Отдыхающие на озере Севан

Զբոսաշրջիկների հոսքը Հայաստան կրճատվել է 72%-ով. ինչո՞ւ են փորձագետները գոհ

160
(Թարմացված է 17:10 05.05.2021)
Հայաստանում 2021 թվականի առաջին եռամսյակի արդյունքներով զբոսաշրջիկների հոսքը կրճատվել է 72%-ով։ Sputnik Արմենիայի թղթակիցը փորձել է հասկանալ՝ ինչ հետևանքներ դա կարող է ունենալ ոլորտի համար ու ինչ են նշանակում այդ թվերը։

ԵՐԵՎԱՆ, 6 մայիսի -Sputnik, Լաուրա Սարգսյան. Հայաստանը 2021 թվականի առաջին եռամսյակի արդյունքներով զբոսաշրջային այցելությունների առումով վատ ցուցանիշ չի գրանցել, հատկապես՝ եթե հաշվի առնենք, թե ինչ վիճակում է երկիրը հայտնվել Արցախում պատերազմից ու համավարակից հետո։ Sputnik Արմենիայի թղթակցի հետ զրույցում նման կարծիք հայտնեց Հայաստանի զբոսաշրջության ֆեդերացիայի նախագահ Մեխակ Ապրեսյանը։

Հայաստանի էկոնոմիկայի նախարարության Զբոսաշրջության կոմիտեի տվյալների համաձայն՝ առաջին եռամսյակում Հայաստան է ժամանել 86 հազար 524 մարդ, ինչը 72 տոկոսով պակաս է, քան 2020 թվականի նույն ժամանակահատվածում (307 հազար 590)։

Այս տարի ամենաշատ զբոսաշրջիկները ժամանել են օդային ճանապարհով՝ 65 հազար 505 մարդ։ Ցամաքային ճանապարհով Հայաստան է հասել 21 հազար 19 մարդ։ Նրանցից «Զվարթնոցով»՝ 59 հազար 123, «Բագրատաշեն» անցակետով՝ 8 հազար 773, Գյումրիով՝ 5 հազար 271, Մեղրիով՝ 6 հազար 939, Բավրայով՝ 4 հազար 376, Գոգավանով՝ 931, Էրեբունիով՝ 968, Կարգոյով՝ 143։

Ընդ որում, Հայաստան է ժամանել 24 հազար 545 կին ու 61 հազար 979 տղամարդ։ Զբոսաշրջիկների գերակշռող տարիքային կատեգորիան 36-63 տարեկանն է (50 հազար 78 մարդ), 26-ից մինչև 35 տարեկան 20 հազար 571 մարդ, 18-ից 25 տարեկան տարիքային խմբում՝ 6 հազար 807 մարդ, մինչև 15 տարեկան՝ 4 հազար 849, 64 ու բարձր՝ 3 հազար 625, 16 - ից 17՝ 594 մարդ:

Զբոսաշրջիկների մեծ մասը՝ 31 հազար 331 մարդ, հունվար-մարտ ամիսներին ժամանել է Ռուսաստանից։ Երկրորդ տեղում իրանցի զբոսաշրջիկներն են՝ 9 հազար 548 մարդ։ Երրորդ տեղում Վրաստանն է, որտեղից առաջին երեք ամսվա ընթացքում ժամանել է 9 հազար 281 մարդ։ Չորրորդ ու հինգերորդ հորիզոնականները կիսում են ԱՄՆ-ն՝ 2 հազար 101 և Ուկրաինան ՝ 2 հազար 75 մարդ:

Մալթան պատրաստ է մինչև 200 եվրո վճարել յուրաքանչյուր զբոսաշրջիկի

Չնայած այդ ամենին,  Ապրեսյանն այդ ցուցանիշները լավն է համարում՝ հաշվի առնելով բոլոր այն բացասական գործոնները, որոնք կարող էին տուրիստական այցելությունների մակարդակը զրոյի հասցնել։

«Անցյալ տարվա ցուցանիշը մինչև մարտի 16-ը գրանցված տվյալներն են, հետո լոքդաուն հայտարարվեց։ Այսօրվա ցուցանիշները խոսում են որոշակի ակտիվության և դրական դինամիկայի մասին»,- ասաց Ապրեսյանը։

