Լուսանկարիչ Վահրամ Բաղդասարյանը Խոսրովի արգելոցի էկո-զբոսաշրջային երթուղիների շնորհանդեսի ժամանակ

Էկոտուրիզմը Խոսրովի անտառում. արգելոցն իր դռներն է բացում զբոսաշրջիկների առաջ

94
(Թարմացված է 12:35 03.06.2021)

«Խոսրովի անտառ» պետական արգելոցի տարածքում գործարկված նոր բաղադրիչի ներդրման ծրագրի պաշտոնական մեկնարկը տրված է: Տևական դադարից հետո զբոսաշրջիկները հնարավորություն կունենան վայելել արգելոցի ինքնատիպ բնության ու պատմաճարտարապետական հուշարձանների գեղեցկությունը: Ծրագրի մեկնարկին մասնակցել է նաև ՀՀ շրջակա միջավայրի նախարարի պաշտոնակատար Ռոմանոս Պետրոսյանը:

ԵՐԵՎԱՆ, 3 հունիսի - Sputnik. «Խոսրովի անտառ» պետական արգելոցը զբոսաշրջիկներին է ներկայանում նոր առաջարկով: Շրջակա միջավայրի նախարարության նախաձեռնությամբ արգելոցի տարածքում ներդրվել է էկոտուրիզմի բաղադրիչը: Այն հնարավորություն կտա արգելոցը վերածել էկոզբոսաշրջային տեղանքի և հայկական բնաշխարհը ներկայացնել հայ և օտարերկրյա զբոսաշրջիկներին:

И.о. министра окружающей среды Романос Петросян у таблички Хосровского заповедника
© Sputnik / Aram Nersesyan
Ռոմանոս Պետրոսյան

«Բնության հատուկ պահպանվող տարածքներում կանգուն են հնագույն եկեղեցիներ, ամրոցներ, պատմամշակութային արժեքներ, գեղատեսիլ վայրեր, այդ թվում նաև հատուկ պահպանվող ռեժիմի հուշարձաններ: Մեր խնդիրն է այդ պատմաճարտարապետական հուշարձանների և բնության հուշարձանների վրա մարդու ներգործությունը հասցնել նվազագույնի և այդ ահռելի ժառանգությունը փոխանցել հաջորդ սերունդներին»,- ասաց ծրագրի մեկնարկին ներկա Շրջակա միջավայրի նախարարի պաշտոնակատար Ռոմանոս Պետրոսյանը:

И.о. министра окружающей среды Романос Петросян во время презентации новых эко-туристических маршрутов в Хосровском заповеднике
© Sputnik / Aram Nersesyan
Ռոմանոս Պետրոսյան

Զբոսաշրջիկների համար առանձնացվել են տարբեր արահետներ, գործում են երթուղիների տարբեր առաջարկներ: Այստեղ առանձնացված հատուկ արահետներով, հիմնականում՝ էկոտեսուչների ուղեկցությամբ զբասաշրջիկները հնարավորություն կունենան այցելել Հավուց Թառ վանք, Գառնու տաճար, Գառնիի միջնադարյան եկեղեցիներ:

Արգելոց այցելելու հնարավորություն կունենան սահմանափակ թվով զբոսաշրջիկներ: Բնության հատուկ պահպանվող տարածք այցելուների տարեկան թույլատրելի քանակը դեռևս ճշգրտման փուլում է: Տուրօպերատորները, ներգնա տուրիզմով զբաղվող անհատները արդեն կարող են հայտեր ներկայացնել, որից հետո կստանան իրենց քվոտաները:«Շատ դեպքերում ուղեկցորդի ներկայությունը պարտադիր է նաև արգելոցի տարածքում տուրիստների վարքը կառավարելու և վայրի կենդանիներից պաշտպանելու համար»,- նշեց նախարարի պաշտոնակատարը:

Շատ տուրիստներ արդեն «հարազատ հաճախորդներ» են. Գյումրիում զբոսաշրջային ակտիվություն է

«Կարող է, օրինակ, յուրաքանչյուրին բաժին ընկնել տարեկան 30 տուրիստ, ոչ ավելի, և այդ 30 տուրիստին իրենք պետք է բաշխեն ամբողջ տարվա սեզոնի վրա: Թույլ չենք տալու լիազորված սահմանաչափից ավելի զբոսաշրջիկների մուտքը Խոսրովի անտառ, քանի որ մարդածին ներգործության բաղադրիչը պետք է հասցնենք նվազագույնի»,- ընդգծեց Պետրոսյանը:

«Խոսրովի անտառ» արգելոցի մեկ ուղղությունը յուրաքանչյուր այցելուի համար կարժենա 2000 դրամ: Ստվերային շրջանառություներն ու հնարավոր կոռուպցիոն դրսևորումները բացառելու համար ներդրվել է էլեկտրոնային վճարման համակարգ: Վճարումները հնարավոր է կատարել EsyPay վճարային տերմինալի միջոցով: Հավաքագրված գումարները կծախսվեն արգելոցի տարածքում կենսաբազմազանության կայուն զարգացման, գիտական պոտենցիալի իրացման նպատակով:

  • Խոսրովի արգելոցի էկո-զբոսաշրջային երթուղիների շնորհանդեսի ժամանակ
    Խոսրովի արգելոցի էկո-զբոսաշրջային երթուղիների շնորհանդեսի ժամանակ
    © Sputnik / Aram Nersesyan
  • Խոսրովի արգելոցի էկո-զբոսաշրջային երթուղիների շնորհանդեսի ժամանակ
    Խոսրովի արգելոցի էկո-զբոսաշրջային երթուղիների շնորհանդեսի ժամանակ
    © Sputnik / Aram Nersesyan
  • Խաչքարեր՝ Հավուց Թառ վանական համալիրի տարածքում
    Խաչքարեր՝ Հավուց Թառ վանական համալիրի տարածքում
    © Sputnik / Aram Nersesyan
  • Խոսրովի արգելոցի էկո-զբոսաշրջային երթուղիների շնորհանդեսի ժամանակ
    Խոսրովի արգելոցի էկո-զբոսաշրջային երթուղիների շնորհանդեսի ժամանակ
    © Sputnik / Aram Nersesyan
  • Գառնու տաճարը Խոսրովի արգելոցից
    Գառնու տաճարը Խոսրովի արգելոցից
    © Sputnik / Aram Nersesyan
  • Հավուց Թառ վանական համալիր
    Հավուց Թառ վանական համալիր
    © Sputnik / Aram Nersesyan
  • Հավուց Թառ վանական համալիր
    Հավուց Թառ վանական համալիր
    © Sputnik / Aram Nersesyan
  • Հավուց Թառ վանական համալիր
    Հավուց Թառ վանական համալիր
    © Sputnik / Aram Nersesyan
  • Հավուց Թառ վանական համալիր
    Հավուց Թառ վանական համալիր
    © Sputnik / Aram Nersesyan
  • Արահետ՝ Խոսրովի արգելոցում
    Արահետ՝ Խոսրովի արգելոցում
    © Sputnik / Aram Nersesyan
1 / 10
© Sputnik / Aram Nersesyan
Խոսրովի արգելոցի էկո-զբոսաշրջային երթուղիների շնորհանդեսի ժամանակ

«Գոյացող միջոցներն ուղղելու ենք այս կարևորագույն ռազմավարական օբյեկտի զարգացմանը, ներքին կարողությունների ընդլայնմանը, աշխատավարձերի բարձրացմանը, ինչպես նաև տեխնիկական վերազինմանը, այդ թվում նաև տեսահսկման սարքերի և սիրողական անօդաչու սարքերի միջոցով նաև նկարահանմանը, պահպանության իրականացմանը։ Մեծապես կարևորում ենք նաև այս փուլում գիտական բաղադրիչի զարգացումը»,-հավելեց Պետրոսյանը:

Ծրագիրը շարունակական է և կարճ ժամանակ անց հասանելի կլինի նաև նախարարության ենթակայությամբ գործող այն բոլոր ազգային պարկերի, դենդրոպարկերի համար, որտեղ հատուկ պահպանվող ռեժիմ է սահմանված։

94
թեգերը:
զբոսաշրջություն, Խոսրովի անտառ, արգելոց
Ըստ թեմայի
Կիպրոսը մայիսի 10-ից բաց է հայաստանցի զբոսաշրջիկների համար, բայց մեկ պայմանով
Ռուսաստանցիները նախընտրում են հանգստանալ Հայաստանում. ուրիշ որտեղի՞ց սպասել զբոսաշրջիկների
Զբոսաշրջիկների հոսքը Հայաստան կրճատվել է 72%-ով. ինչո՞ւ են փորձագետները գոհ
Եռաբլուր

