Արխիվային լուսանկար

Բժիշկ-կամավորականները հիմնադրամ են ստեղծել Արցախում վիրավորված զինվորներին օգնելու համար

82
«Հավերժական ազգ» հիմնադրամի մասնագետները ամեն օր մեծ թվով վիրահատություններ են կատարում և մտադիր են զբաղվել տուժած հայ մարտիկների վերականգնումով։

ԵՐԵՎԱՆ, 30 ապրիլի – Sputnik. Աշխարհի տարբեր երկրներից ԼՂՀ մարտական գործողությունների առաջին իսկ օրվանից Հայաստան ժամանած կամավոր բժիշկները հիմնադրել են Eternal Nation («Հավերժ ազգ») հիմնադրամը։ Այս մասին այսօր Sputnik Արմենիա մուլտիմեդիոն մամուլի կենտրոնում հայտնեց Հիմնադրամի հիմնադիր, Սրունքաթաթային հոդի և ոտնաթաթի վիրաբուժության լոսանջելեսյան ինստիտուտի նախագահ Արմեն Հակոբջանյանը։

Армен Акопджанян во время пресс-конференции фонда Вечная нация в мультимедийном пресс-центре Sputnik Армения (30 апреля 2021). Еревaн
© Sputnik / Asatur Yesayants
Արմեն Հակոբջանյան

Ինչպես նշեց Հակոբջանյանը` մի քանի ամիս առաջ ստեղծված հիմնադրամի նպատակն է սեփական միջոցների և ռեսուրսների հաշվին օգնել վերականգնվել Արցախում վիրավորում ստացած հայ զինվորներին։ Վերականգնողական կուրսի ընթացքում կիրառվելու են ժամանակակից բժշկական տեխնոլոգիաներ մասնավորապես պրոթեզավորման ոլորտում։

Ռուսաստանի, Ֆրանսիայի, ԱՄՆ–ի և այլ երկրների հայ համայնքների շնորհիվ աշխատանքներում ներգրավվել են լավագույն բժիշկները, ընդ որում ոչ միայն հայեր, այլև այլազգիներ։

«Մենք աշխատում ենք մարդկանց հետ, որոնց իսկապես կարելի է բժշկության լուսատուներ անվանել։ Սա Սփյուռքի և Հայաստանի մասնագետների համատեղ աշխատանքն է»,– նշեց Հակոբջանյանը։

Կամավոր բժիշկներն ամեն օր մի քանի տասնյակ օրթոպեդիկ վիրահատություններ են անցկացնում։ Նրանք ամեն բան անում են, որպեսզի փրկեն պատերազմի ժամանակ տուժած զինվորների վերջույթները և նրանց համար առավելագույնս արդյունավետ բուժում ապահովեն։

«Հաճախ տեղի բժիշկներին պարզապես չեն բավականացնում նյութերը, դեղորայքը, միջոցները, որպեսզի չանդամահատեն մարմնի այս կամ այն հատվածը։ Իսկ մենք բերում են անհրաժեշտ ամեն բան՝ հակաբիոտիկներ, սինթետիկ ոսկրային նյութեր, որոնք այստեղ չկան և այլն», – հավելեց հիմնադրամի ղեկավարը։

Կազմակերպությունը համագործակցում է Երևանի բոլոր բուժկենտրոնների հետ` առաջարկելով վնասվածքաբանության ոլորտի նորագույն նյութեր, ինչպես նաև տեղի մասնագետներին ծանոթացնում է բուժման նոր մեթոդների հետ։

«Մենք ձգտում ենք անել ամեն բան, որպեսզի տեսանելի ապագայում Հայաստանը բժշկության տեսանկյունից առաջատար երկիր դառնա։ Այդ նպատակով մենք, ամենից զատ, լուսավորչական գործունեություն ենք ծավալելու, մասնավորապես, պարբերաբար սեմինարներ ենք անցկացնելու տեղի մասնագետների համար, ինչպես նաև նոր կադրեր ենք նախապատրաստելու», – պարզաբանեց Հակոբջանյանը։

Նա նշեց, որ բժշկական ոլորտում արմատական փոփոխություններ են պետք։ Ժամանակակից նյութերն ու դրանց կիրառման մեթոդներն անհրաժեշտ են ավելի արդյունավետ բուժում ապահովելու համար։

Բժիշկ-կամավորական Նորայր Զախարյանն իր հերթին հավելեց, որ արտասահմանում մեծ ռեսուրսներ կան բժշկության ոլորտում, որոնք այստեղ մասնակի են օգտագործվում։

«Արտերկրում մենք հսկայական ռեսուրսներ ունենք, լավագույն մասնագետներ բժշկության ոլորտում։ Մեր նպատակն է համակարգել պրոֆեսիոնալների աշխատանքը` առավելագույն օգուտ տալու համար»,– ասաց նա։

Էլի գոհ էի, որ ողջ եմ. Զինվորի տանը 8 տղաներ առաջին անգամ քայլեցին պրոթեզներով

«Հավերժական ազգ» հիմնադրամը նախագծեր է մշակում ինչպես կարճաժամկետ անհետաձգելի բուժօգնության, այնպես էլ երկարաժամկետ վերականգնողական բժշկական ծառայությունների համար։

82
թեգերը:
Վիրավոր, բժիշկ, Արցախյան պատերազմ
Ըստ թեմայի
Ե՞րբ կսկսվի զինծառայողների պրոթեզավորման գործընթացը. Մինասյանը մանրամասներ է հայտնում
«Անդամալույծ դարձած բոլոր զինվորները կունենան որակյալ պրոթեզավորում»․ Թանդիլյան
Ոտքի գերմանական պրոթեզների հերթական խմբաքանակը Հայաստանում է. լուսանկար
Բողոքի ակցիա

