Տիգրան Ղարիբյանը տեղադրում է տղաներից մեկի պրոթեզը

«Դե, դե, ծալի՛ր ծունկդ, մի՛ վախեցիր». վիրավոր տղաները գերժամանակակից պրոթեզներ կունենան

719
(Թարմացված է 18:13 28.04.2021)
Պատերազմի ավարտից հետո ծագումով հայ բժիշկները մեկտեղել են իրենց ջանքերն ու դրամահավաք կազմակերպել։ Նրանց հաջողվել է 940 000 դոլար հավաքել, որով էլ 44–օրյա պատերազմում վիրավորում ստացած տղաները գերժամանակակից պրոթեզներ են ստանում։

ԵՐԵՎԱՆ, 28 ապրիլի - Sputnik. Պրոթեզավորման և վերականգնման կենտրոններից մեկի բակում բազմաթիվ տղաներ են հավաքված` իրար հետ ակտիվ զրուցում են։ Պատերազմի հետևանքով վիրավորում ստացած երիտասարդներն են, որոնք այնքան են իրար տեսել նույն վայրում, որ արդեն ընկերացել են։ Այսօր տղաներին պետք է պրոթեզներ տրամադրեն` վերջին սերնդի և բազմաֆունկցիոնալ։ Դրա համար Ռուսաստանից Հայաստան է ժամանել անվանի մասնագետ Տիգրան Ղարիբյանը (որպեսզի օգնի պրոթեզների տեղադրման հարցում), ինչպես նաև ամերիկահայ բժիշկներ, որոնք կազմակերպել են դրանց ձեռքբերման դրամահավաքը։

Մոտենում ենք տղաներին, որոնք խոսակցությունն ընդհատում են և անմիջական զրույցի բռնվում մեզ հետ։ 20-ամյա Շահեն Բաբայանն «Ինտերօրթո» պրոթեզավորման կենտրոն է եկել ձեռնափայտով, սակայն էլեկտրոնային պրոթեզի տեղադրումից հետո առանց դրա է հեռանալու այստեղից։

Пациенты центра протезирования и реабилитации Интерорто
© Sputnik / Aram Nersesyan
Պրոթեզավորման և վերականգնման կենտրոնի բակում հավաքված տղաները սպասում են պրոթեզավորման իրենց հերթին

Շահենը պատմում է, որ ժամկետային զինծառայող էր, երբ սկսվել է պատերազմը, և հերթական մարտերի ժամանակ`հոկտեմբերի 28-ին, հայտնվել ԱԹՍ–ի թիրախում։ Վիրավորման արդյունքում ծնկից ներքև ոտքն ամպուտացրել են։ 

«Դեպքից հետո առաջին երկու օրը մի փոքր այն չէի` չգիտեմ, ոչ մեկին չէի ուզում տեսնել, բայց հետո անցավ ամեն ինչ։ Հիմա ոչ մի բանից չեմ ամաչում` ոնց կքայլեմ, կերևա, որ պրոթեզ եմ կրում, թե ոչ... թող ամաչեն նրանք, ովքեր չեն գնացել պատերազմ»,–ասում Շահենը։

 Получивший протез Шаген Бабаян в центре протезирования и реабилитации Интерорто
© Sputnik / Aram Nersesyan
Շահեն Բաբայան

Շահենն Արարատի մարզից է։ Որոշել էր բանակից զորացրվելուց հետո այգեգործությամբ զբաղվել։ Հիմա միակ խնդիրը հենց աշխատանքն է։ Ասում է` ճիշտ է, կկարողանա մեքենա վարել, սակայն այն փչանալու դեպքում ներքևի մասը զննել, սարքել չի կարող։ Առայժմ չի որոշել` ինչով է զբաղվելու դրա փոխարեն, սակայն վստահ է` ինչ–որ աշխատանք անպայման կգտնի։ Ավելին, Շահենը մյուսն տղաներին էլ կոչ է անում չհուսահատվել, քանի որ կարծում է` եթե հուսահատվեն, ինչքան էլ որակյալ պրոթեզ ունենան, մեկ է` չեն կարողանալու լավ քայլել և իրենց տեղը գտնել կյանքում։

