Մխիթար Զաքարյան

«Սա չի փրկելու իշխանությանը». Զաքարյանը` ծառայությունը կասեցված 2 հրամանատարի մասին

164
(Թարմացված է 12:43 09.06.2021)
Մխիթար Զաքարյանը հայտնում է, որ 20 տարուց ավել է, ինչ Մեղրիի և Մեհրաբի հրամանատարները ծառայության մեջ են։ Իսկ հիմա ծառայությունից ազատվել են Նիկոլ Փաշինյանի օգտին ձայն չապահովելու պատճառով։

ԵՐԵՎԱՆ, 9 հունիսի - Sputnik. Մեղրիի քաղաքապետ Մխիթար Զաքարյանը վստահ է` Մեղրիի և Մեհրաբի զորամասերի հրամանատարների պարտականությունների դադարեցումը կապված է նրանց քաղաքական հայացքների հետ։ Զաքարյանը Sputnik Արմենիայի հետ զրույցում նման կարծիք հայտնեց` անդրադառնալով ՀՀ պաշտպանության նախարարության հայտարարությանը։

ՊՆ-ն երեկ հայտնել էր, որ Մեղրիի գնդի հրամանատար Արգամ Գևորգյանի և Մեհրաբի գնդի հրամանատար Արտակ Թադևոսյանի նկատմամբ ծառայողական քննությունն է սկսվել և մինչև դրա ավարտը նրանց ծառայողական պարտականությունները կասեցվել են։

«Երկուսն էլ համակրանք չունեն վարչապետի պաշտոնակատար Նիկոլ Փաշինյանի հայացքների նկատմամբ և իրենց հայացքներով ավելի շատ ընդդիմադիր են։ Չէր կարող այսքան համընկնել` հո ՊՆ–ն չէ՞ր ասելու, որ քաղաքական դրդապատճառներով կամ Փաշինյանի համար ձայն չապահովելու պատճառով ենք նրանց հանում աշխատանքից։ Նոնսենս է` երկուսն էլ մեր բանակի սյուներից են»,–ասում է Զաքարյանը։

Նա հույս հայտնեց, որ առաջիկայում գուցե ավելի ադեկվատ ժամանակներ կգան ու ամեն ինչ ավելի պարզ կլինի։
Մեղրիի քաղաքապետը նշում է, որ ինչքան պետական ծառայող կա` դպրոցների, հիվանդանոցների տնօրեններ, խիստ զգուշացվում են, որ մինիմալ շփումներ ունենան իր հետ` իմանալով, որ ընդդիմադիր հայացքներ ունի։

«Աշխատանքից ազատում են, մարդկանց զգուշացնում. սա ոչ մի բան չի փոխելու, ոչինչ չի փրկելու իրենց` յուրաքանչյուրը քվեարկելու է այնպես, ինչպես ինքն է ուզում»,–ասաց Զաքարյանը։

Այսպես շարունակել չի կարելի. Թաթոյանին մտահոգել են Փաշինյանի հայհոյախառն հայտարությունները

Մեղրիի քաղաքապետը հայտնեց` երկու հրամանատարներն էլ 20 տարուց ավել է, ինչ ծառայության մեջ են եղել։ Զաքարյանը հայտնեց` Մեհրաբի գնդի հրամանատար Արտակ Թադևոսյանը Մեղրիում գումարտակի հրամանատար է եղել, հետո գնդի շտաբի պետ, որից հետո է Մեհրաբի գնդի հրամանատար նշանակվել։ Իսկ Մեղրիի գնդի հրամանատար Արգամ Գևորգյանը երկար տարիներ Ջաբրայիլի գնդում է ծառայել, վերջին պաշտոնը եղել է գնդի հրամանատարի տեղակալ, որից հետո էլ նշանակվել է Մեղրիի գնդի հրամանատար։ Երկուսն էլ, ըստ Զաքարյանի, լավագույնս են իրենց դրսևորել Արցախյան 44-օրյա պատերազմի ժամանակ։

Հիշեցնենք, որ ՊՆ–ն երեկ հայտնել էր` երկու հրամանատարների ծառայողական պարտականությունների կատարումը ծառայողական քննության ժամանակահատվածում կասեցվել է` համաձայն «Զինվորական ծառայության և զինծառայողի կարգավիճակի մասին» օրենքի։

