Հայաստան, Վրաստան, գնացք, Երևան–Բաթում, yerevan-batum, novosti armenii, vrastan,
Երևան–Բաթում գնացք

Հայաստանն ու Վրաստանը վերականգնել են երկաթուղային հաղորդակցությունը

204
(Թարմացված է 13:17 07.06.2021)
Վրաստանը, որի տնտեսությունը զգալի կորուստներ է ունեցել համավարակի ժամանակ, հույս ունի, որ հունիսի 15-ից կսկսվի սևծովյան առողջարաններ մեկնող հայ զբոսաշրջիկների հոսքը:

ԵՐԵՎԱՆ, 7 հունիսի – Sputnik. Վրաստանի էկոնոմիկայի և կայուն զարգացման նախարար Նատիա Տուրնավան այսօր ճեպազրույցի ժամանակ հայտնել է, որ Հայաստանն ու Վրաստանը վերականգնել են համավարակի պատճառով ընդհատած երկաթուղային հաղորդակցությունը։ Նա նշել է, որ հունիսի 15-ին կիրականացվի Երևան-Բաթում առաջին ուղերթը Թբիլիսիի տարածքով:

«Սա նշանակում է, որ մեր դաշնակցային, հարևան պետությունից զբոսաշրջիկները կժամանեն Վրաստան` մեր սևծովյան առողջարաններ, մեր մայրաքաղաք, զբոսաշրջային այլ վայրեր», - ասել է Տուրնավան:

Հիշեցնենք` սահմանները փակվել էին 2020 թվականի մարտին կորոնավիրուսի համավարակի պատճառով։ Վրաստանը օդային սահմանները բացեց 2021 թվականի մարտին, իսկ արդեն հունիսի 1–ին բացեց բոլոր ցամաքային ճանապարհները։ 

Վրաստան հնարավոր կլինի մուտք գործել վերջին 72 ժամվա ընթացքում արված ՊՇՌ թեստի բացասական պատասխանի առկայության դեպքում, պատվաստման ամբողջ կուրսն անցնելու (երկու դեղաչափ) և միաժամանակ ՊՇՌ թեստի բացասական պատասխանի առկայության դեպքում։

Վրաստանը բացել է ցամաքային սահմանները. ինչ պետք է իմանալ ճանապարհ ընկնելուց առաջ

Միայն ՊՇՌ թեստով Վրաստան մեկնող քաղաքացիները պարտավոր են երկիր մուտք գործելուց հետո 72 ժամվա ընթացքում ևս մեկ թեստ հանձնել, իսկ պատվաստման ամբողջ կուրսն անցած քաղաքացիները ժամանելուց հետո թեստ հանձնելու անհրաժեշտություն չունեն։

Հունիսի 1-ից ինչպես և ինչքան գումարով կարելի է ՀՀ–ից Վրաստան հասնել. սահմանի հատման կարգը

204
թեգերը:
Գնացք, Բաթում, Վրաստանի Հանրապետություն, Հայաստան
Ըստ թեմայի
Ֆրանսիայի լավագույն ռեստորաններից մեկի հայ սոմելյեն, կամ թալինցի Հայկի պատմությունը
Շատ տուրիստներ արդեն «հարազատ հաճախորդներ» են. Գյումրիում զբոսաշրջային ակտիվություն է
Էկոտուրիզմը Խոսրովի անտառում. արգելոցն իր դռներն է բացում զբոսաշրջիկների առաջ
Ուռուցքաբանության ազգային կենտրոն

Ուռուցքաբանության ազգային կենտրոնում հեռացվել է ձվարանի հսկայական ուռուցք` 25 կգ քաշով

76
(Թարմացված է 15:18 25.06.2021)
Հիվանդության վաղեմությունը եղել է երկու տարի, սակայն այդ ընթացքում կինը բժշկի չի դիմել։

