կորոնավարիսուս, հայաստան, կարանտին, թեստ, koronavirus, hayastan, karantin, test
Արխիվային լուսանկար

Կորոնավիրուսային համավարակի կարանտինի սահմանափակումներից մի քանիսը հանվեցին

167
(Թարմացված է 14:31 06.05.2021)
Կորոնավիրուսի դեմ պատվաստված անձինք Հայաստան մուտք կգործեն առանց ՊՇՌ թեստ հանձնելու։

ԵՐԵՎԱՆ, 6 մայիսի – Sputnik. Կորոնավիրուսի դեմ կրկնակի պատվաստման հավատագիր ներկայացնող անձինք կկարողանան Հայաստան մուտք գործել առանց ՊՇՌ թեստ հանձնելու։

Այս մասին այսօր ՀՀ կառավարության նիստում հայտարարեց ՀՀ առողջապահության նախարարի պաշտոնակատար Անահիտ Ավանեսյանը` ներկայացնելով կարանտինի սահմանափակումների մասին 2020թ–ին ընդունված որոշման մեջ փոփոխություններ կատարելու որոշման նախագիծը։

«Այսինքն` ՊՇՌ թեստի բացասական արդյունքն ու պատվաստման կանաչ անձնագիրը հավասարապես կգործեն որպես մեր երկրի սահմանի հատման պահանջ»,– ասաց Ավանեսյանը` հատուկ ընդգծելով, որ այս փոփոխությունը վերաբերում է բացառապես ՀՀ մուտք գործողներին, իսկ Հայաստանից այլ երկիր մեկնելու համար գործում են տվյալ երկրում ընդունված պահանջները։

Նշենք, որ պատվաստման սերտիֆիկատով մուտքի իրավունքն այսօր գործում է արդեն Իսլանդիայում, Իսրայելում, Էստոնիայում, Լեհաստանում, Լիտվայում, Սան Մարինոյում, Վրաստանում, Ռումինիայում, Սլովենիայում, Նորվեգիայում, Չեռնոգորիայում:

Մի շարք երկրներ էլ, օրինակ, Դանիան, Շվեդիան, Հունգարիան, Հունաստանը, Իսպանիան, Սերբիան նախատեսում են կիրառել միջազգային ճանապարհորդների համար COVID-19-ի դեմ պատվաստումը հավաստող փաստաթղթի պահանջ։

425 նոր դեպք, 14 մահ` մեկ օրում. կորոնավիրուսային հիվանդության ընթացքը Հայաստանում

Անահիտ Ավանեսյանը հայտնեց, որ կառավարությունը վերանայել է նաև մինչև 1 տարեկան երեխաների համար գործող սահմանափակումները։ «Նրանց համար երկիր մուտք գործելու ՊՇՌ թեստավորման պահանջը հանել ենք, քանի որ հիմա ճանապարհորդելու սեզոնը բացվում է, և ուսումնասիրություններ անելով հանգեցինք եզրակացության, որ եթե ընտանիքի այլ անդամների մոտ թեստը բացասական է, ապա շատ մեծ է հավանականությունը, որ մինչև 1 տարեկան երեխան այլոց հետ չի շփվում և նրա թեստի արդյունքը բացաական կլինի»,– ասաց Ավանեսյանը։

Կառավարությունը հաստատեց որոշումը։ Այն ուժի մեջ կմտնի պաշտոնական հրապարակման օրվան հաջորդող տասներորդ օրը:

167
թեգերը:
Հայաստան, կարանտին, թեստ, կորոնավիրուս
թեմա:
Կորոնավիրուսը Հայաստանում և Արցախում (1907)
Ըստ թեմայի
Կորոնավիրուսի դեմ պատվաստումների համար առևտրի խոշոր կենտրոններում էլ բուժկետեր կգործեն
Կորոնավիրուսից մահացել է հայտնի կենդանավարժ Միխայիլ Բաղդասարովը
Հայաստանում շուրջ 6000 անձ է պատվաստվել կորոնավիրուսի դեմ. Անահիտ Ավանեսյան
Նիկոլ Փաշինյանն ընդունել է «Տաշիր» ընկերությունների խմբի նախագահ Սամվել Կարապետյանին

Նիկոլ Փաշինյանն ընդունել է «Տաշիր» ընկերությունների խմբի նախագահ Սամվել Կարապետյանին

3
(Թարմացված է 19:56 24.06.2021)
Քննարկվել են «Տաշիր» ընկերությունների խմբի կողմից իրականացվող ներդրումային ծրագրերի ընթացքն ու ապագայում նախատեսվող նախագծերը։

ԵՐԵՎԱՆ, 24 հունիսի - Sputnik. Վարչապետի պաշտոնակատար Նիկոլ Փաշինյանն ընդունել է «Տաշիր» ընկերությունների խմբի նախագահ, «Հայաստանի ներդրողների ակումբի» հիմնադիր Սամվել Կարապետյանին, տեղեկացնում են ՀՀ վարչապետի աշխատակազմից:

Հանդիպմանը զրուցակիցներն անդրադարձել են տնտեսության ոլորտում ՀՀ կառավարության ծրագրերին, գործարար միջավայրի բարելավմանն ուղղված քայլերին ու բարեփոխումներին: Այդ համատեքստում քննարկվել են «Տաշիր» ընկերությունների խմբի կողմից իրականացվող ներդրումային ծրագրերի ընթացքն ու ապագայում նախատեսվող նախագծերը։

