Հեծանվային մարաթոն. 2019թ.

Փոքրիկ դրախտ հեծանվորդների համար. Վանաձորում հեծանիվ քշելն ավելի անվտանգ է, քան Երևանում

84
(Թարմացված է 20:40 04.06.2021)
Երևանը հեծանվորդներին հարմարեցված քաղաքը չէ։ Մինչ մայրաքաղաքում փորձում են լուծել հեծանվորդների տեղաշարժի հարցը, Հայաստանի մեծությամբ երրորդ քաղաքում՝ Վանաձորում, հեծանվուղին արդեն պատրաստ է։

Ժաննա Պողոսյան, Sputnik Արմենիա

Ի տարբերություն աշխարհի բազմաթիվ մայրաքաղաքների, Երևանը հարմար չէ հեծանվային երթևեկության համար։ Քաղաքում չկան ո՛չ հեծանիվների համար առանձնացված ուղիներ, ո՛չ էլ հեծանվորդների համար նախատեսված այգիներ։ Չնայած անհարմարություններին՝ օրեցօր ավելանում են մարդիկ, որոնք նախընտրում են հեծանիվով շրջել, ու դրան զուգահեռ քաղաքում աճում է հեծանիվների ու դրանց աքսեսուարների մասնագիտացված խանութների, ինչպես նաև հեծանիվների վարձակալությամբ զբաղվող կազմակերպությունները թիվը:

Հեծանիվների վարձակալությամբ, վաճառքով և վերանորոգմամբ զբաղվող կազմակերպության ներկայացուցիչ Արթուրը Sputnik Արմենիայի հետ զրույցում ասաց, որ լինում են օրեր, երբ իրենց մոտ դատարկություն է. բոլոր հեծանիվները տաք կարկանդակների պես սրբում-տանում են։

«Հատկապես շաբաթ-կիրակի մի քանի տասնյակ հեծանիվները բոլոր ցանկացողներին չեն բավականացնում։ Մարդիկ հեծանիվները վերցնում են ժամերով, օրերով ու անգամ շաբաթներով» - ասաց նա։

Լինում են դեպքեր, երբ այցելուները մի քանի օրով վարձակալում են հեծանիվները, բայց այնքան են սովորում դրանց, որ վերադառնում են գնելու նպատակով։

Велосипеды на проспекте Маштоца
© Sputnik / Zara Mika
Հեծանիվների վարձույթ Մաշտոցի պողոտայում

«Մեր հաճախորդները հիմնականում 20-30 տարեկան են։ Լինում է, որ խմբերով են գալիս ու քաղաքից դուրս են գնում։ Քաղաքում շատ դժվար է հեծանիվով երթևեկել. կա՛մ զբոսայգիներում պետք է վարեն, որոնք փոքր են, կա՛մ փողոցներում, որոնք անվտանգ չեն», - ասաց նա։

Կարինեն ու Նանան վելոշերինգի մշտական հաճախորդներն են: Աղջիկների բջջային հեռախոսներում կան ծրագրեր, որոնց շնորհիվ նրանք գտնում են մոտակա ազատ հեծանիվներն ու տասը րոպեից մի ժամ շրջում դրանցով։

 «Կարող եմ հեծանիվով զբոսնել այգում ու քիչ թե շատ անվտանգ փողոցներում, հետո տաքսի վերցնել ու ուզածս տեղը հասնել: Ինձ ձեռնտու է», - ասաց Կարինեն։

Նանան նախընտրում է բացառապես այգիներով շրջել։

«Փողոցներում մեքենաներին զուգահեռ գնալը վախենալու է, բացի այդ, որոշ վարորդներ կարող են երկար «սիգնալ տալ»։ Ստիպված քշում եմ այգիներում՝ Անգլիական այգում, Կոմիտասի անվան պանթեոնի այգում։ Այստեղ էլ փոքր երեխաներն են խանգարում, քիչ է մնում անիվների տակ ընկնեն: Բայց ընտրություն չկա, եթե սիրում ես քշել, ստիպված ես քաղաքի հետ «փոխզիջման» գնալ», - ասում է Նանան։

