Երևանի Պուշկինի 10 հասցեում գտնվող շենքը

«Դոլմամայի» շենքը չի քանդվի. սեփականատերը ստիպված կլինի պահպանել հուշարձան–շենքը

333
(Թարմացված է 14:46 10.06.2021)
Կառավարության որոշումից հետո Sputnik Արմենիայի թղթակիցը կապ հաստատեց «Դոլմամա» ռեստորանի սեփականատեր Ժիրայր Ավանյանի հետ։ Վերջինն անթաքույց հուզմունքով ընդունեց նորությունն ու նշեց, որ իր 13 տարվա պայքարն արդարացվեց։

ԵՐԵՎԱՆ, 10 հունիսի - Sputnik. Երևանի մի շարք պատմական շենքերի հարցում քաղաքաշինական ծրագրի իրականացման շահը գերակա է օտարվող սեփականության տերերի շահերի նկատմամբ։ Նման որոշում է ընդունվել այսօր կառավարության հերթական նիստում` ՀՀ քաղաքաշինության կոմիտեի առաջարկով։

Մեկնաբանելով որոշման անհրաժեշտությունը` Քաղաքաշինության կոմիտեի նախագահ Արմեն Ղուլարյանը նշեց, որ սեփականատերերի շահերի գերակայության դեպքում Երևանի կենտրոնից կվերանային մի շարք հուշարձան–շենքեր։

«Երևանի կենտրոնից պետք է վերանային առկա խառը, անկանոն կառուցապատումը` տարերայնորեն տեղակայված ոչ սեյսմակայուն, հին և խարխուլ շինություններով, և որի փոխարեն նախատեսվում էր բազմաֆունկցիոնալ կառուցապատում: Որոշ հատվածներում, կառուցապատման ծրագրերի շրջանակներում, նախատեսվում էր ստեղծել ստորգետնյա ավտոկայանատեղեր, կանաչապատ տարածքներ, խաղահրապարակներ, ինչպես նաև հիմնովին նորացնել ինժեներատեխնիկական ենթակառուցվածքներ»,– ասաց Ղուլարյանը։

Ավինյանը նորություն ունի. Ֆիրդուսի թաղամասի վերաբերյալ նոր որոշում է կայացվել

Կառավարության ընդունած որոշմամբ` այս ամենը տեղի չի ունենա, փոխարենը հուշարձան– շեքերը կվերագնահատվեն, Երևանի քաղաքապետարանն էլ հանդես կգա այդ շենքերի պահպանմանը միտված նոր առաջարկով։

«Նման պատմամշակութային շենքերի քանդումը, ձևափոխումն ու տեղափոխումն ընդհանուր առմամբ մեր կառավարության համար ընդունելի չէ»,– նախագծի քննարկման ժամանակ ասաց ՀՀ փոխվարչապետի պաշտոնակատար Տիգրան Ավինյանը` մեկնաբանելով, որ որոշման մեջ ներառված շենքերը հայտնի «Դոլմամա» ռեստորանին պատկանող շենքերն են։

Նշենք, որ որոշումը ներառում է Պուշկինի 4 տուն, Պուշկինի 8, Պուշկինի 8, բն. 3, Պուշկինի 10-1 և 6ա, Պուշկինի 10, բն. 3, Պուշկինի 10, հ. 6 տարածք հասցեները։

Կառավարության որոշման համաձայն` այս շենքերի նոր սեփականատերերին կառուցապատման ծրագրի չեղարկման դիմաց որևէ փոխհատուցում չի տրվի` գերակա շահի մասին ՀՀ օրենսդրության համաձայն։ Օրենքը թույլատրում է տիրապետել, տնօրինել ու օգտագործել գույքը, բայց միայն հուշարձան–շենքի պահպանման պայմանով։

Ի դեպ, կառավարության որոշումից հետո Sputnik Արմենիայի թղթակիցը կապ հաստատեց «Դոլմամա» ռեստորանի սեփականատեր Ժիրայր Ավանյանի հետ` նրա տեսակետը ճշտելու նպատակով։

