Քննություններ

Հայտնի են միասնական քննությունների օրերը

306
(Թարմացված է 14:34 13.05.2021)
Միասնական քննությունները կմեկնարկեն հունիսի 8-ին և կավարտվեն հունիսի 25-ին։

ԵՐԵՎԱՆ, 13 մայիսի- Sputnik. Գնահատման և թեստավորման կենտրոնը հայտարարել է այս տարվա միասնական քննությունների օրերը։ Տեղեկությունը Sputnik Արմենիային հայտնեց ԳԹԿ մամուլի քարտուղար Խաչանուշ Գրիգորյանը։

Նշենք, որ միասնական քննությունները կմեկնարկեն հունիսի 8-ին և կավարտվեն հունիսի 25-ին։

Այսպիսով, առաջին քննությունը կլինի «Կենսաբանություն», «Աշխարհագրություն» և «Համաշխարհային պատմություն» առարկաներից` հունիսի 8-ին։ «Օտար լեզուների» քննությունը կլինի հունիսի 11-ին, իսկ «Հայոց լեզու և հայ գրականությունը»՝ հունիսի 15-ին։

«Մաթեմատիկա» առարկայից քննություն կհանձնեն հունիսի 18-ին, իսկ «Հայոց պատմությունն» ու «Ֆիզիկան»՝ հունիսի 22-ին։ Քննությունները կամփոփվեն «Քիմիա» ու «Ռուսաց լեզու» առարկաների քննություններով հունիսի 25-ին:

Հիշեցնենք, որ բուհերում ընդունելությունն այս տարի կկատարվի 2 փուլով: Դիմորդներն առաջին փուլով միայն 1 բուհ և 1 մասնագիտություն կընտրեն վճարովի և անվճարի տեղերի համար ու կլրացնեն հայտը։ Այն դիմորդները, որոնք չեն ընդունվել առաջին փուլով, երկրորդ փուլում կարող են դիմել 6 տարբեր մասնագիտություններով թափուր մնացած տեղերի համար։

Ռազմական բուհերի` պատերազմական փորձ չունեցող դասախոսներին կուղարկեն բանակ

306
թեգերը:
դիմորդ, բուհ, Քննություն
Ըստ թեմայի
ՀՀ նախագահն ընդունել է բուհերի ռեկտորներին. օրակարգում աղմկահարույց օրենքն է
Ռազմական բուհի կանացի դեմքը. նրանց կողքին տղամարդիկ ավելի կարգապահ են դառնում
Բուհերի քաղաքականացման դեմ պայքարողները, գալով իշխանության, արեցին հակառակը. Մխիթարյան
Ձեռնաշղթա

30 հազար դրամ՝ 2-ին. Վեդիում ոստիկանները ընտրակաշառքի դեպք են բացահայտել

6
(Թարմացված է 16:47 20.06.2021)
43-ամյա տղամարդը 30 հազար դրամ է տվել, որպեսզի 2 մարդ քվեարկեն ԱԺ արտահերթ ընտրություններին մասնակցող դաշինքներից մեկի օգտին։

ԵՐԵՎԱՆ, 20 հունիսի - Sputnik. Ոստիկանության Արարատի բաժնի քրեական հետախույզներն ընտրակաշառքի վերաբերյալ օպերատիվ տվյալ են ստացել ու բացատրական աշխատանք իրականացրել, ինչի շնորհիվ հունիսի 19-ին բաժին է ներկայացել Վեդի քաղաքի բնակիչներից մեկն ու հայտնել, որ մի անձ իրեն 30 հազար դրամ է տվել, որպեսզի ինքն ու կինը քվեարկեն ԱԺ արտահերթ ընտրություններին մասնակցող դաշինքներից մեկի օգտին։ Տեղեկացնում են ՀՀ ոստիկանությունից։

Հունիսի լույս 20-ի գիշերը Վեդիի 43-ամյա բնակիչը հայտնաբերվել ու բերման է ենթարկվել ոստիկանության Արարատի բաժին։ Դեպքի առթիվ քրեական գործ է հարուցվել։ Տղամարդը ձերբակալվել է։ 

