Հայկական ու ադրբեջանական դիրքեր

Հայաստանի ու Ադրբեջանի սահմանին կձևավորվի չեզոք գոտի. ԱԱԾ տնօրենի տեղակալ

134
(Թարմացված է 14:42 29.04.2021)
ԱԱԾ փոխտնօրենը հայտնեց, որ ամեն պետություն այդ սահմանային շերտը ձևավորում է իր տարածքի հաշվին։

ԵՐԵՎԱՆ, 29 ապրիլի - Sputnik. ՀՀ ԱԱԾ տնօրենի տեղակալ, գեներալ–լեյտենանտ Ստեփան Մելքոնյանն այսօր ԱԺ–ում լրագրողների հետ զրույցում մեկնաբանեց Սյունիքի սահմանին ստեղծված իրավիճակը։

«Սյունիքում ռազմաքաղաքական իրավիճակը չենք կարող ասել, որ հանգիստ է և ռիսկեր ու վտանգներ չի պարունակում»,– ասաց նա։ Այս տեսակետից Սյունիքի բնակիչների մոտ վախի ու անհանգստության առկայությունը Մելքոնյանը բնական է համարում։

Ինչ վերաբերւմ է սահմանների հստակեցմանը՝ Մելքոնյանը արձանագրեց, որ սահմանի ողջ երկայնքով, ընդ որում` ոչ միայն Սյունիքում, պաշտպանական զորքերը թե՛ Հայաստանի, թե՛ Ադրբեջանի կողմից դեռ դիրքավորված են մնում։

«Բնագիծը դեռ վերջնական կարգավորված չէ, որովհետև այսօր մենք ունենք 520 կմ բնագիծ, որտեղ ուղղակի դիրքավորված ոնց կայինք՝ այդպես էլ կանք։ Բայց դրա վերաբերյալ երկու պետությունների միջև ժամանակի ընթացքում, երբ որ արդեն ռազմաքաղաքական իրավիճակը կհանդարտվի, հնարավորություն կստեղծվի երկկողմանի հանձնաժողով ստեղծել, այդ հարցը քննարկման առարկա դարձնել, այդ ժամանակ արդեն կմոտենանք դելիմիտացիային, դեմարկացիային, նոր արդեն ավելի հստակ կլինեն մեր սահմանը, սահմանի հետ կապված հարցերը, ինժեներական կառույցները»,– ասաց նա։

ԱԱԾ փոխտնօրենը հայտնեց, որ կա այս բոլոր հարցերով զբաղվող հանձնաժողով, որի աշխատանքների մեջ է մտնում նաև չեզոք գոտու` սահմանային շերտի ապահովումը։

Կառավարությունն առաջարկում է փոփոխություններ կատարել ՀՀ «Պետական սահմանի մասին» օրենքում

«Ամեն պետություն այդ սահմանային շերտը ձևավորում է իր տարածքի հաշվին, դուք ո՞նց կարող եք սահմանային շերտը ձևավորել հարևանի տարածքի հաշվին»,– ասաց նա` արձագանքելով լրագրողների դիտարկմանը, թե այդ գործընթացի արդյունքում Հայաստանը նոր տարածքներ կարող է զիջել։

Թե երբ տեղի կունենա սահմանի վերջնական հստակեցումն ու կարգավորումը՝ Ստեփան Մելքոնյանը դժվարացավ հստակեցնել` նշելով, որ դա կախված է նաև մեր հարևանների վարքագծից։ ԱԱԾ փոխտնօրենը, սակայն,  լավատես է՝ իրավիճակը կկարգավորվի։

Հիշեցնենք՝ 44-օրյա պատերազմից հետո Արցախի որոշ շրջաններ անցել են Ադրբեջանի վերահսկողության տակ։ Դրանից հետո սկսվել է Հայաստանի և Ադրբեջանի սահմանների հստակեցման գործընթացը, ինչը խիստ դժգոհություն է առաջացրել Սյունիքի սահմանամերձ բնակավայրերի բնակիչների շրջանում։ 

Ադրբեջանցիները քաշքշել են հովվին, հարվածել աչքին. Արավուսում սահմանը 100-500 մետրի վրա է

Հատկապես բարդ իրավիճակ է Կապան-Գորիս ճանապարհահատվածի, ինչպես նաև մի քանի գյուղերի՝ Ճակատենի Դավիթ Բեկի, Որոտանի և Շուռնուխի, Ներքին Խնձորեսկի պատճառով։