Պարզվեց, որ վերջինս տեղյակ չէր ու առաջինը Sputnik Արմենիայից տեղեկացավ կատարվածի մասին։

Ավանյանն անթաքույց հուզմունքով լսեց նորությունն ու նշեց, որ իր 13 տարվա պայքարն արդարացվեց։

Հիշեցնենք` ամեն ինչ սկսվել էր 2008 թ.-ին, երբ ՀՀ կառավարությունը որոշում էր ընդունել այդ շենքերի տարածքները հանրային գերակա շահ ճանաչել։ Հիշյալ հասցեները, որոնցում տեղակայված էր նաև «Դոլմամա» ռեստորանը, սեփականության իրավունքով տրվել էր գործարար Սամվել Մայրապետյանին պատկանող Local Developers LLC ընկերությանը։

եմ տա ոչ Մայրապետյանին, ոչ էլ նրա հետևում կանգնածներին. «Դոլմամայի» տերը` սկանդալի մասին

2008թ–ի մարտի 9-ին Ավանյանը նամակ էր ստացել ԴԱՀԿ-ից` 15 օրվա ընթացքում տարածքն ազատելու մասին։

Գործարարը, սակայն, չէր հանձնվել և 13 տարի շարունակ դատական գործընթացների ու վեճերի միջոցով փորձել էր հասնել արդարության։

333
թեգերը:
Դոլմամա, Հայաստան, Հուշարձան, շենք, Երևան
Ըստ թեմայի
Գործադիրը Ֆիրդուսի թաղամասում կառուցապատումը թույլատրել է օրենքի խախտմամբ. Սարգսյան
Լոռիում այնքան հանք կա, որ նորի տեղ այլևս չկա. բնակիչները բոյկոտեցին հանրային լսումները
Ովքեր են կառուցապատելու Ֆիրդուսի թաղամասի տարածքը, և ինչ է հայտնի նոր ներդրողների մասին
Երևանի քաղաքապետարանը մերժել է 17– հարկանի հյուրանոց կառուցելու առաջարկը
Գեղամ Մանուկյան

Արմեն Չարչյանին ձերբակալել են. Գեղամ Մանուկյան

131
(Թարմացված է 20:19 18.06.2021)
Պատերազմում բազմաթիվ կյանքեր փրկած քաղաքացիների, ինչպես նաև մյուսների անունից պահանջում են ազատ արձակել Արմեն Չարչյանին։

ԵՐԵՎԱՆ, 18 հունիսի – Sputnik. «Իզմիրլյան» բժշկական կենտրոնի տնօրեն Արմեն Չարչյանը ձերբակալվել է։ «Հայաստան» դաշինքի ամփոփիչ հանրահավաքի ժամանակ հայտարարեց ՀՅԴ–ական Գեղամ Մանուկյանը։

«Մոտ կես ժամ առաջ Փաշինյանի հրահանգով ձերբակալվել է Արմեն Չարչյանը։ Նրա հետ իրենց կյանքը կապել են հազարավոր մարդիկ։ Իրավապահ մարմիններ, հասկացեք, որ այս իշխանությանը ծառայելուն ձեզ մնացել է երկու օր, որից հետո դուք չեք կարողանալու նայել մարդկանց աչքերին»,–ասաց Մանուկյանը։

Նա հայտարարեց` պատերազմում բազմաթիվ կյանքեր փրկած քաղաքացիների, ինչպես նաև մյուսների անունից պահանջում են ազատ արձակել Չարչյանին։

Հիշեցնենք, որ Չարչյանին բերման են ենթարկել ընտրողի ազատ կամքի իրականացումը խոչընդոտելու հատկանիշներով հարուցված քրգործի առնչությամբ։ Մասնավորապես, Չարչյանին վերագրվող մի ձայնագրություն է շրջանառվում, որտեղ նա նշում է, որ տնօրինությունը «շատ կոշտ, խիստ համարժեք վերաբերմունք է ցուցաբերելու» նրանց նկատմամբ, ովքեր ընտրություններին չեն մասնակցի։

