«Միսս տիեզերք» մրցույթում Հայաստանը ներկայացնող Մոնիկա Գրիգորյանն արդեն Նյու Յորքում է

«Միսս տիեզերք» մրցույթում Հայաստանը ներկայացնող Մոնիկա Գրիգորյանն արդեն Նյու Յորքում է

483
«Միսս տիեզերք» մրցույթում ամենակարևորը հարցազրույցի փուլն է։ Դեռ մինչև մեկնելը Մոնիկան Sputnik Արմենիային հետ զրույցում նշել էր, որ բեմից շատ կարևոր հարցեր է բարձրացնելու։

ԵՐԵՎԱՆ, 30 ապրիլի - Sputnik. «Միսս տիեզերք-2020» մրցույթում Հայաստանը ներկայացնող 21–ամյա գեղեցկուհի Մոնիկա Գրիգորյանն արդեն Նյու Յորքում է, որտեղ կմնա մինչև մայիսի 6–ը։ Թե ինչպես է Մոնիկան անցկացնելու առաջիկա օրերը` մինչև մրցույթի մեկնարկը, Sputnik Արմենիային պատմել է «Միսս տիեզերք Արմենիա» մրցույթի կազմակերպիչ Գոհար Հարությունյանը։

Նշենք, որ «Միսս տիեզերք» մրցույթի կազմակերպիչներն ավելի վաղ հայտարարություն տարածեցին, որ կորոնավիրուսային համավարակի պատճառով հետաձգված «Միսս տիեզերք 2020»–ը կայանալու է, իսկ մասնակից պետություններին էլ հնարավորություն տրվեց ազգային մրցույթ անցկացնելու փոխարեն միանգամից առաջադրել սեփական թեկնածուին։ Գոհար Հարությունյանը առաջադրեց «Միսս աշխարհ Արմենիա 2019» մրցույթի 1-ին վիցե միսս Մոնիկա Գրիգորյանի թեկնածությունը։

«Մոնիկան արդեն հասել է Նյու Յորք։ Նշեմ, որ վերջին մեկ ամսում Մոնիկան գրեթե չէր քնում, առավելագույնը՝ 1-2 ժամ։ Դա կապված էր նրա հուզմունքի ու ոգևորվածության հետ։ Հույս ունեմ այդ վիճակը կանցնի ու նրան չի խանգարի։ Մոնիկային Նյու Յորքում դիմավորել է մի շատ լավ մասնագետ, որը «Միսս տիեզերքի» բազմաթիվ մասնակիցների է նախապատրաստել մրցույթին։ Մոնիկան անհատական պատրաստումներ կանցնի նրա մոտ, կայցելի Նյու Յորքի մոդելային գործակալություններ, կծանոթանա տեղի դիզայներների, լուսանկարիչների հետ, կսովորի այն ամենը, ինչ պահանջվում է մրցույթում», – ասաց Գոհարը։

Գոհար Հարությունյանն ու Մոնիկա Գրիգորյանը

Նյու Յորքում բազմաթիվ հայեր կան, որոնք ցանկանում են ծանոթանալ Մոնիկայի հետ։ Նրանց հետ հանդիպումը կկայանա մայիսի 1–ին` Նյու Յորքի հայկական եկեղեցում։

Նշենք, որ Մոնիկայի մասնակցությամբ վերջերս Հայաստանի մասին պատմող գեղեցիկ տեսահոլովակ է նկարահանվել, որտեղ նաև հայկական մի շարք եկեղեցիներ կան։

«Այդ տեսանյութը կցուցադրվի Նյու Յորքի հայկական եկեղեցում»,–ասաց Հարությունյանը։

Նրա խոսքով` մրցույթին նախապատրաստվելու համար ժամանակը շատ քիչ էր, դա էր պատճառը, որ Արցախի տարազով չեն մասնակցի մրցույթին, ինչպես նախապես ծրագրված էր։

Ամառը չի եկել, բայց նրանք արդեն լողազգեստով են. աստղային հայուհիների կրքոտ լուսանկարները

«Քաղաքական ոչ մի պատճառ չկա, ուղղակի զգեստի հետ կապված խնդիրներ եղան։ Մոնիկան կներկայացնի Երևանի տարազը, որը հատուկ նրա համար կարել էր ՀՀ մշակույթի վաստակավոր գործիչ, նկարչուհի, ազգագրագետ Լուսիկ Ագուլեցին։ Այս տարի կրկին մրցույթ կլինի, որին անպայման կներկայացնենք Արցախի տարազը»,–ասաց նա։

