ԵՊՀ

Երկու տարի առանց ռեկտորի մնացած մայր բուհը. ի՞նչ ճակատագիր է սպասվում ԵՊՀ–ին

155
(Թարմացված է 22:25 09.06.2021)
ԵՊՀ–ն ոչ միայն ռեկտոր չունի, այլ նաև վերջին շրջանում տապալվում են հոգաբարձուների խորհրդի նիստերը։ Թե ի՞նչ լուծումներ կլինեն բուհն այս վիճակից դուրս բերելու համար, անհայտ է։

ԵՐԵՎԱՆ, 9 հունիսի - Sputnik. Երևանի պետական համալսարանի հոգաբարձուների խորհրդի անհատական կազմի ձևավորմանն ուղղված աշխատանքներն ընթացքի մեջ են: Sputnik Արմենիայի գրավոր հարցմանն ի պատասխան հայտնել են ՀՀ կրթության, գիտության, մշակույթի և սպորտի նախարարությունից։

Նշենք, որ տևական ժամանակ է, ինչ ԵՊՀ-ում հոգաբարձուների խորհրդի նիստերը տապալվում են քվորում չլինելու պատճառով։ Հոգաբարձուների խորհրդի անդամների մի մասն այնտեղից դուրս գալու դիմում է գրել, իսկ վերջերս էլ բուհի ուսխորհուրդը հայտարարել է, որ հրաժարվում է մասնակցել հոգաբարձուների խորհրդի ձևավորմանը։ Sputnik Արմենիան գրավոր հարցում էր ուղարկել ԿԳՄՍՆ` հետաքրքրվելով, թե ի՞նչ քայլեր են ձեռնարկվում, որպեսզի բուհը դուրս գա ստեղծված վիճակից։

Ուշագրավ է այն հանգամանքը, որ նախարարությունից պատասխանել են` բուհի բնականոն գործունեությունն ապահովելու, բուհում բարեփոխումներին նպաստող միջավայր ձևավորելու նպատակով նախաձեռնվել է հոգաբարձուների խորհրդի թվակազմի փոփոխություն։ Այն, որ բուհն այժմ այդ փոփոխության հետևանքով զրկվելու է ինքնավարությունից` նախարարությունը որպես բարեփոխում է ներկայացրել։ Նշենք, որ խոսքն այն մասին է, որ հոգաբարձուների խորհրդի անդամների թիվը 32-ից հասցվել է 20-ի, որից 55 տոկոսին նշանակելու է կառավարությունը, 10 տոկոսին՝ ԿԳՄՍ-ն, հաջորդ 10 տոկոսին՝ բուհի պրոֆեսորադասախոսական կազմը, իսկ վերջին 25 տոկոսին էլ՝ ուսանողական կազմը։

Նախարարությունից հետաքրքրվել էինք նաև, թե ինչպե՞ս է ձևավորվելու հոգաբարձուների խորհրդի նոր կազմը, եթե ուսխորհուրդը հրաժարվում է դրա մաս լինել։ Պարզվում է` այդ մասին նույնպես մտածել են։ «ՀՀ կառավարության 2021 թվականի մայիսի 04-ի N 704-Ն որոշմամբ նախատեսվել է դրույթ, ըստ որի՝ խորհուրդը համարվում է ձևավորված, եթե նշանակվել են խորհրդի անդամների կեսից ավելին»,-նշված է պատասխանի մեջ։ Այսինքն` եթե ուսանողները բոյկոտում են, կարող է ամենևին էլ կարիք չլինի նրանց ներգրավման։

Բարձրագույն կրթության մասին օրենսդրական փաթեթն են քննարկել նախագահն ու ԿԳՄՍ նախարարը

ԿԳՄՍՆ-ից, սակայն, տեղեկացնում են, որ նախարարի պաշտոնակատար Վահրամ Դումանյանն իր իսկ նախաձեռնությամբ հանդիպել է ԵՊՀ գիտական խորհրդի անդամների հետ, որտեղ բուհին առնչվող խնդիրների շուրջ տեղի է ունեցել շահագրգիռ քննարկում: Հանդիպմանը ներկա են եղել նաև ուսանողները, որոնք էլ, ըստ նախարարության, բարձրացրել են իրենց հուզող հարցերը:

Նշենք, որ բուհերում ընդունելությունը սկսվել է, և ԿԳՄՍՆ–ից հարցրել էինք նաև` արդյո՞ք ԵՊՀ-ում ստեղծված իրավիճակը չի ազդում ընդունելության վրա։ Նախարարությունից խուսափել են պատասխանել այս հարցին` միայն տեղեկացնելով, որ բուհում ընդունելության գործընթացն իրականացվում է սահմանված կարգով:

Հիշեցնենք` ԵՊՀ նախկին ռեկտոր Արամ Սիմոնյանը հրաժարական էր տվել 2019-ի մայիսի 23–ին։ Դրանից շուրջ մեկ շաբաթ անց` մայիսի 30-ին, ԵՊՀ հոգաբարձուների խորհրդի նիստում ռեկտորի ԺՊ է ընտրվել Գեղամ Գևորգյանը։ ԵՊՀ ռեկտորի` 2020-ի մարտի 23-ին նախատեսված ընտրությունը չկայացավ երկրում կորոնավիրուսով պայմանավորված արտակարգ դրություն սահմանելու պատճառով։Այս տարի հրաժարական տվեց նաև ԵՊՀ ռեկտորի ժամանակավոր պաշտոնակատարը։ Բուհը, փաստացի, 2 տարի է, ինչ ռեկտոր չունի։

155
թեգերը:
ռեկտոր, Վահրամ Դումանյան, Կրթության, գիտության, մշակույթի և սպորտի նախարարություն (ԿԳՄՍ), Երևանի պետական համալսարան (ԵՊՀ)
Ըստ թեմայի
ԵՊՀ-ն այս պահին շատ ավելի վատ վիճակում է, քան մինչև հեղափոխությունը. Սերոբ Խաչատրյան
Ինչո՞ւ է կառավարությունը շտապում. ԵՊՀ-ն դատարանում կվիճարկի հապճեպ ընդունված որոշումը
ԵՊՀ-ի գիտխորհուրդը դժգոհ է Դումանյանի հետ հանդիպումից. ինչո՞ւ էր նախարարը բուհ այցելել
Տատյանա Բրուխունովա

Տարօրինակ լողազգեստ. Պետրոսյանի երիտասարդ կնոջ լուսանկարը բուռն արձագանքի է արժանացել

229
(Թարմացված է 21:02 22.06.2021)
Տատյանա Բրուխունովան հանգիստն անցկացնում է Մալդիվյան կղզիներում և պարբերաբար լուսանկարներ ու տեսանյութեր է հրապարակում սոցցանցում։

ԵՐԵՎԱՆ, 22 հունիսի – Sputnik. Ռուսաստանցի երգիծաբան Եվգենի Պետրոսյանի երիտասարդ կինը` Տատյանա Բրուխունովան, իր հանգստից լուսանկար է հրապարակել, որում նա արտասովոր, եթե չասենք, տարօրինակ լողազգեստով է։

«Հզոր է». Եվգենի Պետրոսյանի կրակոտ պարը. տեսանյութ

Սև լողազգեստի վրա ժապավենաձև մակարոններ են պատկերված։ Ընդ որում` երկու մակարոնները հենց կրծքերի վրա են։ Տատյանան` գլխարկը գլխին, նստած է օվկիանոսի ափին։

«Ես ոչ միայն շատ պայուսակներ ունեմ, այլև լողազգեստներ», – լուսանկարին կից գրել է նա։

Посмотреть эту публикацию в Instagram

Публикация от Татьяна Брухунова (@bruhunova)

Օրեր առաջ Բրուխունովան ցուցադրել էր զվարճալի թութակներով լողազգեստը։

Посмотреть эту публикацию в Instagram

Публикация от Татьяна Брухунова (@bruhunova)

Հետևորդները գնահատել էին նրա բարձր կուրծքն ու շքեղ ազդրերը։

Ուրիշ կին կա՞ կողքին․ Եվգենի Պետրոսյանը նոր օգնականի հետ է միջոցառումներին այցելում

«Չնաշխարհիկ գեղեցկուհի։ Այնքան թեթև ու նուրբ է։ Ինչ զվարճալի լողազգեստ է։ Գեղեցիկ եք։ Նրբագեղ կազմվածք ունեք։ Լողազգեստը հիասքանչ է, հատկապես վերևի մասը», – լուսանկարը մեկնաբանել են օգտատերերը։

Ավելի վաղ Տատյանա Բրուխունովան անձնական բլոգում տեսանյութ էր հրապարակել, թե ինչպես է զբոսնում մոտորանավակով։ Նա Պետրոսյանի հետ օվկիանոս էր դուրս եկել` դելֆիններին դիտելու։

«Երջանկություն կա»․ փոքրիկ Վահանին գրկած Եվգենի Պետրոսյանի լուսանկարը ցնցել է մարդկանց

229
թեգերը:
Լողազգեստ, Տատյանա Բրուխունովա
«Հայաստան» դաշինքի անդամներ

«Հայաստան» դաշինքը դատի է տվել ՀՀ կենտրոնական ընտրական հանձնաժողովին