կարող ընդունվել. իրավապաշտպան

0
ՄԻԵԴ-ում ռազմագերիների շահերի ներկայացուցիչ, իրավապաշտպան Սիրանուշ Սահակյանը Sputnik Արմենիայի եթերում անդրադարձել է 26 հայ ռազմագերիների հետ կապված հարցին, որոնց գործերն արդեն ուղարկվել են վարույթ և քննվելու են Բաքվի ծանր հանցագործությունների դատարանում:

Սիրանուշ Սահակյանի դիտարկմամբ` ադրբեջանական կողմի հարուցած դատավարությունները շինծու բնույթ են կրում։ Դրանց ընթացքում խախտվել են մեր քաղաքացիների հիմնաքարային իրավունքները, հետևաբար այդ դատավարությունների արդյունքները միջազգայնորեն չեն կարող լինել ընդունելի։

Ըստ նրա` հայ ռազմագերիներից որևէ մեկը ներկայացված չէ իր կողմից ընտրված պաշտպանի միջոցով, իսկ պաշտպանության իրավունքը առանցքն է. եթե անձին պաշտպանվելու իրավունք և հնարավորություններ չեն տրվում, ապա դատապարտման օրինականությունն արդեն իսկ կասկածի տակ է առնվում։

«Որևէ մեկը միամտորեն չի հավատում, որ ադրբեջանական իշխանությունների կողմից ֆինանսավորվող և նշանակված հանրային պաշտպանները հայատյացության այս մթնոլորտում կարող են ապահովել պաշտպանության իրավունքի իրացումը։ Սա ընդամենը մի ասպեկտն է։ Մենք գործ ունենք նաև խոշտանգումների արդյունքում ձեռք բերված ապացույցների օգտագործման հետ, ինչը ևս անթույլատրելի է, էլ չեմ խոսում առհասարակ այս գործը քննող դատավորների անաչառության և անկախության մասին, որովհետև քաղաքական պատվերով գործեր քննելը հիմնախնդիրներից մյուսն է»,– նշեց իրավապաշտպանը։

Այդուհանդերձ, Սահակյանը լավատեսորեն է տրամադրված, որովհետև բոլոր հայ ռազմագերիների գործերը գտնվում են ՄԻԵԴ–ում, որն իր հերթին վերահսկողություն է իրականացնում նաև ներպետական դատարանների կողմից իրականացված արդարադատության նկատմամբ և կարող է գնահատական տալ, թե արդյո՞ք անձի դատապարտումը չի խախտում կոնվենցիայի արդար դատաքննության իրավունքը։

Սահակյանի կարծի​քով` կարճ ժամանակ անց բոլոր գանգատների առարկաները փոխվելու են և մենք ունենալու ենք վեճ միջազգային դատական ատյանում, որը պահանջելու է ադրբեջանական քրեական գործի և դատավարության նյութերը, ուստի այս փուլում ադրբեջանական իշխանությունների ողջ դեմքը պարզվելու է միջազգային հանրության առջև, հենց միջազգային հարթակներում մերկացվելու է ադրբեջանական կողմի զեղծարարությունը, ինչը բնորոշ է բազում այլ գործերին։

Իրավապաշտպանի պնդմամբ` ՀՀ իշխանությունների ռեսուրսները պետք է ուղղվեն Ադրբեջանի պաշտոնատար անձանց առնչությամբ պատժամիջոցներ կիրառելու մեխանիզմների գործարկմանը, և միջազգային հանրությունն իսկապես կարող է իրավիճակը փոխել, շտկել, առավել ևս, որ Ադրբեջանը միջազգային ճնշումներին դիմակայելու բավարար ռեսուրս չունի։

Չմոռանանք Բաքվի քայլերը. Արման Աբովյանը` գերիների հարցի և «գլխատված» ԱԳՆ–ի մասին

Նշենք, որ ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։

Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։

Անցած ժամանակահատվածում փոխանակման ընդամենը մի քանի դեպք է եղել, և հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

Ռուսաստանը ձգտում է ռազմագերիների խնդրի փակմանը «բոլորին բոլորի դիմաց» սկզբունքով. դեսպան

0
թեգերը:
Հայաստան, հայ, Ադրբեջան, գերի
Ըստ թեմայի
Գերիների վերադարձը կարող է 1-2 տարի տևել. Սահակյանը ներկայացրեց գործընթացի մանրամասները
Աժ-ում փակ դռների հետևում քննարկել են գերիների վերադարձի հարցը
Արտակ Զեյնալյանը հավանական գերիների վերաբերյալ տեսանյութ է հրապարակել. 16+