փոխոստիկանապետ, արա ֆիդանյան, ճեպազրույց, poxvostikanapet, ara fidanyan, chepazruyc
Արա Ֆիդանյան. արխիվային լուսանկար

Ես նման տեղեկատվություն չունեմ. փոխոստիկանապետը՝ «Շիշ բռնողին» վերագրվող լուրերի մասին

159
(Թարմացված է 16:02 01.06.2021)
ՀՀ փոխոստիկանապետ Արա Ֆիդանյանը լրագրողների հետ ճեպազրույցում մեկնաբանել է վերջին օրերի աղմկահարույց իրադարձությունները:

ԵՐԵՎԱՆ, 1 հունիսի – Sputnik. Տեղեկությունները, թե «Իմ քայլի» պատգամավոր Հայկ Սարգսյանը, որն ավելի հայտնի է որպես «Շիշ բռնող», իրեն ենթակա բանդայի անդամների ձերբակալումից հետո գնացել է ոստիկանության բաժանմունք հաշիվներ պարզելու, ՀՀ ոստիկանության պետի տեղակալը հերքում է:

Այդ մասին փոխոստիկանապետ Արա Ֆիդանյանը հայտարարեց ԱԺ-ում լրագրողների հետ ճեպազրույցում:

«Ես նման տեղեկատվություն չունեմ»,- ասաց նա՝ հավելելով, որ եղել է ոստիկանության «սովորական գործողություն», որի արդյունքում մարդիկ են բերման ենթարկվել:

Մեկնաբանելով «Դոն Պիպո» անվանմամբ հայտնի քրեական հեղինակության եղբոր սպանությունը, Արա Ֆիդանյանը նշեց, որ ոստիկանության համար հանցավորության աճը հատկապես պատերազմից հետո կանխատեսելի էր:

«Հաշվի առնելով հետպատերազմյան իրողությունները, ապօրինի զենք-զինամթերքի շրջանառության ծավալները, նաև բարդույթները, որ առաջացել են այդ նույն հետպատերազմյան շրջանում, ոստիկանությունը բազմաթիվ, այդ թվում՝ կանխարգելիչ միջոցառումներ է իրականացնում»,- ասաց Ֆիդանյանը:

Հիշեցնենք՝ մայիսի 31–ին ապօրինի զենք պահելու, կրելու կասկածանքով Արաբկիրի ոստիկանության բաժին կան բերման ենթարկված անձիք։

Կեղծ տեղեկանք է ներկայացրել. Միհրան Պողոսյանի դեմ կարող է քրեական գործ հարուցվել

Մինչ այդ սոցցանցերում տեսանյութ էր տարածվել, որում երևում է, թե ինչպես են մի խումբ անձանց գետնին պառկեցնում։ Նշվում է, որ «Երևանում վարձու մարդասպանների բանդա են բացահայտել և ըստ իրենց տեղեկությունների՝ այն գործել է «Իմ քայլի» պատգամավոր Հայկ Սարգսյանի հետաքրքրությունների ներքո, ով ավելի հայտնի է որպես «Շիշ բռնող»»։

159
թեգերը:
Արա Ֆիդանյան, փոխոստիկանապետ
Ըստ թեմայի
Էջմիածնում ոստիկանության սերժանտ է ինքնասպանություն գործել
Հայաստանի ոստիկանությունում ստեղծվել է օպերատիվ շտաբ
Ծառայողական քննություն է սկսվել. ոստիկանությունը` սոցցանցերում շրջանառվող տեսանյութի մասին
Ապօրինի շինությունների ապամոնտաժում

Ընդունեք այս հայտարարությունը որպես զգուշացում. Մարությանը դիմել է քաղաքացիներին

12
(Թարմացված է 17:14 25.06.2021)
Երևանի քաղաքապետը վստահեցնում է, որ քաղաքապետարանը հաստատակամ է և հետևողականորեն գնալու է բոլոր ապօրինի շինությունների հետևից:

ԵՐԵՎԱՆ, 25 հունիսի - Sputnik. Երևանի քաղաքապետ Հայկ Մարությանը դիմել է Երևանի այն քաղաքացիներին, ովքեր Երևանի տարածքում ապօրինի շինություններ, այդ թվում՝ կրպակներ են կառուցել:

«Ինքնակամ կառույցներ նախաձեռնողները ի սկզբանե պետք է տեղյակ լինեին, որ ապօրինություն են գործում, հետևաբար, ըստ էության, ինքնակամ կառույցներ իրականացնելու պահից սկսած՝ նրանք ժամանակ և հնարավորություն ունեին «իրենց ձեռքով» կանխելու կամ վերացնելու ապօրինությունը»,- նշում է Մարությանն ի պատասխան ապօրինի կառույցների տերերի աայն առաջարկին, որ քաղաքային իշխանությունները չքանդեն դրանք, այլ իրենց ժամանակ տան ինքնուրույն քանդելու:

«Ընդունեք այս հայտարարությունը որպես ևս մեկ զգուշացում: Սրանով ևս մեկ հնարավորություն ենք տալիս ձեզ՝ ժամ առաջ ապամոնտաժելու ապօրինի կառույցները: Երբ քաղաքապետարանից գան ձեր ապօրինի կառույցը քանդելու, այլևս ժամանակ չեք ունենալու»,- նշում է նա:

Երևանի քաղաքապետը վստահեցնում է, որ քաղաքապետարանը հաստատակամ է և հետևողականորեն գնալու է բոլոր ապօրինի շինությունների հետևից:

Երևանյան կրիմինալը. ապամոնտաժվել են ապօրինի կրպակներ, Աջափնյակի ղեկավարը հրաժարական է տվել

Հիշեցնենք՝ Երևանի ավագանու հունիսի 22-ի նիստում Հայկ Մարությանը, անդրադառնալով օրեցօր ավելացող ապօրինի կրպակներին ու շինություններին, հայտարարել էր, որ Աջափնյակ վարչական շրջանում ապօրինի շինարարության հարցում գործում է հանցավոր խումբ, որում ներգրավված են բազմաթիվ մարդիկ պետական մարմիններից, դատական համակարգից, թաղային հեղինակություններ։

Քաղաքապետը նշել էր, որ նախորդ տարվա դեկտեմբերից մինչև այսօր Աջափնյակ վարչական շրջանում իրավախախտման վերաբերյալ կազմվել է 60 վարչական արձանագրություն։

12
թեգերը:
Երևան, ապօրինի շինություն, Հայկ Մարության
Ըստ թեմայի
Երևանում անհետացել է 21 թափոնաման. քաղաքապետարանը դիմել է կոչով
Ծառուկյանի նկարը և թեքահարթակի անհետանալը. Կինոյի տան մուտքը մի քանի օրում ձևափոխել են
Աջափնյակում ևս 5 ապօրինի կառույց է ապամոնտաժվել. տեսանյութ
Արխիվային լուսանկար

ՀՔԾ-ն փաստաբաններին կոչ է անում դուրս չգալ մասնագիտական էթիկայի սահմաններից

28
(Թարմացված է 16:52 25.06.2021)
Հատուկ քննչական ծառայությունը պարզաբանում է «Հայաստան» դաշինքի պատգամավորության թեկնածու Արմեն Չարչյանի շուրջ ստեղծված իրավիճակը։

ԵՐԵՎԱՆ, 25 հունիսի - Sputnik. «Հայաստան» դաշինքի պատգամավորության թեկնածու, ՀՀ հատուկ քննչական ծառայության վարույթում քննող քրեական գործով մեղադրյալ Ա. Չարչյանի պաշտպանության կողմն այսօր հայտարարություն է տարածել` չհիմնավորված կերպով պնդելով, որ «որևէ դեպքում քրեական գործ հարուցելու առիթ չի հանդիսացել վարույթն իրականացնող մարմնի ստուգողական գործողությունները»: Այս մասին նշված է ՀՔԾ պարզաբանման մեջ։

«Այս կապացությամբ հարկ ենք համարում նշել, որ իրենց պաշտպանյալի անմեղության վերաբերյալ այս փուլում նմանատիպ հայտարարություններ կատարելն ընդամենը պաշտպանների կողմից տվյալ գործի վերաբերյալ հանրային կարծիք ձևավորելու անհեռանկար փորձ է, քանի որ քրեական գործ հարուցելու մասին որոշման մեջ պարզորոշ կերպով նշվում է, որ քրեական գործի հարուցման հիմք են հանդիսացել ՀՀ ԱԺ արտահերթ ընտրություններին մասնակցող «Հայաստան» դաշինքի թեկնածուի կողմից նախընտրական փուլում իրեն ենթակա աշխատակիցների նկատմամբ ճնշում գործադրելու վերաբերյալ զեկուցագրի հիման վրա նախապատրաստված նյութերը»,-նշված է հաղորդագրության մեջ:

Նշվում է, որ ներկայացված զեկուցագրում նշված հանգամանքները, ինչպես նաև քրեական գործ հարուցելու առիթի օրինականությունը և հիմքերի բավարար լինելը ստուգելու նպատակով` ՀՀ հատուկ քննչական ծառայությունում ՀՀ քրեական դատավարության օրենսգրքի 180-181-րդ հոդվածներով սահմանված կարգով նյութերի նախապատրաստման փուլում վարույթն իրականացնող մարմինն իրականացրել է անհրաժեշտ գործողություններ, այդ թվում` ձեռք է բերել Փաստերի ստուգման հարթակում (FIP) առկա` տվյալ իրադարձության վերաբերյալ հրապարակումներ:

Արմեն Չարչյանին կալանավորելու` դատարանի որոշման դեմ վերաքննիչ բողոք է ներկայացվել

ՀՀ քրեական դատավարության օրենսգրքի 176-րդ հոդվածի 1-ին մասի 2-րդ և 3-րդ կետերով նախատեսված օրինական առիթի, այն է` վարույթն իրականացնող մարմնի կողմից ձեռնարկված ստուգողական գործողությունների արդյունքում ձեռք բերված տվյալների, ինչպես նաև ՀՀ գլխավոր դատախազության կողմից ուղարկված վերոնշյալ հրապարակումներում առկա` ենթադրյալ հանցագործության մասին վկայող բավարար հիմքերի պայմաններում որոշում է կայացվել քրեական գործ հարուցելու մասին:

ՀՔԾ-ն փաստաբաններին կոչ է անում դուրս չգալ մասնագիտական էթիկայի սահմաններից և զերծ մնալ վարույթն իրականացնող մարմնի օրինական գործունեությունը կասկածի տակ առնող հայտարարություններ կատարելուց:

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն իր աշխատակիցներին ասում էր, որ տնօրինությունը շատ կոշտ վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։ Նույն օրը հայտնի դարձավ, որ Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՔԾ-ում քննվող քրեական գործի շրջանակում։

Արմեն Չարչյանի փաստաբանները դիմել են գլխավոր դատախազին և 50 մլն դրամ գրավ առաջարկել

Հունիսի 21-ին ԿԸՀ–ն թույլատրեց Արմեն Չարչյանին քրեական հետապնդման ենթարկել։ Քննիչը Չարչյանի նկատմամբ կալանավորումը որպես խափանման միջոց ընտրելու վերաբերյալ միջնորդություն ներկայացրեց։ Հունիսի 23-ին դատարանը նրան կալանավորելու որոշում կայացրեց։ Նույն օրը հայտնի դարձավ, որ Չարչյանին շտապօգնության մեքենայով տեղափոխել են հիվանդանոց։

Ի դեպ, Չարչյանը երկրորդ նախագահ Ռոբերտ Քոչարյանի գլխավորած «Հայաստան» դաշինքի անդամ ու պատգամավորության թեկնածու է։

28
թեգերը:
Արմեն Չարչյան, Հատուկ քննչական ծառայություն (ՀՔԾ)
Ըստ թեմայի
«Նստվածքը մնացել է». հրապարակվել է Չարչյանի հանդիպման ամբողջական ձայնագրությունը
Մայր աթոռը հորդորում է անհապաղ ազատ արձակել Արմեն Չարչյանին
Դատախազությունը չի կասկածում Չարչյանի մասնագիտական հեղինակության վրա. հայտարարություն

Ինչպես են հաղթահարում ամառային անտանելի տապը տարբեր երկրներում. զովացնող ֆոտոշարք

0
  • Мертвое озеро в Ереване
  • Բելառուսցիները ջրվեժի տակ
  • Երիտասարդը նետվում է Նովոսիբիրսկի մարզում գտնվող գետի ջրվեժից
  • Աղջիկը Բուլղարիայի մայրաքաղաք Սոֆիայից ոչ հեռու գտնվող ջրվեժի մոտ
  • Արծաթե ջրվեժը Վիետնամի Լաո Սայ նահանգում
  • Հյուսիսկորեացիները Փհենյանի առողջարանային համալիրում
  • Մալայզիացիները Սերենդի ջրվեժի տակ
  • Աղջիկը լողում է Բրազիլիայի Աբիսի ջրվեժի տակ
  • Իրանցի աղջիկները` գետում
  • Մեղր ջրվեժում հանգստացողները Կարաչաևո Չերկեսայի Հանրապետությունում
  • Հրազդան գետի ափին հանգստացող տղամարդիկ
Sputnik Արմենիայի ֆոտոշարքում կարող եք տեսնել տարբեր երկրների քաղաքացիների, որոնք գտել են ամառվա շոգից պաշտպանվելու ամենաարդյունավետ միջոցը։