Շահենի կողքին Էրիկն է նստած, որը նույնպես ոտքի պրոթեզավորման կարիք ունի։ Էրիկ Գրիգորյանը Շուշիից է։ Նա նույնպես ժամկետային զինծառայող է եղել պատերազմի օրերին։ Պատմում է, որ կասետային ռումբի հարվածից է վիրավորում ստացել։

Получивший протез военнослужащий Эрик Геворкян в центре протезирования и реабилитации Интерорто
© Sputnik / Aram Nersesyan
Էրիկ Գրիգորյանն առաջին քայլերն է անում պրոթեզով

«Հիմա ուսումնական պրոթեզ եմ կրում։ 6 ամիս է արդեն։ Առաջին օրերին անհարմար էր, բայց հիմա սովորել եմ, չնայած այսօր պետք է հիմնականը տեղադրեն, որն ավելի լավն է լինելու։ Ամեն ինչին էլ հարմարվել ու ամեն բարդություն հաղթահարել է պետք։ Դժվարությունից փախչել պետք չէ»,–ասում է Էրիկը։

Մեր խոսակցությունը կիսատ է մնում. Էրիկին կանչում է ՌԴ–ում Ottobock գերմանական ընկերության տնօրեն, տեխնիկ-օրթոպեդ Տիգրան Ղարիբյանը։ Ղարիբյանն Էրիկի ոտքին էլեկտրոնային պրոթեզ է տեղադրում և ցուցումներ տալիս` ինչպես քայլ գցի, ծունկը ծալի։

«Դե, դե, ծալի՛ր ծունկդ, մի՛ վախեցիր։ Այդպես... Շուտով միասին ֆուտբոլ ենք խաղալու»,–ոգևորում է Ղարիբյանը։

Директор немецкой компании Ottobock в России, техник-ортопед Тигран Гарибян занимается с пациентом в центре протезирования и реабилитации Интерорто
© Sputnik / Aram Nersesyan
Տիգրան Ղարիբյանը տեղադրում է տղաներից մեկի պրոթեզը

Նա հերթով տեղադրում է տղաների պրոթեզները, կարգավորում դրանք, ցույց տալիս, թե ինչպես պետք է լիցքավորեն, ինչ անեն քայլելիս հավասարակշռությունը չկորցնելու համար։ Ղարիբյանը կամավոր 3 շաբաթով Հայաստան է ժամանել, որպեսզի տղաներին օգնի պրոթեզների հարցում։

Директор немецкой компании Ottobock в России, техник-ортопед Тигран Гарибян в центре протезирования и реабилитации Интерорто
© Sputnik / Aram Nersesyan
Տիգրան Ղարիբյան

«Եթե ոչ հիմա, ապա ե՞րբ կարող էի օգտակար լինել զինվորներին, Հայաստանին։ Ի դեպ, տղաները հոգեբանական խնդիրները հաղթահարել են. առաջին անգամ շփվելիս նրանց աչքերում տեսա, որ հրաշքի են սպասում։ Իհարկե, հրաշք տեղի ունենալ չի կարող` այն, ինչ բնականից է լինում, արհեստականը չի կարող փոխարինել։ Սակայն մենք ամենալավ պրոթեզներից ենք տեղադրում»,–պատմեց Ղարիբյանը։

Մասնագետը վստահ է` մինչև իր գնալը պրոթեզավորված տղաների հետ կկարողանան ֆուտբոլ ու բասկետբոլ խաղալ։

Директор немецкой компании Ottobock в России, техник-ортопед Тигран Гарибян в центре протезирования и реабилитации Интерорто
© Sputnik / Aram Nersesyan
Տիգրան Ղարիբյան

Ղարիբյանին շատ չենք զբաղեցնում` տղաները սպասում են նրան։ Տեսնելով, թե ինչպես է միջանցքում քայլելով պրոթեզը փորձարկում տղաներից մեկ ուրիշը` Ղարիբյանը ոգևորում է, սխալները նշում։ Տղաների քայլելով ոչ միայն Ղարիբյանն է ուրախանում, այլ կենտրոն ժամանած ամերիկահայ բժիշկները, որոնք դրամահավաք են կազմակերպել և 940 000 դոլար հավաքել պրոթեզներ գնելու համար։

Ամերիկահայ բժշկական միության նախագահ Քևին Գալստյանը ժպիտը դեմքին է հետևում տղաների` պրոթեզն այդքան շուտ իրենց «ենթարկեցնելուն»։