Եղել են դեպքեր` զոհվածի մասունքը նույնականացվել է թաղումից հետո. մնացածը գաղտնիք է

146
Sputnik Արմենիայի աղբյուրները հայտնել էին, որ լինում են դեպքեր, երբ պատերազմում զոհվածներից մեկի մասունքը հայտնաբերվում է հուղարկավորությունից հետո. առողջապահության նախարարությունը հաստատել է այդ լուրը։

ԵՐԵՎԱՆ, 19 հունիսի – Sputnik. Արցախյան 44-օրյա պատերազմի զոհերի մասունքների նույնականացման դեպքեր են եղել նաև հուղարկավորությունից հետո։ Sputnik Արմենիայի գրավոր հարցմանն ի պատասխան հայտնել են ՀՀ առողջապահության նախարարությունից։

Աբովյանի դիահերձարանում պոլիէթիլենային պարկերով գետնին դրված զինծառայողների մասունքների` մեծ աղմուկ բարձրացրած դեպքի օրերին Sputnik Արմենիայի աղբյուրները հայտնեցին, որ լինում են դեպքեր` հուղարկավորությունից հետո նույն անձին պատկանող մասունքներ են նորից հայտնաբերվում։ Նման դեպքերում, բնականաբար, դժվար է լինում ծնողների համար, քանի որ արտաշիրիմում պետք է արվի։

«Նշենք, որ հուղարկավորությունից հետո մասունքների նույնականացման դեպքեր եղել են։ Դեպքերի թվի և հետագա գործողությունների վերաբերյալ տեղեկություն կարող եք ստանալ քննչական կոմիտեից»,– առողջապահության նախարարությունից այսպես են պատասխանել Sputnik Արմենիայի գրավոր հարցմանը։

Նախարարությունից հայտնել են նաև, որ ԱՆ «Դատաբժշկական գիտագործնական կենտրոնը» փորձաքննություն իրականացնող կենտրոն է և արտաշիրինման դեպքերի և հետագա ընթացքի վերաբերյալ որևէ ինֆորմացիայի չի տիրապետում։

Հետաքրքրվել էինք նաև, թե  հնարավո՞ր է` Աբովյան մասնաճյուղում եղած պարկերի մեջ, որոնք նույնականացվել են, բայց ծնողները հրաժարվում են վերցնեն, լինեն արդեն իսկ հուղարկավորված անձանց մասունքներ։ Սակայն մեզ հայտնել են` քանի որ քրեական գործ է հարուցվել և նախաքննություն է իրականացվում, որևէ տեղեկատվություն տալ չեն կարող։

«Իմ բացթողումն է». Անահիտ Ավանեսյանը` դիերի և մասունքների ոչ պատշաճ պահման դեպքի մասին

Քանի որ առողջապահության նախարարությունը մանրամասներ չէր հայտնել` ուղղորդելով դիմել ՔԿ, գրավոր հարցում էինք ուղարկել նաև վերոնշյալ կառույց` հասկանալու, թե շա՞տ են եղել դեպքերը, երբ հուղարկավորությունից հետո են մասունքներ հայտնաբերվել և ի՞նչ քայլեր են արվում այդ դեպքում։

Ի դեպ, թեմային անդրադառնում ենք ուշ, քանի որ ՔԿ-ն մեր հարցմանը պատասխանել է սահմանված 5-օրյա ժամկետից շատ անց` այդպես էլ որևէ հարցի կոնկրետ պատասխան չտրամադրելով։ Կառույցից հայտնել են`քանի որ քրգործ է հարուցվել, իսկ մեր պահանջած տեղեկությունները պարունակում են հրապարակման ոչ ենթակա նախնական քննության տվյալներ, ուստի չի կարող այն տրամադրվել։

Քննչական կոմիտեն միաժամանակ հիշեցնում է, որ պատերազմին առնչվող թիվ 69108320 քրգործն է հարուցվել քրեական օրենսգրքի մի շարք հոդվածների հատկանիշներով։ Մասնավորապես, ահաբեկչության, ահաբեկչության ֆինանսավորման, ազգային, ռասայական կամ կրոնական թշնամանք հարուցելու, ագրեսիվ պատերազմի, միջազգային ահաբեկչության, զինված ընդհարումների ժամանակ միջազգային մարդասիրական իրավունքի նորմերի լուրջ խախտումների, զինված ընդհարման ժամանակ անգործության կամ հանցավոր հրաման արձակելու, ագրեսիվ պատերազմի հրապարակային կոչերի և ցեղասպանությունն ու խաղաղության, մարդկության անվտանգության դեմ ուղղված մյուս հանցագործությունները հերքելը, մեղմացնելը, դրանց հավանություն տալու կամ արդարացնելու համար։

