Մեծամորի ատոմակայան

Չեռնոբիլի աղետից անցել է 35 տարի. որքանո՞վ է անվտանգ Մեծամորի ատոմակայանը

226
(Թարմացված է 20:33 26.04.2021)
1986 թ. ապրիլի 26-ին տեղի է ունեցել Չեռնոբիլի ատոմակայանի վթարը, որը մարդկությանը պատուհասած տեխնոգեն ամենախոշոր աղետներից էր։ Իսկ որքա՞ն է Հայկական ԱԷԿ-ի անվտանգության մակարդակը։ Այս և այլ հարցերի մասին ենք զրուցել ՀԱԷԿ-ի գլխավոր տնօրենի խորհրդականի հետ։

ԵՐԵՎԱՆ, 26 ապրիլի – Sputnik, Արամ Գարեգինյան. Հայկական ԱԷԿ-ի կապիտալ վերանորոգման արդյունքում կայանում վթարի ռիսկերը կնվազեն մինչև տոկոսի միլիոներորդական մասը։ Այդ մասին Sputnik Արմենիայի հետ զրույցում հայտնեց կայանի գլխավոր տնօրենի խորհրդական Գերա Սևիկյանը։

Հարևանների կողմից հայկական ԱԷԿ-ի հասցեին հայտարարություններ միշտ էլ հնչել են և միշտ էլ հնչելու են, անվտանգության ինչ մակարդակի էլ լինի Հայաստանի ատոմակայանը։ Եթե կարճ՝ ապա կարելի է հղում անել ՄԱԳԱՏԷ-ի կարծիքին, որի փորձագետները պարբերական մշտադիտարկում են իրականացնում կայանում և աջակցում են շահագործման ժամկետի երկարացման Հայաստանի ծրագրին։ Բնականաբար, այդ գնահատականը հենց այնպես չի տրվել, այլ խիստ մանրամասն վերլուծության արդյունքում, որը բացառում է ցանկացած կողմնապահություն։

Մեծամորի ատոմակայանը կառուցված է ՋՋԷՌ նախագծով (ջրաջրային էներգետիկ ռեակտոր), բայց առաջին սերնդի տեխնոլոգիայով (հաշվի առնելով, որ կայանը սկսել են նախագծել դեռևս 60-ականների վերջին)։ Բայց անցած տասնամյակների ընթացքում խորհրդային, ապա նաև հայ և ռուս մասնագետները հսկայական ծավալի աշխատանք են կատարել անվտանգության մակարդակն ավելացնելու համար։

Վթարին պատրաստ լինելու ցուցիչներից մեկը ռադիոակտիվ գոտում խողովակի պատռման ժամանակ ռադիոակտիվ նյութերի արտանետումը մթնոլորտ կանխելու հնարավորությունն է: Նախկինում կայանը պատրաստ էր վթարի չեզոքացմանը 32 մմ տրամագծով պատռման դեպքում, հիմա ամրության պաշարը բարձրացվել է մինչև 200 մմ:

Մեծամորի ԱԷԿ–ն ուզում են շահագործել մինչև 2036 թ–ը. հայ-ռուսական խումբ կստեղծվի

Ինչ վերաբերում է ռեակտորի ակտիվ գոտու վնասման հավանականությանը՝ կայանը մոտենում է ՄԱԳԱՏԷ-ի առաջարկած ցուցանիշներին (1-ը բազմապատկած 10-ի -6 աստիճանով, այսինքն՝ տոկոսի 1/1 000 000 մասը)։ Արդիականացման աշխատանքների ավարտից հետո կայանը անվտանգության նոր մակարդակի կհասնի։

Մշակվում է նաև «պոստ-ֆուկուսիմա» փուլի հետնախագծային վթարների պատրաստվածությունը։ Ջրհեղեղի վտանգ, ինչպես Ֆուկուսիմայում էր, Մեծամորի ԱԷԿ-ում, իհարկե, չկա։ Ինչ վերաբերում է սեյսմիկ անվտանգությանը, ապա դրա ամրապնդման աշխատանքները հաստատվել են ՄԱԳԱՏԷ-ի առաքելությունների կողմից։

Օրերս Հայաստանի տարածքային կառավարման և ենթակառուցվածքների նախարարությունը որոշում է ընդունել ԱԷԿ-ի սպասարկման ժամկետը 2026 թ․-ից հետո երկարացնելու հնարավորություններն ուսումնասիրող հայ-ռուսական աշխատանքային խումբ ստեղծելու մասին (հիմա 2026թ․-ը դիտարկվում է որպես կայանի աշխատանքի վերջնաժամկետ, սակայն վերանորոգման աշխատանքների արդյունքում դրա աշխատանքային ռեսուրսը կարող է աճել):