Ամառն այս տարի մի փոքր ավելի շուտ «գրոհեց» երկիր մոլորակի վրա։ Ամռան առաջին ամիսն է, բայց Երևանում, օրինակ, ջերմաստիճանն արդեն հատել է +40–ի շեմը։ Ի՞նչ անել անտանելի տապից պաշտպանվելու և օրը հաճելի անցկացնելու համար։

Ինչպես են հայերը պայքարում մեկուսացումից չգժվելու դեմ, կամ մարտահրավեր, որի «հախից կգանք»

Աշխարհի բազմաթիվ երկրներում դիմում են ամենափորձված ու արդյունավետ միջոցին` ջրի օգնությանը։ Կենարար հեղուկը պաշտպանում է մաշկը չորանալուց և, իհարկե, զովացնում է։    

Sputnik Արմենիայի ֆոտոշարքում կարող եք տեսնել տարբեր երկրների քաղաքացիների, որոնք ամառվա շոգից պաշտպանվում են ջրվեժների տակ ու գետերում։

Երկիրը տիեզերական հարվածի է ենթարկվել. գիտնականները մագնիսական հզոր փոթորիկ են գրանցել

0
  • Мертвое озеро в Ереване
    © Sputnik / Aram Nersesyan

    "Мертвое озеро" в Ереване

  • Բելառուսցիները ջրվեժի տակ
    © AP Photo / Sergei Grits

    Բելառուսցիները ջրվեժի տակ

  • Երիտասարդը նետվում է Նովոսիբիրսկի մարզում գտնվող գետի ջրվեժից
    © Sputnik / Александр Кряжев

    Երիտասարդը նետվում է Նովոսիբիրսկի մարզում գտնվող գետի ջրվեժից

  • Աղջիկը Բուլղարիայի մայրաքաղաք Սոֆիայից ոչ հեռու գտնվող ջրվեժի մոտ
    © AFP 2020 / DIMITAR DILKOFF

    Աղջիկը Բուլղարիայի մայրաքաղաք Սոֆիայից ոչ հեռու գտնվող ջրվեժի մոտ

  • Արծաթե ջրվեժը Վիետնամի Լաո Սայ նահանգում
    © Sputnik / Павел Львов

    Արծաթե ջրվեժը Վիետնամի Լաո Սայ նահանգում

  • Հյուսիսկորեացիները Փհենյանի առողջարանային համալիրում
    © AP Photo / David Guttenfelder

    Հյուսիսկորեացիները Փհենյանի առողջարանային համալիրում

  • Մալայզիացիները Սերենդի ջրվեժի տակ
    © AP Photo / Daniel Chan

    Մալայզիացիները Սերենդի ջրվեժի տակ

  • Աղջիկը լողում է Բրազիլիայի Աբիսի ջրվեժի տակ
    © AP Photo / Eraldo Peres

    Աղջիկը լողում է Բրազիլիայի Աբիսի ջրվեժի տակ

  • Իրանցի աղջիկները` գետում
    © AP Photo / Ebrahim Noroozi

    Իրանցի աղջիկները` գետում

  • Մեղր ջրվեժում հանգստացողները Կարաչաևո Չերկեսայի Հանրապետությունում
    © Sputnik / Алексей Даничев

    Մեղր ջրվեժում հանգստացողները Կարաչաևո Չերկեսայի Հանրապետությունում

  • Հրազդան գետի ափին հանգստացող տղամարդիկ
    © Sputnik / Asatur Yesayants

    Հրազդան գետի ափին հանգստացող տղամարդիկ

թեգերը:
ֆոտոշարք, Լուսանկար, շոգ
Ըստ թեմայի
Ով էր իրականում Մերիլին Մոնրոն. արխիվային կադրեր
Միայնակ հանգստություն և էրոտիկ արվեստ․ ֆանտաստիկ լուսանկարներ միջազգային մրցույթից
Հազվադեպ երևույթ. արևային խավարման ֆանտաստիկ կադրերը