Հատկանշական է, որ տարիներ առաջ (դեռ նախկին իշխանության օրոք) Երևանում փորձել են ճանապարհներին հեծանվորդների համար հատուկ նշումներ անել։ Սակայն հեծանվորդները հազվադեպ էին օգտվում դրանցից, քանի որ երթուղայինների, ավտոբուսների ու ավտոմեքենաների վարորդներն ամբողջովին անտեսում էին դրանք։ 2018 թվականին մայրաքաղաքի որոշ փողոցներում հայտնվեցին ճանապարհային նշաններ «Կիսիր ճանապարհը հեծանվորդի հետ» գրությամբ։ Նշանը նախատեսված է ավտոմեքենաների վարորդների համար, որ նրանք ավելի զգույշ լինեն ու անհրաժեշտության դեպքում ճանապարհը զիջեն հեծանվորդներին:

Ի տարբերություն մայրաքաղաքի, որտեղ հազիվ են հոգում հեծանվորդների կարիքները, Վանաձորում հետաքրքիր փոփոխություններ են տեղի ունենում։ Երիտասարդ ամուսիններ Էմմա Պետրոսյանն ու Վաղինակ Կարապետյանը Երևանից տեղափոխվել են Վանաձոր ու որոշել են քաղաքը հեծանվորդների համար փոքրիկ դրախտի վերածել:

«Սկզբում ՀԿ բացեցինք, Boo Mountain Bike Park նախաձեռնությունը ստեղծեցինք, հետո` հեծանիվների վարձույթի խանութ, հիմա հեծանվորդների համար հատուկ սրճարան ենք կառուցում։ Մենք դիմեցինք Վանաձորի քաղաքապետարան, ու մեզ թույլ տվեցին հեծանվուղիներ անցկացնել քաղաքի որոշ հատվածներում։ Այժմ շարունակում ենք աշխատել բնապահպանության նախարարության հետ, որ մեզ թույլատրեն անտառային և լեռնային շրջաններում ևս մի քանի հեծանվուղի անցկացնել», - ասաց Էմման Sputnik Արմենիայի հետ զրույցում։

Վանաձորի քաղաքապետարանը համաձայնել է նաև 2 հա տարածք փոխանցել երիտասարդ էնտուզիաստներին, այնտեղ Էմման ու Վաղինակը պատրաստվում են «սքեյթփարկ» կառուցել:

«Մեր գլխավոր նպատակն է Վանաձորը հետաքրքիր դարձնել ոչ միայն Երևանից կամ Հայաստանի այլ վայրերից եկած զբոսաշրջիկների, այլ նաև արտասահմանիցների համար։ Մեր Discover Vanadzor on Two Wheels («Բացահայտեք Վանաձորը երկու անիվների վրա») նախաձեռնության շրջանակում ցանկացողներին ցույց ենք տալիս քաղաքը, Վանաձորի տեսարժան վայրեր, ինչպես նաև մոտակա անտառներում ու լեռներում հեծանվային արշավներ ենք կազմակերպում», - ասաց Էմման:

Նրա խոսքով՝ Վանաձորում այդքան շատ չեն մարդիկ, որոնք ուզում են հեծանիվ վարձել ու միանալ ուղևորություններին: Ամեն դեպքում սա մայրաքաղաքը չէ։

Բայց չկա չարիք առանց բարիք. ի տարբերություն Երևանի քաղաքապետարանի, որը պահանջում է բյուրոկրատիայի մի շարք փուլեր անցնել մարդկանց նախաձեռնությունը կյանքի կոչելու համար, Վանաձորի քաղաքապետարանում հասցնում են լսել բնակիչների գաղափարները և ամեն կերպ աջակցել նրանց նախաձեռնություններին։

84
թեգերը:
Վանաձոր, Երևան, հեծանվային արահետ, հեծանվավազք, հեծանիվ
Ըստ թեմայի
«Սա ոչնչի նման չէ». ինչն է հիացրել սուրճ բովելու աշխարհի չեմպիոնին Երևանում
Ինչու միլիոնավոր քվեաթերթիկները չեն վերամշակվում, կամ ինչքան վնաս է հասցվում բնությանը
Պլաստիկի փոխարեն` կտոր. ինչպես կարելի է թույնը դարձնել էկոլոգիապես մաքուր արտադրանք
Նորաբաց «Ռուսական կենտրոնը» Վանաձորում

