Սուրճի հատիկ

«Սա ոչնչի նման չէ». ինչն է հիացրել սուրճ բովելու աշխարհի չեմպիոնին Երևանում

266
(Թարմացված է 09:03 04.05.2021)
Սուրճի պրոֆեսիոնալ բովող Արսենի Կուզնեցովը հատուկ հրավերով ժամանել է Երևան, որպեսզի իր փորձով կիսվի մայրաքաղաքի ամենահեղինակավոր սրճարաններից մեկի բարիստաների հետ։

Ժաննա Պողոսյան, Sputnik Արմենիա

«Եթե առավոտյան արթնանալուց հետո մի բաժակ սուրճ չխմես ու մի ծխախոտ չծխես, էլ ինչի՞ համար առհասարակ արթնանալ»,-ասում էր ստենոկարդիայով տառապող բանաստեղծ Իոսիֆ Բրոդսկին։ Հայաստանում նույն նշանաբանով հազարավոր մարդիկ են առաջնորդվում, որոնց համար օրը մի բաժակ սուրճից ու ծխախոտից սկսելն ու նույն ոգով շարունակելը,  օրինակ՝ ընկերների հետ միասին, «անբեկանելի» առօրյա է դարձել։

Бариста заливает воду в ростер. Мастер-класс по обжарке кофе в кофейне  AfroLab в Ереване
© Sputnik / Asatur Yesayants
Բարիստան ջուր է լցնում ռոստերի ֆիլտրի մեջ

Վերջին ժամանակներս Երևանում ավելի ու ավելի մոդայիկ են դառնում «սփեշըլթի», այսինքն՝ հատուկ բարձր որակի սրճարանները։ Հետևաբար՝ մասնագիտացված սրճարանները, որտեղ սուրճի հատիկները մշակման հատուկ գործընթաց են անցնում, երբեմն՝ անգամ այցելուների աչքի առաջ, սկսել են աճել քաղաքում, ինչպես սնկերն անձրևից հետո։ Եվ այո, այդպիսի սրճարաններում ծխելն արգելված է։

Այսպիսի սրճարաններից մեկն է Afrolab-ը, որը Երևանի կենտրոնում բացվել է ընդամենը 8 ամիս առաջ, բայց արդեն հասցրել է դառնալ երևանցիների և հյուրերի ամենասիրելի վայրերից մեկը։ Այստեղ միաժամանակ և ՛ հայերեն, և ՛ անգլերեն, և ՛ ռուսերեն խոսակցություններ են լսվում։ Վերջին օրերին ռուսերենն ավելի հաճախ է լսվում․ սրճարանում Ռուսաստանի հյուր կա՝ պրոֆեսիոնալ սուրճ բովող Արսենի Կուզնեցովը։

Профессиональный обжарщик кофе Арсений Кузнецов во время мастер-класса в кофейне AfroLab в Ереване
© Sputnik / Asatur Yesayants
Պրոֆեսիոնալ սուրճ բովող Արսենի Կուզնեցովը

Կուզնեցովը սուրճի բովման 2019թ․-ի աշխարհի չեմպիոնն է, բավականին «ծանրակշիռ» մարդ է իր ոլորտում, Gravitas «սրճային» ապրանքանիշի հիմնադիրը։ Երևանում նա բարիստաներին սովորեցնում է սուրճի բովման գաղտնիքները։ Զուգահեռ ուսումնասիրում է քաղաքն ու վլոգ է նկարահանում դրա մասին։ 

«Ցույց կտամ, թե ինչ լավ եղանակ է այստեղ,-ասում է Արսենին,-Երևանը ոչ մի ուրիշ բանի նման չէ։ Լանդշաֆտը, ճարտարապետությունը, չեմ կարող ոչ մի այլ քաղաքի հետ համեմատել։ Ես Եվրոպայի շատ քաղաքներում եմ եղել, դրանք հիմնականում նման են միմյանց, և ձանձրալի է դառնում։ Երևանը շատ է տարբերվում այն ամենից, ինչ ես տեսել եմ»։