Հիշեցնենք, որ Մոնիկա Գրիգորյանը շատ դժվարություններ է հաղթահարել, 10 տարեկանում կորցրել է հորը։ Նա մրցույթի բեմից ուզում է խոսել նաև Արցախի ու արցախյան պատերազմի մասին, որը բազմաթիվ երեխաների ծնողազուրկ դարձրեց։

Մրցույթը տեղի է ունենալու մայիսի 16-ին ԱՄՆ–ի Ֆլորիդա նահանգում։

483
թեգերը:
Նյու Յորք, Մոնիկա Գրիգորյան, «Միսս Տիեզերք»
Ըստ թեմայի
«Շատ ավելի թույն տեսք». ռուս բորտուղեկցորդուհին «ձեռնոց է նետել» Քիմ Քարդաշյանին
Ի հեճուկս 2020-ի․ որտեղ են ամանորյա արձակուրդներն անցկացրել հայտնի հայերը
Որտե՞ղ է հանգստանում գեղեցկուհի Լուսինե Թովմասյանը. լուսանկարներ
Տեսախցիկն արձանագրել է Հայաստանի անտառներում ապրող գորշ արջերին

Տեսախցիկն արձանագրել է Հայաստանի անտառներում ապրող գորշ արջերին

56
Գորշ արջերը հաճախ մտնում են գյուղեր, վնասում պտղատու այգիներն ու մեղվի փեթակները` հայտնվելով մարդկանց թիրախում։

ԵՐԵՎԱՆ, 11 մայիսի – Sputnik. Կովկասյան կենսաբազմազանության ապաստարանի (CWR) տեսախցիկներն արձանագրել են հայաստանյան անտառներում բնակվող գորշ արջերի կենցաղի հետաքրքիր պահերը։

Եզակի լուսանկարներն արվել են Վայոց Ձորի բնության հատուկ պահպանվող տարածքում։

Бурый медведь в Вайоц Дзоре
© Photo : FPWC
Տեսախցիկն արձանագրել է Հայաստանի անտառներում ապրող գորշ արջերին

Գորշ արջը գրանցված է Հայաստանի Կարմիր գրքում: Աշխարհում այս կենդանատեսակը համարվում է խոցելի։

Գորշ արջերը հաճախ մտնում են գյուղեր, վնասում պտղատու այգիներն ու մեղվի փեթակները` հայտնվելով մարդկանց թիրախում։

Թաքնված տեսախցիկն արձանագրել է հայաստանյան լուսանի «մլավոցը». տեսանյութ

Նշենք, որ շուրջ 30 000 հա զբաղեցնող Կովկասյան կենսաբազմազանության ապաստարանը (ԿԿԱ) միակ մասնավոր կառավարվող բնապահպանական տարածքն է ողջ Հարավային Կովկասում: Յուրահատուկ հարուստ կենսաբազմազանությամբ այս տարածքը գտնվում է Վայրի բնության և մշակութային արժեքների պահպանման հիմնադրամի (FPWC) վերահսկողության ներքո:

Կովկասյան կենսաբազմազանության ապաստարանն ընդգրկում է շուրջ 10000 հա պահպանվող տարածք և հարակից է «Խոսրովի անտառ» պետական արգելոցին:

Бурый медведь в Вайоц Дзоре
© Photo : FPWC
Տեսախցիկն արձանագրել է Հայաստանի անտառներում ապրող գորշ արջերին
56
թեգերը:
Անտառ, արջ, Հայաստան
Ըստ թեմայի
Աննախադեպ արդյունք. փրկարար կենտրոնում պահվող արջերից 16-ն առաջին ձյան հետ քուն են մտել
Փիթեր արջուկի կեղտոտ վանդակը պահվել է կատարյալ մթության մեջ. ստորագրահավաք է մեկնարկել
Վայոց Ձորում անտառապահը փորձել է սպանել արջին. կենդանին հարձակվել է նրա վրա
Կենտրոնի թաղապետարան

Ծեծկռտուք Կենտրոնի թաղապետարանում. վարչություններից մեկի պետին տեղափոխել են հիվանդանոց