Սամվել Կարապետյանը վստահեցրել է, որ բոլոր մեկնարկած ծրագրերը լինելու են շարունակական:

3
թեգերը:
հանդիպում, Սամվել Կարապետյան, Նիկոլ Փաշինյան
Ըստ թեմայի
Բանալի բառը «բոլորի վարչապետ լինելն է»․ հանդիպել են Նիկոլ Փաշինյանն ու Արամ Սարգսյանը
Նիկոլ Փաշինյանը ընտրություններին պարտված ուժերին կընդգրկի մի մարմնում. «Հրապարակ»
Արմեն Սարգսյանն ընդունել է Վահան Քերոբյանին ու FAST–ի տնօրենին. ի՞նչ են քննարկել
Տարոն Տոնոյան

Մարզպետները գյուղապետներին կանչում են ու ասում՝ դիմում գրեք, հեռացեք. Տարոն Տոնոյան

30
Տարոն Տոնոյանի խոսքով` իշխանություններն ուզում են ազգի իմունիտետը կոտրել, որ հետո ԱԺ բերեն հայ-թուրքական հաշտության պայմանագիրը։

ԵՐԵՎԱՆ, 24 հունիսի – Sputnik. «Հայաստան» դաշինքի ցուցակի անդամ, բժիշկ Տարոն Տոնոյանը ՀՀ դատախազության մոտ ի պաշտպանություն «Հայաստան» դաշինքի անդամ պրոֆեսոր Արմեն Չարչյանի իրականացվող բողոքի ակցիայի ժամանակ հայտարարեց, որ իրենք հավաքվել են ոչ թե դատախազությունից ներողամտություն, մեծահոգություն հայցելու, այլ արդարադատություն պահանջելու:

«Եթե դուք արդարադատություն եք իրականացնում, ապա որտե՞ղ են ձեր մարզպետները, որոնք գյուղապետներին կանչում են և ասում ՝ դիմում գրեք ու հեռացեք: Որտե՞ղ են ձեր նախարարներն ու փոխնախարարները, որոնք նույնիսկ քաղծառայողներին են կանչում և ասում՝ դիմում գրեք, հեռացեք: Հարցնում են՝ ինչի՞ համար դիմում գրեմ, ՏԻՄ ընտրություններին մնացել է 2 ամիս: Ասում են՝ ոչ, հիմա պետք է գրեք: Սա ուժի ցուցադրություն է, սա երկաթյա մանդատի, դիկտատուրայի ցուցադրություն է: Ձախողվելու են, բայց իրենց ձախողումը նաև մեր երկրի ձախողումն է: Ցավը դա է»,-ասաց Տոնոյանը:

Նրա խոսքով` իշխանություններն ուզում են ազգի իմունիտետը կոտրել, որ հետո ԱԺ բերեն հայ-թուրքական հաշտության պայմանագիրը։

«Չի՛ լինելու, մենք ոտքի վրա ենք կանգնած: Արմեն Չարչյանը մեզ համար սիմվոլ է»,–ասաց Տոնոյանը:

Հիշեցնենք, որ Չարչյանին մեղադրանք է առաջադրվել ՀՀ քրեական օրենսգրքի 154.2-րդ հոդվածի հատկանիշներով՝ ընտրողներին կաշառք տալը, ստանալը, ընտրությունների ժամանակ բարեգործության արգելքի խախտումը կամ ընտրողի ազատ կամքի իրականացմանը խոչընդոտելը։

Նա իրեն առաջադրված մեղադրանքը չի ընդունում:

Մայր աթոռը հորդորում է անհապաղ ազատ արձակել Արմեն Չարչյանին

Նշենք, որ ըստ ՀՔԾ քննիչի, եթե Չարչյանը մնա ազատության մեջ, կթաքնվի վարույթն իրականացնող մարմնից ու կխոչընդոտի գործի քննությանը։

Հավելենք, որ Չարչյանին ձերբակալելը դատարանը ճանաչել էր ոչ իրավաչափ։ Նա ազատ արձակվելուց հետո ասուլիս էր տվել, որի ժամանակ անդրադարձել էր հարուցված քրեական գործին ու պնդել, որ այն «կարված գործ է»։

Պահանջը մեկն է՝ անհապաղ ազատ արձակել. բողոքի ակցիա՝ ի պաշտպանություն Արմեն Չարչյանի

30
թեգերը:
Հայաստան, Ընտրություններ, Մարզպետ, Գյուղապետ, Տարոն Տոնոյան
Ըստ թեմայի
Սա քաղաքական տեռոր է․ Արմեն Չարչյանը՝ իր դեմ հարուցված քրեական գործի մասին
Կապրենք, կտեսնենք. Ավանեսյանը չի բացառում, որ երաշխավորագիր կներկայացնի Չարչյանի համար
Արման Թաթոյանն այցելել է «Շենգավիթ» ԲԿ` Արմեն Չարչյանին տեսակցելու
Արմեն Չարչյանի փաստաբանները դիմել են գլխավոր դատախազին և 50 մլն դրամ գրավ առաջարկել