Mастер-класс по обжарке кофе в кофейне AfroLab в Ереване
© Sputnik / Asatur Yesayants
Սուրճ բովելու վարպետության դաս

Սուրճի աշխարհում պրոֆեսիոնալ խաղացողը խորհուրդ չի տալիս ծխել սուրճ խմելիս, ասում է՝ կրկնակի ծանրաբեռնվածություն է սրտի վրա։ Թեև անձամբ ինքը հայերի մոտ նման սովորություն չի նկատել, բայց դա, ամենայն հավանականությամբ, այն պատճառով, որ հիմնականում «սփեշըլթի» սրճարաններ է այցելել։

Afrolab սրճարանի հիմնադիր Արտակ Հարությունյանը, որի համար ծխելու արգելքը սկզբունքային է, նշում է, որ քանի որ սուրճի հատիկները, ըստ էության, հատապտուղներ են, ապա իսկական սուրճի մեջ պետք է զգացվի բույսի համը։

«Նա, ով սիրում է ծխել սուրճ խմելիս, մեր սրճարանը չի հավանի։ Ծայրահեղ դեպքում մարդիկ դուրս են գալիս ծխելու և վերադառնում են։ Բայց աստիճանաբար սուրճի ոլորտը Հայաստանում փոխվում է, և դա չի կարող չուրախացնել մեզ»,-ասում է Հարությունյանը։

Սրճարանի ձախ հատվածում սուրճի բովման մեծ սարքն է՝ ռոստերը․ այցելուները կարող են իրենց աչքով տեսնել գործընթացը։ Հարությունյանի խոսքով՝ սարքը շատ թանկ արժե՝ ավելի քան 50 հազար եվրո։ Հենց դրանից էլ սկսվում է Արսենիի վարպետության դասը։

Կուզնեցովը նախ բացում է իր փոքրիկ ճամպրուկը, որ մեջ սուրճի գնահատման հատուկ գործիքներ են։ Ապա բացում է նոութբուքը, որում հատուկ ծրագիր է ներբեռնված՝ սուրճի որակի կարգավորման և գնահատման համար։ Այդ ամենը իսկապես բարդ տեսք ունի և ավելի շատ գիտական փորձի նախապատրաստություն է հիշեցնում, քան խոհարարություն։

Mастер-класс по обжарке кофе в кофейне AfroLab в Ереване
© Sputnik / Asatur Yesayants
Սուրճ բովելու վարպետության դաս

«Կոստա Ռիկա» տեսակի սուրճի կանաչ, հում հատիկները լցնում են ռոստերի մեջ։ Հատուկ հավելվածի միջոցով Կուզնեցովը համակարգչով կարգավորում է չափանիշները՝ ինչ ջերմաստիճանում պետք է բովվի սուրճի հենց այս տեսակը, որքան պետք է տևի գործընթացը և այլն։ Այնուհետև արդեն բովված և գույնը փոխած հատիկները սառեցվում են։

Մասնագետն իր գործիքներով ստուգում է հատիկների գույնն ու խտությունը։ Հաջորդ փուլը աղալու գործընթացն է։ Չնայած բոլոր չափանիշները ֆիքսված են, դեռ պարզ չէ, թե ինչպիսին կլինի սուրճի համը։

Зерна кофе
© Sputnik / Asatur Yesayants
Սուրճի հատիկներ

«Ես, որպես բովող, չեմ կարող հասկանալ, թե ինչպիսի սուրճ է ստացվել, քանի դեռ չեմ խմել այն։ Սուրճի նոր տեսակների կամ նոր բաղադրատոմսերի դեպքում պետք է մի քանի անգամ փորձել, մինչև ստացվի այն, ինչ պետք է»,-ասում է Արսենին։

