Գավառ. արխիվային լուսանկար

Քվե` սննդի դիմաց. երկու անձ բերման են ենթարկվել ընտրակաշառք բաժանելու համար

243
Բացահայտման համաձայն` կուսակցություններից մեկն ընտրողներին քվեի դիմաց հանձնվել է մեկական փաթեթ սննդամթերք՝ յուրաքանչյուրը մոտ 7000 ՀՀ դրամ արժողությամբ։

ԵՐԵՎԱՆ, 9 հունիսի - Sputnik. ՀՀ Գեղարքունիքի մարզի Գավառի տարածաշրջանում ԱԺ արտահերթ ընտրություններին մասնակցող կուսակցություններից մեկը ընտրողներին բնամթերային տեսքով կաշառք է բաժանում` նրանց ձայների դիմաց։

ՀՀ գլխավոր դատախազությունը հայտնում է, որ ոստիկանության Գավառի բաժնում տեղեկություններ են ստացվել այն մասին, որ 2021թ. հունիսի 8-ին՝ ժամը 21:20-ի սահմաններում, տվյալ կուսակցության Գավառի տարածքային գրասենյակի ղեկավար Ա. Ա.-ն ընտրողներին կաշառք տալու համար գրասենյակի քարտուղար Ս. Զ.-ի Գավառում գտնվող բնակարան է տեղափոխել շուրջ 80 փաթեթ սննդամթերք՝ հանձնարարելով նրան ըստ ցուցակի բաժանել ընտրողներին:

2021թ. հունիսի 9-ի առավոտից սկսած՝ Ս. Զ.-ն, ըստ ցուցակի, 8 ընտրողների որպես կաշառք տվել է մեկական փաթեթ սննդամթերք՝ յուրաքանչյուրը մոտ 7000 ՀՀ դրամ արժողությամբ։

ԲՀԿ–ի ընտրակաշառքի գործով մի քանի տասնյակ մեղադրյալներ կան. ԱԱԾ տնօրեն

Դեպքի առթիվ ՀՀ ոստիկանության Գեղարքունիքի մարզային վարչության Գավառի բաժնում հարուցվել է քրեական գործ՝ ՀՀ քրեական օրենսգրքի 154.2-րդ հոդվածի 1-ին մասով և նույն հոդվածի 4-րդ մասի 1-ին և 2-րդ կետերով նախատեսված հանցագործության հատկանիշներով (մի խումբ անձանց կամ կազմակերպված խմբի կողմից նախնական համաձայնությամբ երկու կամ ավելի անձնաց ընտրակաշառ տալը):

Ձեռնարկված միջոցառումների արդյունքում Ա. Ա.-ն և Ս.Զ.-ն բերման են ենթարկվել ոստիկանության գավառի բաժին: Միջոցներ են ձեռնարկվում նշված հանցավոր արարքներում նաև այլ անձանց հնարավոր ներգրավվածությունը պարզելու նպատակով:

Հերթը հասավ ՀՀԿ-ին․ թոշակառուին ընտրակաշառք տալու համար մեղադրանք է առաջադրվել

243
թեգերը:
սնունդ, ՀՀ դատախազություն, ընտրակաշառք, Ընտրություններ, քվեարկություն
Ըստ թեմայի
21-ում արդեն ֆաբրիկա ուներ, 24-ում՝ ինքնաթիռ. Արզաքանցյանի ինչի՞ն են պետք ընտրությունները
Արտահերթ, բայց ոչ արտառոց. հոլանդական ընտրություններն ու հայ «չգործարար» թեկնածուները
Կլինի՞ արդյոք ընտրությունների 2–րդ փուլ Հայաստանում. «Հրապարակ»
Արման Բաբաջանյան. արխիվային լուսանկար

Արման Բաբաջանյանը հերքում է, որ մեքենայի վրա կրակել է իր թիմի անդամը

60
(Թարմացված է 13:00 20.06.2021)
Նշվում է, որ հրազենով դաշինքի ղեկավարի մեքենայի վրա կրակելու նպատակը եղել է դաշինքի ուղղությամբ հավելյալ ուշադրություն գրավելը։