134
թեգերը:
Սահման, Ադրբեջան, Հայաստան
Ըստ թեմայի
«Որևէ երաշխիք, որ մեր սահմանները պաշտպանված են, չկա». Ռոբերտ Քոչարյան
Չապրած կյանքի ներկայություն. սահմանամերձ Բերդավանում հերոսների հիշատակի խաչքար տեղադրվեց
ՊՆ-ն հերքում է․ Սյունիքի սահմաններին Ադրբեջանի հետ փոխհրաձգություն չի եղել
Հայոկն ու Անահիտ Սիմոնյանը

Շնորհավո՜ր ծնունդդ, իմ թանկագին տղամարդ. Անահիտ Սիմոնյանը տեսանյութ է հրապարակել

210
(Թարմացված է 16:49 18.05.2021)
Անահիտ Սիմոնյանի էջի հետևորդները բազմաթիվ շնորհավորանքներ են գրել ու երջանկություն մաղթել տղային։

ԵՐԵՎԱՆ, 18 մայիսի - Sputnik. Հայտնի երգիչ Հայկոյի և դիզայներ Անահիտ Սիմոնյանի որդին՝ Արմանը, այսօր դառնում է 10 տարեկան, ինչի առթիվ Անահիտը Instagram–ի իր էջում տեսանյութ է հրապարակել ու շնորհավորել նրան։ Տեսանյութում երգչուհին մեկտեղել է որդու տարբեր տարիների լուսանկարներն ու տեսաշարերը։

«Շնորհավո՜ր ծնունդդ, իմ թանկագին տղամարդ, իմ սիրելի որդի։ Ես աշխարհի ամենաերջանիկ մայրն եմ, քանի որ ունեմ քեզ։ Ես քեզ շատ սիրում եմ և ուզում եմ ցանկանալ շատ հաջողություններ, հավատարիմ ընկերներ, սեր և մեծ հնարավորություններ: Եվ, ամենակարևորը` եղիր առողջ, ուժեղ և ամուր։Սիրում եմ քեզ ամբողջ սրտով»,–գրել է Անահիտը։

Նրա էջի հետևորդները բազմաթիվ շնորհավորանքներ են գրել ու երջանկություն մաղթել տղային։

««Շնորհավոր, հրաշք տղա», «Առողջ ու երջանիկ ապրես»,«Խաղաղ երկրում մեծանաս»»,–գրել են նրանք։

Երգիչ Հայկոն միացել է շիշ բացելու չելենջին. տեսանյութ

Նշենք, որ նախորդ տարի հայտնի դարձավ, որ Հայկոն և Անահիտ Սիմոնյանը ամուսնալուծվել են։ Երգչուհին նշել էր, որ հիմա իրենք շատ ավելի լավ ընկերներ են, քան առաջ։

Հիշեցնենք, որ Հայկոն և Անահիտը ամուսնացել են 2010 թվականին։

210
թեգերը:
շնորհավորանք, ծնունդ, որդի, Հայկո, Անահիտ Սիմոնյան
Սիրուշո

Սիրուշոն պարում է իր «Body On Body» երգի տակ. տեսանյութ

269
(Թարմացված է 15:14 18.05.2021)
Սիրուշոյի հետևորդները բազմաթիվ դրական մեկնաբանություններ են գրել ու ստեղծագործական նոր հաջողություններ մաղթել երգչուհուն։

ԵՐԵՎԱՆ, 18 մայիսի - Sputnik. Ճանաչված երգչուհի Սիրուշոն Instagram-ի իր էջում նոր տեսանյութ է հրապարակել, որում պարում է իր «Body On Body» երգի տակ։

Նշենք, որ երգն իսկական հիթ է դարձել սոցցանցերում։ Հազարավոր երիտասարդներ փոքրիկ տեսահոլովակներ են նկարահանում և նշում երգչուհուն։

Նա տեսանյութին կից գրառում է արել ու հետևորդներին շնորհակալություն հայտնել ակտիվության համար։

Посмотреть эту публикацию в Instagram

Публикация от Sirusho (@sirushoofficial)

«Մենք ամեն ինչ կարող ենք, երբ միասին ենք ու համախմբված։ Դուք կրակ եք»,–գրել է երգչուհին։

Սիրուշոյի հետևորդները բազմաթիվ դրական մեկնաբանություններ են գրել ու ստեղծագործական նոր հաջողություններ մաղթել երգչուհուն։