Հիշեցնենք միայն, որ դեռ հունիսի 1-ին ՀՀ առողջապահության նախարարությունը հայտնել էր` այս պահին դատաբժշկական կենտրոնում չկան փորձաքննություն չանցած մասունքներ: Կա 50 մասունք, որոնք մի քանի անգամ անցել են փորձաքննություն, բայց դրանցից դեռ չի հաջողվել ԴՆԹ անջատել: Մնացած բոլոր դիերը փորձաքննված են, որոնց մի մասը` 149-ը, ծնողների բազայի հետ համընկնում չի ունեցել: Կան նաև նույնականացված մասունքներ, սակայն դեռ հարազատների կողմից չեն վերցվել դրանք հուղարկավորելու համար:

Զոհվածների դիերն ու մասունքները պարկերով նկուղներում թողնելու դեպքով քրգործ է հարուցվել

146
թեգերը:
ՀՀ Առողջապահության նախարարություն, Դիակ, աճյուն, զինծառայող, Արցախյան պատերազմ, Հայաստան
Ըստ թեմայի
«Մեր մի պատուհանից Ղազանչեցոցն էր երևում, մյուսից` Կանաչ ժամը». շուշեցի ընտանիքի երազանքը
Ուզում էր զինվորական դառնալ` հավերժ զինվոր մնաց. Արտյոմը զոհվեց իր 71 ընկերների հետ միասին
«4 տարի պայքարեցինք, որ երեխա ունենանք». Հովհաննեսը զոհվեց` չտեսնելով երազանք-դստերը
Եռաբլուր

«Ներողություն, որ չկարողացանք պաշտպանել ձեզ». Գոհար Ավետիսյանը Եռաբլուր է այցելել

248
(Թարմացված է 19:46 19.06.2021)
Ռուսաստանաբնակ դիմահարդարը ընտանիքի հետ է այցելել Եռաբլուր ու ծաղիկներ խոնարհել հերոսների շիրիմներին։

ԵՐԵՎԱՆ, 19 հունիսի – Sputnik. Հայտնի դիմահարդար Գոհար Ավետիսյանը, որն այս օրերին ամուսնու հետ գտնվում է Հայաստանում, ընտանիքի հետ այցելել է Եռաբլուր։ Նրանք ծաղիկներ են խոնարհել հայրենիքի համար զոհված տղաների հիշատակին։ Գոհարն Instagram–ի իր էջի Stories բաժնում տեսանյութ է հրապարակել, որում երևում է, թե ինչպես են ծածանվում հայկական եռագույնները։

«Օրը որոշեցինք սկսել բոլոր զինվորների եղբայրական գերեզման այցելելով։ Նրանք խիզախորեն կռվեցին ու անմահացան անցած տարվա աշնանը տեղի ունեցած պատերազմի ժամանակ, նրանք իրենց կյանքը տվեցին հանուն մեր երկրի։ Հանգչեք խաղաղությամբ, հերոսներ... Եվ ներողություն, որ մենք չկարողացանք պաշտպանել ձեզ»,–տեսանյութին կից գրել է նա։

Instagram story Гоар Аветисян
Instagram story Гоар Аветисян

Ավելի վաղ Գոհար Ավետիսյանը ընտանեկան լուսանկարներ էր հրապարակել Սևանա լճից։

Հիշեցնենք`Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ Գոհարն ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։

Գոհար Ավետիսյանը կատարել է հոր երազանքը. դիմահարդարը հուզիչ տեսանյութ է հրապարակել

16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիայի տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին ու ծանոթներին։ Սիրելի զբաղմունքը վերածվել է աշխատանքի, նա ստիպված է եղել թողնել ուսումը։

Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի Մոսկվայի կենտրոնում։

Գոհար Ավետիսյանը պատմել է` ինչու է բաժանվել նախկին ամուսնուց

248
թեգերը:
Գոհար Ավետիսյան, Եռաբլուր պանթեոն
Արմեն Չարչյան

Ինչու դատարանը չի հրապարակում Արմեն Չարչյանի վերաբերյալ որոշումը․ պաշտպանն իր վարկածն ունի

