վահրամ դումանյան, արա այվազյան, vahram dumanyan, ara ayvazyan
Արխիվային լուսանկար

No comment. Դումանյանը խոստացավ Արա Այվազյանի հետ հարցերը պարզելուց հետո տեղեկացնել

101
(Թարմացված է 13:07 03.06.2021)
Արա Այվազյանի հրաժարականի պատճառ նշած «ազգային, պետական շահի» ակնարկի մասին հարցը Դումանյանը խորհուրդ տվեց ուղղել հենց Այվազյանին։

ԵՐԵՎԱՆ, 3 հունիսի - Sputnik. Կրթության, գիտության, մշակույթի և սպորտի նախարարի պաշտոնակատար Վահրամ Դումանյանն այսօր կառավարության նիստից հետո լրագրողների հետ ճեպազրույցում, ի պատասխան ԱԳ նախարարի պաշտոնակատարի հրաժարականի պատճառների մասին հարցի, շատ կարճ պատասխան տվեց. «No comment»:

Իսկ որպես հրաժարականի պատճառ նշված «ազգային, պետական շահի» մասին նախկին նախարարի ակնարկի մասին հարցը Դումանյանը խորհուրդ տվեց ուղղել Արա Այվազյանին։

«Արա Այվազյանի խոսնակը չեմ ես, ինձ մոտ էլ հարցեր կան, ես իր հետ փորձում եմ կոմունիկացվել, պարզել։ Հենց պարզեմ՝ ձեզ կասեմ »,– ասաց նա։

Ինչ վերաբերում է ԱԳ փոխնախարարների` կառավարության նիստին ներկա չլինելուն, Դումանյանը հայտնեց, որ այդ հարցի շուրջ նիստում որևէ քննարկում կամ մեկնաբանություն չի եղել։

Հիշեցնենք` ՀՀ վարչապետի պաշտոնակատար Նիկոլ Փաշինյանը մայիսի 27-ին ԱԽ նիստում առաջարկեց Ադրբեջանի հետ սահմանին տեղակայել միջազգային դիտորդների, որոնք կներկայացնեն Ռուսաստանը կամ Մինսկի խմբի համանախագահ մեկ այլ երկիր։

Ո՞րը կլիներ Արա Այվազյանի ճիշտ քայլը. Ղազարյանը` ԱԳՆ–ում ստեղծված ճգնաժամի մասին

Դրան հետևեց ԱԳ նախարարի պաշտոնակատար Արա Այվազյանի հրաժարականը։

Հավելենք, որ կառավարության նիստին ներկա չեն եղել նաև ԱԳ փոխնախարարներից ոչ մեկը։

101
թեգերը:
Արա Այվազյան, Վահրամ Դումանյան
Ըստ թեմայի
Արա Այվազյանի հրաժարականի դրդապատճառը միանշանակ քաղաքական է. Թևան Պողոսյան
Արմեն Սարգսյանը ստորագրել է Արա Այվազյանին պաշտոնից ազատելու հրամանագիրը
«Չեմ կարծում, որ ունենք նման իրավիճակ». Մհեր Գրիգորյանը` Արա Այվազյանի ակնարկի մասին
Երևան

Հայաստանի ո՞ր հատվածներում +41 աստիճան կգրանցվի. եղանակի տեսություն

51
(Թարմացված է 15:53 24.06.2021)
Մասնագետները հորդորում են ժամը 11։00-ից մինչև 17։00-ն ընկած ժամանակահատվածում խուսափել արևի ուղիղ ճառագայթներից։

ԵՐԵՎԱՆ, 25 հունիսի – Sputnik. Արաբական անապատներից արևադարձային տաք օդային հոսանքների ներթափանցման պատճառով մինչև հունիսի 28-ը Հայաստանի ամբողջ տարածքում սպասվում է խիստ բարձր ջերմային ֆոն։ Արարատյան դաշտում և նախալեռներում, Վայոց Ձորի նախալեռներում, Սյունիքի հովտային գոտում և Երևանում սպասվում է նաև բարձր կարգի հրդեհավտանգ իրավիճակ: Տեղեկությունը հայտնում է ՀՀ արտակարգ իրավիճակների նախարարությունը։

Ըստ գերատեսչության հրապարակած աղյուսակի` այսօր +41 աստիճան կգրանցվի Արարատի, Արմավիրի, Վայոց Ձորի մարզերում։

 Եղանակի կանխատեսում
Եղանակի կանխատեսում

Երևանում ցերեկային ժամերին օդի ջերմաստիճանը կտատանվի +40-ից +41–ի սահմանում, գիշերը կնվազի մինչև +23-ից +25։

Ի՞նչ է պետք անել +41 աստիճան շոգից չտուժելու համար. ԱԱՏՄ-ն դիմել է հորդորով

Ուլտրամանուշակագույն ճառագայթման ինտենսիվությունը սպասվում է նորմայից բարձր։ Խորհուրդ է տրվում ժամը 11։00-ից մինչև 17։00-ն ընկած ժամանակահատվածում խուսափել արևի ուղիղ ճառագայթներից։

Ինչպես օրգանիզմը պաշտպանել ամառային շոգից. խորհուրդ է տալիս մասնագետը

51
թեգերը:
շոգ, եղանակ, Երևան, Հայաստան
թեմա:
Եղանակը Հայաստանում
Ըստ թեմայի
Ինչ չի կարելի ուտել և խմել ամռանը. խորհուրդներ սննդաբանից
Սննդաբանը խոսել է ամենաօգտակար սառնանուշի մասին, որը միաժամանակ նաև ամենահինն է
Սննդաբանը խոսել է շոգ եղանակին տաք թեյ խմելու օգտակարության ու վնասի մասին
Արմեն Չարչյան