164
թեգերը:
հրամանատար, Մեղրի, Մխիթար Զաքարյան
Ըստ թեմայի
«Պաշտոնապես հայտնում եմ` պատրաստ եմ որդուս տալ բոլոր գերիների դիմաց». Նիկոլ Փաշինյան
«Գերի չընկածը չի կարող ասել` արդյո՞ք կներեն նրան». գերությունից վերադարձածը` Փաշինյանին
«Մոնտե Կառլո գնալու փաստ չներկայացրեց` մորթելու եմ». Սերժ Սարգսյանը Փաշինյանին 24 ժամ տվեց
Կովեր

Ինչո՞ւ են որոշ գյուղացիներ խուսափում անասուններին պատվաստելուց․ 2 մլն կենդանի պատվաստվել է

23
(Թարմացված է 21:23 13.06.2021)
ՀՀ էկոնոմիկայի նախախարության «Գյուղատնտեսական ծառայությունների կենտրոն» ՊՈԱԿ–ի անասնապահության և բուսասանիտարիայի բաժնի պետ Լևոն Եղոյանն ու նրա տեղակալ Նորիկ Բարսեղյանը Sputnik Արմենիայի հետ զրույցում խոսել են ոլորտում իրականացվող ծրագրերի մասին։

ԵՐԵՎԱՆ, 13 հունիսի - Sputnik․ Հայաստանում մեկնարկել են խոշոր եղջերավոր կենդանիների՝ հանգուցավոր մաշկաբորբի դեմ պատվաստումները և տուբերկուլինիզացիայի ախտորոշիչ միջոցառումը։ Այս տեղեկությունը Sputnik Արմենիայի հետ զրույցում հայտնեց Լևոն Եղոյանը։

 Մարզերում մայիս ամսվա ընթացքում իրականացվել են ընթացիկ տարվա առաջին կիսամյակի տարբեր ամիսներին ծնված հորթերի պատվաստումներ՝ սիբիրախտ և խշխշան պալար հիվանդությունների դեմ, ինչպես նաև ախտորոշիչ միջոցառումներ՝ բրուցելյոզ և լեյկոզ հիվանդությունների հետ կապված, իսկ հունիսի սկզբից մեկնարկել են խոշոր եղջերավոր կենդանիների՝ հանգուցավոր մաշկաբորբի դեմ պատվաստումները հանրապետության այն տարածաշրջաններում, որտեղ առկա է հանգուցավոր մաշկաբորբի հետ կապված ռիսկայնություն:

«Մայիսի դրությամբ` ավելի քան 2 մլն անասուն պատվաստվել է, պատվաստումները մեր հանրապետության համար ունեն ռազմավարական նշանակություն և խթանելու են անասնապահությունը։ Պետք է անդրադառնամ մի մտահոգիչ երևույթի, որ որոշ գյուղացիներ խուսափում են իրենց անասուններին պատվաստելուց, որպեսզի կենդանիների առկայությունը չբացահայտվի և իրենք չզրկվեն սոցիալական նպաստներից։ Սակայն մյուս կողմից նման քայլի դիմելով` նրանք մեծացնում են հիվանդությունների ռիսկայնությունը, և արդյունքում հնարավոր է, որ սպառողների սեղանին հայտնվի անառողջ մսամթերք, հետևաբար բոլոր կենդանիների պատվաստումը բխում է ազգաբնակչության շահերից»,– ասաց Լևոն Եղոյանը։

Նորիկ Բարսեղյանն իր հերթին նշեց, որ ՀՀ բոլոր մարզերում կատարվել է 108 հազար 310 հա տարածքի մոնիթորինգ: Մկնանման կրծողներով վարակվածության աստիճանը որոշելու նպատակով մոնիթորինգ է իրականացվել է 67 հազար 50 հա վարելահողերում և բազմամյա տնկարներում, իսկ մորեխով վարակվածության աստիճանը որոշելու համար մոնիթորինգ կիրականացի 42 հազար 455 հա տարածքում:

© Sputnik
Ինչպես է պետությունն օգնում գյուղացիներին. ներկայացնում են մասնագետները

