Սյունիքի բնակիչները ցույց են տալիս ադրբեջանական դիրքերը

Եթե չլինի Սյունիքը, տապանաքար կարող ենք դնել Հայաստանի վրա. Քաջարանի քաղաքապետ

227
(Թարմացված է 13:56 26.04.2021)
Քաջարանի քաղաքապետ Մանվել Փարամազյանը լրագրողների հետ զրույցում մեկնաբանել է Սյունիքի շուրջ ստեղծված վտանգավոր իրավիճակը և համացանցում հայտնված նոր տեղեկությունները։

ԵՐԵՎԱՆ, 26 ապրիլի – Sputnik. ՀՀ իշխանությունը գործող ռումբ է տեղադրել Սյունիքի տակ։ Այսօր լրագրողների հետ զրույցում ասել է Քաջարանի քաղաքապետ Մանվել Փարամազյանը` մեկնաբանելով համացանցում հայտնված տեղեկություններն այն մասին, թե հայկական կողմը Սյունիքում նոր դիրքեր է հանձնել Ադրբեջանին։

«Այս իշխանությունը մի հատ ռումբ է դրել Սյունյաց աշխարհի ու ՀՀ–ի տակ։ Եթե չլինի Սյունիքը, ապա տապանաքար կարող ենք դնել ՀՀ–ի վրա։ Այդ ռումբը դրել են Սյունիքի տակ ու ֆիթիլը վառել են»,– ասաց Փարամազյանը։

Ինչ վերաբերում է նոր դիրքեր զիջելուն, Քաջարանի քաղաքապետն այդ լուրերը ո՛չ հերքեց, ո՛չ հաստատեց` ասելով, որ Սյունիքի համար կարևոր ռազմավարական դիրքերը թշնամուն զիջվել են դեռ 2020թ–ի վերջին։

«Դեկտեմբերի 17-ին, երբ հայկական կողմը` պաշտպանության նախարարը, բարձրաստիճան այլ սպաներ ժամանակ տվեցին մեզ, որ մենք լքենք մեր դիրքերը, մենք այն ժամանակվանից մեր շահեկան դիրքերը զիջեցինք թշնամուն։ Մենք էլի չէինք զիջի, եթե չհայտնվեինք այնպիսի անօգնական իրավիճակում, որ ստիպված եղանք հանձնել»,– ասաց նա` հավելելով, որ թշնամին արդեն Սյունիքի հետ սահմանին բացաձակ տիրապետում է բոլոր շահեկան դիրքերին։

Հիշեցնենք` ապրիլի 25-ին համացանցում տեսանյութ էր հայտնվել, որտեղ ասվում էր, թե հայկական կողմը Սյունիքում ռազմավարական նոր դիրքեր է հանձնել ադրբեջանական ուժերին։

Սահմանների վերանայումը շարունակվում է. Ներքին Խնձորեսկից դիրքեր են հանձնվել Ադրբեջանին

Նույն օրը ՀՀ պաշտպանության նախարարությունը բացարձակ սուտ էր որակել այդ տեղեկությունը` հայտարարելով, որ Հայաստանի զինված ուժերը որևէ դիրք ադրբեջանական կողմին չեն հանձնել, սահմանի ամբողջ երկայնքով գտնվում են իրենց զբաղեցրած դիրքերում և լիարժեք կատարում են առաջադրված խնդիրները:

227
թեգերը:
Մանվել Փարամազյան, Հայաստան, Սյունիք, Քաջարան
Ըստ թեմայի
«Որևէ երաշխիք, որ մեր սահմանները պաշտպանված են, չկա». Ռոբերտ Քոչարյան
Չապրած կյանքի ներկայություն. սահմանամերձ Բերդավանում հերոսների հիշատակի խաչքար տեղադրվեց
Կապանի դիրքերից մեկի մասին բարձրաձայնած հրամանատարը կանչվել է Ռազմական ոստիկանություն
Վերիշեն. արխիվային լուսանկար

Սյունիքում ճանապարհը փակած անձանցից 8-ը բերման են ենթարկվել, 1-ը` ձերբակալվել

110
(Թարմացված է 12:45 15.05.2021)
Սյունիքում տղամարդիկ ճանապարհը փակել էին` պահանջելով, որ կամավորներին զենք տրամադրեն։ Խուլիգանության հատկանիշներով քրգործ է հարուցվել։

ԵՐԵՎԱՆ, 15 մայիսի- Sputnik. Երեկ` մայիսի 14–ին Սյունիքում ճանապարհը փակած անձանցից 8-ը բերման են ենթարկվել, 1-ը ձերբակալվել։ Տեղեկությունը հայտնում է ոստիկանության մամուլի ծառայությունը` անդրադառնալով Տեղ գյուղի մոտ կատարված դեպքերին։

