Գյումրիում մեկնարկել է Մեծ Հայրենականին նվիրված ֆիլմերի ազդագրերի ցուցադրությունը

Գյումրիում մեկնարկել է Մեծ Հայրենականին նվիրված ֆիլմերի ազդագրերի ցուցադրությունը

118
(Թարմացված է 19:42 28.04.2021)
Ներկայացված է հիմնականում հիսունից-վաթսունական թվականներին ստեղծված 50 կինոազդագիր հավաքածուի ավելի քան 700 նմուշներից։

ԵՐԵՎԱՆ, 28 ապրիլի - Sputnik, Արմենուհի Մխոյան. Գյումրիի Ռուսական տան և «Style» պատկերասրահի նախաձեռնությամբ ապրիլի 28-ին մեկնարկեց խորհրդային տարիների բնօրինակ կինոազդագրերի ցուցադրությունը:

Показ оригинальных киноплакатов советских лет (28 апреля 2021). Гюмри
© Sputnik / Armenuhi Mkhoyan
Գյումրիում մեկնարկել է Մեծ Հայրենականին նվիրված ֆիլմերի ազդագրերի ցուցադրությունը

Ցուցադրությանը ներկայացված են սիրված, բայց երիտասարդ սերնդի կողմից անհայտ բազմաթիվ ֆիլմերի կինոպաստառներ: Մեծ Հայրենականի մասին պատմող ռուսական, հայկական, վրացական և նախկին խորհրդային այլ հանրապետությունների արտադրության ֆիլմերը շատ են. եթե դրանց մի մասը շատ հայտնի է ու սիրված, մյուսները՝ անհայտ ու մոռացված, որոնց մասին հիշեցնում են ազդագրերը:

Ներկայացված է հիմնականում հիսունից-վաթսունական թվականներին ստեղծված 50 կինոազդագիր:

Показ оригинальных киноплакатов советских лет (28 апреля 2021). Гюмри
© Sputnik / Armenuhi Mkhoyan
Գյումրիում մեկնարկել է Մեծ Հայրենականին նվիրված ֆիլմերի ազդագրերի ցուցադրությունը

Ինչպես մեր թղթակցին տեղեկացրեց «Style» պատկերասրահի տնօրեն Արտուշ Մկրտչյանը՝ կինոազդագրեր հավաքելու նախաձեռնությունն առաջացել է Լոնդոնում թանգարաններից մեկում ռուսական պաստառների ցուցադրությանը ծանոթանալուց հետո:

Երևան-Գյումրի-Երևան երթուղու արագընթաց էլեկտրագնացքները վերսկսում են ուղերթերը

«Նույնիսկ կինոաֆիշաններն են խոսում այդ տարիների դժվարությունների, հայրենասիրության ու հաղթանակի մասին, ու որպես խորհրդանիշ այդ տարիներից՝ վերջին պաստառը, որ մենք ամրացրեցինք պատին, «Նյուրնբերգյան դատավարությունն» էր։ Իսկ ամենահին կինոաֆիշան, որքան հիշում եմ, 1957 թվականի արտադրության է»,-պատմում է Արտուշ Մկրտչյանը հավելելով, որ հավաքածուն ավելի մեծ է՝ ավելի քան 700 կինոպաստառ:

Показ оригинальных киноплакатов советских лет (28 апреля 2021). Гюмри
© Sputnik / Armenuhi Mkhoyan
Գյումրիում մեկնարկել է Մեծ Հայրենականին նվիրված ֆիլմերի ազդագրերի ցուցադրությունը

Գյումրիում ՌԴ հյուպատոս Ռուսլան Կանդաուրովի համար պատերազմական տարիների կյանքը ներկայացնող լավ ֆիլմերը շատ են՝ «Մարտի են գնում միայն ծերունիները», «Բալլադ զինվորի մասին» և այլն, հյուպատոսը դժվարանում է առանձացնել մեկը, բայց վստահ է՝ այդ տարիների ֆիլմերը հաջողված էին, քանի որ հենց դերասանների ծնողները, ավագ եղբայրները կամ էլ հենց իրենք Հայրենականի մասնակից էին։

