Ռաֆայել Հարությունյան

«Մտածել չեմ ուզում». մարզիչ Հարությունյանը` պատերազմի ու ադրբեջանցի ընկերների մասին

109
(Թարմացված է 19:09 30.04.2021)
Ռաֆայել Հարությունյանն ասել է` որն է հաջողության իր բանաձևը, նաև պատմել Հայաստանում ապրելու ու Ադրբեջանում ծառայելու մասին։

ԵՐԵՎԱՆ, 30 ապրիլի - Sputnik․ Երջանկության բանաձևը փոքր սպասելիքներ ունենալն է։ Այս կարծիքին է գեղասահքի լեգենդար մարզիչ Ռաֆայել Հարությունյանը։

Սպորտային մեկնաբան Վասիլի Կոնովին տված հարցազրույցում նա ասում է, որ իր համար ամենակարևորը սեփական ես–ի հետ խաղաղ ապրելն է։

«Ես ինձ երջանիկ մարդ եմ համարում։ Շատ ավելիին եմ հասել, քան կարող էի պատկերացնել։ Երբ երիտասարդ մարզիչ էի, անընդհատ նախանձում էի նրանց, ում մասին թերթերում գրում էին, իսկ հիմա թաքնվում եմ լրագրողներից», – ասում է Հարությունյանը։

Նա Կոնովի հետ զրույցում առաջին անգամ արտահայտվել է Հայաստանում ապրած իր տարիների, Ադրբեջանում ծառայության ու Արցախի պատերազմի մասին: Հայտնի մարզիչը ծնվել ու մեծացել է Վրաստանում, կարճ ժամանակով ապրել Հայաստանում, զինվորական ծառայություն անցել Ադրբեջանում, ապա տեղափոխվել Ռուսաստան, իսկ այժմ նա արդեն ԱՄՆ–ի քաղաքացիություն է ստացել։

«Երբ պատանի էի, ակտիվ զբաղվում էի գեղասահքով։ Ավարտեցի դպրոցն ինձ ասացին`«վերջացրու էդ ամեն ինչը, դու արդեն մեծ ես, 18 տարեկան»։ Ինձ համար շատ ցավալի էր դա լսելը: Այդ ժամանակ էլ Հայաստանում փոքրիկ սահադաշտ բացվեց։ Ես որոշեցի Վրաստանից տեղափոխվել Հայաստան, չնայած սովորում էի Թբիլիսիի Ֆիզիկական կուլտուրայի պետական ինստիտուտի 2–րդ կուրսում։ Բայց ինձ ասված խոսքերից շատ ազդվեցի, որոշեցի կյանքս փոխել, ուսումս շարունակել Հայաստանում։ Համատեղ աշխատում էլ էի։ Առավոտյան ժամը 9–ից մինչև 15.00–ն սովորում էի, իսկ ժամը 15-ից 22-ը` աշխատում։ Գիշերները լաց էի լինում, որովհետև այնքան էի հոգնում, ստիպված էի ինքս անել ամեն ինչ` լվանալ, արդուկել և պատրաստել։ Շատ դժվար էր 18 տարեկանում տնից հեռու ու լրիվ մենակ ապրելը», – պատմում է մարզիչը։
Չնայած դժվարություններին` 18-ամյա Հարությունյանը կարողանում էր իրեն ֆինանսապես ապահովել ու ծնողներից գումար չխնդրել։ Հայաստանում ապրած տարիներին հաջորդեց Ադրբեջանում զինվորական ծառայությունը։

– Հայը ծառայել է Ադրբեջանո՞ւմ, – զարմանում է Կոնովը։

– Այո, ինձ ուղարկել են Ադրբեջանի Լենքորանի շրջան, այն գտնվում է Աֆղանստանի և Կասպից ծովի անկյունում: Ես ադրբեջանցի շատ ընկերներ ունեի: Օրինակ` Ռաշադ Հուսեյնովը, հիանալի տղա էր: Նրա հայրն էլ բարձրաստիճան զինվորական էր, – պատմում է մարզիչը։

Նա շեշտում է, որ դեմ է պատերազմներին և շատ ծանր է տարել արցախյան վերջին պատերազմի լուրը։

Եղեռնի վիշտը հայ ժողովուրդը նորովի վերապրեց պատերազմից հետո․ կաթողիկոս

«Ես ունեմ հարազատներ և՛ Հայաստանում, և՛ Վրաստանում, և՛ Ռուսաստանում։ Ես պատերազմի մասին նույնիսկ մտածել չեմ ուզում։ Բոլորն ապրում են մեկ տարածաշրջանում՝ ի՞նչը չեն կարողանում կիսել իրար մեջ։ Ես գիտեմ խոսել վրացերեն, հայերեն, մի քիչ էլ անգլերեն, չնայած հիմնականում խոսում եմ ռուսերեն։ Նույն բառերը կարելի է գտնել և՛ վրացերենում, և՛ թուրքերենում։ Այս տարածաշրջանում ամեն ինչ իրար այնքան նման է։ Ի՞նչն են ուզում կիսել, ո՞նց կարող են իրար սպանել, ես դա չեմ հասկանում»,–ասում է Հարությունյանը։

