Արտյոմ Զախարյանի հիշատակի անկյունը

Ուզում էր զինվորական դառնալ` հավերժ զինվոր մնաց. Արտյոմը զոհվեց իր 71 ընկերների հետ միասին

665
(Թարմացված է 22:23 03.06.2021)
Արտյոմ Զախարյանը «Ես եմ» ծրագրով էր զորակոչվել բանակ. նա պետք է 3 տարի ծառայեր, իսկ դրա դիմաց ստացած գումարով տուն էր ուզում գնել։ Այդ տունն Արտյոմի ընտանիքին հենց հիմա շատ պետք կգար, քանի որ նրանց հարազատ գյուղն այժմ թշնամուն է անցել։

Պատերազմի օրերին` 2020թ.–ի հոկտեմբերի 11-ին, զինծառայողները 3 մեքենայով Ա կետից Բ կետ են գնալիս եղել, սակայն Հադրութ-Ջաբրայիլ հատվածում թշնամին տեղորոշել է նրանց ու հայտնվել են ԱԹՍ-ի թիրախում։ Երեք «ԿԱՄազ»–ներում գտնվող 72 տղաներից որևէ մեկին չի հաջողվել փրկվել։ Այդ զինվորներից մեկը 19-ամյա Արտյոմ Զախարյանն էր, որը Մարտունի 3–ի երկու ամսվա ծառայող էր։

Արտյոմենց տանն ենք, ավելի ճիշտ` այնտեղ, ուր հիմա ժամանակավոր ապրում է նրա ընտանիքը, քանի որ հարազատ Ջիվանի գյուղն ու նրանց տունն այժմ թշնամուն են մնացել։ Հյուրասենյակում Արտյոմի հիշատակի անկյունն է. տղան մեղմ ժպտում է լուսանկարի շրջանակից, առջևում արհեստական ու բնական ծաղիկներ են և «Ծառայության համար» ստացած մեդալը։ Վերջ։ Նրա հետ կապված որևէ այլ հուշ չկա։ Ամեն ինչ մնացել է Ջիվանիում։

Уголок памяти погибшего военнослужащего Артема Захаряна
© Sputnik / Aram Nersesyan
Արտյոմ Զախարյանի հիշատակի անկյունը

«Պատկերացնո՞ւմ եք` 72 զինվորից ոչ մինը սաղ չի մնացել, լոխ զոհվել են։ Արտյոմիս մարմինն էլ անճանաչելի է եղել, չնայած զինգրքույկը գտել էինք պիջակի միջից։ Տղայիս մարմնի մի մասը Գորիսում, մյուսը` Երևանի դիահերձարանում էր. ԴՆԹ-ի միջոցով ենք գտել մասունքները։ Հուղարկավորությունն այս տարվա փետրվարին նոր եղավ»,–ասում է Արտյոմի հայրը` Ռոբերտը, ձեռքերը նյարդային տրորելով։

Отец погибшего Артема Захаряна, Роберт Кочарян
© Sputnik / Aram Nersesyan
Արտյոմ Զախարյանի հայրը

Հայրն ուզում է հուզմունքն ու զայրույթը թաքցնել` դադար է վերցնում, խորը շունչ քաշում, բայց աչքը չի կտրում որդու լուսանկարից։

Արտյոմը երեխաներից ավագն էր` մեկ եղբայր և երկու քույր էլ ունի։ Քանի որ տան մեծն էր, մտածել է` «Ես եմ» ծրագրով մեկնի ծառայության, որը ենթադրում է 3 տարվա ծառայություն, սակայն վերջում պետությունը 5 մլն դրամ պետք է հատկացներ։ Արտյոմն ուզում էր տուն գնել, հետո ընտանիք կազմել։ Հայրն ասում է` տղան որոշել էր զինվորական դառնալ` հետախույզ։

«Զոհվելուց հետո մի աղջիկ սկսեց մեզ զանգել ու գրել` միայն այդ ժամանակ իմացանք, որ սիրահարվել էր մեր տղային։ Բայց մինչ էդ ընկերություն չեն արել։ Արտյոմս երազում էր զինվորական դառնալ, բայց դե հավերժ զինվոր մնաց»,–ասում է հայրը։