Президент Армянской медицинской ассоциации США Кевин Галстян в центре протезирования и реабилитации Интерорто
© Sputnik / Aram Nersesyan
Ամերիկահայ բժշկական միության նախագահ Քևին Գալստյան

«Մեր բարոյական պարտականությունն է յուրաքանչյուր զինվորին ապահովել որակյալ բժշկական օգնություն։ Երբ իմացանք, որ նոր հիմնադրամ է բացվում`Eternal nation foundation-ը, որոշեցինք համատեղել բոլոր բժիշկներով մեր ջանքերը։ Ես անձամբ մանկաբարձ–գինեկոլոգ եմ, սակայն ավելի շատ կազմակերպչական հարցերով եմ զբաղվում հիմա։ Շարունակելու ենք օգնել տղաներին` մինչև որևէ բանի կարիք չունենան»,–ասաց Գալստյանը։

«Ինտերօրթո» կենտրոնի տնօրեն Արթուր Պետրոսյանն ասում է` հիմնականում ԱՄՆ-ից, Ֆրանսիայից և Ռուսաստանից են նախաձեռնող բժիշկները, սակայն անգամ աշխարհի ամենահեռավոր երկրներից ունեն մասնակիցներ։ Կենտրոնի տնօրենի խոսքով` կկարողանան պրոթեզավորել 85 զինվորի։

Директор центра протезирования и реабилитации Интерорто Артур Петросян
© Sputnik / Aram Nersesyan
«Ինտերօրթո» կենտրոնի տնօրեն Արթուր Պետրոսյան

Կենտրոնում անվճար սկզբունքով է իրականացվում ոչ միայն պրոթեզավորումը, այլ նաև պատերազմում վիրավորվածների վերականգնումը։

  • Շահեն Բաբայանն ու Էրիկ Գևորգյանը
    Շահեն Բաբայանն ու Էրիկ Գևորգյանը
    © Sputnik / Aram Nersesyan
  • «Ինտերօրթո» պրոթեզավորման կենտրոնում
    «Ինտերօրթո» պրոթեզավորման կենտրոնում
    © Sputnik / Aram Nersesyan
  • Տիգրան Ղարիբյանը տղաներից մեկին ցուցումներ է տալիս
    Տիգրան Ղարիբյանը տղաներից մեկին ցուցումներ է տալիս
    © Sputnik / Aram Nersesyan
  • Տիգրան Ղարիբյանը գնդակ է խաղում տղաներից մեկի հետ
    Տիգրան Ղարիբյանը գնդակ է խաղում տղաներից մեկի հետ
    © Sputnik / Aram Nersesyan
  • Տիգրան Ղարիբյանը ցույց է տալիս` ինչպես լիցքավորել պրոթեզը
    Տիգրան Ղարիբյանը ցույց է տալիս` ինչպես լիցքավորել պրոթեզը
    © Sputnik / Aram Nersesyan
  • «Ինտերօրթո» պրոթեզավորման և վերականգնման կենտրոն
    «Ինտերօրթո» պրոթեզավորման և վերականգնման կենտրոն
    © Sputnik / Aram Nersesyan
  • Տիգրան Ղարիբյանը տեղադրում է տղաներից մեկի պրոթեզը
    Տիգրան Ղարիբյանը տեղադրում է տղաներից մեկի պրոթեզը
    © Sputnik / Aram Nersesyan
  • «Ինտերօրթո» պրոթեզավորման և վերականգնման կենտրոն
    «Ինտերօրթո» պրոթեզավորման և վերականգնման կենտրոն
    © Sputnik / Aram Nersesyan
  • «Ինտերօրթո» պրոթեզավորման և վերականգնման կենտրոնում
    «Ինտերօրթո» պրոթեզավորման և վերականգնման կենտրոնում
    © Sputnik / Aram Nersesyan
  • Տիգրան Ղարիբյանն ու Ամերիկահայ բժշկական միության նախագահ Քևին Գալստյանը` «Ինտերօրթո» պրոթեզավորման և վերականգնման կենտրոնում
    Տիգրան Ղարիբյանն ու Ամերիկահայ բժշկական միության նախագահ Քևին Գալստյանը` «Ինտերօրթո» պրոթեզավորման և վերականգնման կենտրոնում
    © Sputnik / Aram Nersesyan
1 / 10
© Sputnik / Aram Nersesyan
Շահեն Բաբայանն ու Էրիկ Գևորգյանը

