Սիրահարներ

Զուգընկեր գտնելու շատ հեշտ տարբերակ կա. գիտնականները հետաքրքիր մեթոդ են բացահայտել

215
(Թարմացված է 13:47 26.04.2021)
Գիտնականները կարողացել են պարզել, թե ինչու մարդկանց մեծ մասը չի կարողանում առաջին քայլն անել ու զույգ գտնել: Մինչդեռ հնարավոր է զուգընկեր գտնել ընդամենը երկու րոպեում։

Նիկոսիայի կիպրոսյան համալսարանի հետազոտողներն ապացուցել են, որ ժամադրության ժամանակ ամաչկոտությունն ու զույգին ընտրելու անկարողությունը պայմանավորված են ոչ թե մարդու բնույթով, այլ էվոլյուցիոն գործընթացներով: Գիտնականներն իրենց կարծիքը հայտնել են «Personality and Individual Differences» ամսագրում հրապարակված հետազոտության մեջ։

Ըստ գիտական աշխատանքի՝ տղամարդիկ ու կանայք միշտ են ունեցել սեռական ցանկություն, բայց զույգ գտնելու ունակությունն ավելի ուշ են ձեռք բերել: Ընդ որում` վերջին հարյուր տարվա ընթացքում զույգ ձևավորելու միջոցները շատ են փոխվել։

Բանն այն է, որ մարդու բնազդների մեծ մասը ձևավորվել է այն ժամանակ, երբ փեսային կամ հարսնացուին ընտրում էին ծնողները կամ հարազատները։ Այնինչ հիմա մարդը դա պետք է ինքնուրույն անի։ Այդ փոփոխությունը շատ կարճ ժամանակահատվածում է եղել, և մարդկությունը նոր հանգամանքներին հարմարվելու ժամանակ պարզապես չի ունեցել։

Կիտրոնաջրի օգուտն ու վնասը․ սննդաբանը ներկայացրել է ճշմարտությունը

Ամերիկացի հոգեբան Էլիս Իգլին պնդում է, որ մեր ժամանակներում կյանքի ուղեկից ընտրելու հարցում թելադրող են դարձել սոցիալական, ոչ թե կենսաբանական գործընթացները։ Եթե կար ժամանակ, երբ կանանց գրավում էին փող և իշխանություն ունեցող տղամարդիկ, ապա միայն այն պատճառով, որ հասարակությունը նրանց սահմանափակում էր ինքնուրույն վաստակելու և ազդեցություն ունենալու իրավունքը:

Տղամարդիկ հիմա ավելի շատ են գնահատում կանանց անկախությունն ու պրոֆեսիոնալիզմը։ Լավ եփելու և տնային տնտեսություն վարելու ունակությունը, այն ամենը, ինչ կարևոր էր անցյալ դարում, այլևս առաջին հորիզոնականում չեն: Այս փոփոխությունները ցույց են տալիս, որ մեր ընտրության և արժեքների վրա ազդում են մշակութային նորմերը։

Զուգընկեր ընտրելու վերաբերյալ հետաքրքիր փորձ է անցկացվել ԱՄՆ-ում։ Մասաչուսեթսի համալսարանի հոգեբան Ջոան Քելերմանի փորձին մասնակցել են 72 ուսանողներ, որոնք իրար չեն ճանաչել։ Նրանց խնդրել են բաժանվել զույգերի ու երկու րոպե նայել զուգընկերոջ աչքերի մեջ։ Ավելի ուշ երիտասարդներն ասել են, որ կրքոտ սեր կամ կապվածություն է առաջացել մյուսի հանդեպ։ Այնպես որ սիրահարվելու համար բավական է երկու րոպե նայել դիմացինի աչքերին։

Հետաքրքիր է, որ Հարվարդի համալսարանի գիտնական Ջորջ Չերչն այժմ լրջորեն աշխատում է ծանոթությունների հավելվածի վրա, որը հիմնված է լինելու ԴՆԹ տվյալների վրա։ Ենթադրվում է, որ գրանցումից հետո համակարգը կվերլուծի տեղեկություններն ու կընտրի զուգընկերոջ մի քանի թեկնածուի:

Հիմնական չափանիշը ընդհանուր ռեցեսիվ մուտացիաների բացառումն է։ Ենթադրվում է, որ հավելվածի միջոցով ընտրված մարդուց ժառանգական պաթոլոգիաներով երեխաների ունենալու վտանգը չափազանց փոքր է լինելու։

Չերչի մտահղացման համաձայն՝ գրանցման ժամանակ յուրաքանչյուր օգտատեր պետք է պարտադիր կերպով ԴՆԹ-ի հաջորդականության հետազոտություն անցնի։

Արդյունքում համակարգը կմաքրի անհամապատասխան թեկնածուներին։ Օրինակ` թերի գենի կրողը չի կարողանա տեսնել նույնատեսակ գեն կրողի տվյալները։

Գիտնականները պարզել են երկարակեցության գլխավոր գործոնը

Միմյանց չեն կարողանա տեսնել պոտենցիալ օգտատերերի միայն հինգ տոկոսը։ Մնացած համատեղելի կլինեն։ Նշենք, որ զույգի համատեղելիության ԴՆԹ թեստավորումը իմաստ ունի զուգընկերներից մեկի ընտանիքում ժառանգական հիվանդությունների առկայության դեպքում։

Նշի դիետիկ առանձնահատկությունը. որ հիվանդություններով մարդկանց համար է այն օգտակար

215
թեգերը:
սեր, գիտնական, տղամարդ, Կին
Տեսախցիկն արձանագրել է Հայաստանի անտառներում ապրող գորշ արջերին

Տեսախցիկն արձանագրել է Հայաստանի անտառներում ապրող գորշ արջերին

51
Գորշ արջերը հաճախ մտնում են գյուղեր, վնասում պտղատու այգիներն ու մեղվի փեթակները` հայտնվելով մարդկանց թիրախում։

ԵՐԵՎԱՆ, 11 մայիսի – Sputnik. Կովկասյան կենսաբազմազանության ապաստարանի (CWR) տեսախցիկներն արձանագրել են հայաստանյան անտառներում բնակվող գորշ արջերի կենցաղի հետաքրքիր պահերը։

Եզակի լուսանկարներն արվել են Վայոց Ձորի բնության հատուկ պահպանվող տարածքում։

Бурый медведь в Вайоц Дзоре
© Photo : FPWC
Տեսախցիկն արձանագրել է Հայաստանի անտառներում ապրող գորշ արջերին

Գորշ արջը գրանցված է Հայաստանի Կարմիր գրքում: Աշխարհում այս կենդանատեսակը համարվում է խոցելի։

Գորշ արջերը հաճախ մտնում են գյուղեր, վնասում պտղատու այգիներն ու մեղվի փեթակները` հայտնվելով մարդկանց թիրախում։

Թաքնված տեսախցիկն արձանագրել է հայաստանյան լուսանի «մլավոցը». տեսանյութ

Նշենք, որ շուրջ 30 000 հա զբաղեցնող Կովկասյան կենսաբազմազանության ապաստարանը (ԿԿԱ) միակ մասնավոր կառավարվող բնապահպանական տարածքն է ողջ Հարավային Կովկասում: Յուրահատուկ հարուստ կենսաբազմազանությամբ այս տարածքը գտնվում է Վայրի բնության և մշակութային արժեքների պահպանման հիմնադրամի (FPWC) վերահսկողության ներքո:

Կովկասյան կենսաբազմազանության ապաստարանն ընդգրկում է շուրջ 10000 հա պահպանվող տարածք և հարակից է «Խոսրովի անտառ» պետական արգելոցին:

Бурый медведь в Вайоц Дзоре
© Photo : FPWC
Տեսախցիկն արձանագրել է Հայաստանի անտառներում ապրող գորշ արջերին
51
թեգերը:
Անտառ, արջ, Հայաստան
Ըստ թեմայի
Աննախադեպ արդյունք. փրկարար կենտրոնում պահվող արջերից 16-ն առաջին ձյան հետ քուն են մտել
Փիթեր արջուկի կեղտոտ վանդակը պահվել է կատարյալ մթության մեջ. ստորագրահավաք է մեկնարկել
Վայոց Ձորում անտառապահը փորձել է սպանել արջին. կենդանին հարձակվել է նրա վրա
Կենտրոնի թաղապետարան