Ռաֆայել Հարությունյանը ԽՍՀՄ սպորտի վարպետության թեկնածու է։ 1976-1985 թթ. մարզիչ է աշխատել Երևանի գեղասահքի մանկապատանեկան դպրոցում։ Այնուհետև հրավեր է ստացել Մոսկվայից և 1983 թ.-ին տեղափոխվել է այնտեղ, քանի որ Երևանում չկար միջազգային չափանիշներին համապատասխանող սահադաշտ։

«Սոկոլնիկի» սպորտի պալատում աշխատել է կնոջ՝ Վերա Հարությունյանի հետ, որը ևս գեղասահքի խմբակ ուներ։ 2000 թվականից բնակվում է ԱՄՆ-ի Կալիֆոռնիա նահանգում և աշխատում է Լեյք Էրոուհեդ քաղաքի սահադաշտում։

Պատերազմի բոլոր սցենարները հաշվարկված էին. Օնիկ Գասպարյանի խորհրդականը փակագծեր է բացում

Հարցազրույցն ամբողջությամբ կարող եք դիտել ստորև։



109
թեգերը:
մարզիչ, Պատերազմ, ադրբեջանցի, հայ
Ըստ թեմայի
Ադրբեջանցիները կրկին հետ են քաշվել. Նոր Ղազանչիի գյուղապետ
«Կրակոց չկա, բայց ադրբեջանցիները մոտ 20 գլուխ անասուն չեն վերադարձրել». Բախշիյան
Ադրբեջանցիները խոչընդոտել են հայերի մուտքը Դադիվանք. ի՞նչ նպատակ են հետապնդել նրանք
Վթար Արցախում․ առաջին օգնությունը ցուցաբերել են ադրբեջանցիներին ուղեկցող խաղաղապահները
«Նորք» ԲԿ

243 նոր դեպք, 7 մահ` մեկ օրում. կորոնավիրուսային հիվանդության ընթացքը Հայաստանում

55
(Թարմացված է 10:58 11.05.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 11 մայիսի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 243–ով և դարձել  219596: Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 8620 մարդ (-243), կատարվել է 1019359 թեստավորում (+2678), առողջացել են վարակվածներից 205675-ը (+475): Գրանցվել է մահվան 4256 դեպք (+7)։ Կորոնավիրուսով վարակված, բայց այլ պատճառով մահացածների թիվը ավելացել է 4-ով ու դարձել 1045։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Կորոնավիրուսային համավարակի կարանտինի սահմանափակումներից մի քանիսը հանվեցին

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

55
թեգերը:
Մահ, թեստ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
«Արսեն Թորոսյանը ճիշտ էր». ԱԺ պատգամավորները պատվաստվեցին COVID-19-ի դեմ AstraZenaca–ով
Որքան գումար է ծախսել ՀՀ առողջապահության նախարարությունը Covid-19–ի դեմ պայքարի շրջանակում
Հայաստանում արդեն մոտ 11 հազար մարդ է պատվաստվել Covid-19-ի դեմ
Վլադիրմի Գասպարյան

Վովա Գասպարյանի Սևանի առանձնատանը կրկին ապամոնտաժման աշխատանքներ են արվելո՞ւ. «Ժողովուրդ»

81
(Թարմացված է 10:44 11.05.2021)
Շքեղ ամառանոցը գտնվում է Սևանի արևելյան ափում՝ Սևան-Շորժա ճանապարհի հարևանությամբ՝ Ծիծեռնակ և Դրախտիկ գյուղերի միջև ընկած հատվածում։

ԵՐԵՎԱՆ, 11 մայիսի – Sputnik. «Ժողովուրդ» օրաթերթն իր այսօրվա համարում անդրադարձել է ՀՀ նախկին ոստիկանապետ Վլադիմիր Գասպարյանի՝ Սևանում գտնվող առանձնատան տարածքում իրականացվող չափագրումներին։

Թերթը գրում է, որ դա նշանակում է, որ առաջիկայում այդ տարածքում կրկին ապամոնտաժման աշխատանքներ են իրականացվելու:

ъԻնչպես հայտնի է, դեռ 2020թ. սեպտեմբերի 6-ին Սևանում ապամոնտաժվեցին նախկին ոստիկանապետ Վլադիմիր Գասպարյանի առանձնատան տարածքում գտնվող այն շինությունները, որոնք տեղակայված են սահմանված նիշից (1903 մ-խմբ.) ներքև։ Այդ ժամանակ հայտարարվեց, թե ապամոնտաժումը արվում է Վլադիմիր Գասպարյանի համաձայնությամբ ու գիտությամբ: Սակայն այժմ, փաստորեն, չափագրման նոր աշխատանքներ են կատարվելու, և կրկին ապամոնտաժում կկատարվի»,–գրում է թերթը։