«Մկնանման կրծողների դեմ պայքարի նպատակով 2020-ին բաշխվել է շուրջ 2 հազար 213 կգ «Բրոմադիալոն» մկնասպան պրեպարատ, որն ավելի արդյունավետ է գործում` ի տարբերություն նախկինում կիրառված ցինկֆոսֆիտների»,– նշեց Նորիկ Բարսեղյանը։   

Նա հավելեց, որ հիվանդությունների և վնասատուների դեմ մոնիթորինգ է իրականացվել նաև պտղատու ծառերի և խաղողի այգիներում, բանջարաբոստանային և հացահատիկային մշակաբույսերի տարածքներում:

23
թեգերը:
Հայաստան, պատվաստումներ, գյուղացի, կենդանի, անասուն
Մանիժա

Երգչուհի Մանիժան «գաղտնի» այցելել է Երևան

123
(Թարմացված է 20:27 13.06.2021)
Հայտնի ռուս երգչուհի Մանիժան հանգստյան օրերը Հայաստանում է  անցկացնում։ Դատելով ամեն ինչից` նա լավ ժամանակ է անցկացնում։ Սակայն մեկնաբանություններ այդ առիթով ստանալ չհաջողվեց։

ԵՐԵՎԱՆ, 13 հունիսի - Sputnik. «Եվրատեսի-2021» երգի միջազգային մրցույթում Ռուսաստանը ներկայացնող երգչուհի Մանիժան մի քանի ժամ առաջ իր «սթորիում» երկու լուսանկար է հրապարակել կոլորիտային ռիթեյլ–խանութից։ Sputnik Արմենիայի թղթակիցը ճանաչել է երևանցիներին ծանոթ տեղանքը։

Instagram story Манижи
Մանիժայի «սթորին»

Լուսանկարներից մեկում աղջիկը «ավտոտնակ–խանութի» հայելու մեջ սելֆի է անում, որպես դեկոր է այստեղ ծառայում ծառը։ Մյուսում` հավանաբար խանութի տիրոջ երեխան է։

Instagram story Манижи
Մանիժայի «սթորին»

Խանութի ներկայացուցիչները Sputnik Արմենիայի թղթակցի հետ զրույցում չմեկնաբանեցին երգչուհու այցն իրենց խանութ, սակայն նաև չհերքեցին։

Հայտնի է «Եվրատեսիլ-2021»-ի հաղթողը

Աղջիկը նաև ռեստորանում արված լուսանկար է հրապարակել։ Լուսանկարում կարելի է նկատել մենյուի մի հատվածը, որտեղ գները նշված են դրամով։ Պարզել` թե դա որ ռեստորանն է չհաջողվեց, սակայն ակնհայտ է, որ ավանդական հայկական խոհանոց է ներկայացված։  Մենյուի երևացող հատվածում կարելի է խաշլամայի տեսականի տեսնել։

Մանիժայի այցի նպատակը հայտնի չէ։ Ամենայն հավանականությամբ, երգչուհին որոշել է պարզապես հանգստանալ։ Հուսանք, որ դա նրան հաջողվել է։

123
թեգերը:
Եվրատեսիլ, Երևան, ռուս, երգչուհի
Новый премьер-министр Израиля Нафтали Беннетт делает приветственный жест в сторону Кнессета, парламента Израиля (13 июня 2021). Иерусалим

Նեթանյահուի ժամանակն ավարտվեց․ Իսրայելը նոր վարչապետ

3
(Թարմացված է 22:15 13.06.2021)
Վերջին 12 տարիների ընթացքում առաջին անգամ Իսրայելի կառավարությունը չի ղեկավարի Բենյամին Նեթանյահուն։

ԵՐԵՎԱՆ, 13 հունիսի – Sputnik․ Իսրայելի նոր վարչապետ է դարձել Նաֆտալի Բենետը։ Տեղեկությունը հայտնում է The Jerusalem Post-ը։

Իսրայելական Քնեսեթն այսօր կողմ է քվեարկել «փոփոխությունների կառավարությանը»։
Քվեարկության ընթացքում 60 պատգամավոր կողմ է քվեարկել կառավարության ձևավորմանը, 59-ը՝ դեմ։

Այսպիսով, վերջին 12 տարիների ընթացքում առաջին անգամ Իսրայելի կառավարությունը չի ղեկավարի Բենյամին Նեթանյահուն։

3
թեգերը:
Բինյամին Նեթանյահու, Վարչապետ, Իսրայել