Арутюн Амбарцумян, директор Гюмрийского центра российской науки и культуры, Руслан Кандауров, российский консул в Гюмри и Рубен Саноян, заместитель мэра Гюмри, на показе оригинальных киноплакатов советских лет (28 апреля 2021). Гюмри
© Sputnik / Armenuhi Mkhoyan
Գյոմրիում Ռուսական տան տնօրեն Հարություն Համբարձումյան, Գյումրիում ՌԴ հյուպատոս Ռուսլան Կանդաուրով, Գյումրիի փոխքաղաքապետ Ռուբեն Սանոյան

«Այդ ֆիլմերն ավելի իրական են, դերասաններից շատերն այդ ցավը սեփական մաշկի վրա են զգացել: Ես շատ եմ սիրում այդ ֆիլմերը նորից ու նորից դիտել՝ բարություն կա դրանց մեջ»,-ցուցադրության բացման ժամանակ նշեց Ռուսլան Կանդաուրովը:

«Խորհրդային պետությունը պատերազմական տարիների ֆիլմերի բավական մեծ ժառանգություն է թողել: Կարծում եմ, որ բոլոր ֆիլմերն էլ ուշադրության արժանի են»,-Sputnik Արմենիայի հետ զրույցի ժամանակ նշեց ԵՊՀ ուսանողուհի Սյուզաննա Նորոյանը՝ կարևորելով ցուցահանդեսը, որը փոխանցում է տրամադրությունը, որ եղել է այն տարիներին: Անշուշտ, այդ ֆիլմերն անցել են համապատասխան խորհրդային գրաքննություն, և դա արտացոլված է նաև պաստառների մեջ: Ներկայացված ցուցանմուշները ոչ միայն ժամանակի ֆիլմարտադրության մասին են խոսում, այլ նաև նկարչական մեծ արժեք ներկայացնող նմուշներ են:

Ցուցադրությունը բաց կլինի մինչև մայիսի 10-ը ներառյալ:

Студентка ЕГУ Сюзанна Нороян на показе оригинальных киноплакатов советских лет (28 апреля 2021). Гюмри
© Sputnik / Armenuhi Mkhoyan
Սյուզաննա Նորոյան
118
թեգերը:
Գյումրի, ֆիլմ, ցուցադրություն, Հայրենական մեծ պատերազմ
Ըստ թեմայի
Ինչի՞ հոտ է գալիս հայկական կոնյակից․ հայրենական արտադրության «հրաշքները»
Ադրբեջանը ոչնչացնում է ամեն հայկականը, անգամ Հայրենական պատերազմի հուշակոթողները. Բաբայան
100 ծառ ՝ ի հիշատակ Հայրենական պատերազմի զոհերի. Երևանը միացավ «Հիշատակի այգի» ակցիային
Պատվաստում

ՀՀ–ում կորոնավիրուսային հիվանդության դեմ պատվաստումների շեմն անցել է 10 հազարը

8
(Թարմացված է 18:40 07.05.2021)
Հայաստանում արդեն 21868 մարդ է վարակվել կորոնավիրուսով, գրանցվել է մահվան 4209 դեպք։

ԵՐԵՎԱՆ, 7 մայիսի – Sputnik. Կորոնավիրուսային հիվանդության դեմ պատվաստումների մեկնարկից ի վեր` մայիսի 7-ի դրությամբ, կատարվել է 10281 պատվաստում։ Տեղեկությունը հայտնում է ՀՀ առողջապահության նախարարությունը։

Հաղորդագրության համաձայն` պատվաստումներն իրականացվել են թե՛ «AstraZeneca», թե՛ «Սպուտնիկ-V» պատվաստանյութերով:

Հիշեցնենք, որ «AstraZeneca»-ով պատվաստումները կարող են իրականացվել 18 և բարձր տարիքի անձանց շրջանում, ըստ դիմելիության, կամավորության սկզբունքով:

Իսկ «Սպուտնիկ-V»-ով պատվաստումները նախատեսված են ռիսկի խմբերի անձանց, մասնավորապես` 18-ից 54 տարեկան բուժաշխատողների, 18-ից 54 տարեկան խրոնիկ հիվանդների, 18-ից 54 տարեկան սոցիալական խնամքի կենտրոնների բնակիչների և աշխատակիցների համար:

Հայաստանում կորոնավիրուսով վարակվածների թիվը վերջին մեկ օրում ավելացել է 356–ով և դարձել 21868:

8
թեգերը:
պատվաստանյութ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Օդից վերցրած տեղեկատվություն է. ԱՆ–ն հերքում է պատվաստումները պարտադրելու լուրերը
«Արսեն Թորոսյանը ճիշտ էր». ԱԺ պատգամավորները պատվաստվեցին COVID-19-ի դեմ AstraZenaca–ով
Դավիթ Բաբայանը պատվաստվել է կորոնավիրուսի դեմ և լուսանկար հրապարակել
«Հայփոստ»

Հայփոստը կրճատումներ չի իրականացնում. ընկերությունը մեկնաբանել է շրջանառվող լուրերը

16
(Թարմացված է 18:07 07.05.2021)
«Հայփոստի» կողմից մատուցվող ծառայությունների որակը բարելավելու նպատակով ընկերությունը պարբերաբար անցկացնում է գիտելիքների ստուգում աշխատակիցների մասնագիտական ունակությունների համապատասխանությունը զբաղեցրած պաշտոնին կամ կատարվող աշխատանքին գնահատելու համար։

ԵՐԵՎԱՆ, 7 մայիսի – Sputnik. Շրջանառվող լուրերը իբրև «Հայփոստում» կրճատումներ են իրականացվում, չեն համապատասխանում իրականությանը:  Տեղեկությունը հայտնում են ընկերության գրասենյակից` հավելելով, որ հակառակը՝ այս պահի դրությամբ ընկերությունը համալրում է իր թիմը։

««Հայփոստի» կողմից մատուցվող ծառայությունների որակը բարելավելու հասարակական պահանջարկը բավարարելու անհրաժեշտությամբ պայմանավորված՝ ընկերությունը պարբերաբար անցկացնում է գիտելիքների ստուգում (ատեստավորում)՝ թեստերի միջոցով աշխատակիցների մասնագիտական ունակությունների համապատասխանությունը զբաղեցրած պաշտոնին կամ կատարվող աշխատանքին գնահատելու նպատակով։  Ոչ բավարար արդյունք ունեցող և ազատման ենթակա աշխատակիցների տվյալներն ընկերության կողմից դեռ չեն ամփոփվել, ուստի  զանազան ամբիոններից հնչող աշխատողի ազատման մասին տարբեր թվերը իրականության հետ ոչ մի աղերս չունեն»,–ասված է հաղորդագրության մեջ:

Հայտնում են, որ գիտելիքների ստուգման հերթական գործընթացը տևելու է մինչև ընթացիկ տարվա վերջ: 

«Աշխատակիցների գիտելիքների ստուգման համար կազմված հարցաթերթիկներում ընդգրկվում են բացառապես այն հարցերը, որոնք թույլ են տալիս գնահատել աշխատողի մասնագիտական ունակությունների մակարդակը»,–ասված է հաղորդագրության մեջ։

«Հայփոստն» ավիացիոն բեռնափոխադրումներ իրականացնող ընկերություն է հիմնում

Ընկերությունից տեղեկացնում են նաև, որ թափուր աշխատատեղերն ընկերությունում մշտապես համալրվում են ընդհանուր հիմունքներով՝ ընկերության հաստիքների մասին  հայտարարագրմամբ՝ մրցութային կարգով։ Թափուր հաստիքների մասին  հայտարարությունները հրապարակվում են «Հայփոստի» կայքէջում, սոցիալական ցանցերում և այլ հարթակներում:

Հայփոստ ՓԲԸ-ն Հայաստանի Հանրապետության փոստային կապի ազգային օպերատորն է և խոշոր գործատուներից մեկը, որը ՀՀ-ում ունի ավելի քան 850 փոստային բաժանմունք և ավելի քան 3000 աշխատակից:

16
թեգերը:
աշխատատեղ, աշխատող, ՀայՓոստ
Ըստ թեմայի
«Հայփոստը» հիմնում է «Փոստ Կրեդիտ» վարկային կազմակերպություն
«Հայփոստն» իջեցրել է դեպի Ֆրանսիա առաքման սակագները
«Հայփոստի» մասնաճյուղերից մեկի շենքի տանիքում հրդեհ է բռնկվել
Աննա Հակոբյան

Քննությունը կպարզի` ինչպես է Աննա Հակոբյանը հայտնվել հրամանատարական կետում

22
(Թարմացված է 19:25 07.05.2021)
Քննչական կոմիտեն մերժել է հավելյալ տեղեկություն տրամադրել` պատճառաբանելով նախաքննության գաղտնիությունը։

ԵՐԵՎԱՆ, 7 մայիսի – Sputnik. ՀՀ վարչապետի պաշտոնակատար Նիկոլ Փաշինյանի կնոջ՝ Աննա Հակոբյանի` հրամանատարական կետում հայտնվելու հանգամանքները պարզելու համար քննչական կոմիտեում քննություն է տարվում։ Այս մասին հայտնել է ՔԿ–ն «Փաստինֆոյի» գրավոր հարցմանն ի պատասխան` մերժելով տեղեկատվության տրամադրումը` պատճառաբանելով նախաքննության գաղտնիությունը։

Աննա Հակոբյանը, պատերազմի օրերին գտնվել է Արցախի Հանրապետության պաշտպանության բանակի հրամանատարական կետում և այնտեղից հետևել ռազմական գործողություններին, երբեմն նաև միջամտել։ Հակոբյանի՝ հրամանատարական կետում գտնվելը պաշտոնապես հաստատել է նաև Նիկոլ Փաշինյանը՝ ասելով, թե իր ընտանիքի անդամը բարոյահոգեբանական աջակցություն էր ցուցաբերում հրամանատարությանը։

Հիշեցնենք` «Wargonzo» տեղեկատվական նախագիծը, որն արցախյան պատերազմի ամբողջ ընթացքում ակտիվորեն լուսաբանում էր իրադարձությունները, անդրադարձել էր նաև հետպատերազմական տեղեկատվական արտահոսքերին և հայտնել, որ իրենց ծրագրի ղեկավար Սեմյոն Պեգովին զանգահարել է Արցախի նախագահի մամուլի խոսնակ Վահրամ Պողոսյանը` խնդրելով պատասխանել Վլադիմիր Սոլովյովի այն հաղորդմանը, որտեղ ռուսաստանցի հրատարակիչ, «News Media» հոլդինգի նախկին գլխավոր տնօրեն Արամ Գաբրելյանովը հայտարարել է, թե ՀՀ վարչապետի տիկին Աննա Հակոբյանը պատերազմի օրերին Արցախում մասնակցել է ռազմական խորհրդի նիստերին և դրանցից մեկի ժամանակ միջադեպ է գրանցվել գեներալ Մովսես Հակոբյանի հետ:

Ավելի ուշ գեներալն ասուլիս էր հրավիրել և ասել, որ ինքը Աննա Հակոբյանի հետ միջադեպ է ունեցել, քանի որ նրան հորդորել է չմիջամտել բարձրաստիճան ծառայողների որոշումներին կամ քննարկումներին։

22
թեգերը:
ՀՀ քննչական կոմիտե, Աննա Հակոբյան, Հայաստան
Ըստ թեմայի
Պատրաստվելով պատերազմի` մենք հակառակորդին դրդել ենք պատերազմի. Փաշինյան
Իմ կողմից նշանակված 2 պաշտոնյա արդեն բանտում են. Փաշինյանը ողջունեց նոր բացահայտումները
Վահագն Վերմիշյանը դատի է տվել Նիկոլ Փաշինյանին