Շահեն Դանիելյան

Դեպրեսիան սկսվեց արդեն Մոսկվայում. բժիշկը չի հաշվել՝ քանի կյանք է Արցախում փրկվել

304
(Թարմացված է 10:10 29.05.2021)
Ղարաբաղյան առաջին պատերազմի ժամանակ Շահեն Դանիելյանը դեռ ուսանող էր, որն օգնում էր փորձառու վիրաբույժներին, երկրորդ պատերազմի ժամանակ նա արդեն իր պրոֆեսիոնալիզմի շնորհիվ կյանքեր էր փրկում։

Դավիթ Գալստյան, Sputnik Արմենիա

Սկլիֆոսովսկու անվան շտապօգնության գիտահետազոտական ինստիտուտի վիրաբույժ Շահեն Դանիելյանի հետ, որը Արցախ էր ժամանել տեղացի բժիշկներին օգնելու համար, առաջին անգամ զրուցել ենք դեռ պատերազմի ընթացքում՝ Ստեփանակերտում: 7 ամիս անց Երևանում կրկին հանդիպեցինք նրա հետ։

Պատերազմից պատերազմ

Դանիելյանն առաջին պատերազմ գնաց՝ լինելով 2-րդ կուրսի ուսանող, որը «հիացած քայլում էր փորձառու վիրաբույժների հետևից»։ 5-րդ կուրսում, պատերազմի ավարտին, նա արդեն բժշկական ծառայության մայոր էր:

Խոստովանում է, որ երջանիկ էր, երբ վիրահատության էին վերցնում, գիշեր-ցերեկ օգնում էր։ Վիրահատությունների արանքում արյուն էր հանձնում։ Այդ պատերազմը խորը հետք թողեց նրա կյանքում։ Բայց իրական օգնությունը, բժիշկի հավաստմամբ, նա ցուցաբերել է վերջին պատերազմի ժամանակ։

«Վերադարձա երկրորդ պատերազմին, երբ արդեն Մոսկվայում որպես մասնագետ կայացա։ Երկար տարիներ աշխատել եմ Սկլիֆոսովսկու ինստիտուտում, որտեղ անհետաձգելի վիրաբուժություն սովորելու բոլոր հնարավորությունները կան: Դա ինձ շատ օգնեց, ես իսկապես կարողացա կատարել պարտքս հայրենիքի առջև։ Մասնագիտական հմտություններիս շնորհիվ շատերին է հաջողվել փրկել»,- ասում է Դանիելյանը։

Պատերազմի 44 օրերից Դանիելյանն ընկերների հետ միասին Արցախում մոտ մեկ ամիս են անցկացրել։ Վիրաբույժը չի նշում փրկված կյանքերի թիվը. «Չենք հաշվել, այդպիսի խնդիր չկար»։

Պայքարել են յուրաքանչյուրի համար

Ըստ Դանիելյանի՝ Ստեփանակերտի հիվանդանոցում դեղորայքի պակաս չի եղել։ Հայկական տարբեր հիմնադրամների, առանձին անհատների համախմբվածության, օգնության շնորհիվ գրեթե ոչնչի պակաս չի եղել։

Ադրբեջանցու հետ ընկերություն անելու գինը. տավուշցիները անկլավների թեման փակված են համարում

«Արյան բոլոր բաղադրիչները, բոլոր սարքերը, բոլոր գործիքները գրեթե ամեն օր թարմացվում էին։ Հայրենասերների շնորհիվ, մասնավոր օգնության հաշվին։ Ոչ ոք պետության մասնակցությանը չէր սպասում։ Մարդիկ ինքնակազմակերպվել են, զանգում- հարցնում էին՝ ինչ է պետք։ Ես ճանաչում եմ հարյուրավոր մարդկանց, որոնք ընդգրկված են եղել  այդ գործընթացում», - ասում է Դանիելյանը։

Հիմնական խնդիրը վիրավորների մեծ թիվն էր։ Կային օրեր, երբ հատկապես դժվար էր։

Եվ չնայած պատերազմի օրենքների համաձայն՝ մարտական գործողությունների ժամանակ հաճախ առաջանում է «տեսակավորման» շատ ցավոտ հարցը (եթե բժիշկները հասկանում են, որ հիվանդին փրկելու հույս գրեթե չկա, ապա, որպես կանոն, նրանք փորձում են օգնել նրանց, ովքեր փրկվելու ավելի շատ հնարավորություն ունեն), Ստեփանակերտում այն չի եղել։

Տեղացիները առանց հանգստանալու աշխատում էին, բայց սփյուռքահայ բժիշկների դեսանտը թույլ էր տալիս օգնել նույնիսկ նրանց, ովքեր շատ քիչ շանսեր ունեին։