Արմեն Չարչյանին կալանավորելու` դատարանի որոշման դեմ վերաքննիչ բողոք է ներկայացվել

36
(Թարմացված է 23:11 24.06.2021)
Պրոֆեսոր Արմեն Չարչյանի պաշտպանը հայտնել է, որ իրենց պայքարը շարունակվում է։

ԵՐԵՎԱՆ, 24 հունիսի – Sputnik. «Հայաստան» դաշինքի պատգամավորության թեկնածու, «Իզմիրլյան» բժշկական կենտրոնի տնօրեն Արմեն Չարչյանին կալանավորելու դատարանի որոշման դեմ այսօր ներկայացվել է վերաքննիչ բողոք։ Տեղեկությունը Facebook–ի էջում հայտնում է Չարչյանի պաշտպան Էրիկ Ալեքսանյանը։

«Մեր պայքարը շարունակվում է»,–գրել է նա։

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն իր աշխատակիցներին ասում էր, որ տնօրինությունը շատ կոշտ վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Հունիսի 21-ին ԿԸՀ–ն թույլատրեց Արմեն Չարչյանին քրեական հետապնդման ենթարկել։

Հատուկ քննչական ծառայությունը որոշեց նրան որպես մեղադրյալ ներգրավել, իսկ քննիչը Չարչյանի նկատմամբ կալանավորումը որպես խափանման միջոց ընտրելու վերաբերյալ միջնորդություն ներկայացրեց։

Հունիսի 23-ին դատարանը նրան կալանավորելու որոշում կայացրեց։ Նույն օրը հայտնի դարձավ, որ Չարչյանին շտապօգնության մեքենայով տեղափոխել են հիվանդանոց։

Պահանջը մեկն է՝ անհապաղ ազատ արձակել. բողոքի ակցիա՝ ի պաշտպանություն Արմեն Չարչյանի

36
թեգերը:
բժիշկ, բողոք, պաշտպան, Արմեն Չարչյան
Ըստ թեմայի
Կապրենք, կտեսնենք. Ավանեսյանը չի բացառում, որ երաշխավորագիր կներկայացնի Չարչյանի համար
Արմեն Չարչյանի փաստաբանները դիմել են գլխավոր դատախազին և 50 մլն դրամ գրավ առաջարկել
Պահանջը մեկն է՝ անհապաղ ազատ արձակել. բողոքի ակցիա՝ ի պաշտպանություն Արմեն Չարչյանի
Կակաո

Գիտնականները պարզել են` ինչպես է կակաոն ազդում մարդու տեսողության վրա

1
(Թարմացված է 15:50 24.06.2021)
Ուսումնասիրության արդյունքների ճշգրտությունն ապահովելու նպատակով մասնագետները նախապես հարցումների և թեստերի շարք են անցկացրել։

ԵՐԵՎԱՆ, 25 հունիսի – Sputnik. Կակաոյի փոշին կարող է բարելավել առողջ և երիտասարդ մարդկանց տեսողությունը։ Նման եզրակացության են եկել Մադրիդի Կոմպլուտենսե համալսարանի (UCM) և ԻԿՏԱՆԱ–ի (CSIC–ի սննդամթերքի և սննդի գիտության և տեխնիկայի ինստիտուտ) գիտնականները:

«Իզվեստիայի» հաղորդմամբ` ուսումնասիրությունը հրապարակվել է Functional Foods ամսագրում։

Մասնագետները պարզել են, որ ֆլավանոլները, որոնք պարունակում է կակաոն, խթանող ազդեցություն են ունենում նյարդային համակարգի վրա, բարելավում ուշադրությունն ու տեսողական հիշողությունը, ինչպես նաև տեսողությունն ավելի սուր դարձնում։

Փորձարկման ընթացքում կամավորներն օրվա մեջ երեք անգամ մեկ բաժակ կակաոյով, հատապտուղներով կաթ էին խմում կամ առանց հավելումների կակաո։ Տեսողության սրությունը պարզելու համար մասնակիցներից 4 մ հեռավորության վրա տառերով գծապատկերներ են տեղադրված, որոնք ցուցադրված էին բարձր և ցածր լուսավորության պայմաններում։

Մասնագետներն ուսումնասիրության արդյունքների ճշգրտությունն ապահովելու նպատակով նախապես հարցումների և թեստերի շարք են անցկացրել` հաստատելու համար կամավորների մոտ որևէ պաթոլոգիայի բացակայությունը։

Մարդկությանը խմելու ջրի լուրջ պակաս է սպառնում. գիտնականներ

Աշխատանքի հեղինակներից մեկը` Սոնյա դե Պասկուալ–Թերեզան, նշել է, որ մասնագետները պետք է լրացուցիչ ուսումնասիրություն անցկացնեն հայեցակարգն ապացուցելու համար, որպեսզի արդյունքները հնարավոր լինի կիրառել այն սննդամթերքների մշակման ժամանակ, որոնք կարող են օգնել բարելավել տեսողությունն ու ուշադրությունը։

Ավելի վաղ սննդաբաններն ասել էին` ինչով կարելի է փոխարինել առավոտյան սուրճը։ Մասնավորապես, մասնագետներն առաջարկում են օգտակար այլընտրանք` թեյերի տարբեր տեսակների տեսքով։

1
թեգերը:
բժիշկ, տեսողություն, կակաո, գիտնական
Ըստ թեմայի
Բժիշկն ասել է` ինչ կլինի, եթե շաբաթական հինգ անգամ ձուկ ուտեք
Բժիշկները երգչուհի Մաքսիմին արհեստական կոմայի մեջ են գցել
Որքան կաթ պետք է խմել լավ քնելու համար. բժիշկ-քնաբանի խորհուրդը