«Հյուսիս–հարավ» ավտոճանապարհ

«Հյուսիս–հարավը» կկառուցվի առաջանցիկ տեմպերով, իսկ Աշտարակ–Թալինը դեռ կմնա կիսատ

119
(Թարմացված է 15:46 02.06.2021)
Աշտարակ–Թալինը հատվածն առայժմ մնում է կիսատ վիճակում, քանի որ այս հատվածի շինարարական կազմակերպության հետ ՀՀ կառավարությունը դատական պրոցեսի մեջ է։

ԵՐԵՎԱՆ, 2 հունիսի - Sputnik. «Հյուսի–հարավ» ավտոճանապարհն այս տարի կկառուցվի առաջանցիկ տեմպերով։ Տեղեկությունն այսօր ԱԺ–ում հայտարարեց ՀՀ տարածքային կառավարման ու ենթակառուցվածքների փոխնախարար Վաչե Տերտերյանը։

«2021թ–ին բյուջեով պլանավորել ենք 20 կմ ճանապարհի պաստառ ունենալ, բայց կարծես թե հնարավորություն ունենք 20 կմ պլանավորածի դիմաց 46 կմ միակողմանի այս տարի ասֆալտապատել։ 20–ը հաստատ պլանավորած ունենք ու կանենք, բայց կարծում ենք, որ որոշակի մոբիլիզացիայի արդյունքում մեկ ուղղությամբ 46 կմ կանենք և կշահագործել»,– ասաց նա։

 Փոխարենը Աշտարակ–Թալինը հատվածն առայժմ մնում է կիսատ վիճակում, քանի որ այս հատվածի շինարարական կազմակերպության հետ ՀՀ կառավարությունը դատական պրոցեսի մեջ է։

«Այդ դատական պրոցեսից առնվազն պետք է դուրս գանք, կամ ինչ–որ լուծում գտնենք, որ կարողանանք այլ ուժեր մոբիլիզացնենք ու ինչ-որ մի բան անել»,– ասաց Տերտերյանը։

«Հյուսիս–հարավ» ավտոճանապարհի «Տրանշ-2» ծրագրի Աշտարակ-Թալին 42 կմ երկարությամբ ճանապարհահատվածի անավարտ աշխատանքների հարցով կապալառուն դատական հայց էր հարուցել ընդդեմ ՀՀ կառավարության։

«Հյուսիս-հարավ» նոր միջանցքի կառուցումը կհարվածի Իսրայելի տնտեսությանը. Բալասանյան

ՀՀ տարածքային կառավարման ու ենթակառուցվածքների նախարարությունը մտադիր էր աշխատանքների վերահաշվարկ իրականացնել ու 2021 թվականի վերջին կապալառուի նոր միջազգային մրցույթ հայտարարել։ Բայց դատական պրոցեսն անորոշ ժամանակով հետաձգեց այս ծրագիրը։

119
թեգերը:
Վաչե Տերտերյան, Հայաստան, «Հյուսիս–հարավ» ավտոճանապարհ
Ըստ թեմայի
Ստորջրյա քարեր «Հյուսիս–Հարավ» ճանապարհին. պե՞տք է արդյոք այն հիմա
Հյուսիս-հարավի շինարարությունը կմեկնարկի եղանակային պայմանների բարելավման պես
Ո՞ր դեպքում Հայաստանը միջազգային «Հյուսիս-հարավ» տրանսպորտային միջանցքի մաս կկազմի
Արխիվային լուսանկար

Աղիքային վարակով Մարտունու ԲԿ տեղափոխվածների մոտ հայտնաբերվել են նաև Norovirus-ներ

9
(Թարմացված է 18:43 16.06.2021)
Բուժկենտրոնում նաև ներհիվանդանոցային վարակ է արձանագրվել, ինչի կապակցությամբ իրականացվել է սանիտարահամաճարակային ռեժիմի ուսումնասիրություն։

ԵՐԵՎԱՆ, 16 հունիսի – Sputnik. Օրերս աղիքային վարակով Մարտունու ԲԿ տեղափոխված պացիենտների նկատմամբ իրականացված ՊՇՌ հետազոտության արդյունքում հայտնաբերվել են նաև Norovirus-ներ: Տեղեկությունը հայտնում է ՀՀ առողջապահության նախարարությունը:

Ինչպես տեղեկացրել էինք, հունիսի 12-13-ն ընկած ժամանակահատվածում Մարտունու ԲԿ-ից «Ինֆեկցիոն հիվանդությունների ազգային կենտրոն» է տեղափոխվել աղիքային վարակին բնորոշ ախտանշաններով (ընդհանուր թուլություն, փսխում, լուծ) 14 պացիենտ (13-ը՝ 1-4 տարեկան երեխա, 1-ը՝ մեծահասակ):

«Հունիսի 16-ի դրությամբ` «Ինֆեկցիոն հիվանդությունների ազգային կենտրոն» ընդունված 14 պացիենտից 3-ը դուրս է գրվել, 11-ը հիվանդանոցում են»,–նշված է ԱՆ–ի հաղորդագրության մեջ։

Աղիքային վարակ Մարտունու բուժկենտրոնում․ ախտանշաններ են հայտնաբերվել տասնյակ երեխաների մոտ

Նշվում է նաև, որ պացիենտներն ընդունվել են Մարտունու ԲԿ «օբստրուկտիվ բրոնխիտ» և «բրոնխոպնևմոնիա» ախտորոշմամբ, սակայն վերջիններիս մոտ սկսվել են աղիքային վարակին բնորոշ ախտանշաններ, ինչը վկայում է ներհիվանդանոցային վարակի արձանագրման մասին։

Ներհիվանդանոցային վարակի արձանագրման կապակցությամբ ԲԿ-ում իրականացվել է սանիտարահամաճարակային ռեժիմի, ինչպես նաև վարակի հսկողության գործընթացների ներդրման ուսումնասիրություն:

Երևանում երեխաները թթվասերից ու կաթնաշոռից են թունավորվե՞լ․ ՍԱՏՄ ստուգումների արդյունքը

9
թեգերը:
վարակ, Մարտունի, հիվանդություն
Ըստ թեմայի
Կաթնառատ գյուղում աղիքային հիվանդության 28 նոր դեպք է հայտնաբերվել․ ԱՆ
Աղիքային վարակ Մարտունու բուժկենտրոնում․ ախտանշաններ են հայտնաբերվել տասնյակ երեխաների մոտ
Սիսիանում աղիքային վարակներին բնորոշ ախտանշաններով դեպքերի թիվը հասել է 370–ի
Գավառ

Սնունդ` քվեի դիմաց. Գավառում ընտրակաշառքի գործով ևս 8 անձի մեղադրանք է առաջադրվել

9
(Թարմացված է 18:35 16.06.2021)
Խուզարկությունների ընթացքում հայտնաբերվել են ընտրողների նախապես կազմված ցուցակները, որոնց համաձայն ավելի քան երեք տասնյակ քաղաքացիներ 7000-ական դրամի սննդամթերք են ստացել։

ԵՐԵՎԱՆ, 16 հունիսի – Sputnik. Գավառում ընտրողներին որպես կաշառք սննդամթերք տալու դեպքով ՀՀ հատուկ քննչական ծառայությունում քննվող քրեական գործի շրջանակներում մեղադրանք է առաջադրվել ևս 8 անձի:

Ինչպես հայտնում է Հատուկ քննչական կոմիտեն, 2021թ. հունիսի 20-ին կայանալիք ԱԺ արտահերթ ընտրություններին մասնակցող կուսակցություններից մեկի ներկայացուցիչ Ս. Զ.- ն Գավառի ընտրողներին սննդամթերքի տեսքով կաշառք է տվել նշված կուսակցության օգտին քվեարկելու համար:

Ս. Զ.-ն տվյալ կուսակցության Գավառի տարածքային գրասենյակի քարտուղարն է։

Ըստ մեղադրանքի, նա առաջնորդվել է գրասենյակի ղեկավարի հետ նախապես կազմված ընտրողների ցուցակով, և հունիսի 9-ին մի շարք ընտրողների 7000-ական դրամի սննդամթերք վճարել։

Կատարված խուզարկությունների ընթացքում հայտնաբերվել են նախապես կազմված ընտրողների ցուցակները, որոնց համաձայն` ավելի քան երեք տասնյակ քաղաքացիներ 7000-ական դրամի սննդամթերք են ստացել։ Նրանք հարցաքննվել են ու հաստատել ընտրակաշառք ստանալու հանգամանքը:

Ս.Զ.–ից բացի մեղադրանք է առաջադրվել նաև 7 այլ անձանց։ Նրանց նկատմամբ որպես խափանման միջոց է ընտրվել չհեռանալու մասին ստորագրությունը:

Նշենք, որ նույն քրեական գործով ավելի վաղ մեղադրանք էր առաջադրվել 1 անձի` տվյալ կուսակցության Գավառի տարածքային գրասենյակի ղեկավար, պատգամավորի թեկնածու Ա. Ա.-ին։ Նրա նկատմամբ որպես խափանման միջոց էր ընտրվել կալանավորումը:

Ընտրական իրավախախտումների փաստերով 6 քրգործ է հարուցվել. ահազանգերը շատ ավելին են

Քրեական գործի նախաքննության այս փուլում 9 անձ ունի մեղադրյալի կարգավիճակ:

Նախաքննությունը շարունակվում է:

9
թեգերը:
Մեղադրանք, Ազգային ժողովի ընտրություններ, ընտրակաշառք, Հայաստան, Գավառ
Ըստ թեմայի
«Ընտրակաշառք տվողներին լցնելու ենք ծակերը». Նիկոլ Փաշինյան
«Երկու բևեռները փորձում են ժողովրդին մտցնել փակուղի». Կարին Տոնոյանը` ընտրապայքարի մասին
ՀՀ Ընտրական օրենսգիրքը համապատասխանում է միջազգային նորմերին. ԱՊՀ դիտորդական խմբի ղեկավար
Թեհրան

Վարդան Կոստանյանը Իրանում Հայաստանի առևտրական կցորդ է նշանակվել

0
(Թարմացված է 18:50 16.06.2021)
Առևտրական կցորդը պետք է Հայաստանի տնտեսվարողների շահերի պաշտպանությունն ապահովի իրանական շուկայում։

ԵՐԵՎԱՆ, 16 հունիսի – Sputnik. ՀՀ փոխվարչապետի պաշտոնակատար Տիգրան Ավինյանը, որն այժմ կատարում է վարչապետի պաշտոնակատարի պարտականությունները, Վարդան Կոստանյանին Իրանում Հայաստանի առևտրական կցորդ է նշանակել։ Փաստաթուղթը հրապարակվել է կառավարության կայքում։

«Վարդան Կոստանյանին 2021 թվականի հուլիսի 1-ից նշանակել Իրանի Իսլամական Հանրապետությունում Հայաստանի Հանրապետության առևտրական կցորդ` 3 տարի ժամկետով»,– նշված է որոշման մեջ:

Հիշեցնենք` ՀՀ էկոնոմիկայի նախարարությունն այս տարվա ապրիլին էր առաջարկել, որ Հայաստանն Իրանում առևտրական կցորդ ունենա։ Որոշման նախածի համաձայն` Հայաստանից ԻԻՀ կգործուղվի համապատասխան պաշտոնյա գիտակ անձ՝ առևտրական կցորդ, որը պատշաճ և մշտական հիմունքներով կարող է ապահովել Հայաստանի տնտեսվարողների շահերի պաշտպանությունն իրանական շուկայում։ Նա պատշաճ ձևով կներկայացնի նաև մեր երկրի առաջնահերթությունները, տնտեսության զարգացման պահանջներից բխող առևտրատնտեսական ոլորտի համագործակցությանն ուղղված առաջարկությունները, առևտրային մասով ՀՀ-ում օրենսդրությամբ սահմանված կանոնակարգումները։

Նշենք, որ պաշտոնական վիճակագրության համաձայն` Հայաստանի ու Իրանի առևտրաշրջանառությունը 2020 թվականին կազմել է 400 200 000 ԱՄՆ դոլար, որից 84 800 000–ը` Հայաստանից արտահանման ցուցանիշն է, 315 400 000–ը` Իրանից Հայաստան ներմուծումը։

Ինչ վերաբերում է առևտրային կցորդի ինստիտուտին, ապա այն Հայաստանում ներդրվել է 2004-2005 թվականներից։

Այսօր Հայաստանի Հանրապետության առևտրական կցորդներ ունի Չինաստանում, Բելառուսում, Ավստրիայում, Շվեյցարիայում ու Թուրքմենստանում։

0
թեգերը:
Իրանի Իսլամական Հանրապետություն, Հայաստան