Ծեծկռտուք Կենտրոնի թաղապետարանում. վարչություններից մեկի պետին տեղափոխել են հիվանդանոց

162
(Թարմացված է 15:14 11.05.2021)
Հողօգտագործման բաժնի պետ Մանվել Մարգարյանի ինքնազգացողությունը վատացել է վիճաբանությունից ու քաշքշուկից հետո։

ԵՐԵՎԱՆ, 11 մայիսի – Sputnik. Երևանի Կենտրոնի թաղապետարանում այսօր առավոտյան ծեծկռտուք է տեղի ունեցել քաղաքաշինության և հողօգտագործման բաժնի պետ Մանվել Մարգարյանի և վարչական շրջանի ղեկավարի տեղակալ Արմեն Ազիզյանի միջև: Տեղեկությունը հայտնում է «Հայկական ժամանակը»։

Ըստ կայքի` առավոտ շուտ թաղապետարանի ղեկավար կազմը Մարգարյանին շատ կոպիտ ձևով հրահանգել է ազատել աշխատասենյակը: Այնուհետև վիճաբանություն ու քաշքշուկ է սկսվել, որից հետո Մանվել Մարգարյանի ինքնազգացողությունը վատացել է, շտապօգնության մեքենայով նրան տեղափոխել են հիվանդանոց:

Քաղաքաշինության և հողօգտագործման բաժնի պետի տեղակալ Ագնեսա Մելիքսեթյանը «Հայկական ժամանակի» հետ զրույցում պատմել է, որ միջադեպի ժամանակ կողքի աշխատասենյակում է գտնվել: Բարձր բղավոցներ ու հայհոյանքներ է լսել, առաջ է եկել, որ հասկանա՝ ինչ է կատարվում, բայց իրեն մոտիկ չեն թողել. «Ասացին՝ դու աղջիկ ես, գնա, գործ չունես ու չթողեցին մոտենամ, բայց սարսափելի իրարանցում էր, լսում էի նաև, որ կահույքն են քաշքշում: Այդ ընթացքում իմ սենյակում էի, հետո արդեն ոստիկանությունը եկավ»:

«Նորք–Մարաշ» ԲԿ–ում գրանցված սկանդալային դեպքի առնչությամբ քրգործ է հարուցվել

Լրատվամիջոցի տեղեկություններով՝ միջադեպի գլխավոր հերոսը Արմեն Ազիզյանն է եղել: Աշխատակիցները հայտնել են, որ նա առավոտյան աշխատավայրում է եղել, սակայն հետո դուրս է եկել:

Արմեն Ազիզյանը կատարում է վարչական շրջանի ղեկավար Ավետ Պողոսյանի պարտականությունները: Ավետ Պողոսյանն արձակուրդում է:

Կայքը հիշեցնում է, որ Կենտրոն վարչական շրջանի աշխատակազմում սպասվող կառուցվածքային փոփոխություններով պայմանավորված` մի շարք անձինք կանգնած են աշխատանքը կորցնելու վտանգի առաջ, իսկ ոմանք էլ աշխատավայրում լուրջ ճնշումների են ենթարկվում, խոսքը՝ «Քաղաքաշինության և հողօգտագործման» բաժնի պետի, նրա տեղակալի, գլխավոր մասնագետի ու մի քանի այլ աշխատակիցների մասին է: Քաղաքաշինության և հողօգտագործման բաժնի պետ Մանվել Մարգարյանը ՀԺ–ին ասել էր, որ ամեն ինչ սկսվել է նրանից, երբ ամիսներ առաջ ինքը բարձրաձայնել է թաղապետարանում տիրող ապօրինության մասին, որի առնչությամբ հիմա նաև քրեական գործ կա հարուցված:

Հակոբ Արշակյանի ու լրագրողի աղմկահարույց դեպքի առնչությամբ նորից քրգործ է հարուցվել

162
թեգերը:
Ծեծկռտուք, Երևան, Հայաստան

Նույնիսկ հաղթանակի դեպքում Նիկոլ Փաշինյանը հինգ տարի չի կարողանա պաշտոնավարել. քաղաքագետ

0
(Թարմացված է 20:30 11.05.2021)
«Շրջադարձ հանուն զարգացման» հասարակական կազմակերպության նախագահ, քաղաքագետ Էդվարդ Անտինյանը Sputnik Արմենիայի հետ զրույցում անդրադարձել է հունիսի 20-ի արտահերթ ընտրություններով պայմանավորված գործընթացներին և հետագա հնարավոր սցենարներին։ 

Էդվարդ Անտինյանի կարծիքով` քաղաքական ուժերն ընտրություններին փաստորեն մասնակցում են Նիկոլ Փաշինյանի օրակարգով, ժամանակացույցով և խաղի կանոններով, հետևաբար պարտության դեպքում մեղավորներ թող չփնտրեն։ Ըստ նրա` գալիք ընտրությունների արդյունքում ատելության մթնոլորտը երկրում չի փոխվի, իրավիճակը չի բարելավվի, և արդեն իսկ տեսանելի է, թե ինչպես են հիմնական խաղացողները մտնում պայքարի մեջ, չնայած որ քարոզարշավի պաշտոնական մեկնարկը չի ազդարարվել։ 

«Փաշինյանն իր հերթին ընտրությունների գնում է ոչ թե արվածի հաշվետվությամբ, այլ չարվածի արդարացումներով։ Ընդդիմությունը պնդում է, որ Փաշինյանը չի կարող երկրի շահերը ներկայացնել դրսում պարտվածի կարգավիճակով, իսկ Փաշինյանն էլ ասում է, որ պարտվել է Ադրբեջանին ու Թուրքիային, իսկ Հայաստանում դեռ բոլորից ուժեղ է, այսինքն` Փաշինյանին մանդատ տալու է ոչ միայն ընտրազանգվածը, այլև նրա հետ ընտրություններին մասնակցող քաղաքական ուժերը»,– ասում է քաղաքագետը։ 

Անտինյանի կարծիքով` թեև ավելի շատ կլինեն փոխադարձ կոմպրոմատները, բայցևայնպես դրանք մեծ հաշվով էական նշանակություն չեն ունենա, որովհետև նույնիսկ առկա շիկացած մթնոլորտում ինչ ուզում է դարակից հանեն, միևնույնն է, արդյունավետությունը շատ փոքր է լինելու։ Քաղաքագետի համոզմամբ`այն ընտրողները, որոնք կատեգորիկ կերպով կայացրել են իրենց որոշումը, ոչ մի բանի վրա ուշադրություն չեն դարձնելու, ուստի գալիք ընտրություններն ունենալու են բոլորովին այլ որակ։ 

Անտինյանի գնահատմամբ`սա լինելու է ընտրություն, որտեղ պետք է գործել առանց սխալվելու իրավունքի, բայցևայնպես պարտված ուժերը պետք է նախաձեռնեն մի գործընթաց, որպեսզի ասպարեզ մտնեն նոր ուժեր, քանզի նույնիսկ հաղթանակի դեպքում Նիկոլ Փաշինյանը հինգ տարի չի կարողանա պաշտոնավարել։  

Արմեն Սարգսյանը ստորագրեց հրամանագիրը. ընտրությունների օրը հստակ է

0
թեգերը:
Ընտրություններ, Էդուարդ Անտինյան
թեմա:
Sputnik զրույց
Ըստ թեմայի
ՔՊ–ն արտահերթ ընտրություններին կմասնակցի առանձին՝ առանց դաշինքի. Մակունց
ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի
Հայտնի է` երբ կմեկնարկի ԱԺ ընտրությունների քարոզարշավը. ԿԸՀ–ն հաստատեց ժամանակացույցը