Անահիտ Ավանեսյան

Ինչ բարդացումներ կարող են լինել պատվաստումից հետո, և ինչ է պետք անել այդ դեպքում

245
(Թարմացված է 15:14 09.06.2021)
ՀՀ առողջապահության նախարարը մանրամասնել է, թե ինչ բարդացումներ կարող են ի հայտ գալ կորոնավիրուսային հիվանդության (COVID-19) դեմ պատվաստումից հետո։

ԵՐԵՎԱՆ, 9 հունիսի - Sputnik. ՀՀ առողջապահության նախարար Անահիտ Ավանեսյանը հրաման է ստորագրել, որտեղ մանրամասն նկարագրված է, թե ինչ հնարավոր բարդացումներ կարող են լինել կորոնավիրուսային հիվանդության (COVID-19) դեմ պատվաստումից հետո։

«Թրոմբոցիտոպենիա, արյան մակարդելիության խանգարումներ, արտահայտված հևոց, դժվարաշնչություն, ցավ կրծքավանդակի շրջանում, կոմատոզ վիճակ, վերջույթների այտուց, վերջույթների ցիանոզ, վերջույթների ցանավորում, ցավ հոդերում, այտուց հոդերում, գլխապտույտ, խոսակցության խանգարում, հեմոռագիկ վասկուլիտի նշաններ, արտահայտված տախիկարդիա, մարմնի թմրածություն, վերջույթների թուլություն, սուր շնչական ծանր վարակի ախտանշաններ՝ մկանացավ, հոդացավ, ընդհանուր թուլություն, ինչպես նաև պատվաստումից հետո 14 օրվա ընթացքում 3 օր և ավելի տևող ջերմության բարձրացում»,– սրանք նախարարի հրամանի մեջ նկարագրված այն հիմնական բարդացումներն են, որոնց դեպքերում քաղաքացին պետք է դիմի բժշկի։

Այս ախտանշաններից ցանկացածի ի հայտ գալու դեպքում հանրապետական, մարզային, համայնքային բժշկական օգնություն և սպասարկում իրականացնող կազմակերպությունները պարտավոր են շտապ իրականացնել կորոնավիրուսային հիվանդության նկատմամբ ՊՇՌ հետազոտություն ու քաղաքացուց վերցված նմուշն ուղարկել «Հիվանդությունների վերահսկման և կանխարգելման ազգային կենտրոն» (ՀՎԿԱԿ)։

99 նոր դեպք և 11 մահ` մեկ օրում. կորոնավիրուսային հիվանդության ընթացքը Հայաստանում

Առողջապահության նախարարի հրամանի համաձայն` այս գործընթացի իրականացումը հանձնարարվել է ՀՎԿԱԿ գլխավոր տնօրեն Արտավազդ Վանյանին, իսկ հրամանի կատարման հսկողությունը` նախարարի առաջին տեղակալ Լենա Նանուշյանին։

«Ձեզ համար եմ պատվաստվել, որ ձեզ չվարակեմ». Գալուստ Սահակյանն ընտրել է «Սպուտնիկ V»-ն

 

245
թեգերը:
Անահիտ Ավանեսյան, կորոնավիրուս, Հայաստան
թեմա:
Կորոնավիրուսը Հայաստանում և Արցախում (1895)
Կովեր

Ինչո՞ւ են որոշ գյուղացիներ խուսափում անասուններին պատվաստելուց․ 2 մլն կենդանի պատվաստվել է

24
(Թարմացված է 21:23 13.06.2021)
ՀՀ էկոնոմիկայի նախախարության «Գյուղատնտեսական ծառայությունների կենտրոն» ՊՈԱԿ–ի անասնապահության և բուսասանիտարիայի բաժնի պետ Լևոն Եղոյանն ու նրա տեղակալ Նորիկ Բարսեղյանը Sputnik Արմենիայի հետ զրույցում խոսել են ոլորտում իրականացվող ծրագրերի մասին։

ԵՐԵՎԱՆ, 13 հունիսի - Sputnik․ Հայաստանում մեկնարկել են խոշոր եղջերավոր կենդանիների՝ հանգուցավոր մաշկաբորբի դեմ պատվաստումները և տուբերկուլինիզացիայի ախտորոշիչ միջոցառումը։ Այս տեղեկությունը Sputnik Արմենիայի հետ զրույցում հայտնեց Լևոն Եղոյանը։