Վանաձորի նորաբաց «Ռուսական կենտրոնում» կգործեն ռուսերենի անվճար դասընթացներ

31
Վանաձորի քաղաքապետարանի և Երևանում «Դոմ Մոսկվի» կենտրոնի միջև ստորագրվել է համագործակցության հուշագիր՝ կրթության, մշակույթի, սոցիալական և հումանիտար հարցերի շուրջ:

ԵՐԵՎԱՆ, 13 հունիսի - Sputnik. Ռուսերենի անվճար դասընթացներ, ինտերակտիվ քննարկումներ, կինոդիտումներ, ռուս գրականություն, կրթական նյութեր. Վանաձորի Շարլ Ազնավուրի անվան մշակույթի պալատում արդեն գործում է նորաբաց «Ռուսական կենտրոնը», որտեղ կգործեն  տարբեր խմբակներ։ Տեղեկությունը հայտնում է Երևանում «Դոմ Մոսկվի» մոսկովյան մշակութագործարարական կենտրոնը։

Молодые посетители Русского центра в Ванадзоре
© Photo : press office of the MCBC "Dom Moskvy" in Yerevan
Նորաբաց «Ռուսական կենտրոնը» Վանաձորում

Վանաձորի քաղաքապետարանի աջակցությամբ և բարերար Արսեն Մնացականյանի հովանավորությամբ է բացվել կրթական կենտրոնը։

«Կրթությունը՝ զարգացած պետության գլխավոր բաղադրիչներից մեկն է։ Ուրախ ենք, որ նորաբաց կենտրոնը կօգնի մեր երեխաներին համալրել գիտելիքները և իմանալ ավելին ռուս գրականության ու լեզվի մասին։ Սա ևս մեկ քայլ է ամրապնդելու ռուս և հայ ժողովուրդների միջև մշակութային երկխոսությունը և իհարկե, ակտիվացնելու մարզային կյանքը»,–ասել է Երևանում «Դոմ Մոսկվի» գլխավոր տնօրեն Վահրամ Կարապետյանը։

Молодые посетители Русского центра в Ванадзоре
© Photo : press office of the MCBC "Dom Moskvy" in Yerevan
Նորաբաց «Ռուսական կենտրոնը» Վանաձորում

«Ռուսական կենտրոնի» բարերար Արսեն Մնացականյանն էլ իր հերթին նշել է, որ կենտրոնը ռուսերենի, գրականության և մշակույթի տարածման հարթակ է, որը կհամախմբի դպրոցականներին, երիտասարդությանը։

Կենտրոնի բացման արարողությունից հետո Վանաձորի քաղաքապետարանի և Երևանում «Դոմ Մոսկվի» կենտրոնի միջև ստորագրվել է համագործակցության հուշագիր՝ կրթության, մշակույթի, սոցիալական և հումանիտար հարցերի շուրջ:

Генеральный директор Дома Москвы в Ереване Ваграм Карапетян и мэр Ванадзора Мамикон Асланян подписали меморандум о сотрудничестве
© Photo : press office of the MCBC "Dom Moskvy" in Yerevan
Վանաձորի քաղաքապետարանի և Երևանում «Դոմ Մոսկվի» կենտրոնի միջև ստորագրվել է համագործակցության հուշագիր

Հիշեցնենք, որ սա Երևանում «Դոմ Մոսկվի» մոսկովյան ենտրոնի (ՄՄԳԿ) նախաձեռնությամբ բացված երկրորդ «Ռուսական կենտրոնն» է։ Առաջինը գործում է Երևանում՝ Ավ․ Իսահակյանի անվան կենտրոնական գրադարանի մասնաճյուղում։ Հաջորդ «Ռուսական կենտրոնը» կբացվի Արմավիրում։