Ի դեպ, պատերազմի օրերին ընտանիքը Ջիվանիից տեղափոխելուց հետո Արտյոմի հայրն էլ գյուղի ինքնապաշտպանական մարտերին է մասնակցել։ Ռոբերտն ասում է` 5 օր են պայքարել Ջիվանիի համար, դրանից հետո դուրս են եկել գյուղից, քանի որ թշնամին արդեն շատ մոտ էր։

«3 երեխաներիս ի՞նչ անեմ». հայրն ու որդին զոհվել են նույն օրը` պաշտպանելով սեփական գյուղը

Արտյոմի մայրը` Լուսինե Զախարյանը, պատմում է, որ իր համար շատ դժվար էր պատերազմի օրերին, քանի որ մի կողմից պետք է երեխաներին չհուսահատեցներ, մյուս կողմից` ինքն իրեն էր հուսահատ զգում, քանի որ ամուսինն ու որդին «վտանգի բերանն» էին։

Мать погибшего Артема, Лусине Захарян
© Sputnik / Aram Nersesyan
Արտյոմ Զախարյանի մայրը

«Երբ տնից հեռանում էինք, միայն Արտյոմիս պլանշետը վերցրինք` այն հույսով, որ շուտով հետ ենք վերադառնալու։ Բայց կյանքում ամենակարևորը կորցրի` դեռ տուն ու տեղս հեչ, բայց տղայիս տեղն ինչպե՞ս է լցվելու»,–ամուսնու հայացքում մխիթարություն փնտրելով` ասում է տիկին Լուսինեն։

«Տուն ստացանք, նորոգեցինք և տվեցինք թշնամուն». պատերազմի հետքը` բազմազավակ ընտանիքների վրա

Կինն, ի դեպ, առողջական խնդիրներ ունի` երիկամներից մեկը հեռացրել են, որպես 3-րդ կարգի հաշմանդամ մի քանի տարի թոշակ է ստացել, հետո «կտրել են»` ասելով, որ մյուս երիկամը լավ է աշխատում։ Տիկին Լուսինեն պատերազմի օրերին Երևանում ևս մեկ վիրահատություն է տարել (կանացի խնդիրներ է ունեցել)։ Մինչև պատերազմը Ջիվանիում ամուսինն աշխատել է` վարորդ է եղել, իսկ ինքը տան գործերով է զբաղվել` շատ անասուններ են ունեցել, կաթնամթերք են վաճառել։

  • Արտյոմ Զախարյանի մայրը` Լուսինեն
    Արտյոմ Զախարյանի մայրը` Լուսինեն
    © Sputnik / Aram Nersesyan
  • Արտյոմ Զախարյանի հայրը` Ռոբերտը
    Արտյոմ Զախարյանի հայրը` Ռոբերտը
    © Sputnik / Aram Nersesyan
  • Արտյոմ Զախարյանի քույրը
    Արտյոմ Զախարյանի քույրը
    © Sputnik / Aram Nersesyan
  • Արտյոմ Զախարյանի ծնողներն ու քույրը
    Արտյոմ Զախարյանի ծնողներն ու քույրը
    © Sputnik / Aram Nersesyan
  • Արտյոմ Զախարյանի քույրը
    Արտյոմ Զախարյանի քույրը
    © Sputnik / Aram Nersesyan
1 / 5
© Sputnik / Aram Nersesyan
Արտյոմ Զախարյանի մայրը` Լուսինեն

Հիմա ընտանիքը սպասում է տուն ստանալուն, որպեսզի գոնե իմանան` որտեղ են ապրելու, որ աշխատանք փորձեն գտնել։ Տիկին Լուսինեն ասում է` որտեղ ուզում է` թող տուն տան, միայն թե «սահմանի բերան» չլինի, քանի որ երեխաների համար շատ է վախենում։ Կինն ասում է, որ փոքր տղան, որը 17 տարեկան է արդեն, եղբոր զոհվելուց հետո շատ է փոխվել ու հիասթափվել` ոչնչով զբաղվել չի ուզում։