Հայաստանի Հանրապետությունում ժամը 08:00-ից մեկնարկել է արտահերթ խորհրդարանական ընտրությունների քվեարկությունը. ընտրատեղամասերը կփակվեն 20։00-ին: Ընտրություններին մասնակցում է 25 քաղաքական ուժ՝ 21 կուսակցություն և 4 դաշինք: Ընտրությունների ընտրողների ցուցակներում ժամը 09։00-ի դրությամբ ընդգրկված է 2 միլիոն 593 հազար 572 ընտրող։ Քվեարկությունը կազմակերպելու նպատակով կազմավորվել է 2008 ընտրական տեղամաս։

6
թեգերը:
Ձերբակալություն, Կաշառք, Ընտրություններ
Առինջի ընտրատեղամասերից մեկում

ՄԻՊ աշխատակազմն ուսումնասիրել է ընտրություններին վերաբերող 59 ահազանգ ու 570 հրապարակում

22
(Թարմացված է 16:24 20.06.2021)
Սոցցանցերի ու լրատվամիջոցների հրապարակումներում ավելի շատ բարձրացվել են քվեաթերթիկի տրամադրման կարգի խախտումներին, քաղաքացիների ու զինծառայողների ուղղորդված քվեարկության դեպքերի վերաբերյալ հարցեր։

ԵՐԵՎԱՆ, 20 հունիսի – Sputnik. Ժամը 15։00-ի դրությամբ ՀՀ Մարդու իրավունքների պաշտպանի աշխատակազմը ստացել է 59 ահազանգ ու դիմում, ուսումնասիրվել է սոցիալական ցանցերի ու լրատվամիջոցների 570 հրապարակում։

Աշխատակազմի թեժ գծին ստացված ահազանգերը հիմնականում վերաբերել են ընտրատեղամասի մատչելիությանը, հաշմանդամություն ունեցող անձի տեղամասային կենտրոններ ինքնուրույն ներկայանալու անհնարինությանը, ընտրողների լրացուցիչ ցուցակներում ընդգրկելու խնդրին, քվեարկության կարգի խախտմանը և այլն։

Սոցցանցերի ու լրատվամիջոցների հրապարակումներում ավելի շատ բարձրաձայնվել են քվեաթերթիկի տրամադրման կարգի խախտումներ, քաղաքացիների ու զինծառայողների ուղղորդված քվեարկության դեպքեր։

Պաշտպանի ներկայացուցիչներն իրականացրել են մի քանի արագ արձագանքման այցեր, այդ թվում` ոստիկանության ստորաբաժանումներ: Պարզաբանումներ են ստացվել Կենտրոնական ընտրական հանձնաժողովից, Պաշտպանության նախարարությունից, Նորքի տուն-ինտերնատից: Հատուկ ուշադրություն է դարձվել դիտորդների ու լրագրողների անխոչընդոտ աշխատանքների ապահովման հարցերին:

Քվեարկած թերթիկը լուսանկարելն ու տարածելն արգելված է օրենքով. ՄԻՊ

Հիշեցնենք, որ Պաշտպանի հանձնարարությամբ ստեղծված աշխատանքային խումբը վաղ առավոտից իրականացնում է ընտրական գործընթացի անկախ դիտարկում է ինչպես աշխատակազմի կենտրոնական, այնպես էլ Շիրակի, Գեղարքունիքի, Սյունիքի և Տավուշի մարզային ստորաբաժանումներում:

Պաշտպանի աշխատակազմում գործում է թեժ գիծ` 116 կամ (096) 116 100 հեռախոսահամարով:

Նշենք, որ այսօր առավոտյանը ժամը 08։00–ին Հայաստանում մեկնարկել են ԱԺ արտահերթ ընտրությունները 2008 ընտրատեղամասերում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջագային և օտարերկրյա դիտորդական առաքելություն իրականացնող կազմակերպությունների 833 միջազգային դիտորդներ։

Զինվորների` ուղղորդված քվեարկության մասին լուրերն անհիմն են. ՊՆ

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

22
թեգերը:
Ընտրություններ, խախտում, ՀՀ ՄԻՊ
Ըստ թեմայի
Դատախազությունը հիշեցնում է` քվեարկության գաղտնիությունը խախտելը հանցագործություն է
Ամենայն հայոց կաթողիկոսը կատարեց իր ընտրությունը
«Լռության օր է». Լևոն Տեր-Պետրոսյանը լուռ քվեարկեց ու հեռացավ. տեսանյութ