Երեկ մի խումբ անձինք փակել էին Սյունիքից Արցախ տանող ճանապարհը` պահանջելով, որպեսզի իշխանություններւ զենք տրամադրեն կամավորներին` Սյունիքի սահմանները պաշտպանելու համար:

«Մայիսի 14-ին, ժամը 15։30-ի սահմաններում, մի խումբ անձինք Սյունիքի մարզի Տեղ գյուղի հատվածում փակել էին Գորիս-Ստեփանակերտ ճանապարհը և 10-15 րոպե կոպիտ կերպով խախտելով հասարակական կարգը՝ քաշքշել էին ճանապարհը բացել պահանջող քաղաքացիներին: Ժամը 17։47-ին 8 անձ բերման է ենթարկվել ոստիկանության Գորիսի բաժին»,–նշված է հաղորդագրության մեջ։

«Ադրբեջանցին նշեց` եթե ասեն վերադարձեք, ներողություն կխնդրենք, կգնանք». Վարդենիսի ղեկավար

Դեպքի առթիվ հարուցվել է քրեական գործ՝ ՀՀ քրեական օրենսգրքի 258-րդ հոդվածի (խուլիգանությունը) հատկանիշներով։

Նշվում է նաև, որ հարուցված քրգործով ձերբակալված 44-ամյա տղամարդը ոստիկանության Գորիսի բաժնում բռունցքով կոտրել է աշխատասենյակներից մեկի պատուհանի ապակին։

Կատարվում է նախաքննություն։

Ադրբեջանցիների մի մասը շարունակում է գտնվել ՀՀ տարածքում. ՊՆ–ն հայտարարություն է տարածել

110
թեգերը:
Ձերբակալություն, ՀՀ Ոստիկանություն, Սյունիք, Ճանապարհ
Ըստ թեմայի
«Եկել ենք գործուղման». ռուս զինվորականները Սյունիքում են
Պետք է պատրաստ լինենք հնարավոր վատ զարգացումներին. Ավինյանը` Սյունիքի մասին
Սյունիքի հարցով Նիկոլ Փաշինյանը պաշտոնապես դիմել է ՀԱՊԿ–ին
Վերիշենի բնակիչներ

«Ադրբեջանցիները հիմա «ամենալավ» տեղում են». ինչ են պատմում Վերիշենի բնակիչները

196
(Թարմացված է 13:29 15.05.2021)
Վերիշենի բնակիչները նշում են` եթե ադրբեջանցիները չհեռանան Սև լճի տարածքից, ապա իրենք ամբողջ կյանքում «գյուլլի տակ» են ապրելու։

ԵՐԵՎԱՆ, 15 մայիսի- Sputnik. Սյունիքի մարզի Վերիշենի բնակիչներն այս օրերին իրենց բանուգործով են ապրում։ Sputnik Արմենիայի հետ զրույցում նրանցից մեկը` Ալբերտ Ադունցը, պատմում է, որ Սև լիճն իրենց գյուղից 22 կիլոմետր է հեռու, սակայն ադրբեջանցիներն այնպիսի դիրքում են, որ ամբողջ գյուղը բացվում է նրանց առջև` «ամենալավ» տեղում են։

Житель села Веришен Сюникской области во время беседы с корреспондентами Sputnik Армения
© Sputnik / Hovhannes Shoghikyan
Ալբերտ Ադունց

«Էս օրերին ամեն մեկը մի բան է պատմում, մտածում ենք, թե ավելի լավ է` ոչ մի լուր չլսենք։ Հարցն էն է, որ ադրբեջանցիներն իրենց կանգնած տեղից գյուղը կարող են ամեն ձև նկարել, այսինքն` եթե այստեղ կանգնած մնան, մենք գյուլլի տակ ենք ապրելու` էլ ձև չկա, որ փրկվենք կամ էլ փախչենք»,–ասաց Ադունցը։

Նա հիշեց` ժամանակին այնքան քեֆեր է արել Սև լճի տարածքում։ Ասում է` «ամենաուժեղ» ձուկն այնտեղ էր, շատ իշխան կար։ Հիմա, սակայն, այլևս չկա։

Վերիշենի մեկ այլ բնակիչ էլ` Վլադիկ Ադամյանը, պատմեց, որ Սև լճի տարածքում սեփականաշնորհված տարածք չկա` բոլորը համայնքին են պատկանում։

Житель села Веришен Сюникской области во время беседы с корреспондентами Sputnik Армения
© Sputnik / Hovhannes Shoghikyan
Վլադիկ Ադամյան

«Այստեղ հիմնականում անասնապահությամբ և հողագործությամբ են զբաղվում։ Ես, օրինակ, անասուն չունեմ, մենակ հող եմ մշակում։ Դե, առաջվա նման չի էլի, որ 7 օր աշխատեինք` 4 օր ճամփորդեինք, հիմա դժվար ժամանակներ են»,–ասում է Ադամյանը։