Նա ինքը սիրում է ոչ միայն սուրճ պատրաստել, այլև խմել։ Ոչ մի օր չի անցնում առանց մի բաժակ սիրելի ըմպելիքի։

«Ամենահամեղ սուրճը իմ տանն է»,-ժպտալով խոստովանում է Արսենին։

Վերջապես կարելի է փորձել սուրճը։ Մասնագիտական լեզվով դա «քափփինգ» են անվանում (անգլերեն cup` «բաժակ» բառից)» Եվ եթե սոմելիեները խիստ էլեգանտ տեսքով բռնում են գինու գավաթի ոտիկից, պտտում այն, փորձում նախ բույրը, հետո՝ համը, ապա սուրճի պրոֆեսիոնալ համտեսումը շատ ավելի զվարճալի տեսք ունի։ 

Бариста кофейни AfroLab в Ереване во время мастер-класса по обжарке кофе
© Sputnik / Asatur Yesayants
Սրճարանի բարիստան

Սուրճը պետք է համտեսել ոչ թե բաժակով, այլ ճաշի գդալով՝ նախապես այն ջրի մեջ մտցնելուց հետո։ Այնուհետև պետք է սուրճով լի գդալը արագ տանել բերանը՝ սեղմելով շրթունքները և քիմքը։ Այս ամենն արվում է, որպեսզի բերանի խոռոչի զգայարանները միաժամանակ ներգրավվեն։ Այնուհետև արդեն գնահատական է տրվում բույրին, ինտենսիվությանը, թթվայնությանն ու կայունությանը։

Առաջին սուրճը Կուզնեցովը 10 միավորից 7,5 գնահատեց՝ սովորական, բավականին լավ սուրճ։ Բայց քիչ անց կանաչ հատիկները նորից են լցնում ռոստերի մեջ, և գործընթացը նորից է սկսվում՝ նախորդ փորձը հաշվի առնելով։ 8-15 րոպեից նոր սուրճը պատրաստ կլինի և 7,5-ից լավ գնահատական կստանա։ Սուրճի կատարելությունը սահման չունի։

  • Վարպետության դաս AfroLab սրճարանում
    Վարպետության դաս AfroLab սրճարանում
    © Sputnik / Asatur Yesayants
  • Սուրճի հատիկներ
    Սուրճի հատիկներ
    © Sputnik / Asatur Yesayants
  • Վարպետության դաս AfroLab սրճարանում
    Վարպետության դաս AfroLab սրճարանում
    © Sputnik / Asatur Yesayants
  • AfroLab-ի բարիստան
    AfroLab-ի բարիստան
    © Sputnik / Asatur Yesayants
1 / 4
© Sputnik / Asatur Yesayants
Վարպետության դաս AfroLab սրճարանում
266
թեգերը:
Երևան, սուրճ
Ըստ թեմայի
Երկրաշարժից վախեցած հայերին շարունակում է միավորել սուրճը. տեսանյութ
Լյարդի խնդիր ունեցողները պետք է շատ սուրճ խմեն. բժիշկն ասել է` ինչու
Ինչպես է սուրճն ազդում մարդու ուղեղի վրա. գիտնականները հետաքրքիր բացահայտումներ են արել
Հայոկն ու Անահիտ Սիմոնյանը

Շնորհավո՜ր ծնունդդ, իմ թանկագին տղամարդ. Անահիտ Սիմոնյանը տեսանյութ է հրապարակել

191
(Թարմացված է 16:49 18.05.2021)
Անահիտ Սիմոնյանի էջի հետևորդները բազմաթիվ շնորհավորանքներ են գրել ու երջանկություն մաղթել տղային։

ԵՐԵՎԱՆ, 18 մայիսի - Sputnik. Հայտնի երգիչ Հայկոյի և դիզայներ Անահիտ Սիմոնյանի որդին՝ Արմանը, այսօր դառնում է 10 տարեկան, ինչի առթիվ Անահիտը Instagram–ի իր էջում տեսանյութ է հրապարակել ու շնորհավորել նրան։ Տեսանյութում երգչուհին մեկտեղել է որդու տարբեր տարիների լուսանկարներն ու տեսաշարերը։