Հ. Գ. Մինչ կենտրոնի բակում զրուցում էինք տղաների հետ, կենտրոնի տնօրենը ցույց տալով դեպի մեզ եկող 2 տղաների` հարցրեց, թե նրանցից ո՞ւմ ոտքն է իմ կարծիքով պրոթեզավորված։ Անմիջապես մատնացույց արեցի տղաներից մեկին, որի քայլվածքից երևում էր, որ պրոթեզ է կրում։ Արթուր Պետրոսյանը ժպտաց` ասելով, որ երկուսն էլ պորթեզավորված են, ուղղակի նա, ում քայլվածքից դա չի հասկացվում, Ապրիլյան պատերազմից հետո է պրոթեզավորվել։

Պրոթեզավորման կարիք ունի պատերազմի 115 մասնակից. փոփոխություններ` պրոթեզավորման կարգում

719
թեգերը:
Զինվոր, Վիրավոր, Արցախյան պատերազմ, պրոթեզ
Ըստ թեմայի
«Անդամալույծ դարձած բոլոր զինվորները կունենան որակյալ պրոթեզավորում»․ Թանդիլյան
Էլի գոհ էի, որ ողջ եմ. Զինվորի տանը 8 տղաներ առաջին անգամ քայլեցին պրոթեզներով
Ոտքի գերմանական պրոթեզների հերթական խմբաքանակը Հայաստանում է. լուսանկար
Արմեն Գևորգյան

Նիկոլը փոքրամասնություն է․ նախկին փոխվարչապետ Արմեն Գևորգյանը սկսել է հետհաշվարկը

74
(Թարմացված է 23:25 10.05.2021)
Նախկին բարձրաստիճան պաշտոնյան վստահ է, որ ընտրություններին մասնակցության բարձր մակարդակն է ապահովելու իշխանափոխության անշրջելիությունը։

ԵՐԵՎԱՆ, 10 մայիսի – Sputnik․ ՀՀ նախկին փոխվարչապետ Արմեն Գևորգյանն անդրադարձել է երկրում ընտրական գործընթացի մեկնարկին ու մի քանի նկատառումներ արել Telegram ալիքում։

«Առաջին․ Նիկոլը փոքրամասնություն է, բայց դա ամենևին չի նշանակում, որ նա էլեկտորատ չունի։ Այն կա, և դա փաստ է։ Այդ էլեկտորատը նրա եռամյա կառավարման արդյունքն է։ Դրանից չպետք է նեղվել։ Ապագայում, ընտրություններից հետո մեր առաջնային խնդիրներից է լինելու՝ բուժել այդ մարդկանց հոգիները՝ նախ և առաջ գործով, և նաև ցույց տալ, թե ինչպիսի տարրական խաբեբա էին իրենց կուռքերը»,- գրել է Գևորգյանը։

Նա վստահ է՝ հաջողության հասնելու մոտեցումը պարզ է՝ արժանապատվություն, ազնվություն, արդարություն, ինչպես նաև աշխատելու և սեփական ընտանիքը պահելու հնարավորությունների ստեղծում։ Նաև անհրաժեշտ է, որ յուրաքանչյուրն իր տեղում լինի։ Երկրում պետք է տիրի կարգ ու կանոն:

«Հաջորդ որևէ իշխանություն երբեք չպետք է թույլ տա այնպիսի ցինիզմ և բացահայտ սուտ ու մանիպուլյացիա, որի հետ մեր ժողովուրդը բախվում է վերջին երեք տարիների ընթացքում։ Նոր իշխանությունների բառապաշարում բացակայելու են այնպիսի արտահայտությունները, ինչպես օրինակ․ «իսկ հիշո՞ւմ եք, երբ ինչ որ բան անում կամ ասում էր Նիկոլը, դուք լռում էիք կամ հանդուրժում»։ Ո՛չ, դա ճիշտ չէ։ Դա մերը չէ»,- պնդում է Գևորգյանը։

ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի

Նախկին պաշտոնյան դիմում է պետական ծառայության մեջ գտնվողներին։ Գիտի, թե այս իրավիճակում որքան բարդ ընտրություն պետք է կատարեն։ Շեշտում է՝ ընտրությունը բարդ է, բայց անհրաժեշտ։ Նրանք կարող ենք գիտելիքն ու փորձը հաջողությամբ ծառայեցնել մեր պետությանը, բայց դրա համար այսօր պետք է մեկ բան՝ դիրքորոշում և գործողություն։ Ձևակերպումն այսպիսին է՝ «կամ մենք ինքնամաքրման այս ճանապարհը միասին կանցնենք, կամ ապագայում անսկզբունքայինները տեղ չեն ունենա»։
Արմեն Գևորգյանը կարծում է, որ հիմա ամենակարևորը չթուլանալն է։

«Այն դիրքորոշումը, որ Նիկոլը հեռանում է, պետք է մտնի բոլորի տներ՝ գյուղերում և քաղաքներում։ Շատերին այն կարող է դուր չգալ, սակայն պետք է բոլորը հաշտվեն այս մտքի հետ։ Բոլորը պետք է գնան քվեարկության։ Բոլորը, առանց բացառության բոլորը։ Սա սկզբունքորեն կարևոր է։ Մասնակցության մակարդակից է կախված լինելու երկրում իշխանափոխության գործընթացների ամրությունն ու անշրջելիությունը»,- վստահ է նախկին փոխվարչապետը։

Ու ի վերջո, առողջ ուժերը պետք է համախմբեն Նիկոլ Փաշինյանի հեռացման գաղափարի շուրջ։ Կարծում է, որ չափից ավելի մեծ ձգտումը՝ հավաքել ավելի շատ ձայներ, քան մրցակիցները, ընտրողների մի մասի մոտ կարող է առաջացնել «նախանիկոլական ժամանակաշրջանի ոչ ամենալավ հիշողությունները»։ Շեշտում է՝ վարչական ռեսուրսի և ոչ-ֆորմալ հարաբերությունների օգտագործումն արդեն Փաշինյանի մենաշնորհն է։ Վստահ է, որ նա երկու ոտքով հայտնվել է այդ թակարդում։

Արմեն Գևորգյանը առաջարկում է բոլորի համար միավորող գաղափար դարձնել իշխանությունից Նիկոլ Փաշինյանի հեռացման համընդհանուր հետհաշվարկը։

Հետհաշվարկն ինքն էլ սկսում է. «Նիկոլի գնալուն մնացել է 41 օր»:

Հիշեցնենք, որ այսօր ՀՀ նախագահ Արմեն Սարգսյանը հրամանագիր է ստորագրել հունիսի 20-ին ԱԺ արտահերթ ընտրություններ անցկացնելու մասին։

74
թեգերը:
Ընտրություններ, Նիկոլ Փաշինյան, Արմեն Գևորգյան
Ըստ թեմայի
Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին
Նիկոլ Փաշինյանը հայտնեց` ինչ կարգախոսով է «Իմ քայլը» մասնակցելու ընտրություններին
Մասնակցելո՞ւ եք ընտրություններին և ինչո՞ւ. հարցախույզ Երևանում
Սևանա լիճ

Ինչո՞ւ է բարձրանում Սևանի մակարդակը, և ի՞նչ է թաքնված Փաշինյանի հայտարարության հետևում

152
Մասնագետները չեն բացառում, որ լիճը այս տարի ևս «կծաղկի», ինչպես նաև հույս են հայտնում, որ ՀՀ վարչապետի պաշտոնակատարի հայտարարությունների հետևում լուրջ հաշվարկներ կան։

ԵՐԵՎԱՆ, 10 մայիսի – Sputnik. Սևանա լճում ջրի մակարդակի բարձրացումը մի շարք գործոնների հետ է կապված, և առանցքային դեր են խաղում ջրի բացթողման գերծավալների բացակայությունը և Արփա-Սևան թունելային ջրանցքի գործարկումը։ Այս մասին Sputnik Արմենիայի թղթակցի հետ զրույցում ասաց «Էկոլուր» հասարակական տեղեկատվական կազմակերպության նախագահ Ինգա Զարաֆյանը։

Մասնագետը միաժամանակ նշեց, որ Սևանի խնդիրները դրանով չեն սահմանափակվում ու չեն լուծվում։