ԵՐԵՎԱՆ, 25 հունիսի – Sputnik. Ֆանարջյանի անվան Ուռուցքաբանության ազգային կենտրոնում հեռացվել է ձվարանի հսկայական ուռուցք` 25 կգ քաշով։ Այս մասին տեղեկանում ենք կենտրոնի պաշտոնական կայքից։

«44-ամյա կինը հիվանդանոց է դիմել ծանր վիճակում` որովայնի չափերի մեծացմամբ, փսխումով, աղիքային անանցանելիությամբ, արտահայտված անեմիայով։ Հիվանդը պատրաստվել է շտապ վիրահատության։ Հիվանդության վաղեմությունը եղել է 2 տարի, սակայն այդ ընթացքում կինը բժշկի չի դիմել»,–նշված է կայքում։

В Национальном центре онкологии им.Фанарджяна удалена гигантская опухоль яичника весом 25 кг
Կնոջ որովայնը վիրահատությունից առաջ

Նշվում է, որ կատարվել է արգանդի էքստիրպացիա (հեռացում) և մեծ ճարպոնի հեռացում։ Վիրահատությունն իրականացրել է ՈւԱԿ-ի Օնկոգինեկոլոգիական բաժանմունքի վարիչ, պրոֆեսոր Գագիկ Ջիլավյանը։

В Национальном центре онкологии им.Фанарджяна удалена гигантская опухоль яичника весом 25 кг
Կնոջ որովայնը վիրահատությունից հետո

Հետվիրահատական շրջանն անցել է հարթ, առանց բարդությունների։

Պրոֆեսոր Գագիկ Ջիլավյանը նշել է, որ նման վիրահատություններ Ուռուցքաբանության ազգային կենտրոնում բավականին հաճախ են կատարվում, և դրանք չեն դասվում բարդ վիրահատությունների շարքին։

Բացառիկ վիրահատություն «Էրեբունի» ԲԿ-ում. ավտովթարից պարանոցը կոտրած տղայի կյանքը փրկվել է

76
թեգերը:
Ֆանարջյանի անվան ուռուցքաբանության ազգային կենտրոն, ուռուցք, վիրահատություն
Ըստ թեմայի
Լացող ու աղոթող կանայք և չընդհատվող վիրահատություն. կադրեր Ստեփանակերտի հիվանդանոցի ներսից
Չէինք հավատում, որ կփրկվի. Վահեն 1 տարում 15-ից ավել վիրահատություն է տարել և ոտքի կանգնել
Ֆրանսահայ բժիշկը պատերազմի օրերին լսողությունը կորցրած 12 զինվորի է վիրահատել. տեսանյութ
Հայկ Մարությանն ու Հովհաննես Սարուխանյանը

Սա ինձ ավելի երիտասարդացրեց. 83-ամյա դոկտորը ստացավ Երևանի պատվավոր քաղաքացու հավաստագիրը

58
(Թարմացված է 14:02 25.06.2021)
Հովհաննես Սարուխանյանը մինչ օրս ղեկավարում է «Էրեբունի» և «Նաիրի» բժշկական կենտրոնների վիրաբուժական ծառայությունները:

ԵՐԵՎԱՆ, 25 հունիսի – Sputnik. «Երևանի Մխիթար Հերացու անվան պետական բժշկական համալսարան» հիմնադրամի վիրաբուժության թիվ 3 ամբիոնի վարիչ, պատվավոր պրոֆեսոր, բժշկական գիտությունների դոկտոր, պրոֆեսոր, ՀՀ գիտության վաստակավոր գործիչ Հովհաննես Սարուխանյանին Երևանի պատվավոր քաղաքացու կոչում է շնորհվել։ Տեղեկությունը հայտնում է Երևանի քաղաքապետարանի մամուլի ծառայությունը։ Հայկ Մարությանը քաղաքապետարանում հյուրընկալել է Սարուխանյանին ու նրան հանձնել Երևանի պատվավոր քաղաքացու հավաստագիրն ու հուշամեդալը:

Мэр Еревана Айк Марутян встретился с заведующим кафедрой хирургии № 3 ЕрГМУ им.М.Гераци Ованесом Саруханяном и вручил сертификат и медаль почетного гражданина столицы (25 июня 2021). Еревaн
Հայկ Մարությանն ու Հովհաննես Սարուխանյանը

«Հարգարժան քաղաքի պատվավոր անդամ, դրանից բարձր կոչում մարդու համար չկա: Այս պարգևն ինձ ավելի երիտասարդացրեց, ավելի պնդացրեց»,–ասել է Սարուխանյանը։

Мэр Еревана Айк Марутян встретился с заведующим кафедрой хирургии № 3 ЕрГМУ им.М.Гераци Ованесом Саруханяном и вручил сертификат и медаль почетного гражданина столицы (25 июня 2021). Еревaн
Հովհաննես Սարուխանյան
Медаль почетного гражданина Еревана
Երևանի պատվավոր քաղաքացու հուշամեդալ

Մարությանն էլ շնորհակալություն է հայտնել Սարուխանյանին երկար տարիներ մեր բնակիչներին կարևոր ծառայություն մատուցելու, բժիշկների մի քանի սերունդ կրթելու համար։

Мэр Еревана Айк Марутян встретился с заведующим кафедрой хирургии № 3 ЕрГМУ им.М.Гераци Ованесом Саруханяном и вручил сертификат и медаль почетного гражданина столицы (25 июня 2021). Еревaн
Հայկ Մարությանը հյուրընկալել է Հովհաննես Սարուխանյանին

Հայկ Մարությանը կոմպոզիտոր Վլադիլեն Բալյանին է հանձնել Երևանի պատվավոր քաղաքացու կոչում

Նշենք, որ Հովհաննես Սարուխանյանը ծնվել է 1938 թվականի մարտի 25-ին, Երևանում։ Մինչ օրս Հովհաննես Սարուխանյանը ղեկավարում է «Էրեբունի» և «Նաիրի» բժշկական կենտրոնների վիրաբուժական ծառայությունները: Անգնահատելի դերակատարում է ունեցել Սպիտակի ավերիչ երկրաշարժի հետևանքով տուժածների և Արցախյան պատերազմում վիրավորների բուժման գործընթացում:

«Երևանի պատվավոր քաղաքացի» կոչում շնորհվեց Աղվան Չատինյանին

58
թեգերը:
մեդալ, Հայկ Մարության, Հայաստան
Ազգային ժողով

ԱԺ «Իմ քայլը» խմբակցության պատգամավոր Լուսին Եգանյանը հրաժարվել է մանդատից

0
(Թարմացված է 15:50 25.06.2021)
ՀՀ ԱԺ նախագահ Արարատ Միրզոյանի հայտարարություն է տարածել ԱԺ պատգամավորի հրաժարականի դիմումի մասին։

ԵՐԵՎԱՆ, 25 հունիսի – Sputnik. Ազգային ժողովի պատգամավոր Լուսինե Եգանյանը հունիսի 25-ին հրաժարականի դիմում է ներկայացրել: Տեղեկությունը հայտնում է Ազգային ժողովի մամուլի ծառայությունը։

«Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո՝ մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որն ստորագրում եւ հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված»,– ասված է ԱԺ նախագահ Արարատ Միրզոյանի հայտարարության մեջ:

Ի դեպ, ԱԺ կայքում այս պատգամավորի վերաբերյալ միայն երեք փաստ է նշված` ծնվել է 1980 թվականի սեպտեմբերի 11-ին, անկուսակցական է, «Իմ քայլը» խմբակցության անդամ։ Անգամ նրա լուսանկարը չկա։

0
թեգերը:
Հրաժարական, Պատգամավոր, «Իմ քայլը» խմբակցություն, Հայաստան