«Մենք պետք է համագործակցենք ռուս գործընկերների հետ կայանի, այսպես կոչված, միջուկային կղզու, այսինքն՝ ռեակտորի, շոգեգեներատորի, ճնշման կոմպենսատորի, հիմնական խողովակաշարների հաշվարկային հիմնավորում կազմելու հարցում։ Այս առումով մենք, կարելի է ասել, «դատապարտված» ենք Ռուսաստանի հետ սերտ համագործակցության»,-ընդգծեց Սևիկյանը։

Այժմ Մեծամորի ԱԷԿ-ում կապիտալ վերանորոգում է ընթանում՝ դրա ծառայության ժամկետը երկարաձգելու նպատակով։ Դրա կարևորագույն փուլերից մեկը ռեակտորի պատյանի թրծումն է։ Աշխատանքների նախագծի վրա աշխատում են Կուրչատովի ինստիտուտի և «Ատոմէներգոռեմոնտ» ձեռնարկության մասնագետները։ Եթե աշխատանքի արդյունքում պատյանի ամրությունը բավականաչափ ավելանա, ապա ռեակտորը (ուստի նաև ամբողջ կայանը) կկարողանա ավելի երկար ժամանակ ծառայել (թե որքան՝ կպարզի աշխատանքային խումբը):

226
թեգերը:
ՄԱԳԱՏԷ, Հայաստան, ատոմակայան
Ըստ թեմայի
Հայաստանի ատոմակայանում թափոնները կկրճատեն նոր տեխնոլոգիայով
Մեծամորի էներգետիկները կուսումնասիրեն ռուսական ատոմակայանների փորձը
ՌԴ դեսպանը մեկնաբանել է Հայաստանում երկրորդ ատոմակայան կառուցելու հնարավորությունը
Արխիվային լուսանկար

Ընտրություններին մասնակցող ուժերը պետք է բացառեն վիրավորանքի ու ատելության տարածումը. ՄԻՊ

10
(Թարմացված է 10:36 13.05.2021)
Մարդու իրավունքների պաշտպանի աշխատակազմի դիտարկումը ցույց է տալիս, որ արդեն սոցիալական ցանցերում ակտիվացել են նաև տարբեր կողմերի սատարող կեղծ էջեր ու օգտահաշիվներ:

ԵՐԵՎԱՆ, 13 մայիսի - Sputnik. Խորհրդարանական ընտրություններին մասնակցող բոլոր քաղաքական ուժերը պետք է բացառեն վիրավորանքի ու ատելության տարածումը։ Այդ մասին նշված է ՀՀ մարդու պաշտպանի աշխատակազմի տարածած հաղորդագրության մեջ։

Հայաստանի Հանրապետությունում արտահերթ խորհրդարանական ընտրություններին առնչվող գործընթացները գտնվելու են Մարդու իրավունքների պաշտպանի անմիջական ուշադրության կենտրոնում. կիրականացվեն ուսումնասիրություններ, բողոքների ու դիմումների քննարկում Պաշտպանի իրավասությանը վերաբերող հարցերով:

«Ընտրական իրավունքի երաշխավորումը Մարդու իրավունքների պաշտպանի գործունեության հիմնարար ուղղություններից է: Այս իրավունքի շնորհիվ են երկրում ձևավորվում ժողովրդավարական ինստիտուտներն ու կառավարման համակարգը:

Որքան ազատ ու անխոչընդոտ է ընտրական իրավունքի իրացման հնարավորությունը, այնքան մեծ է քաղաքացու կամքի հրապարակային արտահայտման արդյունքում նոր ձևավորված մարմնի նկատմամբ վստահությունը։

Այս նպատակի համար հիմնարար նշանակություն ունեցող հարցերից է ապահովել վիրավորանքի, հայհոյանքի ու ատելության բացառումը, երկրում համերաշխության մթնոլորտի երաշխավորումը:

Պատկերացնո՞ւմ եք` ընտրություններում հաղթի Քոչարյանը, իսկ Երևանի քաղաքապետ մնա դերասանը

Կոչ ենք անում քաղաքական բոլոր ուժերին և հանրային գործիչներին ձեռնպահ մնալ հասարակությունը բևեռացնող ու լարվածությունն ավելացնող արարքներից, վիրավորանք կամ ատելություն տարածող բառապաշարից: Հանրային գործիչները, հատկապես պարտավոր են իրենց արարքներով ու խոսքով օրինակ ծառայել այս հարցում»,-նշված է հաղորդագրության մեջ:

Մարդու իրավունքների պաշտպանի աշխատակազմի դիտարկումը ցույց է տալիս, որ արդեն սոցիալական ցանցերում ակտիվացել են նաև տարբեր կողմերի սատարող կեղծ էջեր ու օգտահաշիվներ: Դրանցով արվում են հայհոյանքներ պարունակող, ագրեսիվ, անգամ բռնությունը խրախուսող կամ արդարացվող գրառումներ: Այս արատավոր երևույթներն ավելացնում են լարվածությունը:

Մարդու իրավունքների պաշտպանն առանցքային է համարում իրավապահ մարմինների արագ արձագանքը իրենց իրավասության տիրույթում հայտնված հարցերին: Այս հարցով Պաշտպանի աշխատակազմը նրանց հետ կապահովի անհրաժեշտ համագործակցություն և փոխադարձ կապ:

Պաշտպանի աշխատակազմում կգործի աշխատանքային խումբ, որը նախընտրական և հետընտրական փուլերում, ինչպես նաև քվեարկության օրը կգործի արտակարգ ռեժիմով և կիրականացնի անկախ մշտադիտարկում:

Քվեարկությանը օրը Պաշտպանի աշխատակազմի կենտրոնական և մարզային ստորաբաժանումներն աշխատելու են վաղ առավոտից՝ 24 ժամյա ռեժիմով: Աշխատանքային խմբի ներկայացուցիչները կգործուղվեն այն մարզեր կամ համայնքներ, որտեղ չկան մարզային ստորաբաժանումներ։

Ընտրական իրավունքների իրականացմանն առնչվող բողոքներ կամ ահազանգեր Պաշտպանի աշխատակազմ կարելի է ուղղել թեժ գծի հեռախոսահամարներով՝ 116 կամ (096) 116‑100:

10
թեգերը:
ՀՀ ՄԻՊ, Ընտրություններ
թեմա:
ԱԺ արտահերթ ընտրություններ 2021
Ըստ թեմայի
ԱԺ–ն երկրորդ անգամ չընտրեց Փաշինյանին. Հայաստանը գնում է արտահերթ ընտրությունների
Արտահերթ ընտրությունները կանցկացվեն առանց գրիչների. ԿԸՀ–ն հաստատեց նոր քվեաթերթիկի ձևը
Հայտնի է` երբ կմեկնարկի ԱԺ ընտրությունների քարոզարշավը. ԿԸՀ–ն հաստատեց ժամանակացույցը
Անդրանիկ Փիլոյան

ՀՀ ԱԻ նախարարի պաշտոնակատարը մեկնել է Մոսկվա

17
(Թարմացված է 10:16 13.05.2021)
Հայկական պատվիրակությունը կմասնակցի ԱՊՀ ուժերի «Համալիր անվտանգություն-2021» անվտանգության սարքավորումների 13-րդ միջազգային սրահի աշխատանքներին։

ԵՐԵՎԱՆ, 13 մայիսի - Sputnik. ՀՀ Արտակարգ իրավիճակների նախարարի պաշտոնակատար Անդրանիկ Փիլոյանն աշխատանքային այցով մեկնել է Մոսկվա, տեղեկացնում են ԱԻՆ լրատվական ծառայությունց։ Նախարարի պաշտոնակատարը և ԱԻՆ փրկարար ծառայության տնօրեն Արմեն Գասպարյանը մայիսի 14-16-ը կմասնակցեն ԱՊՀ ուժերի «Համալիր անվտանգություն-2021» անվտանգության սարքավորումների 13-րդ միջազգային սրահի աշխատանքներին:

Հայկական պատվիրակությունը կայցելի ՌԴ ԱԻՆ «Ճգնաժամային կառավարման ազգային կենտրոն»՝ ծանոթանալու հաստատության գործունեությանը, կմասնակցի հրշեջ-փրկարարների հուշարձանների համալիրում ծաղկեդրման արարողությանը, նախատեսված են արտակարգ իրավիճակների արձագանքման զորավարժություններ:

Նախատեսված են նաև այցելություններ հատուկ ռիսկի փրկարարական գործողությունների «Լիդեր» և ՌԴ ԱԻՆ Նոգինսկի փրկարարական կենտրոններ:

Այցի շրջանակներում հայկական պատվիրակությունը կմասնակցի միջազգային ցուցադրական զորավարժություններին, կքննարկվեն նաև երկու երկրների հումանիտար կառույցների համագործակցության ընդլայնման հնարավորությունները:

ԱԻՆ-ը ապաստարանների նկատմամբ պետական վերահսողության հարցով կդիմի դատախազին

17
թեգերը:
Մոսկվա, ՀՀ արտակարգ իրավիճակների նախարարություն (ԱԻՆ), Անդրանիկ Փիլոյան
Ըստ թեմայի
Խոշոր հրդեհ է բռնկվել Երևանի «Սուրմալու» տոնավաճառում․ տեսանյութ
Արցախի վերահսկողությունից դուրս են մնացել նաև սեյսմիկ կայաններ. ՀՀ ԱԻ նախարարն Արցախում է
Կարևորելով բնակչության անվտանգությունը. հանդիպել են ԱԻ նախարարն ու Ֆրանսիայի դեսպանը