Փաշինյանի քարոզարշավին մասնակցելն արգելելու համար Գորիսում պաշտոնյա է ձերբակալվել

Քրեական գործ է հարուցվել ՀՀ քրեական օրենսգրքի 154.2-րդ հոդվածի 4-րդ մասի 2-դ կետով (ընտրողի ազատ կամքի իրականացումը խոչընդոտելը)։

131
թեգերը:
Ձերբակալություն, հանրահավաք, Գեղամ Մանուկյան
Ըստ թեմայի
Լոռու մարզում կատարված սպանության կասկածանքով ձերբակալվել է տուժածի համագյուղացին
«Նիկոլ, դավաճան». Արմավիրում ՔՊ–ի քարոզարշավի ժամանակ 3 մարդ է ձերբակալվել. տեսանյութ
Գիշերը ձերբակալվել է Արմավիրի նախկին քաղաքապետը
Տարեց մարդ

Մինչև հուլիսի 1-ը ո՞ւր պետք է դիմեն կենսաթոշակառուները

63
(Թարմացված է 17:20 18.06.2021)
1-ին կամ 2-րդ խմբի հաշմանդամություն ունեցող անձինք, նաև 75 տարեկանը լրացածը կենսաթոշակառուների համար բացառություն է արվել։

ԵՐԵՎԱՆ, 18 հունիսի - Sputnik. Հուլիսի 1-ից կենսաթոշակառուները Երևանում, Գյումրիում և Վանաձորում իրենց կենսաթոշակները կստանան անկանխիկ եղանակով։ Կառավարության մամուլի ծառայությունը տեղեկացնում է, թե ինչ ժամկետներում և ուր պետք է դիմեն կենսաթոշակառուները՝ վճարումները ժամանակին ստանալու համար։

Անհրաժեշտ է մինչև հունիսի 21-ը դիմել ցանկացած բանկ կամ «Հայփոստ»: Այս դեպքում հուլիս ամսվա կենսաթոշակի վճարման ցուցակները ձևավորելու համար համապատասխան բանկը կամ Հայփոստը դիմում ներկայացրած քաղաքացիների տվյալները կտրամադրի Միասնական սոցիալական ծառայությանը։

«Եթե անձն ընտրում է «Հայփոստը», ապա դիմումին կից պետք է ներկայացնի նաև Հայփոստի հետ էլեկտրոնային փողի հաշվառման հաշվի բացման և համալրման պայմանագրի կնքումը հավաստող տեղեկանք. այն տրամադրում է «Հայփոստը»։ Բանկն ընտրելու դեպքում լրացուցիչ փաստաթուղթ ներկայացնելու անհրաժեշտություն չկա»,- տեղեկացնում է կառավարությունը։

Քաղաքացին ինքն էլ կարող է բանկ կամ «Հայփոստ» դիմելու փոխարեն մինչև հունիսի 30-ը դիմել Միասնական սոցիալական ծառայության ցանկացած տարածքային բաժին։

Եթե մինչև հունիսի 30-ը քաղաքացին չի դիմում կենսաթոշակի վճարման եղանակը փոխելու համար, ապա համակարգն ինքնաշխատ եղանակով կընտրի վճարող որևէ կազմակերպություն։ Ընտրված կազմակերպության մասին քաղաքացին կտեղեկանա 3 աշխատանքային օրվա ընթացքում SMS հաղորդագրության կամ էլեկտրոնային նամակի միջոցով։

Նշենք, որ կենսաթոշակների անկանխիկ վճարման հաստատված կարգում բացառություններ էլ կան։ 1-ին կամ 2-րդ խմբի հաշմանդամություն ունեցող անձինք, նաև 75 տարեկանը լրացածը կենսաթոշակառուներն իրենք կընտրեն կենսաթոշակների ստացման եղանակը՝ կանխիկ կամ անկանխիկ։