Նա նշեց, որ 2020 թվականին Հայաստան է այցելել ընդամենը 375 հազար մարդ, որոնցից 307 հազարը՝ մինչև մարտի 16-ը: Իսկ հիմա առաջին եռամսյակում երկիր է ժամանել ավելի շատ այցելու, քան 2020 թվականի ինն ամսում։

Ապրեսյանը հիշեցրեց, որ առաջին եռամսյակը միշտ պասիվ է, ուստի առաջիկայում միանշանակ զբոսաշրջային հոսքի աճ կգրանցվի:

«Դա խոսում է նաև այն մասին, որ երկիրը ներուժ ունի, և մենք պետք է աշխատենք։ Դրսից հետաքրքրություն կա, պետք է ակտիվացնել ոլորտը»,- ասաց Ապրեսյանը։

Նա չի բացառում, որ այս միտումը թույլ կտա հասնել 2019 թվականի ցուցանիշների մինչև 50%-ին։

Ինչ վերաբերում է Հայաստան զբոսաշրջիկներ «ուղարկող» երկրների առաջին հնգյակին՝ Ապրեսյանը նշեց, որ ցուցանիշները փոխվել են, սակայն ոչ այնքան կտրուկ։ Ռուսաստանը շարունակում է առաջատար մնալ այցելուների թվով։ Իրանն ու Վրաստանը նույնպես վերջին տարիներին հնգյակում են եղել։

Հիշեցնենք, որ ՀՀ էկոնոմիկայի նախարարության 2020 թվականի հունվար–սեպտեմբեր ամիսների տվյալներով` 2019 թվականի նույն ժամանակահատվածի համեմատ զբոսաշրջիկների թիվը կրճատվել է 75,5%–ով։ Անցած 2020-ին Հայաստան է այցելել 327 735 մարդ։ Ընդ որում, անցած տարվա համար մասնագետները զբոսաշրջային հոսքի 14-15% աճ էին կանխատեսել։ Զբոսաշրջության համաշխարհային կազմակերպության 2020 թվականի հունվար–հոկտեմբեր ամիսների տվյալներով` զբոսաշրջային ոլորտում անկումը կազմել է 72%. Զբոսաշրջիկների թիվը 2019-ի համեմատ 900 մլն-ով պակաս է գրանցվել։

160
թեգերը:
Մեխակ Ապրեսյան, Հայաստան, զբոսաշրջություն
Ըստ թեմայի
Ի՞նչ անել, որ զբոսաշրջիկների համար Հայաստանը վտանգավոր երկրների ցանկից դուրս գա
Գորիսում զբոսաշրջությունը ծանր վիճակում է. ի՞նչ է առաջարկում իմքայլական պատգամավորը
Զբոսաշրջային սեզոնը մոտենում է․ ո՞ր երկրներ կարող են մեկնել հայաստանցիները
Արխիվային լուսանկար

Հայտնի է` ինչու է ժամը 21:00–ից հետո ՀՀ տարբեր մարզերում էլեկտրականությունն անջատվել

369
(Թարմացված է 23:49 20.06.2021)
Sputnik Արմենիան այս հարցով պարզաբանում է ստացել «Էլեկտրաէներգետիկական համակարգի օպերատոր» պետական ձեռնարկության տնօրեն Մնացական Մնացականյանից։

ԵՐԵՎԱՆ, 20 հունիսի – Sputnik․ Հայաստանի տարածքում քվեաթերթիկների հաշվարկը սկսելուց հետո հոսանքազրկումները կապված են եղել «Ալավերդի» բարձր լարման գծում առաջացած խնդիրների հետ։ Տեղեկությունը Sputnik Արմենիային հայտնեց «Էլեկտրաէներգետիկական համակարգի օպերատոր» պետական ձեռնարկության տնօրեն Մնացական Մնացականյանը։ 