170
(Թարմացված է 15:14 11.05.2021)
Հողօգտագործման բաժնի պետ Մանվել Մարգարյանի ինքնազգացողությունը վատացել է վիճաբանությունից ու քաշքշուկից հետո։

ԵՐԵՎԱՆ, 11 մայիսի – Sputnik. Երևանի Կենտրոնի թաղապետարանում այսօր առավոտյան ծեծկռտուք է տեղի ունեցել քաղաքաշինության և հողօգտագործման բաժնի պետ Մանվել Մարգարյանի և վարչական շրջանի ղեկավարի տեղակալ Արմեն Ազիզյանի միջև: Տեղեկությունը հայտնում է «Հայկական ժամանակը»։

Ըստ կայքի` առավոտ շուտ թաղապետարանի ղեկավար կազմը Մարգարյանին շատ կոպիտ ձևով հրահանգել է ազատել աշխատասենյակը: Այնուհետև վիճաբանություն ու քաշքշուկ է սկսվել, որից հետո Մանվել Մարգարյանի ինքնազգացողությունը վատացել է, շտապօգնության մեքենայով նրան տեղափոխել են հիվանդանոց:

Քաղաքաշինության և հողօգտագործման բաժնի պետի տեղակալ Ագնեսա Մելիքսեթյանը «Հայկական ժամանակի» հետ զրույցում պատմել է, որ միջադեպի ժամանակ կողքի աշխատասենյակում է գտնվել: Բարձր բղավոցներ ու հայհոյանքներ է լսել, առաջ է եկել, որ հասկանա՝ ինչ է կատարվում, բայց իրեն մոտիկ չեն թողել. «Ասացին՝ դու աղջիկ ես, գնա, գործ չունես ու չթողեցին մոտենամ, բայց սարսափելի իրարանցում էր, լսում էի նաև, որ կահույքն են քաշքշում: Այդ ընթացքում իմ սենյակում էի, հետո արդեն ոստիկանությունը եկավ»:

«Նորք–Մարաշ» ԲԿ–ում գրանցված սկանդալային դեպքի առնչությամբ քրգործ է հարուցվել

Լրատվամիջոցի տեղեկություններով՝ միջադեպի գլխավոր հերոսը Արմեն Ազիզյանն է եղել: Աշխատակիցները հայտնել են, որ նա առավոտյան աշխատավայրում է եղել, սակայն հետո դուրս է եկել:

Արմեն Ազիզյանը կատարում է վարչական շրջանի ղեկավար Ավետ Պողոսյանի պարտականությունները: Ավետ Պողոսյանն արձակուրդում է:

Կայքը հիշեցնում է, որ Կենտրոն վարչական շրջանի աշխատակազմում սպասվող կառուցվածքային փոփոխություններով պայմանավորված` մի շարք անձինք կանգնած են աշխատանքը կորցնելու վտանգի առաջ, իսկ ոմանք էլ աշխատավայրում լուրջ ճնշումների են ենթարկվում, խոսքը՝ «Քաղաքաշինության և հողօգտագործման» բաժնի պետի, նրա տեղակալի, գլխավոր մասնագետի ու մի քանի այլ աշխատակիցների մասին է: Քաղաքաշինության և հողօգտագործման բաժնի պետ Մանվել Մարգարյանը ՀԺ–ին ասել էր, որ ամեն ինչ սկսվել է նրանից, երբ ամիսներ առաջ ինքը բարձրաձայնել է թաղապետարանում տիրող ապօրինության մասին, որի առնչությամբ հիմա նաև քրեական գործ կա հարուցված:

Հակոբ Արշակյանի ու լրագրողի աղմկահարույց դեպքի առնչությամբ նորից քրգործ է հարուցվել

170
թեգերը:
Ծեծկռտուք, Երևան, Հայաստան
Ազգային ժողովի նախագահ Արարատ Միրզոյանը հանդիպել է Լիտվայի Սեյմասի նախագահ Վիկտորյա Չմիլիտե-Նիլսենի հետ:

Լիտվայի Սեյմասի նախագահը անհանգստություն է հայտնել հայ ռազմագերիների վերադարձի վերաբերյալ

