Նիկոլ Փաշինյան

«Լավ, էդ մարդն ինչի՞ համար արեց դա». Փաշինյանը` Սարգսյանի հրապարակած ձայնագրության մասին

348
(Թարմացված է 12:57 10.06.2021)
Նիկոլ Փաշինյանն անդրադարձավ Սերժ Սարգսյանի` իր մասին արված հայտարարությանը։ Փաշինյանը նշում է` այդ ձայնագրությամբ լիովին հաստատեց այն, ինչի մասին ինքը խոսում էր 7 ամիս շարունակ։

ԵՐԵՎԱՆ, 10 հունիսի - Sputnik. Վարչապետի պաշտոնակատար Նիկոլ Փաշինյանը կարծում է, որ երրորդ նախագահ Սերժ Սարգսյանի հրապարակած ձայնագրությունից հետո հանրությունը տարակուսած է, և մարդիկ չգիտեն` այդ ձայնագրությամբ Սարգսյանն ուզում էր վնա՞ս տալ Փաշինյանին, թե՞ օգուտ։ Փաշինյանն այդ մասին հայտարարեց Սպիտակում ՔՊ-ի քարոզարշավի ժամանակ։

Հայտնել էինք, որ Փաշինյանն ասել էր, թե Սարգսյանը Մոնտե Կառլոյի խաղատանը ծախսել է զինվորների գումարը։ Դրանից հետո Սարգսյանը 24 ժամ տվեց Փաշինյանին` ասելով, որ կա՛մ պետք է փաստ հրապարակի, կա՛մ էլ ինքը կհրապարակի մի բան, որից հետո ժողովուրդը կթքի Փաշինյանի, նրա ընտանիքի երեսին։ Երեկ Սարգսյանը ձայնագրություն հրապարակեց, որտեղ Փաշինյանն ասում է, թե առանց Արցախի կարգավիճակի ճշգրտման լուծում հնարավոր չէ։

«Ժողովրդի մոտ առաջ եկած հարցը շատ լեգիտիմ է։ Այն, ինչ հրապարակել է Սերժ Սարգսյանը, լիովին ամրապնդում է մեր այն դիրքորոշումները, ինչի մասին խոսել ենք վերջին 7 ամիսներին։ Մասնավորապես, խոսքն այն մասին է, որ 2018-ի մայիսին ԼՂ բանակցային գործընթացը ժառանգել եմ փակուղային վիճակում»,–ասաց Փաշինյանը։

Նրա խոսքով` այդ պահին ամենակարևոր խնդիրն այն է, որ միջնորդները հետագա զարգացումների վերաբերյալ, ըստ էության, արտահայտել էին նույն դիրքորոշումը, ինչ Ադրբեջանը։ Փաշինյանն ասում է, որ միջազգային հանրությունը նույնպես Հայաստանի առաջ խնդիր էր դրել` վերադարձնել տարածքները ոչ մի բանի դիմաց։

«Կոմպրոմատ չեմ համարի». քաղաքագետը` Սերժ Սարգսյանի ձայնագրության մասին

«Այսինքն` 2018-ին իրադրության զարգացման նման հնարավորություն կար` տարածքներ ոչ մի բանի դիմաց և ներքին տեղահանվածների անվան ներքո ադրբեջանցիների վերադարձ Ղարաբաղ։ Իսկ որտե՞ղ պետք է վերադառնային` սարերո՞ւմ և անտառներո՞ւմ. պետք է ապրեին այնտեղ, որտեղ ապրում էին շարժման մեկնարկից առաջ»,–ասաց Փաշինյանը` հավելելով, որ Սարգսյանի հրապարակած ձայնագրությունը հնարավորություն տվեց այս ամբողջ խոսակցությունը բացելու։

Փաշինյանը նշեց, որ ԼՂ հարցի շուրջ նման իրավիճակ է ստեղծվել դեռ 1998-ին, երբ Ռոբերտ Քոչարյանի որոշմամբ կարգավիճակի հարցը զիջվեց իր իշխանության պահպանման համար։

Փաշինյանն ասաց` ինքն էլ չգիտի, թե «լավ, էդ մարդն ինչի՞ համար է հրապարակել այդ ձայնագրությունը»։

Հիշեցնենք, որ ըստ Սերժ Սարգսյանի` ձայնագրությունը փաստում է, որ Փաշինյանը հրահրել է Արցախյան պատերազմը։

348
թեգերը:
ձայնագրություն, Սերժ Սարգսյան, Նիկոլ Փաշինյան
Ըստ թեմայի
Սերժ Սարգսյանը Նիկոլ Փաշինյանի վերաբերյալ ձայնագրություն է հրապարակել
Ալեն Սիմոնյանը շնորհակալություն է հայտնել Սերժ Սարգսյանին
«Գիժ չի, գժի տեղ ա դրել իրեն». Սերժ Սարգսյանը հրապարակել է Փաշինյանի ձայնագրությունը
Ամենայն հայոց կաթողիկոսը կատարեց իր ընտրությունը