«Պայքարում էինք գործնականում յուրաքանչյուրի համար՝ ուժերը թույլ էին տալիս»,- ասում է Դանիելյանը։

Պատերազմն ու կորոնավիրուսը

Պատերազմից շատ առաջ Դանիելյանն արդեն վարակվել էր կորոնավիրուսով։ Սակայն Մոսկվա վերադառնալուց հետո պարզվել է, որ հակամարմինների տիտրերը նրա մոտ զգալիորեն աճել են։ Դա նշանակում է, որ նա հիվանդացել է ևս մեկ անգամ՝ արդեն Արցախում։

Արցախում կորոնավիրուսի վերաբերյալ տվյալներ, վիճակագրություն չի եղել։ Այն ժամանակ դժվար կլիներ վիճակագրություն վարել։ Բայց շատ բժիշկներ, ինչպես և Դանիելյանը, այդ ընթացքում հիվանդացել են։

«Նրանք շարունակում էին աշխատել, քանի որ երբ տասնյակ վիրավորներ են գալիս, մնացած բոլոր հարցերը երկրորդ պլան են մղվում։ Ոչ ոք չի փորձել ախտորոշումը անել, թեստեր հանձնել»,- նշում է վիրաբույժը։

Չնայած վիճակագրության բացակայությանը՝ նա վստահ է, որ դա մեծ խնդիր էր: Ամենայն հավանականությամբ, վարակվածները հիվանդությունը փոխանցել են միմյանց, այդ թվում՝ հիվանդանոցներում։

Հենց այդ պատճառով էլ  համավարակի ժամանակ պատերազմ սանձազերծելը  կրկնակի հանցագործություն է, որը հակասում է մարդասիրության բոլոր սկզբունքներին։

Ապրումները չեն օգնի

Արդեն այն բանից հետո, երբ Դանիելյանն ու նրա գործընկերները Մոսկվա վերադարձան, դեպրեսիայի մեջ ընկան։

«Պատերազմից հետո մեզ համար դժվար էր կենտրոնանալ մեր պլանային վիրահատությունների վրա։ Մենք հասկանում էինք, որ չենք կարող ստիպել մեզ անել այն սովորական վիրահատությունները, որոնք պատերազմից առաջ ենք արել», - ասում է Դանիելյանը։

«Խորը շունչ քաշեցի, տեսա` սաղ եմ». ինչպես է Գարիկը փրկել վիրավորներին և ինքն էլ ողջ մնացել

Բոլոր մտքերը զբաղված էին պատերազմի օրերով, վիրավորներով, նրանց շրջապատած մարդկանցով։ Վիճակը շատ հուզական էր, ծանր, բայց այն գիտակցումը, թե ինչ է կատարվել, ավելի ուշ եկավ։

«Երբ վիրահատում ես, փրկում ես մարդկանց, քեզ թվում է, որ դու կռվում ես ու իսկապես հաղթում ես։ Բայց երբ արդյունքներին ես հանդիպում, այդքան զոհերով ու տուժածներով... Դա շատ բարդ է», - հիշում է Դանիելյանը։

Ընկճախտից դուրս գալը երկար ու բարդ գործընթաց էր։ Անհնար էր ոչ միայն վիրահատել, այլև գիտական հոդվածներ գրել, ընդհանուր առմամբ նորմալ կյանքով ապրել։

Հետո պարզ դարձավ, որ մտորումները, հիշողություններն ու ապրումները չեն օգնի։ Այդ պատճառով բժիշկները որոշեցին անցնել գործնական քայլերի և կենտրոնանալ կրթական ծրագրերի վրա՝ յուրաքանչյուրն իր մասնագիտությամբ։

«Ես տորակալային վիրաբուժության (կրծքավանդակի օրգանների վիրաբուժություն- խմբ.) մասնագետ եմ։ Ընկերներիս հետ հունիսին Երևանում կրթական գիտաժողով եմ կազմակերպում։ 10 հայտնի մասնագետներ, պրոֆեսորներ են գալու Մոսկվայից և Սանկտ Պետերբուրգից», - ասում է Դանիելյանը։

Դա թույլ կտա բարձրացնել տեղի մասնագետների պրոֆեսիոնալիզմը, կնպաստի մասնագետների միջև գիտական և գործնական կապերի հաստատմանը։

Տեղացի բժիշկներին օգնելու համար Արցախ ժամանակ բժիշկ-վնասվածքաբան-օրթոպեդ Նորայր Զախարյանի հիշողությունների մասին, կարդացեք Sputnik Արմենիայի մեկ այլ նյութում:

304
թեգերը:
Մոսկվա, բժիշկ, Արցախյան պատերազմ
Ըստ թեմայի
«Դե, դե, ծալի՛ր ծունկդ, մի՛ վախեցիր». վիրավոր տղաները գերժամանակակից պրոթեզներ կունենան
Ծանր վիրավորված ժամկետային զինծառայողը կտեղափոխվի Գերմանիա՝ բուժումը շարունակելու համար
Որ զոհվածների տեղն էլ ապրենք. հոգեբանի շնորհիվ վիրավոր տղաները կփորձեն մոռանալ մղձավանջը
Ընտրություններ

Ընտրական հանցագործությունների դեպքերով 87 նյութ է ստացվել. կան հարուցված քրգործեր

9
(Թարմացված է 13:03 21.06.2021)
ՔԿ–ն հայտնել է, թե հիմնականում քրեական օրենսգրքի որ հոդվածներն են խախտվել ընտրությյուններ օրը։

ԵՐԵՎԱՆ, 21 հունիսի – Sputnik. Ընտրական իրավունքի իրականացմանը խոչընդոտելու առերևույթ հանցագործության դեպքերի վերաբերյալ հունիսի 21-ի ժամը 09:00-ի դրությամբ ստացվել և նախապատրաստվել է 87 նյութ, ինչպես նաև ստացվել է 2 քրեական գործ: Տեղեկությունը հայտնում է Քննչական կոմիտեն` ամփոփելով հունիսի 21-ի ժամը 09:00-ի դրությամբ ստացված տվյալները։

Նշված 89 դեպքերից 64-ը վերաբերում է քրեական օրենսգրքի 153-րդ հոդվածով նախատեսված՝ մեկից ավելի անգամ կամ այլ անձի փոխարեն քվեարկելու փորձին, 19-ը՝ 154-րդ հոդվածով նախատեսված՝ քվեարկության գաղտնիությունը խախտելուն, 1-ը՝ 154.4-րդ և 149.2-րդ հոդվածներով նախատեսված՝ զենքով տեղամասային կենտրոն մուտք գործելու և տեղամասային կենտրոնում և դրա մուտքին հարող տարածքում բռնություն գործադրելուն։

Բացի այդ, 1 դեպք էլ վերաբերում է 149-րդ հոդվածով նախատեսված՝ դիտորդի լիազորությունների իրականացմանը խոչընդոտելուն, ևս 2-ը՝ 149-րդ հոդվածով նախատեսված՝ ընտրական իրավունքի իրականացմանը խոչընդոտելուն, 1-ը՝ 149.2-րդ հոդվածով նախատեսված՝ տեղամասային կենտրոնում և դրա մուտքին հարող տարածքում բռնություն գործադրելուն, 1-ը՝ 154.1-րդ հոդվածով նախատեսված՝ կեղծ ընտրական քվեաթերթիկներ պատրաստելուն և իրացնելուն:

Զենքով տեղամասային կենտրոն մուտք գործելու և տեղամասային կենտրոնում և դրա մուտքին հարող տարածքում բռնություն գործադրելու, կեղծ ընտրական քվեաթերթիկներ պատրաստելու և իրացնելու, քվեարկության գաղտնիությունը խախտելու 1-ական դեպքերով հարուցվել է 3 քրգործ։ Քվեարկության գաղտնիությունը խախտելու դեպքով էլ 2 անձի տրվել է կասկածյալի դատավարական կարգավիճակ, և նրանց նկատմամբ խափանման միջոց է ընտրվել ստորագրություն չհեռանալու մասին:

Բաց ու թափանցիկ. ԱՊՀ դիտորդները լուրջ խախտումներ չեն արձանագրել ընտրությունների ընթացքում

Մնացած 86 դեպքերով լրացուցիչ նյութեր են նախապատրաստվում:

Նշենք, որ ԿԸՀ–ն արդեն ամփոփել է բոլոր 2008 ընտրատեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։

Հիշեցնենք` հունիսի 20–ին, ժամը 08։00–20։00–ն Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցել են 1 281 174–ը կամ 49.4 տոկոսը։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

9
թեգերը:
խախտում, Քննչական կոմիտե, Ընտրություններ
թեմա:
ԱԺ արտահերթ ընտրություններ 2021
Ըստ թեմայի
Նիկոլ Փաշինյանը քվեարկության արդյունքների ամփոփումից հետո գրառում է արել
Փաշինյանը հայտնել է, թե ՔՊ-ն քանի մանդատ կստանա
Քաղաքական ուժերի՝ մանդատներից հրաժարվելու տարբերակ օրենքը չի նախատեսում. Մուկուչյան
Արխիվային լուսանկար

Շիրակի մարզում ընտրողներին կաշառելու գործով ձերբակալվել է 5 անձ

59
(Թարմացված է 12:29 21.06.2021)
Արթիկ քաղաքի 12 բնակարաններից խուզարկությամբ հայտնաբերվել են առանձնապես խոշոր չափերի գումարներ և ընտրողների ցուցակներ:

ԵՐԵՎԱՆ, 21 հունիսի – Sputnik. ՀՀ Շիրակի մարզի Արթիկ քաղաքի մի խումբ բնակիչներ նախնական համաձայնությամբ ԱԺ արտահերթ ընտրություններին մասնակցելու ու մանակից ուժերի դաշինքներից մեկի օգտին կողմ քվեարկելու համար ընտրողներին անձամբ և միջնորդների միջոցով առաջարկել ու տրամադրել են տարբեր չափի կաշառքներ, տեղեկացնում են Հատուկ քննչական ծառայությունից։

Դեպքի առիթով ԱԱԾ–ում հարուցված ու ՀՔԾ–ում քննվող քրեական գործի շրջանակներում խուզարկություններ են կատարվել Արթիկ քաղաքի 12 բնակարաններում, որտեղից հայտնաբերվել են ընտրողներին կաշառք տալու, ստանալու և կաշառքի միջնորդության փաստերը հաստատող, ապացույցներ, այդ թվում` առանձնապես խոշոր չափերի գումարներ և ընտրողների ցուցակներ:

Մի խումբ անձանց կողմից նախնական համաձայնությամբ ընտրողներին կաշառք տալու կասկածանքով ձերբակալվել է 5 անձ:

Նախաքննությունը շարունակվում է:

Նշենք, որ ԿԸՀ–ն արդեն ամփոփել է բոլոր 2008 ընտրատեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։

Ռուբեն Խլղաթյանը պետք է փող տար 147 ընտրողի. ՀՔԾ-ում կաշառքի գործերով 8 կասկածյալ կա

Հիշեցնենք` հունիսի 20–ին, ժամը 08։00–20։00–ն Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցեցին 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։

Ըստ օրենքի` եթե անցողիկ շեմը հաղթահարում են միայն երկու քաղաքական ուժ, ապա մանդատներ է ստանում նաև առավելագույն թվով ձայներ հավաքած երրորդ ուժը։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

59
թեգերը:
Հատուկ քննչական ծառայություն (ՀՔԾ), Կաշառք, Ընտրություններ
թեմա:
ԱԺ արտահերթ ընտրություններ 2021
Ըստ թեմայի
Թալինցի ընտանիքը բերման է ենթարկվել ընտրակաշառք ստանալու կասկածանքով
Տեղամասում բռնություն գործադրելու փաստով հարուցվել է մեկ քրեական գործ. նոր տվյալներ
Կաշառք տալու մեջ մեղադրվող ԲՀԿ պատգամավորի թեկնածու Արամայիս Ապրոյանը կալանավորվել է
Բուշերի ատոմակայան

Բուշերի ԱԷԿ-ի վրա հարձակում չի եղել․ Իրանի ԱԳՆ ներկայացուցիչ

0
ԱԷԿ-ի աշխատանքը ամեն տարի մի քանի օրով դադարեցվում է տեխնիկական սպասարկման նպատակով:

ԵՐԵՎԱՆ, 21 հունիսի – Sputnik. «Բուշեր» ատոմակայանը հարձակման չի ենթարկվել, դրա աշխատանքը դադարեցվել է տեխնիկական անսարքության պատճառով: Այդ մասին մամուլի ասուլիսի ժամանակ հայտարարել Է Իրանի ԱԳՆ պաշտոնական ներկայացուցիչ Սաիդ Խաթիբզադեհը, փոխանցում է ՌԻԱ Նովոստին։

««Բուշեր» ատոմակայանը որևէ հարձակման չի ենթարկվել, այն կանգնեցրել են տեխսպասարկման համար՝ տեխնիկական անսարքության պատճառով»,-հայտարարել է նա։

Խաթիբզադեհի խոսքով՝ ԱԷԿ-ի աշխատանքը ամեն տարի մի քանի օրով դադարեցվում է տեխնիկական սպասարկման նպատակով:

Իրանի արտաքին քաղաքական գերատեսչության պաշտոնական ներկայացուցիչը հայտնել է նաև, որ կայանը կանգնեցվել է մի քանի օրով՝ մինչև անսարքության ամբողջական վերացումը:

«Բուշեր» ԱԷԿ-ի էներգաբլոկների կառուցումը համարվում է ռուս-իրանական խոշորագույն նախագիծը։ Ռուսաստանի մասնակցությամբ կառուցված ատոմակայանի առաջին բլոկը Իրանի ազգային էներգահամակարգին միացվել է 2011թ․-ի սեպտեմբերին։ Ռուսաստանն Իրանին մատակարարում է առաջին բլոկի ռեակտորի աշխատանքի համար անհրաժեշտ միջուկային վառելիքը։



0