«Շնորհավո՜ր ծնունդդ, իմ թանկագին տղամարդ, իմ սիրելի որդի։ Ես աշխարհի ամենաերջանիկ մայրն եմ, քանի որ ունեմ քեզ։ Ես քեզ շատ սիրում եմ և ուզում եմ ցանկանալ շատ հաջողություններ, հավատարիմ ընկերներ, սեր և մեծ հնարավորություններ: Եվ, ամենակարևորը` եղիր առողջ, ուժեղ և ամուր։Սիրում եմ քեզ ամբողջ սրտով»,–գրել է Անահիտը։

Նրա էջի հետևորդները բազմաթիվ շնորհավորանքներ են գրել ու երջանկություն մաղթել տղային։

««Շնորհավոր, հրաշք տղա», «Առողջ ու երջանիկ ապրես»,«Խաղաղ երկրում մեծանաս»»,–գրել են նրանք։

Երգիչ Հայկոն միացել է շիշ բացելու չելենջին. տեսանյութ

Նշենք, որ նախորդ տարի հայտնի դարձավ, որ Հայկոն և Անահիտ Սիմոնյանը ամուսնալուծվել են։ Երգչուհին նշել էր, որ հիմա իրենք շատ ավելի լավ ընկերներ են, քան առաջ։

Հիշեցնենք, որ Հայկոն և Անահիտը ամուսնացել են 2010 թվականին։

191
թեգերը:
շնորհավորանք, ծնունդ, որդի, Հայկո, Անահիտ Սիմոնյան
Սիրուշո

Սիրուշոն պարում է իր «Body On Body» երգի տակ. տեսանյութ

238
(Թարմացված է 15:14 18.05.2021)
Սիրուշոյի հետևորդները բազմաթիվ դրական մեկնաբանություններ են գրել ու ստեղծագործական նոր հաջողություններ մաղթել երգչուհուն։

ԵՐԵՎԱՆ, 18 մայիսի - Sputnik. Ճանաչված երգչուհի Սիրուշոն Instagram-ի իր էջում նոր տեսանյութ է հրապարակել, որում պարում է իր «Body On Body» երգի տակ։

Նշենք, որ երգն իսկական հիթ է դարձել սոցցանցերում։ Հազարավոր երիտասարդներ փոքրիկ տեսահոլովակներ են նկարահանում և նշում երգչուհուն։

Նա տեսանյութին կից գրառում է արել ու հետևորդներին շնորհակալություն հայտնել ակտիվության համար։

Посмотреть эту публикацию в Instagram

Публикация от Sirusho (@sirushoofficial)

«Մենք ամեն ինչ կարող ենք, երբ միասին ենք ու համախմբված։ Դուք կրակ եք»,–գրել է երգչուհին։

Սիրուշոյի հետևորդները բազմաթիվ դրական մեկնաբանություններ են գրել ու ստեղծագործական նոր հաջողություններ մաղթել երգչուհուն։

«Հրաշք աղջիկ։ Յուրահատուկ։ Սքանչելի երգ։ Իսկական հիթ»,–գրել են նրանք։

«Ոչ թե ես եմ վճարում, այլ ինձ են վճարում». Սիրուշոն պատասխանել է օգտատերերին

Նշենք, որ երգչուհին «Body On Body» երգը հանդիսատեսի դատին է հանձնել ապրելի 29-ին։ Երգչուհու յութուբյան պաշտոնական էջում տեսահոլովակը դիտվել է ավելի քան 781.000 անգամ։

«Ես քեզ անսահման սիրում եմ, Միքայել». Սիրուշոյի որդին դարձավ 5 տարեկան. լուսանկարներ