«Հրաշք աղջիկ։ Յուրահատուկ։ Սքանչելի երգ։ Իսկական հիթ»,–գրել են նրանք։

«Ոչ թե ես եմ վճարում, այլ ինձ են վճարում». Սիրուշոն պատասխանել է օգտատերերին

Նշենք, որ երգչուհին «Body On Body» երգը հանդիսատեսի դատին է հանձնել ապրելի 29-ին։ Երգչուհու յութուբյան պաշտոնական էջում տեսահոլովակը դիտվել է ավելի քան 781.000 անգամ։

«Ես քեզ անսահման սիրում եմ, Միքայել». Սիրուշոյի որդին դարձավ 5 տարեկան. լուսանկարներ

269
թեգերը:
տեսանյութ, Պար, երգ, Սիրուշո
Ըստ թեմայի
Ֆրանսահայ երգչուհու կատարումը հիացրեց ու հուզեց «The Voice»-ի ժյուրիին
Երգչուհի Սրբուկը կրքոտ ֆոտոշարք է հրապարակել
Երգչուհի Արիանա Գրանդեն գաղտնի ամուսնացել է անշարժ գույքի գործակալի հետ
Թաղավարդ

Ադրբեջանի զինված ուժերը կրակել են Թաղավարդ գյուղի ուղղությամբ

65
(Թարմացված է 18:27 18.05.2021)
Ադրբեջանական դիրքերից մի քանի կրակոց է արձակվել հայաբնակ գյուղի ուղղությամբ։

ԵՐԵՎԱՆ, 18 մայիսի – Sputnik. Ադրբեջանական զինված ուժերը կրակ են բացել Արցախի Հանրապետության Թաղավարդ գյուղի ուղղությամբ։ Տեղեկությունը Sputnik Արմենիային հայտնեց համայնքի ղեկավարի տեղակալ Սևակ Խաչատրյանը:

«Կրակում էին գյուղի դիմաց գտնվող ադրբեջանական դիրքից», - ասաց Խաչատրյանը:

Նրա խոսքով՝ զոհեր ու վիրավորներ չեն եղել, գյուղացիները դեռ չեն գտել, թե որտեղ է դիպել գնդակը։

Կրակոցները հնչել են այսօր առավոտյան` ժամը 09: 00-10: 00-ի սահմանում։ Հնչել է մի քանի կրակոց: Այժմ գյուղում հարաբերական անդորր է, բայց իրավիճակը շարունակում է մտահոգել թաղավարդցիներին։

Նշենք, որ գրեթե միաժամանակ հարակից Կարմիր շուկա գյուղի տարածքում արձանագրվել է դեպի Շուշի հիմնական ճանապարհով ադրբեջանական բազմաթիվ ավտոմեքենաներից բաղկացած շարասյան շարժ։ Գյուղացիներին անհանգստացրել է ադրբեջանական ավտոմեքենաների անցումը իրենց գյուղի տարածքով։ Նրանք այդ խնդրով դիմել են ռուս խաղաղապահներին։

Ինչպես Sputnik Արմենիային տված հարցազրույցում նշեց համայնքի ղեկավար Նարեկ Աթայանը, լարվածության պատճառը բացառապես ադրբեջանցիների պահվածքն է։

«Մենք խոսեցինք խաղաղապահների հետ, որ նրանք ևս մեկ անգամ զգուշացնեն ադրբեջանցիներին՝ մի փոքր զսպեն նրանց, որ հանգիստ անցնեն: Օրինակ` չնկարեն», - ասաց Աթայանը:

Ավելի վաղ արդեն գրել էինք, որ ադրբեջանական շարասյուների տեղաշարժը լարվածություն է ստեղծում Կարմիր շուկա և Շոշ գյուղերի բնակիչների շրջանում: Նկարահանված տեսանյութերում երևում է, որ ադրբեջանցիները գյուղով անցնելիս ոչ միայն նկարահանում են իրենց անցումը գյուղով, այլև վիրավորական արտահայտություններ բղավում հայերի հասցեին։

65
թեգերը:
կրակոց, Թաղավարդ, ադրբեջանցի, Արցախ
Ըստ թեմայի
Արցախի ԱԽ–ն հերքում է լուրը, թե ադրբեջանական ԶՈւ–ն դիրքերն առաջ է տվել նաև Արցախում
ԵԽԽՎ զեկուցողը կայցելի Հայաստան` Արցախում պատերազմի հումանիտար հետևանքներն ուսումնասիրելու
ՊԲ-ն կա և մնալու է. Արցախի նախագահը բարձրագույն հրամկազմի հետ խորհրդակցություն է անցկացրել