ԵՐԵՎԱՆ, 20 հունիսի - Sputnik. Արման Բաբաջանյանի մեքենայի վրա կրակել է «Շիրինյան-Բաբաջանյան» դաշինքի անդամը։ Տեղեկությունը հայտնում է «Ժողովուրդը»՝ վկայակոչելով դաշինքի աղբյուրին։

Թերթի տեղեկություններով՝ կրակոց արձակած անձը քիչ առաջ հայտնաբերվել է իրավապահների կողմից։

«Նա Շիրինյան-Բաբաջանյան դաշինքի անդամ է, ով կրակելով կայանված դատարկ մեքենայի վրա՝ ցանկացել է դաշինքի նկատմամբ լրացուցիչ ուշադրություն գրավել»,- գրում է թերթը։

Նշենք, որ ավելի ուշ Արման Բաբաջանյանը ֆեսբուքյան ուղիղ եթերի միջոցով հայտնեց, որ, իր տեղեկություններով, ավտոմեքենայի վրա կրակղը դեռ չի հայտնաբերվել։ Նա խոստացավ ավելի ուշ մեկնաբանություն տալ։

Նշենք, որ «Շիրինյան-Բաբաջանյան» ժողովրդավարների դաշինքի ընտրացուցակի առաջին համար Արման Բաբաջանյանը Facebook-ի իր էջում հայտնել էր կրակոցի մասին և լուսանկարներ հրապարակել։ Դրանցում երևում էր մեքենայի դիմապակու վրա հրազենի թողած հետքը։

60
թեգերը:
Հայաստան, կրակոց, ավտոմեքենա, Արման Բաբաջանյան
Ըստ թեմայի
Տարեցները հիմնականում չգիտեն քվեարկության նոր կանոնները. մարդիկ շտապում են ընտրությունների
Քաղաքապետարանը հավաքում է Քոչարյանի նկարով թերթիկները
Արման Թաթոյանը խումբ է ուղարկել Սիսիան` «Հայաստան» դաշինքի ահազանգի հետքերով
Երևանի ընտրատեղամասերից մեկում

Հայաստանում քվեարկության առաջին 3 ժամերին ընտրությանը մասնակցել է ընտրողների 12.2 տոկոսը

17
(Թարմացված է 12:45 20.06.2021)
ԿԸՀ–ն մասնակցության արդյունքներն ամփոփում է յուրաքանչյուր 3 ժամը մեկ։

ԵՐԵՎԱՆ, 20 հունիսի – Sputnik. Հայաստանում ժամը 11։00-ի դրությամբ ընտրելու իրավունք ունեցող 2 593 572 քաղաքացիներից ընտրությանը մասնակցել են 316 291–ը կամ 12.2 տոկոսը։

Այս մասին այսօր ԿԸՀ–ում կայացած ասուլիսում հայտնեց ԿԸՀ նախագահի տեղակալ Լաուրա Գալստյանը։

Պաշտոնական տվյալներով` Երևանում ընտրելու իրավունք ունեցող 859 000 ընտրելու իրավունք ունեցող քաղաքացիներից ժամը 11։00-ի դրությամբ քվեարկությանը մասնակցել են 120.166–ը կամ 13.99%, Արագածոտնի մարզում 117 472–ին ընտրությանը մասնակցել է 12.318–ը կամ 10.49%–ը, Արարատի մարզում 223 360 ընտրողներից արդեն ընտրություն է կատարել 7.676–ը կամ 12.39%–ը, Արմավիրի մարզում 235 840 ընտրողներից քվեարկությանը մասնակցել է 23.488–ը կամ 9.96%–ը, Գեղարքունիքում 189 527 ընտրողներից քվեարկել է 18.556–ը կամ 9.79%–ը, Լոռիում գրանցված 233 552–ից քվեարկել է 26.086–ը կամ 11.17%–ը, Կոտայքում 242 022 ընտրողներից ընտրությանը մասնակցել են 30.242–ը կամ 12.54%–ը, Շիրակի մարզում գրանցված 226 763 ընտրողներից քվեարկել է 19.106–ը կամ 8.46%–ը, Սյունիքում` 109 726 ընտրողներից ընտրությանը մասնակցել է 17.269–ը կամ 16.74%–ը, Վայոց Ձորի մարզում` 46 620 ընտրողներից քվեարկել է 5 699–ը կամ 12.27%–ը և Տավուշի մարզում գրանցված 109 690 ընտրողներից քվեարկել են 15.585–ը կամ 14.21%–ը։

