ԵՐԵՎԱՆ, 19 մայիսի - Sputnik. Կանադայի Տորոնտո քաղաքում տեղի է ունեցել լուռ բողոքի ակցիա, որի մասնակիցները պահանջել են ազատ արձակել Ադրբեջանում պահվող հայ գերիներին։
Ակցիայի մասնակիցները պարզել են պաստառներ «Ադրբեջանը պետք է հարգի միջազգային օրենքները», «6 ամիս է անցել պատերազմի ավարտից, իսկ մեր ռազմագերիները դեռ գերության մեջ են», «Ազատություն 200+ հայ ռազմագերիներին ու պատանդներին» գրություններով։
Հիշեցնենք, որ եռակողմ հայտարարությամբ հրադադար հայտարարելուց ի վեր Հայաստան է վերադարձել 73 հայ գերի։
Ոչ պաշտոնական տվյալներով՝ Ադրբեջանում գերության մեջ են գտնվում մոտ 200 մեր հայրենակիցներ։