229
(Թարմացված է 23:57 19.06.2021)
Չարչյանի պաշտպանները հայտարարել էին, որ անգամ վարույթ իրականացնող մարմինը կասկած ունի, որ ձայնագրության մեջ լսվող ձայնը Արմեն Չարչյանինն է:

ԵՐԵՎԱՆ, 19 հունիսի – Sputnik. Երևան քաղաքի Ավան և Նոր Նորք վարչական շրջանների ընդհանուր իրավասության դատարանը «Իզմիրլյան» բժշկական կենտրոնի տնօրեն Արմեն Չարչյանի ձերբակալության իրավաչափության վերաբերյալ որոշումը պետք է հրապարակեր այսօր՝ ժամը 20։00-ին, սակայն հրապարակումից առաջ՝ ժամը 19։34-ին, պաշտպանները դատավորի օգնականից տեղեկացել են, որ նշանակված ժամին որոշման հրապարակումը տեղի չի ունենալու։ Տեղեկությունը հայտնում է Չարչյանի պաշտպան Էրիկ Ալեքսանյանը։

«Իսկ թե կոնկրետ երբ կհրապարակվի դատական ակտը, դատավորի աշխատակազմից որևէ տեղեկություն չի հաղորդվել և չի հաղորդվում մինչ այս պահը: Այս ամենը թույլ է տալիս պաշտպանության կողմին ողջամտորեն ենթադրելու, որ դատարանի նկատմամբ հենց այս պահին բիրտ ճնշումներ են գործադրվում իշխանության համար ցանկալի որոշում կայացնելու առումով։ Սա ևս մեկ անգամ հաստատում է այն հանգամանքը, որ պարոն Չարչյանի նկատմամբ իրականացվում է քաղաքական հետապնդում։ Հորդորում ենք դատավորին հավատարիմ մնալ իր երդմանը, մերժել բոլոր տեսակի ճնշումները և գործել բացառապես օրենքով»,- Facebook-ի իր էջում գրել է նա։

Նշենք, որ այսօր դատարանում տեղի էր ունեցել Արմեն Չարչյանի ձերբակալության դեմ բողոքի քննությունը:

Գործով քննիչը և դատախազը չէին ներկայացել դատական նիստին։ Քննության ավարտից հետո պաշտպանները հայտնել էին, որ Չարչյանի ձերբակալության իրավաչափության վերաբերյալ դատական ակտը կհրապարակվի 20։00-ին։

Չարչյանի պաշտպաններ Էրիկ Ալեքսանյանը և Արամ Վարդևանյանը լրագրողների հետ զրույցում հայտարարել էին, որ գործ ունեն բացառապես քաղաքական հետապնդման հետ, քանի որ ձերբակալման այն հիմքը, այն նպատակները, որոնք նշված են, աղերս չունեն իրավաբանության հետ։

Նրանք արձանագրել էին, որ վարույթ իրականացնող մարմինը երեկ որոշում է կայացրել ձայնագրային փորձաքննություն նշանակելու մասին և ի թիվս այլ հարցերի հարց է առաջադրել` արդյո՞ք այդ ձայնագրության մեջ խոսող անձն Արմեն Չարչյանն է: Ըստ նրանց` ստացվում է, որ անգամ վարույթ իրականացնող մարմինը կասկած ունի, որ այդ անձն Արմեն Չարչյանն է:

Հիշեցնենք` երեկ համացանցում հրապարակվեց մի ձայնագրություն, որում Չարչյանն ասում է` տնօրինությունը շատ կոշտ, խիստ համարժեք վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Ավելի ուշ հայտնի դարձավ, որ ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Չարչյանն ընդունել է ձերբակալման օրը գործընկերների հետ ունեցած զրույցի փաստը. Աբրահամյան

229
թեգերը:
Դատարան, Արմեն Չարչյան, Հայաստան
Ըստ թեմայի
Պրոֆեսոր Չարչյանը պետք է անհապաղ ազատ արձակվի. Արա Բաբլոյան
Գորիսի «Գուսան Աշոտ» մշակույթի կենտրոնի տնօրենը կալանավորվել է
Ընտրողներին կաշառք տալու կասկածանքով 3 մարդու են ձերբակալել, մեկը պատգամավորի թեկնածու է