Նրա խոսքով` խնդիրներն ի հայտ են եկել, երբ Հայաստանը հերթական անգամ հոսանք էր ներմուծում Վրաստանից (երկու երկրները պարբերաբար հոսանք են փոխանակում կարճաժամկետ պակասուրդի դեպքում)։

Այդ դեպքում Հայաստանի էներգահամակարգի մի մասը միացվում է վրացականին կամ հակառակը։

Հերթական այդպիսի միացումը կատարվել էր ժամը 21:00–ից հետո։ 21:40–ի սահմաններում խնդիր էր առաջացել «Ալավերդի» գծի վրա, որը ներհոսք էր ընդունում Վրաստանից` Շիրակի և Լոռու մարզերի համար։ Խափանումից անմիջապես հետո այս երկու մարզերը հետ էին միացվել Հայաստանի համակարգին։

Հիշեցնենք` Հայաստանի տարբեր մարզերից ահազանգում էին հոսանքազրկումների մասին։ «Հայաստանի էլեկտրական ցանցեր» ՓԲԸ մամուլի պատասխանատու Նատալյա Սարջանյանը Sputnik Արմենիայի հետ զրույցում նշել էր, որ խնդիրը որևէ կապ չունի ՀԷՑ-ի հետ։

369
թեգերը:
Մարզ, Հայաստան, էլեկտրաէներգիա
Ըստ թեմայի
Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է
Ինչպես է ընթանում քվեաթերթիկների հաշվարկը Երևանում․ տեսանյութ
Էլեկտրոնային քվեարկության արդյունքները հայտնի են. Տիգրան Մուկուչյանն ամփոփեց տվյալները
Քննչական կոմիտե

Փորձել են քվեարկել 1-ից ավելի անգամ կամ ուրիշի փոխարեն․ ՔԿ

42
(Թարմացված է 23:02 20.06.2021)
Քվեարկությունը գաղտնիությունը խախտելու դեպքով գրանցվել է քրեական գործ, 2 անձի տրվել է կասկածյալի կարգավիճակ, ընտրվել է խափանման միջոց։

ԵՐԵՎԱՆ, 20 հունիսի – Sputnik․ ՀՀ քննչական կոմիտեում ժամը 21:00-ի դրությամբ ընտրական իրավունքի իրականացմանը խոչընդոտելու առերևույթ հանցագործության դեպքերի վերաբերյալ ստացվել և նախապատրաստվել է 66 նյութ, ինչպես նաև ստացվել է 2 քրեական գործ: Տեղեկությունը հայտնում է ՀՀ քննչական կոմիտեի մամուլի ծառայությունը։

«Նշված 68 դեպքերից 48-ը վերաբերում են ՀՀ քրեական օրենսգրքի 153-րդ հոդվածով նախատեսված՝ մեկից ավելի անգամ կամ այլ անձի փոխարեն քվեարկելուն, 16-ը՝ ՀՀ քրեական օրենսգրքի 154-րդ հոդվածով նախատեսված՝ քվեարկության գաղտնիությունը խախտելուն, 1-ը՝ ՀՀ քրեական օրենսգրքի 154.4-րդ և 149.2-րդ հոդվածներով նախատեսված՝ զենքով տեղամասային կենտրոն մուտք գործելուն և տեղամասային կենտրոնում և դրա մուտքին հարող տարածքում բռնություն գործադրելուն, 1-ը՝ ՀՀ քրեական օրենսգրքի 149-րդ հոդվածով նախատեսված՝ դիտորդի լիազորությունների իրականացմանը խոչընդոտելուն, 1-ը՝ ՀՀ քրեական օրենսգրքի 149.2-րդ հոդվածով նախատեսված՝ տեղամասային կենտրոնում և դրա մուտքին հարող տարածքում բռնություն գործադրելուն, 1-ը՝ ՀՀ քրեական օրենսգրքի 154.1-րդ հոդվածով նախատեսված՝ կեղծ ընտրական քվեաթերթիկներ պատրաստելուն և իրացնելուն»,- նշված է հաղորդագրության մեջ:

Այսօր հարուցվել է 3 քրեական գործ՝ զենքով տեղամասային կենտրոն մուտք գործելու և տեղամասային կենտրոնում և դրա մուտքին հարող տարածքում բռնություն գործադրելու, կեղծ ընտրական քվեաթերթիկներ պատրաստելու և իրացնելու, քվեարկության գաղտնիությունը խախտելու 1-ական դեպքերով։

Որ ուժը որքան գումար է ծախսել նախընտրական քարոզարշավի վրա. տվյալներ

Քվեարկության գաղտնիությունը խախտելու գործով 2 անձի տրվել է կասկածյալի դատավարական կարգավիճակ։ Նրանց նկատմամբ խափանման միջոց է ընտրվել ստորագրություն՝ չհեռանալու մասին:

Մնացած 65 դեպքերով լրացուցիչ նյութեր են նախապատրաստվում:

Հիշեցնենք` այսօր` հունիսի 20–ին, ժ. 08։00–20։00–ն Հայաստանում քվեարկություն է անցկացվել 2008 ընտրատեղամասերում։ Ընտրողների ցուցակներում ընդգրկված են 2 593 572 մարդ, որոնցից ընտրությանը մասնակցել են 1 281 174–ը կամ 49.4 տոկոսը։

Խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

42
թեգերը:
Ընտրություններ, ԱԺ, Հայաստան, քվեարկություն, Քննչական կոմիտե
Ըստ թեմայի
Քվեարկությանը մասնակցել են նաև 812 կալանավոր և դատապարտյալ
Դատախազությունը հիշեցնում է` քվեարկության գաղտնիությունը խախտելը հանցագործություն է
Քվեարկած թերթիկը լուսանկարելն ու տարածելն արգելված է օրենքով. ՄԻՊ
ՔՊ–ի կենտրոնական շտաբ

«Քաղաքացիական պայմանագիրը» ստացել է 58, «Հայաստան» դաշինքը` 18.79%․ նոր տվյալներ

106
(Թարմացված է 03:41 21.06.2021)
Նշենք, որ ընտրությունների՝ մինչ այս պահը հայտնի արդյունքներով խորհրդարան են անցնում երկու ուժ, «Պատիվ ունեմը», ԼՀԿ-ն, ԲՀԿ-ն, ՀԱԿ-ը դեռևս չեն հաղթահարել անցողիկ շեմը։

ԵՐԵՎԱՆ, 21 հունիսի - Sputnik․ Կենտրոնական ընտրական հանձնաժողովը հրապարակել է թարմացված տվյալներ քվեարկության արդյունքների վերաբերյալ։ Արդեն հայտնի են 1037 ընտրատեղամասերից ստացված քվեարկության նախնական արդյունքները։

ԿԸՀ–ն հրապարակել է կուսակցությունների ու դաշինքների հավաքած քվեների թիվը։

Առաջին տեղում «Քաղաքացիական պայմանագիր» կուսակցությունն է` 58%, երկրորդում «Հայաստան» դաշինքը` 18.79%։

«Պատիվ ունեմ» դաշինքի օգտին քվեարկել է ընտրողների 5․35%-ը, «Բարգավաճ Հայաստան» կուսակցությունն այս պահին ունի 4․61%: «Լուսավոր Հայաստան» կուսակցությունն ունի այս պահին ընդամենը 1․08% ձայն, իսկ «Հայ ազգային կոնգրեսը»` 1․18%:

Հիշեցնենք` հունիսի 20–ին, ժ. 08։00–20։00–ը Հայաստանում քվեարկություն է անցկացվել 2008 ընտրատեղամասերում։ Ընտրողների ցուցակներում ընդգրկված են 2 593 572 մարդ, որոնցից ընտրությանը մասնակցել են 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

106
թեգերը:
Ընտրություններ, ԱԺ, «Քաղաքացիական պայմանագիր» կուսակցություն
Ըստ թեմայի
Էլեկտրոնային քվեարկության արդյունքները հայտնի են. Տիգրան Մուկուչյանն ամփոփեց տվյալները
Արցախի նախագահը ՔՊ–ի գրասենյակում է
Ինչպես է ընթանում քվեաթերթիկների հաշվարկը Երևանում․ տեսանյութ