«Ժողովուրդը» հիշեցնում է, որ տարածքը Գասպարյանի զոքանչի՝ Հեղուշ Գալստյանի անունով է գրանցված։ Շքեղ ամառանոցը գտնվում է Սևանի արևելյան ափում՝ Սևան-Շորժա ճանապարհի հարևանությամբ՝ Ծիծեռնակ և Դրախտիկ գյուղերի միջև ընկած հատվածում։ Երկու պարսպով պաշտպանված, ներսում փոքր մատուռով հսկա տարածքն առաջին անգամ կառուցապատվել է 2004-ին։

«Փաստորեն՝ հետպատերազմական Հայաստանում միակ խնդիրը, որ մնացել է լուծելու, Գասպարյանի առանձնատան որոշ մասերն են. դա որ քանդվի, մնացած հարցերը ինքնաբերաբար կկարգավորվեն»,–գրում է թերթը:

Նյութն ամբողջությամբ կարդացեք թերթի այսօրվա համարում։

Զոհված ոստիկանների իրական թիվը թաքցրել են ու գաղտագողի հուղարկավորել. Վլադիմիր Գասպարյան

Հիշեցնենք, որ 2020-ի սեպտեմբերի 6–ին «Ջրային կոմիտեում» խորհրդական աշխատող Սասուն Միրոյանը գրել էր, որ ապամոնտաժվում են ՀՀ նախկին ոստիկանապետ Վլադիմիր Գասպարյանի Սևանի առանձնատան այն հատվածները, որոնք գտնվում են ծովի մակերևույթից մինչև 1903 մ նիշից ներքև:

Դրան հաջորդեց փաստաբան Տիգրան Աթանեսյանի արձագանքը, որն էլ իր ֆեյսբուքյան էջում գրեց, թե ոչ ոք չի եկել և չի քանդում Գասպարյանի ամառանոցը: Նրա խոսքով` հին և վաղուց չօգտագործվող շինությունը քանդվում է Գասպարյանի ցուցումով ՝ լողափի տարածքը բարեկարգելու համար։

81
թեգերը:
առանձնատուն, Սևան, Վլադիմիր Գասպարյան
Ըստ թեմայի
Կուսակցաշինության բումը, կամ ո՞ր տեղի համար կպայքարեն ՀԱԿ-ն ու ԼՀԿ-ն. «Հրապարակ»
Շտապօգնության ավտոմեքենա

Կրակոցներ և պայթյուն Կազանի դպրոցներից մեկում. զոհեր կան, դեռահաս է ձերբակալվել. տեսանյութ

63
(Թարմացված է 11:37 11.05.2021)
Դեպքի վայր են մեկնել շտապօգնության ավելի քան 20 բրիգադներ, իրավապահ մարմինների աշխատակիցներ։

ԵՐԵՎԱՆ, 11 մայիսի - Sputnik. Կազանի դպրոցներից մեկում կրակոցներ են հնչել, ապա պայթյուն է որոտացել։ Տեղեկությունը հայտնում է ՌԻԱ Նովոստին՝ հղում անելով Թաթարստանի իրավապահ մարմինների իր աղբյուրին։

«Ֆայզիի դպրոցի շրջանում կրակոցների ձայներ են լսել, պարզում ենք», - ասել է գործակալության զրուցակիցը:

Թաթարստանի դատախազությունից հայտնել են, որ դեպքի վայր է մեկնել գլխավոր դատախազ Իլդուս Նաֆիկովը:

«Միջադեպի հանգամանքները պարզվում են», - լրագրողներին ասել է դատախազության ներկայացուցիչը:

Տեղեկություններ կան, որ կրակոցների հեղինակը դեռահաս է, նա արդեն ձերբակալվել է:

ՌԻԱ Նովոստին հայտնում է, որ 9 զոհ կա, 12 տուժած, չորսը վերակենդանացման բաժանմունքում են։ Մահացածներից 8-ը աշակերտներ են, մեկը` ուսուցիչ։

Ըստ որոշ տվյալների՝ ձերբակալվածը 19 տարեկան Իլնազ Գալյավիևն է։

Դատելով կադրերից՝ երեխաները փրկվելու համար թռել են շենքի պատուհաններից։ 

Դեպքի վայր է մեկնել շտապօգնության ավելի քան 20 բրիգադ։ Թաթարստանի կրթության նախարարության նախնական տվյալներով՝ Կազանի դպրոցում հրաձգության հետեւանքով տուժածների թվում երեխաներ չկան:

«Վայ, Հովո ջան․․․»․ ականատեսը՝ Նոր Նորքում հնչած կրակոցների ու սպանության մասին

63
թեգերը:
Զոհ, կրակոց, դպրոց, Կազան