ԿԸՀ–ն մասնակցության արդյունքներն ամփոփում է յուրաքանչյուր 3 ժամը մեկ։

Նշենք, որ այսօր առավոտյանը ժամը 08։00–ին Հայաստանում մեկնարկել են ԱԺ արտահերթ ընտրությունները 2008 ընտրատեղամասերում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ծառուկյանի վրա ո՞վ կարող է ազդել. ԲՀԿ առաջնորդը քվեարկեց հանուն անվտանգ հայրենիքի

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջագային և օտարերկրյա դիտորդական առաքելություն իրականացնող կազմակերպությունների 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ընտրությունները կավարտվեն ժամը 20։00-ին։

17
թեգերը:
Կենտրոնական ընտրական հանձնաժողով (ԿԸՀ), քվեարկություն, Ընտրություններ
թեմա:
ԱԺ արտահերթ ընտրություններ 2021
Ըստ թեմայի
Նիկոլ Փաշինյանը սպասում է ընտրելու իր հերթին. լուսանկարներ և տեսանյութ
Իշխանությունը հոգեվարքի մեջ է. Վանեցյանը քվեարկել է ու խոսել ընտրախախտումների մասին
Քաղաքապետարանը հավաքում է Քոչարյանի նկարով թերթիկները
Էրիկ Եփրեմյանն ու Սամվել Գաբրիելյանը

«Պառկեցի անգիտակից հորս վրա, բայց շարունակում էին հարվածել». Ազատաշենի կրակոցների հետքերով

0
«Վերելք» կուսակցության վստահված անձ Էրիկ Եփրեմյանը Sputnik Արմենիային ներկայացրեց Ազատաշեն գյուղի թիվ 11/11 ընտրատեղամասում տեղի ունեցած միջադեպի հանգամանքները, որի մասնակից են եղել մի կողմից ինքն ու իր հայրը, մյուս կողմից` ԲՀԿ մի քանի ներկայացուցիչներ։

Էրիկ Եփրեմյանի տեղեկացմամբ`ինքը ներկայացել է ընտրատեղամաս, որպեսզի հետևի ընտրական գործընթացին`իրականացնելով վստահված անձի կարգավիճակից բխող իր առաքելությունը և հայտնաբերել է, որ ընտրատեղամասում չկա գործընթացը նկարահանող տեսախցիկը։

«Ընտրական հանձնաժողովից ինձ պատասխանեցին, որ Ազատաշենը փոքր գյուղ է, ուստի տեսախցիկի կարիք չկա։ Բայցևայնպես որոշեցի զանգահարել պատգամավորության թեկնածու, «Վերելք» կուսակցության վերստուգիչ հանձնաժողովի նախագահ Սամվել Գաբրիելյանին, որպեսզի տեղեկացնեմ առկա իրավիճակի մասին։ Նա նաև իմ հայրն է»,– Sputnik Արմենիային ասաց «Վերելք» կուսակցության վստահված անձը։

Եփրեմյանի խոսքով` քիչ հետո ընտրատեղամաս է եկել Սամվել Գաբրիելյանը և նույնպես պարզաբանում պահանջել ընտրական հանձնաժողովից տեսախցիկի բացակայության առթիվ։ Այդ ընթացքում Գաբրիելյանը նկատել է նաև, որ անհայտ անձինք առանց անցագրի ճեմում են ներսում և փորձում ուղղորդել գործընթացը։