Ավելի վաղ ՀՀ վարչապետի պաշտոնակատար Նիկոլ Փաշինյանը խորհրդարանում հայտարարել էր, որ Սևանի նկատմամբ հոգատար վերաբերմունքի շնորհիվ լճի մակարդակը 2021 թ․-ի ամռանը կհասնի վերջին 60 տարվա ընթացքում ռեկորդային մակարդակի։

«Սևանում ջրի մակարդակի բարձրացումը բնական գործընթաց է, որն արհեստականորեն արգելակվում էր ջուր բաց թողնելով»,-ասաց Զարաֆյանը։

Նա հիշեցրեց, որ 2001թ․-ին ջուրը էներգետիկ և այլ նպատակներով օգտագործելու արգելք էր սահմանվել։ Այդ պատճառով Սևան-Հրազդան կասկադը ջուր ստանում է ոռոգման շրջանում, այսինքն՝ երբ ջրարգելը բացվում է։ Ջուրը կասկադով հասնում է ոռոգման համակարգին, իսկ այնտեղից՝ Արարատյան դաշտավայրի ոռոգվող դաշտերին։

Զարաֆյանը նշեց, որ լճի ինքնամաքրման բնական գործընթացի համար դրա մակարդակը պետք է հասնի ծովի մակարդակից 1905 մետր բարձրության։ Այդ դեպքում մեկուսացնող շերտի ձևավորում կսկսվի, որը «զսպում է» կեղտը և նպաստում է ինքնամաքրմանը։  Առանց լճի մակարդակի բարձրացման գործընթացը չի սկսվի։ Դրա հետ է կապված նաև լճի ճահճացումը, հատկապես ամռանը։

Սևանա լճի մակարդակը բարձրացել է ևս 2 սանտիմետրով

«Սևանի մակարդակի բարձրացումը կարևոր է նաև այն պատճառով, որ նպաստում է ջրի մաքրմանը։ Բացի այդ, ոչ պակաս կարևոր է բալանսը․ այն չպետք է բացասական լինի։ Եթե լիճը բարձրացել է գոնե 3 միլիմետրով, ապա ոչ մի պարագայում չի կարելի թույլ տալ, որ ջրի մակարդակը իջնի, հակառակ դեպքում դա բացասաբար կանդրադառնա ամբողջ էկոհամակարգի վրա»,-ասաց Զարաֆյանը։

Նա նշեց, որ լճի մակարդակի բարձրացումը չի ենթադրում դրա արհեստական իջեցում՝ թույլատրելի ցուցանիշին հասնելու նպատակով։ Մասնագետը հիշեցրեց, որ 170 միլիոն խորանարդ մետր ջուրը բացթողման առավելագույն ծավալն է։ Հակառակ դեպքում դա բացասաբար կանդրադառնա լճի վրա։

Զարաֆյանն ընդգծեց, որ վերջին երկու տարիներին լճից բացթողման գերծավալներ չկան, ինչը դրական է անդրադարձել ջրի մակարդակի վրա: Սակայն լճի ոչ բոլոր խնդիրներն են լուծված։ Մասնավորապես, իշխանությունները պետք է լուծեն ջրի աղտոտման հարցը՝ բոլոր ափամերձ օբյեկտներին պարտավորեցնելով մաքրման կայաններ տեղադրել, և կոյուղու մայրուղային կոլեկտոր կառուցելով:

Միաժամանակ Զարաֆյանը կարծում է, որ այս փուլում դժվար է այդ ուղղությամբ ինչ-որ տեղաշարժեր կանխատեսել:

Իր հերթին բնապահպան Կարինե Դանիելյանը Sputnik Արմենիայի թղթակցի հետ զրույցում նշեց, որ վարչապետի հայտարարությունը խոսում է այն մասին, որ այս տարի  լրացուցիչ բացթողումներ չեն նախատեսվում:

«Սակայն հնարավոր չէ դա միանշանակ պնդել։ Եթե կլիմայական պայմանները նորմալ լինեն, ապա հայտարարված մակարդակը կհաջողվի պահպանել»,-ասաց Դանիելյանը։

Նրա խոսքով՝ ջրի մակարդակի բարձրացումը թույլ կտա ոչ միայն խուսափել բացթողման գերծավալներից, այլև նոր ջրամբարներ կառուցելու հնարավորություն կտա։ Կաթիլային ոռոգման համակարգի ներդրումը ևս թույլ կտա ջուր խնայել։