0
(Թարմացված է 20:59 11.05.2021)
Արարատ Միրզոյանն իր լիտվացի պաշտոնակցի հետ հանդիպմանն ընդգծել է, որ Ադրբեջանի իշխանությունը շարունակում է հայատյացության իր քաղաքականությունը, ինչը ևս մեկ անգամ ապացուցում է, որ արցախահայերը որևէ պարագայում չեն կարող անվտանգ ապրել այդ երկրի կազմում:

ԵՐԵՎԱՆ, 11 մայիսի – Sputnik. Լիտվայի Հանրապետություն պաշտոնական այցի շրջանակներում այսօր` մայիսի 11-ին ՀՀ Ազգային ժողովի նախագահ Արարատ Միրզոյանը հանդիպել է Լիտվայի Սեյմասի նախագահ Վիկտորյա Չմիլիտե-Նիլսենի հետ, հայտնում են ԱԺ հասարակայնության հետ կապերի ու հաղորդակցության վարչությունից։

Председатель Нацсобрания Армении Арарат Мирзоян встретился с председателем Сеймаса Литвы Викторией Чмилите-Нильсен во время официального визита в Литву (11 мая 2021). Вильнюс
Ազգային ժողովի նախագահ Արարատ Միրզոյանը հանդիպել է Լիտվայի Սեյմասի նախագահ Վիկտորյա Չմիլիտե-Նիլսենի հետ:

Հայաստանի խորհրդարանի խոսնակը բարձր է գնահատել Լիտվայի աջակցությունը Հայաստանին համաճարակի դեմ պայքարում և երախտագիտություն հայտնել Հայոց ցեղասպանության ճանաչման, Ցեղասպանության զոհերի հիշատակի արարողություններին Լիտվայի բարձր մակարդակով մասնակցության համար:

Председатель Нацсобрания Армении Арарат Мирзоян встретился с председателем Сеймаса Литвы Викторией Чмилите-Нильсен во время официального визита в Литву (11 мая 2021). Вильнюс
Ազգային ժողովի նախագահ Արարատ Միրզոյանը հանդիպել է Լիտվայի Սեյմասի նախագահ Վիկտորյա Չմիլիտե-Նիլսենի հետ:

Արարատ Միրզոյանը նշել է, որ Ադրբեջանը շարունակում է կոպտորեն խախտել նոյեմբերի 9-ի եռակողմ հայտարարությունը՝ հրաժարվելով վերադարձնել հայ ռազմագերիներին և այլ պահվող անձանց: Ի հավելումն դրա՝ Ադրբեջանի իշխանությունը շարունակում է հայատյացության իր քաղաքականությունը, ինչը ևս մեկ անգամ ապացուցում է, որ արցախահայերը որևէ պարագայում չեն կարող անվտանգ ապրել այդ երկրի կազմում:

Սեյմասի նախագահը նշել է, որ Լիտվան շարունակում է անհանգստություն հայտնել ինչպես ռազմագերիների վերադարձի գործընթացի, այնպես էլ Ադրբեջանի կողմից հայկական մշակութային ժառանգության նկատմամբ ոտնձգությունների վերաբերյալ:

Председатель Нацсобрания Армении Арарат Мирзоян встретился с председателем Сеймаса Литвы Викторией Чмилите-Нильсен во время официального визита в Литву (11 мая 2021). Вильнюс
Ազգային ժողովի նախագահ Արարատ Միրզոյանը հանդիպել է Լիտվայի Սեյմասի նախագահ Վիկտորյա Չմիլիտե-Նիլսենի հետ:

Ի դեպ, այս տարի լրանում է Հայաստանի և Լիտվայի միջեւ դիվանագիտական հարաբերությունների հաստատման 30-ամյակը:

Հիշեցնենք, որ ոչ պաշտոնական տվյալներով՝ Ադրբեջանում է գտնվում մոտ 200 գերի։ Մինչ օրս Հայաստանին է վերադարձվել 73 զինվորական ու քաղաքացիական անձ։

0
թեգերը:
Լիտվա, գերի, Հայաստան
Ըստ թեմայի
Արարատ Միրզոյանն ու Քերոլայն Քոքսը հանդիպել են և պայմանավորվածություն ձեռք բերել
Արարատ Միրզոյանը շնորհակալական նամակ է հղել Լատվիայի Սաեյմայի նախագահին
Նիկոլ Փաշինյանն ու Արարատ Միրզոյանն այցելել են «Հաղթանակ» զբոսայգի. լուսանկարներ