238
թեգերը:
տեսանյութ, Պար, երգ, Սիրուշո
Ըստ թեմայի
Ֆրանսահայ երգչուհու կատարումը հիացրեց ու հուզեց «The Voice»-ի ժյուրիին
Երգչուհի Սրբուկը կրքոտ ֆոտոշարք է հրապարակել
Երգչուհի Արիանա Գրանդեն գաղտնի ամուսնացել է անշարժ գույքի գործակալի հետ
Արայիկ Հարությունյան

ՊԲ-ն կա և մնալու է. Արցախի նախագահը բարձրագույն հրամկազմի հետ խորհրդակցություն է անցկացրել

12
(Թարմացված է 17:53 18.05.2021)
Արայիկ Հարությունյանն ասել է, որ Արցախը հանդես է գալիս արժանապատիվ ու կայուն խաղաղության օրակարգով։

ԵՐԵՎԱՆ, 18 մայիսի – Sputnik. Արցախի Հանրապետության նախագահ Արայիկ Հարությունյանը մայիսի 18-ին այցելել է պաշտպանության նախարարություն, որտեղ պաշտպանության բանակի բարձրագույն հրամկազմի հետ խորհրդակցություն է անցկացրել: Տեղեկությունը հայտնում է Արցախի նախագահի աշխատակազմը:

Քննարկվել են բանակաշինությանը, երկրի պաշտպանունակությանը, ինչպես նաև զինծառայողների սոցիալական պայմանների բարելավմանը վերաբերող հարցեր:

Նախագահը խորին երախտագիտություն է հայտնել ՊԲ բանակի ողջ անձնակազմին իր առաքելությունը անձնվիրաբար իրականացնելու ու ուժերի ներածին չափով թուրք-ադրբեջանական տանդեմի ագրեսիայից հայրենիքը պաշտպանելու համար:

«Մենք հանդես ենք գալիս արժանապատիվ ու կայուն խաղաղության օրակարգով, սակայն դրա համար անհրաժեշտ են նաև անվտանգային երաշխիքներ: Ուստի ՊԲ-ն կա, մնալու է և կդառնա ավելի մարտունակ: Նախատեսված բարեփոխումների արդյունքում ձևավորվելու է պրոֆեսիոնալ բանակ, որտեղ կարևոր դերակատարություն են ունենալու պայմանագրային զինծառայողները»,- ասել է երկրի ղեկավարը՝ հավելելով, որ առավելագույն ջանք է ներդրվելու Արցախի անվտանգային համակարգի հետևողական ու արագ բարելավման համար:

Խոսելով զինծառայողների սոցիալ-կենցաղային պայմանների բարելավման մասին՝ Հարությունյանն ընդգծել է, որ ՀՀ կառավարության գործուն աջակցությամբ մինչև 2023 թվականը ամբողջությամբ լուծվելու է գործող և թոշակառու սպաների բնակարանային ապահովման խնդիրը, ինչպես նաև լրացուցիչ աշխատանքներ են տարվելու զինծառայողներին սոցիալական երաշխիքների տրամադրման, զոհված, մահացած, հաշմանդամ դարձած զինծառայողների և նրանց ընտանիքների անդամների սոցիալական վիճակի բարելավման ուղղությամբ:

Արցախի ՄԻՊ-ը դիմել է ԵԽ մարդու իրավունքների հանձնակատարին

12
թեգերը:
Արցախի նախագահ Արայիկ Հարությունյան, Արցախ
Ըստ թեմայի
Ո՞րն է Արցախյան պատերազմում կրած պարտության իրական պատճառը. Լևոն Տեր–Պետրոսյանի վարկածը
Միրզոյանն ու Վոլոդինը Մոսկվայում քննարկել են Արցախի թեման ու երկկողմ հարաբերությունները
Սերգեյ Շոյգուն Վաղարշակ Հարությունյանի հետ քննարկել է արցախյան խնդիրը