«Ընտրողներից մեկն էլ պահել էր ընտրաթերթիկն ու ընտրական հանձնաժողովի անդամից փորձում էր ճշտել, թե ում օգտին պետք է քվեարկի։ Բնականաբար բողոքեցինք և փորձեցինք ճշտել, թե ինչ է կատարվում ընտրատեղամասում, սակայն մի քանի հոգի իսկույն միջամտեցին ու հրահրեցին սադրիչ վիճաբանություն` միանգամից հարվածներ հասցնելով մեզ։ Այդ ամենի անմիջական ականատեսն է եղել նաև գյուղապետը»,– նշեց «Վերելք» կուսակցության վստահված անձը։

Եփրեմյանի խոսքով` ծեծկռտուքը շարունակվել է դրսում, մոտ քսան հոգի շարունակել են հետապնդել հորն ու տղային և հարվածներ հասցնել նրանց։

«Փորձում էին ինձանից խլել անձնական օգտագործման պայուսակը, որում կար օրինական գրանցված գազային ատրճանակ։ Հասա մեր մեքենային, որպեսզի պայուսակը դնեմ մեքենայի մեջ և օգնեմ Սամվել Գաբրիելյանին, որն այդ պահին արդեն անգիտակից վիճակում գետնին էր։ Ինձ չէին թողնում նրան օգնել, երկուսիս էլ հարվածում էին։ Ես նույնիսկ պառկեցի հորս վրա, որ հարվածներն ընդունեմ, բայց մահակով շարունակում էին հարվածել»,– պատմեց «Վերելք» կուսակցության վստահված անձը։

Եփրեմյանի տեղեկացմամբ`տեսնելով, որ իրավիճակը դուրս է գալիս վերահսկողությունից ու դառնում օրհասական, նա մի կերպ հասել է մեքենային, դուրս բերել գազային ատրճանակն ու պաշտպանության նկատառումով երկու անգամ օդ կրակել։ Նրանից խլել են ատրճանակը, ինչից հետո Եփրեմյանը Սամվել Գաբրիելյանին տեղափոխել է մայրաքաղաքի Ս. Մարիամ Աստվածածին հիվանդանոց ու միջադեպի մասին ահազանգել ոստիկանություն։ Այն հարցին, թե ինչպես իմացավ, որ կոնֆլիկտի մասնակիցները եղել են ԲՀԿ–ի ներկայացուցիչները, Եփրեմյանը նշեց, որ ընտրատեղամասի մուտքի մոտ տեղակայված ավտոմեքենայի համարանիշերից է այդ հանգամանքն իմացել ու նաև շրջանառվող խոսակցություններից

Այն պահին, երբ Եփրեմյանը զրուցում էր Sputnik Արմենիայի հետ, բժիշկները պատրաստվում էին համապատասխան զննում իրականացնելու միջոցով պարզել տուժածների ստացած մարմնական վնասվածքների աստիճանը։

Наблюдатели от партии Верелк Эрик Епремян и Самвел Габриелян
© Photo : provided by Artak Harutyunyan
Էրիկ Եփրեմյանն ու Սամվել Գաբրիելյանը

ԲՀԿ կուսակցությունից էլ Sputnik Արմենիային տեղեկացրին, որ փորձում են պարզել միջադեպի հանգամանքները։

Հիշեցնենք, որ ոստիկանության տեղեկատվության համաձայն` առավոտյան ժամը 8:30 կրակոցներ են հնչել Մասիսի Ազատաշեն գյուղի թիվ 11/11 ընտրատեղամասում:

Նշվում է, որ դեպքի վայր է ժամանել ոստիկանության օպերատիվ խումբը: Պարզվել է, որ ընտրատեղամասից դուրս տեղի է ունեցել վիճաբանություն ԲՀԿ և «Վերելք» կուսակցությունների ներկայացուցիչների միջև, ինչի ժամանակ գազային ատրճանակից կրակոց է հնչել: Ատրճանակը վերցվել է: Հանգամանքները պարզվել են: Կատարվում է քննություն:

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

0
թեգերը:
կրակոց, Հայաստան