Նա նաև հույս հայտնեց, որ վարչապետի պաշտոնակատարի հայտարարությունների հետևում իրական հաշվարկներ կան, և լճի խնդիրները վերջապես կսկսեն լուծվել։

Հիշեցնենք, որ մայիսի 5-ի դրությամբ Սևանա լճի մակարդակը նոր ցուցանիշի է հասել՝ ծովի մակարդակից 1900 մետր 77 սմ բարձրության: Դա 15 սանտիմետրով բարձր է նախորդ տարվա ցուցանիշից։

Ինչու Հայաստանում վարելահողերի շուրջ 50 %-ը չի օգտագործվում. Պետրոսյանը` պատճառների մասին

152
թեգերը:
Նիկոլ Փաշինյան, էկոլոգիա, Սևանա լիճ
Ըստ թեմայի
Սևանի ափին 110 շինություն օրենսդրության խախտմամբ են կառուցել. քրեական գործ է հարուցվել
Ջրամբարի կառուցում և ոչ միայն․ Արցախում փորձում են լուծել ոռոգման խնդիրները
ԱԹՍ-ն կարող է նաև բերքն ու բարիքն ավելացնել, իսկ համակարգիչը` այգի ոռոգել
Սերգեյ Լավրով

Տրանսպորտային հանգույցը կարող է բարելավել Երևանի ու Բաքվի հարաբերությունները. Լավրով

0
(Թարմացված է 00:37 11.05.2021)
ՌԴ արտաքին քաղաքական գերատեսչության ղեկավարը շեշտել է, որ Ռուսաստանը հետաքրքրված է Ադրբեջանի և Հայաստանի միջև հարաբերությունների կարգավորմամբ։

ԵՐԵՎԱՆ, 11 մայիսի – Sputnik․ Հարավային Կովկասում տրանսպորտային հանգույցի ստեղծման հարցերը կնպաստեն Հայաստանի և Ադրբեջանի հարաբերությունների բարելավմանը։ ՌԻԱ Նովոստիի փոխանցմամբ՝ հայտարարել է Ռուսաստանի արտգործնախարար Սերգեյ Լավրովը Բաքվում Ադրբեջանի նախագահի հետ հանդիպման ժամանակ։

«Մենք անկեղծորեն շահագրգռված ենք Ադրբեջանի և Հայաստանի միջև հարաբերությունների կարգավորմամբ։ Կարծում ենք, որ ձգձգված հակամարտությունից դուրս գալու տնտեսական կողմի վրա կենտրոնանալու համատեղ աշխատանքը դրա համար օպտիմալ միջավայր է ստեղծում», - ասել Է Լավրովը։

ՌԴ արտաքին քաղաքական գերատեսչության ղեկավարի խոսքով՝ մարդիկ պետք է զգան, որ իրական բարելավում է տեղի ունենում։

Նա ընդգծել է, որ Ռուսաստանի, Ադրբեջանի և Հայաստանի փոխվարչապետերը երեք երկրների ղեկավարների ստեղծած աշխատանքային խմբի շրջանակներում պարբերաբար հանդիպում են, քննարկում են Հարավային Կովկասում բոլոր տնտեսական և տրանսպորտային հաղորդակցությունների ապաշրջափակման պայմանավորվածության շուրջ առկա գործնական հարցերը:

Լավրովն ընդգծում է՝ դա պոտենցիալ շատ լուրջ տրանսպորտային հանգույց է, որի նշանակությունը դուրս է գալիս տարածաշրջանային շրջանակներից։

Բայց չէ՞ որ ամենակարևորը ինքդ քեզ չկորցնելն է. Սոլովյովը`Հայաստանի ապաշրջափակման մասին

0
թեգերը:
Ադրբեջան, Հայաստան, Սերգեյ Լավրով
Ըստ թեմայի
Ապաշրջափակումն առայժմ քննարկվում է միայն փորձագիտական մակարդակով. փոխվարչապետ
Ապաշրջափակման անվան տակ խորը շրջափակում է լինելու. Օհանյանը` ԱԽՔ–ի հայտարարության մասին
Ադրբեջանը խոչընդոտելու է տարածաշրջանի ապաշրջափակմանը. ՀՀ վարչապետի պաշտոնակատար