Իսկ 14 տարեկանը լրացած անչափահաս կենսաթոշակառուներին և լիազորագրով կենսաթոշակ ստացողներին կենսաթոշակները կվճարվեն բացառապես կանխիկ եղանակով։

«Հայկական կարիտասը» Արարատի մարզում «Երեխաների քաղաք» ստեղծարար կենտրոններ կկառուցի

63
թեգերը:
թոշակառու, Հայաստան
Ըստ թեմայի
100-ից ավել դպրոցներում մասնագետների պակաս կա. օրենքի փոփոխությունը կլուծի՞ խնդիրը
Լավ լուր Սևանա լճում հանգիստը նախընտրողների համար. կգործի Ալմաստ - Շորժա էլեկտրագնացքը
Հայաստանին թոքերի արհեստական շնչառության 22 սարքավորում են փոխանցել
Պուգաչովայի և Գալկինի զավակները

«Սա հիթ է». Գարի և Լիզա Գալկինները հայրիկի ծննդյան օրն անակնկալ են մատուցել. տեսանյութ

31
(Թարմացված է 23:59 18.06.2021)
Ալլա Պուգաչովան երեխաների հետ երաժշտական համար է նախապատրաստել հայտնի շոումեն ամուսնու համար։

ԵՐԵՎԱՆ, 18 հունիսի – Sputnik. Մաքսիմ Գալկինի և Ալլա Պուգաչովայի երեխաները` Գարին և Լիզան, որոշել են ուրախացնել հայրիկին արտասովոր շնորհավորանքով։ Հայտնի երգիծաբան և հեռուստահաղորդավար Մաքսիմ Գալկինը հունիսի 18-ին 45 տարեկան դարձավ։

Մեկնաբանություններում օգտատերերը նշել են, որ Գալկինն ու Պուգաչովան հրաշալի ընտանիք ունեն, երեխաներն էլ շատ դաստիարակված են։ Նրանց տոնական երգը հավանության արժանացել շատերի կողմից։

Արտիստը շնորհավորանքներ է ստանում ընկերներից, գործընկերներից և երկրպագուներից։  Բայց նախևառաջ ընտանիքի անդամներից։ Գարի և Լիզա Գալկինները հոր համար ռեփ են կատարել։ Այդ երգով նրանք շնորհավորել են հայրիկի ծննդյան օրն ու նշել, որ «նա արժանի և խելացի, օրինակելի, հավատարիմ և ուժեղ տղամարդ է մեծացել»։

Գարին և Լիզան խոստովանել են, որ ուրախ են նրա երեխաները լինելու համար և ուզում են նրա պես լինել։

«Սա հիթ է», «Վաու։ Ինչ հիանալի շնորհավորանք է։ Երեխաները հրաշք են», «Որքան լավ է նման բան տեսնելն ու լսելը», «Բրավո ռեփի աստղերին», – այսպիսի մեկնաբանություններ են թողել Գալկինի երկրպագուները։

Ալլա Պուգաչովան և Մաքսիմ Գալկինն ամուսնացած են 2011 թվականից։ Ամուսինները երկու երեխա են դաստիարակում` երկվորյակներ Լիզային և Գարիին։ Հեռուստահաղորդավար և երգիծաբան Գալկինի  համար սա առաջին ամուսնությունն է, երգչուհու համար` հինգերորդը։ Պուգաչովայի ավագ դուստրը` հայտնի երգչուհի Կրիստինա Օրբակայտեն, 50 տարեկան է։

 

31
թեգերը:
ծնունդ, երեխա, Մաքսիմ Գալկին, Ալլա Պուգաչովա
Ըստ թեմայի
Գալկինը հիանում է կնոջով, իսկ հետևորդներն այդ տեսանյութը տհաճ ու տարօրինակ են համարում
Ինչպես է հաջողվում 9 տարի շարունակ ապրել միասին. Գալկինը փակագծեր է բացել
Ծիրանագույնից մինչև «Կիմ Չեն Քարդաշյան»․ Գարիկ Մարտիրոսյանը զվարճացրել է հետևորդներին