31
թեգերը:
կրթություն, Հայաստան, Ռուսաստան, ռուսերեն, Վանաձոր
Կորոնավիրուս

39 նոր դեպք, 2 մահ` մեկ օրում. կորոնավիրուսային հիվանդության ընթացքը Հայաստանում

84
(Թարմացված է 11:06 13.06.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 13 հունիսի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 39–ով և դարձել 223682: Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 2909 մարդ (-41), կատարվել է 1125102 թեստավորում (+2807), առողջացել են վարակվածներից 215195-ը (+77): Կորոնավիրուսից մահացածների թիվը վերջին մեկ օրում ավելացել է 2-ով 4484։ Կորոնավիրուսով վարակված, բայց այլ պատճառով մահացածների թիվն ավելացել է 1–ով և դարձել 1094։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2021-ի հունիսի 1-ից բաց տարածքներում դիմակ դնելու պահանջը վերացվեց, իսկ պատվաստված քաղաքացիների համար փակ տարածքներում դիմակ դնելը պարտադիր չի լինի հուլիսի 1-ից։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Այն երկարաձգվել է մինչև 2021թ.–ի հուլիսի 11–ը։

Գիտնականներն ասել են, թե որ հյութն է 97%–ով ճնշում կորոնավիրուսը

84
թեգերը:
Մահ, թեստ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Գերիների վերադարձ․ արխիվային լուսանկար

ՄԻՊ ներկայացուցիչները զրուցել են Հայաստան վերադարձած 15 ռազմագերիների հետ

22
(Թարմացված է 15:24 13.06.2021)
Իրականացվել է հայրենիք վերադարձած գերիների առողջական վիճակի ուսումնասիրություն:

ԵՐԵՎԱՆ, 13 հունիսի – Sputnik․ ՀՀ Մարդու իրավունքների պաշտպանի ներկայացուցիչներն արդեն հանդիպել ու առանձնազրույց են ունեցել երեկ՝ հունիսի 12-ին, հայրենիք վերադարձած 15 ռազմագերիների հետ։ Տեղեկությունը հայտնում է ՄԻՊ մամուլի ծառայությունը։

«Մարդու իրավունքների պաշտպանի հանձնարարությամբ՝ պաշտպանի ներկայացուցիչներն առանձնազրույցներ են ունեցել Ադրբեջանում գերությունից ազատ արձակված և Հայաստան վերադարձած 15 անձանց հետ»,- նշված է հաղորդագրության հետ։

Հանդիպման ընթացքում իրականացվել է նրանց առողջական վիճակի ուսումնասիրություն:
ՄԻՊ գրասենյակից տեղեկացնում են, որ այցի արդյունքներով ձեռնարկվելու են անհրաժեշտ գործողություններ:

Հիշեցնենք` հունիսի 12-ին հայտնի դարձավ, որ Բաքուն Ակնայի (Աղդամ) ականապատ տարածքների քարտեզի դիմաց Հայաստանին է փոխանցել 15 հայ ռազմագերի։ Այդ տեղեկությունը հաստատեց ՀՀ վարչապետի պաշտոնակատար Նիկոլ Փաշինյանը, ավելին` լուսանկար հրապարակեց, որում 15 տղաներն են, ապա նաև հայտնեց Հայաստան վերադարձածների անունները։

Հավելենք` ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։

Գերիներին վերադարձնելու պայմանավորվածության հարցում վճռորոշ դեր է ունեցել Մուրադովը

Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։

Անցած ժամանակահատվածում փոխանակման ընդամենը մի քանի դեպք է եղել, և բացի այս, հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

22
թեգերը:
Հայաստան, Ադրբեջան, ռազմագերի, գերի, ՀՀ ՄԻՊ
Ըստ թեմայի
Նիկոլ Փաշինյանը հրապարակեց Ադրբեջանից Հայաստան վերադարձած գերիների անունները
Բլինկենը ողջունել է 15 գերիներին Հայաստանին փոխանցելը և շնորհակալություն հայտնել Վրաստանին
Վստահության այս միջոցները կօգնեն բանակցություններին․ ԵԱՀԿ-ն՝ 15 գերիների վերադարձի մասին