Վերիշենի բնակիչները նշում են, որ լուրեր կային, թե այսօր առավոտյան ժամը 7-ին արդեն պետք է համաձայնության գային, որ ադրբեջանցիները հետ քաշվեին։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

ԱՄՆ-ը սադրանք է համարում Ադրբեջանի գործողությունները Հայաստանի սահմանների մոտ. Պետդեպ

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

196
թեգերը:
Սահման, ադրբեջանցի, Սյունիք
Ըստ թեմայի
Ի՞նչ է կատարվում Սյունիքի մարզի Վերիշեն գյուղում
ՀԱՊԿ Հավաքական անվտանգության խորհրդի նախագահը Սյունիքի հետ կապված կարգադրություններ է տվել
Իշխանասարում ադրբեջանցիների ներկայությունը վտանգում է Սյունիքի խմելու ջրի հասանելիությունը
«Եկել ենք գործուղման». ռուս զինվորականները Սյունիքում են
Հայկական ԱԷԿ

Ատոմակայանի աշխատանքը կանգնեցվեց. այն 141 օր չի աշխատի

15
(Թարմացված է 15:14 15.05.2021)
Արդիականացման պայմանագրի շրջանակում աշխատանքների կազմակերպումն իրականացնում է «Ռուսատոմ Սերվիս» ընկերությունը։

ԵՐԵՎԱՆ, 15 մայիսի- Sputnik. Այսօր հայկական ԱԷԿ-ում մեկնարկել է առանցքային պլանային-նախազգուշացնող վերանորոգումը (ՊՆՎ-2021)՝ կայանի արդիականացման և շահագորժման ժամկետի երկարաձգման նախագծի շրջանակում։ Նման հաղորդագրություն է տարածել Հայկական ԱԷԿ-ը:

Սա նշանակում է, որ հայկական ԱԷԿ-ն այսօրվանից կկանգնեցվի 141 օրով՝ սա ամենաերկարատև պլանային-նախազգուշացնող վերանորոգումն է նախագծի մեկնարկից ի վեր։

«Անցյալ տարին նվիրված էր ՊՆՎ-2021 շրջանակում նորոգման աշխատանքների նախապատրաստմանը․ անցկացվել են անհրաժեշտ բոլոր ստուգումները, մատակարարվել են սարքավորումները, իրականացվել են ռեակտորի ակտիվ գոտու վթարային հովացման համակարգի արդիականացման աշխատանքները։ Հիմնական բոլոր միջոցառումները կիրականացվեն մինչև 2021-ի հոկտեմբերը նեռարյալ»,–ասել է Հայկական ԱԷԿ-ի գլխավոր ինժեներ Արթուր Գրիգորյանը։

Հայաստանն ավելի արդյունավետ ատոմակայան կունենա

Այս տարի լրանում է Հայկական ԱԷԿ-ի երկրորդ էներգաբլոկի աշխատանքի մեկնարկի 45-ամյակը՝ 45 տարի առաջ այն միացել է էներգահամակարգին։ Ի դեպ, արդիականացումից հետո այն հնարավոր կլինի շահագործել առնվազն մինչև 2036 թվականը։

«Աշխատանքներն իրականացնելու նպատակով կայան է ժամանել ռուսաստանցի 120 մասնագետ։ Այս տարվա ընթացքում, նորոգման ժամանակահատվածում, Ռուսաստանից կներգրավվի շուրջ 350 ատոմագործ։ Սա Հայաստանի ատոմային էներգետիկայի զարգացման կարևոր փուլ է, և ուրախ ենք մասնակցել այս իրադարձությանը և օգնել մեր ընկերներին կերտել Հայաստանի ատոմային ոլորտի պատմությունը»,–ասել է Յուրի Սվիրիդենկոն ՝ հայկական ԱԷԿ-ի շահագորժման ժամկետի երկարացման նախագծի ղեկավարը ռուսական կողմից:

Նշենք, որ արդիականացման պայմանագրի շրջանակում աշխատանքների կազմակերպումն իրականացնում է «Ռուսատոմ Սերվիս» ընկերությունը։

Չեռնոբիլի աղետից անցել է 35 տարի. որքանո՞վ է անվտանգ Մեծամորի ատոմակայանը

15
թեգերը:
Ռուսաստան, Հայաստան, ատոմակայան
Ըստ թեմայի
Նոր ատոմակայանի, նոր պղնձաձուլարանի ու երկաթուղու բացումը մեկ շղթայի օղակներ են. Փաշինյան
ՌԴ դեսպանը մեկնաբանել է Հայաստանում երկրորդ ատոմակայան կառուցելու հնարավորությունը
Մեծամորի էներգետիկները կուսումնասիրեն ռուսական ատոմակայանների փորձը