Ամենայն հայոց կաթողիկոսը կատարեց իր ընտրությունը

2
Կաթողիկոսը Մայր Աթոռի միաբանների ուղեկցությամբ այցելել է Վաղարշապատի թիվ 14/11 ընտրական տեղամաս։

ԵՐԵՎԱՆ, 20 հունիսի - Sputnik. Հունիսի 20-ին, արտահերթ խորհրդարանական ընտրությունների առիթով Ն․Ս․Օ․Տ․Տ․ Գարեգին Բ Ամենայն հայոց կաթողիկոսը Մայր Աթոռ Սուրբ Էջմիածնի միաբանների ուղեկցությամբ այցելեց Վաղարշապատի թիվ 14/11 ընտրական տեղամաս։

Католикос Гарегин второй на внеочередных парламентских выборах Армении (20 июня 2021). Эчмиадзин
Ամենայն հայոց կաթողիկոսը կատարեց իր ընտրությունը

Քվեարկությունից հետո Ամենայն Հայոց Հայրապետը մաղթել է, որ «Աստված բարի օրերն առատացնի մեր ժողովրդի կյանքում, և ամենքը սիրով ու միաբան լծվեն մեր երազների հզոր հայրենիքի կերտման նվիրական գործին»։

Նշենք, որ այսօր առավոտյանը ժամը 08։00–ին Հայաստանում մեկնարկել են ԱԺ արտահերթ ընտրությունները 2008 ընտրատեղամասերում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջագային և օտարերկրյա դիտորդական առաքելություն իրականացնող կազմակերպությունների 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

2
Քվեաթերթիկներ

Դատախազությունը հիշեցնում է` քվեարկության գաղտնիությունը խախտելը հանցագործություն է

6
(Թարմացված է 13:53 20.06.2021)
Քվեարկության գաղտնիությունն այսկերպ խախտելը հանցագործություն է, որ պատժվում է ընդհուպ մինչև ազատազրկմամբ` 5 տարի ժամկետով:

ԵՐԵՎԱՆ, 20 հունիսի – Sputnik. Սոցիալական ցանցերում հրապարակվում են քվեարկության ընթացքում թվեաթերթիկների լուսանկարներ, ինչպես նաև քվեաթերթիկներ պատռելու տեսագրություններ: ՀՀ գլխավոր դատախազի խորհրդական Գոռ Աբրահամյանը Facebook-ի իր էջում գրառում է արել` հայտնելով, որ ՀՀ քրեական օրենսգրքի 154-րդ հոդվածի համաձայն` քվեարկության գաղտնիությունն այսկերպ խախտելը հանցագործություն է, որ պատժվում է ընդհուպ մինչև ազատազրկմամբ` 5 տարի ժամկետով:

«Անհրաժեշտ եմ համարում նշել, որ արդեն իսկ հրապարակված և դատախազությանը հասու դարձած նման բոլոր լուսանկարների, տեսագրությունների առթիվ դատախազության կողմից նյութեր են նախապատրաստվում՝ դրանցում հենց քրեական օրենսգրքի 154-րդ հոդվածի հանցակազմի հատկանիշների առկայությունը ստուգելու նպատակով: Եվ դատախազության տեսադաշտում հայտնված ցանկացած նոր այդպիսի հրապարակման առթիվ ևս նման գործընթաց է նախաձեռնվելու»,–գրել է Աբրահամյանը։

Նա կոչ է արել ընտրողներին զերծ մնալ իրենց կատարած քվեարկության արդյունքի, քվեախցիկում արված նույնականացվող քվեաթերթիկների՝ անկախ դրանց մարված լինել-չլինելու հանգամանքից,  լուսանկարները, տեսագրությունները հրապարակելուց:

Հիշեցնենք, որ իմքայլական պատգամավոր Հայկ Սարգսյանը ֆեյսբուքյան իր էջում հրապարակել է լուսանկար, որտեղ «Հայաստան» դաշինքի քվեաթերթիկներն են նետված արկղի մեջ։ Դեպքը սոցցանցերում մեծ աղմուկ է բարձրացրել։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

6
թեգերը:
քվեարկություն, Ազգային ժողովի ընտրություններ, ՀՀ գլխավոր դատախազություն
թեմա:
ԱԺ արտահերթ ընտրություններ 2021
Ըստ թեմայի
Ի՞նչ խախտումների մասին են ահազանգում քաղաքացիները. ոստիկանությունը տվյալներ հայտնեց
Սերժ Սարգսյանը քվեարկեց. նույնականացնող սարքը դարձյալ «չճանաչեց» նրա մատնահետքերը
Արզաքանցյանն ահազանգում է, որ ընտրատեղամասերից մեկում բացակայում են ՀԴԿ ընտրաթերթիկները