Երևանում գործադուլ հայտարարած վարորդները շուտով երթուղի դուրս կգան. քաղաքապետարան

47
(Թարմացված է 14:09 12.05.2021)
«Երևանի ավտոբուս» փակ բաժնետիրական ընկերությանը պատկանող ավտոբուսները սկսել են լիցքավորվել։

ԵՐԵՎԱՆ, 12 մայիսի – Sputnik. «Երևանի ավտոբուս» ՓԲԸ-ի դիզվառելիքի մատակարարման խնդիրը այս պահին լուծվում է, մատակարարումը վերսկսվել է: Տեղեկությունը հայտնում է Երևանի քաղաքապետի մամուլի խոսնակ Հակոբ Կարապետյանը։

«Ընկերությանը պատկանող ավտոբուսները սկսել են լիցքավորվել և կարճ ժամանակ անց դուրս կգան երթուղի»,– Facebook–ի իր էջում գրել է նա։

Քաղաքապետարանը հայցում է երևանցիների ներողամտությունը առաջացած անհարմարության համար:

Կոմիտասի պողոտայում երթուղային «Գազել» է այրվել

Հիշեցնենք` Ջրվեժի և Չարբախի ավտոպարկերում ավտոբուսների ու երթուղայինների վարորդները վաղ առավոտից բողոքի ակցիա էին անում։ Երթուղի դուրս չէին եկել թիվ 35, 20, 5, 45, 38, 33, 26, 4 և մի շարք այլ երթուղիներ սպասարկող ավտոբուսներն ու երթուղայինները։ Վարորդները դժգոհում էին, որ արդեն տևական ժամանակ իրենց վառելիք չի տրամադրվում, որ դուրս գան աշխատանքի:

Վարորդական իրավունքի քննության բարդացումն իրականում զրո էֆեկտ ունի. Տիգրան Քեյան

47
թեգերը:
վարորդ, ավտոբուս, Երևան, Հայաստան
Ըստ թեմայի
Երևանում ավտոմեքենան հայտնվել է փոսում, վարորդին տեղափոխել են հիվանդանոց
Տուժել են վարորդը, ուղևորը. մանրամասներ`Փաշինյանին ուղեկցող մեքենայի մասնակցությամբ ՃՏՊ-ից
Շղթայական ավտովթար Վանաձորում. վարորդներից մեկը կին է
Ինքնաթիռ

Երևան-Մոսկվա թռիչքներ. չվացուցակն ու ավիատոմսերի գները

110
(Թարմացված է 14:00 12.05.2021)
Հայաստանի և Ռուսաստանի միջև ավիահաղորդակցությունը բավականին ակտիվացել է։ Sputnik Արմենիան ներկայացնում է Երևան-Մոսկվա թռիչքների չվացուցակը։

Մայիսի 12-15-ը Երևանից Մոսկվա կմեկնի ընդհանուր առմամբ 11 օդանավ: Չվերթերն իրականացնում են յոթ ավիաընկերություններ՝ «Աերոֆլոտ», «Armenia», «Ուրալյան ավիաուղիներ», Պեգաս Ֆլայ», «Յուտեյր», «NordStar», «Իրաերո»:

Անհամբեր զույգը հարսանիք է արել «Դոմոդեդովո» օդանավակայանում. տեսանյութ

Հիշեցնենք, որ Ռուսաստան մեկնելիս Հայաստանի քաղաքացիները պետք է սմարթֆոնում ունենան «Ճամփորդիր առանց COVID–ի» բջջային հավելվածը, որում բեռնվում են սերտիֆիկացված լաբորատորիաներում կատարված թեստի բացասական արդյունքները:

Մայիսի 12

Ավիաընկերություն Օդանավակայան Ժամը
Աերոֆլոտ Շերեմետևո  03:10
Pegas Fly                          Շերեմետևո  12:25
Armenia  Վնուկովո 16:00
Յուտեյր Վնուկովո 21:25

 

Մայիսի 13

Աերոֆլոտ Շերեմետևո 03:20
Աերոֆլոտ Շերեմետևո 11:50
Ուրալյան ավիաուղիներ Ժուկովսկի 14:10

 

Մայիսի 14

NordStar    Դոմոդեդովո 19:10
Armenia   Վնուկովո 11:20
Աերոֆլոտ Շերեմետևո 21:15

 

Մայիսի 15

Իրաերո    Դոմոդեդովո                                             20:30

 

Երևան–Մոսկվա թռիչքների մոտավոր գինը

Ավիաընկերություն Գումար (դրամ)  
Աերոֆլոտ 230 հազար  
Armenia 170 հազար  
NordStar 140 հազար  
Իրաերո 135  հազար  
Յուտեյր 115 հազար  

«Պոբեդան» հունիսից կվերսկսի Գյումրու ուղղությամբ թռիչքներ իրականացնել երեք քաղաքից

110
թեգերը:
Մոսկվա, թռիչք, չվերթ, ինքնաթիռ, Ռուսաստան, Հայաստան
Центральные улицы столицы украшены флагами Армении и Грузии перед официальным визитом премьер-министра Грузии (12 мая 2021). Еревaн

Վրաստանի վարչապետը ժամանեց Հայաստան

0
Վրաստանի վարչապետ Իրակլի Ղարիբաշվիլին մի շարք հանդիպումներ կունենա Հայաստանում։

ԵՐԵՎԱՆ, 12 մայիսի - Sputnik. Վրաստանի վարչապետ Իրակլի Ղարիբաշվիլին պաշտոնական այցով ժամանեց Հայաստան: «Զվարթնոց» միջազգային օդանավակայանում վրացական պատվիրակությանը դիմավորեց Հայաստանի փոխվարչապետ Տիգրան Ավինյանը:

 

0