«Մեզ համար արդեն լավ չի, գոնե երեխաներիս համար մի լավ բան լինի»,–շշուկով ասում է Լուսինեն։

Տիկին Լուսինեն նշում է` մի օր հաստատ հարազատ գյուղ են վերադառնալու, որ որդու` Արտյոմի հոգին խաղաղվի։

«Տղաս ո՜նց կցնծար հիմա». հերոսաբար զոհված Հրայրի մահից 6 ամիս անց ծնվել է նրա առաջնեկը

665
թեգերը:
Մարտունի, Զոհ, Արցախյան պատերազմ, Պատերազմ
Ըստ թեմայի
«Հայրենիքի պաշտպանն իրեն անպաշտպան է զգում». ո՞ւր է ձգվում ինքնասպանությունների պատճառը
«Մեր մի պատուհանից Ղազանչեցոցն էր երևում, մյուսից` Կանաչ ժամը». շուշեցի ընտանիքի երազանքը
«Մեզ բոլորիս ծախեցին». Ստեփանակերտի շուկայում ժենգյալով հաց թխող 2 քույրերի պատմությունը
Գեղամ Մանուկյան

Արմեն Չարչյանին ձերբակալել են. Գեղամ Մանուկյան

130
(Թարմացված է 20:19 18.06.2021)
Պատերազմում բազմաթիվ կյանքեր փրկած քաղաքացիների, ինչպես նաև մյուսների անունից պահանջում են ազատ արձակել Արմեն Չարչյանին։

ԵՐԵՎԱՆ, 18 հունիսի – Sputnik. «Իզմիրլյան» բժշկական կենտրոնի տնօրեն Արմեն Չարչյանը ձերբակալվել է։ «Հայաստան» դաշինքի ամփոփիչ հանրահավաքի ժամանակ հայտարարեց ՀՅԴ–ական Գեղամ Մանուկյանը։

«Մոտ կես ժամ առաջ Փաշինյանի հրահանգով ձերբակալվել է Արմեն Չարչյանը։ Նրա հետ իրենց կյանքը կապել են հազարավոր մարդիկ։ Իրավապահ մարմիններ, հասկացեք, որ այս իշխանությանը ծառայելուն ձեզ մնացել է երկու օր, որից հետո դուք չեք կարողանալու նայել մարդկանց աչքերին»,–ասաց Մանուկյանը։

Նա հայտարարեց` պատերազմում բազմաթիվ կյանքեր փրկած քաղաքացիների, ինչպես նաև մյուսների անունից պահանջում են ազատ արձակել Չարչյանին։

Հիշեցնենք, որ Չարչյանին բերման են ենթարկել ընտրողի ազատ կամքի իրականացումը խոչընդոտելու հատկանիշներով հարուցված քրգործի առնչությամբ։ Մասնավորապես, Չարչյանին վերագրվող մի ձայնագրություն է շրջանառվում, որտեղ նա նշում է, որ տնօրինությունը «շատ կոշտ, խիստ համարժեք վերաբերմունք է ցուցաբերելու» նրանց նկատմամբ, ովքեր ընտրություններին չեն մասնակցի։

Փաշինյանի քարոզարշավին մասնակցելն արգելելու համար Գորիսում պաշտոնյա է ձերբակալվել

Քրեական գործ է հարուցվել ՀՀ քրեական օրենսգրքի 154.2-րդ հոդվածի 4-րդ մասի 2-դ կետով (ընտրողի ազատ կամքի իրականացումը խոչընդոտելը)։

130
թեգերը:
Ձերբակալություն, հանրահավաք, Գեղամ Մանուկյան
Ըստ թեմայի
Լոռու մարզում կատարված սպանության կասկածանքով ձերբակալվել է տուժածի համագյուղացին
«Նիկոլ, դավաճան». Արմավիրում ՔՊ–ի քարոզարշավի ժամանակ 3 մարդ է ձերբակալվել. տեսանյութ
Գիշերը ձերբակալվել է Արմավիրի նախկին քաղաքապետը
Տարեց մարդ

Մինչև հուլիսի 1-ը ո՞ւր պետք է դիմեն կենսաթոշակառուները