 Մարզերում մայիս ամսվա ընթացքում իրականացվել են ընթացիկ տարվա առաջին կիսամյակի տարբեր ամիսներին ծնված հորթերի պատվաստումներ՝ սիբիրախտ և խշխշան պալար հիվանդությունների դեմ, ինչպես նաև ախտորոշիչ միջոցառումներ՝ բրուցելյոզ և լեյկոզ հիվանդությունների հետ կապված, իսկ հունիսի սկզբից մեկնարկել են խոշոր եղջերավոր կենդանիների՝ հանգուցավոր մաշկաբորբի դեմ պատվաստումները հանրապետության այն տարածաշրջաններում, որտեղ առկա է հանգուցավոր մաշկաբորբի հետ կապված ռիսկայնություն:

«Մայիսի դրությամբ` ավելի քան 2 մլն անասուն պատվաստվել է, պատվաստումները մեր հանրապետության համար ունեն ռազմավարական նշանակություն և խթանելու են անասնապահությունը։ Պետք է անդրադառնամ մի մտահոգիչ երևույթի, որ որոշ գյուղացիներ խուսափում են իրենց անասուններին պատվաստելուց, որպեսզի կենդանիների առկայությունը չբացահայտվի և իրենք չզրկվեն սոցիալական նպաստներից։ Սակայն մյուս կողմից նման քայլի դիմելով` նրանք մեծացնում են հիվանդությունների ռիսկայնությունը, և արդյունքում հնարավոր է, որ սպառողների սեղանին հայտնվի անառողջ մսամթերք, հետևաբար բոլոր կենդանիների պատվաստումը բխում է ազգաբնակչության շահերից»,– ասաց Լևոն Եղոյանը։

Նորիկ Բարսեղյանն իր հերթին նշեց, որ ՀՀ բոլոր մարզերում կատարվել է 108 հազար 310 հա տարածքի մոնիթորինգ: Մկնանման կրծողներով վարակվածության աստիճանը որոշելու նպատակով մոնիթորինգ է իրականացվել է 67 հազար 50 հա վարելահողերում և բազմամյա տնկարներում, իսկ մորեխով վարակվածության աստիճանը որոշելու համար մոնիթորինգ կիրականացի 42 հազար 455 հա տարածքում:

© Sputnik
Ինչպես է պետությունն օգնում գյուղացիներին. ներկայացնում են մասնագետները

«Մկնանման կրծողների դեմ պայքարի նպատակով 2020-ին բաշխվել է շուրջ 2 հազար 213 կգ «Բրոմադիալոն» մկնասպան պրեպարատ, որն ավելի արդյունավետ է գործում` ի տարբերություն նախկինում կիրառված ցինկֆոսֆիտների»,– նշեց Նորիկ Բարսեղյանը։   

Նա հավելեց, որ հիվանդությունների և վնասատուների դեմ մոնիթորինգ է իրականացվել նաև պտղատու ծառերի և խաղողի այգիներում, բանջարաբոստանային և հացահատիկային մշակաբույսերի տարածքներում:

24
թեգերը:
Հայաստան, պատվաստումներ, գյուղացի, կենդանի, անասուն
Մանիժա

Երգչուհի Մանիժան «գաղտնի» այցելել է Երևան

139
(Թարմացված է 20:27 13.06.2021)
Հայտնի ռուս երգչուհի Մանիժան հանգստյան օրերը Հայաստանում է  անցկացնում։ Դատելով ամեն ինչից` նա լավ ժամանակ է անցկացնում։ Սակայն մեկնաբանություններ այդ առիթով ստանալ չհաջողվեց։

ԵՐԵՎԱՆ, 13 հունիսի - Sputnik. «Եվրատեսի-2021» երգի միջազգային մրցույթում Ռուսաստանը ներկայացնող երգչուհի Մանիժան մի քանի ժամ առաջ իր «սթորիում» երկու լուսանկար է հրապարակել կոլորիտային ռիթեյլ–խանութից։ Sputnik Արմենիայի թղթակիցը ճանաչել է երևանցիներին ծանոթ տեղանքը։

Instagram story Манижи
Մանիժայի «սթորին»

Լուսանկարներից մեկում աղջիկը «ավտոտնակ–խանութի» հայելու մեջ սելֆի է անում, որպես դեկոր է այստեղ ծառայում ծառը։ Մյուսում` հավանաբար խանութի տիրոջ երեխան է։

Instagram story Манижи
Մանիժայի «սթորին»

Խանութի ներկայացուցիչները Sputnik Արմենիայի թղթակցի հետ զրույցում չմեկնաբանեցին երգչուհու այցն իրենց խանութ, սակայն նաև չհերքեցին։

Հայտնի է «Եվրատեսիլ-2021»-ի հաղթողը

Աղջիկը նաև ռեստորանում արված լուսանկար է հրապարակել։ Լուսանկարում կարելի է նկատել մենյուի մի հատվածը, որտեղ գները նշված են դրամով։ Պարզել` թե դա որ ռեստորանն է չհաջողվեց, սակայն ակնհայտ է, որ ավանդական հայկական խոհանոց է ներկայացված։  Մենյուի երևացող հատվածում կարելի է խաշլամայի տեսականի տեսնել։

Մանիժայի այցի նպատակը հայտնի չէ։ Ամենայն հավանականությամբ, երգչուհին որոշել է պարզապես հանգստանալ։ Հուսանք, որ դա նրան հաջողվել է։

139
թեգերը:
Եվրատեսիլ, Երևան, ռուս, երգչուհի
Նաֆթալի Բենեթը

Նեթանյահուի ժամանակն ավարտվեց․ Իսրայելը նոր վարչապետ

20
(Թարմացված է 22:25 13.06.2021)
Վերջին 12 տարիների ընթացքում առաջին անգամ Իսրայելի կառավարությունը չի ղեկավարի Բենյամին Նեթանյահուն։

ԵՐԵՎԱՆ, 13 հունիսի – Sputnik․ Իսրայելի նոր վարչապետ է դարձել Նաֆտալի Բենետը։ Տեղեկությունը հայտնում է The Jerusalem Post-ը։

Իցհակ Հերցոգը
© Sputnik / Виталий Белоусов

Իսրայելական Քնեսեթն այսօր կողմ է քվեարկել «փոփոխությունների կառավարությանը»։
Քվեարկության ընթացքում 60 պատգամավոր կողմ է քվեարկել կառավարության ձևավորմանը, 59-ը՝ դեմ։

Այսպիսով, վերջին 12 տարիների ընթացքում առաջին անգամ Իսրայելի կառավարությունը չի ղեկավարի Բենյամին Նեթանյահուն։

Նշենք, որ նոր սա հնարավոր դարձավ, որովհետև աջակողմյան «Յամինա» կուսակցության առաջնորդ Նաֆտալի Բենետն ու կենտրոնական «Եշ Ատիդ» կուսակցության ղեկավար Յաիր Լապիդը կոալիցիոն կառավարություն ձևավորելու համաձայնության եկան:

Խորհրդարանում ընդամենը 7 մանդատ ունեցողն էլ կարող է վարչապետ դառնալ. Իսրայելի օրինակը

Նրանք, այսպես ասած, հերթով են զբաղեցնելու Իսրայելի վարչապետի պաշտոնը։ Բենետն առաջիկա երկու տարիներին կլինի վարչապետ, իսկ Լապիդը կզբաղեցնի արտաքին գործերի նախարարի պաշտոնը: Հետո նրանք պաշտոնները կփոխանակեն մինչև հաջորդ ընտրությունները:

Նշենք, որ Բենյամին Նեթանյահուն Իսրայելի կառավարությունը ղեկավարում էր 2009 թվականից: Նա 72 տարեկան է։

20
թեգերը:
Բինյամին Նեթանյահու, Վարչապետ, Իսրայել
Ըստ թեմայի
Իսրայելը զորք կմտցներ Գազայի հատված, եթե անհրաժեշտություն լիներ. Նեթանյահու
Իսրայելում իշխանության են գալիս Հայոց ցեղասպանության ճանաչման կողմնակիցները
Նահանջի տեղ չկա, վտանգ ես զգում, պիտի առաջինը հարձակվես, կամ Իսրայելի հաղթանակի բանաձևը