Արխիվային լուսանկար

Ինչպես են կանայք ու տղամարդիկ ընտրում միմյանց. գիտնականները նշել են գլխավոր չափանիշները

150
(Թարմացված է 14:12 22.04.2021)
Կանայք ու տղամարդիկ մի շարք չափանիշներ ունեն պոտենցիալ զուգընկերներին որոշելու համար։ Սակայն հարկ է նշել, որ տղամարդկանց ու կանանց ընտրության չափանիշները խիստ տարբերվում են միմյանցից։

Բրիտանացի գիտնականների կարծիքով` տղամարդկանց մեջ կանանց առաջին հերթին հետաքրքրում է ռոմանտիկ տրամադրվածությունը։ Բացի դրանից, գեղեցիկ սեռի ներկայացուցիչներն ուշադրություն են դարձնում պոտենցիալ զուգընկերոջ առողջությանը, որը գնահատվում է ըստ նրա գրավչության և ինտելեկտի։ Հետազոտությունը հրապարակվել է Evolutionary Behavioral Sciences ամսագրում։

Ինչպես պարզվել է` տղամարդկանց ենթագիտակցական մակարդակում գրավում են կանայք, որոնց, նրանց կարծիքով, ավելի հեշտ է ճնշել, խաբել և գայթակղել։ Կանայք նույնպես կարող են իդենտիֆիկացնել տղամարդկանց, որոնց ավելի հեշտ է կառավարելը կամ գայթակղելը, բայց նրանք այդ որակները գրավիչ չեն համարում։

Մասնագետները հարցում են անցկացրել, որին մասնակցել են ամերիկյան համալսարաններից մեկի մոտ 150 ուսանողներ։ Աղջիկներին առաջարկել են գնահատել տղամարդկանց 110 լուսանկարներ` ըստ հարաբերությունների համար գրավչության աստիճանի ինչպես կարճաժամկետ (պատահական սեքս), այնպես էլ երկարաժամկետ (ամուսնություն) հեռանկարում։

Կանադայի Բրոքի համալսարանի մասնագետները հետազոտություն են անցկացրել, որի արդյունքները ցույց են տվել, որ կանայք ավելի հաճախ են համակրանք զգում «վատ տղաների» նկատմամբ նրանց ինքնավստահ և հանգիստ պահվածքի պատճառով, և խոսքը նաև տարբեր հոգեբանական խանգարումներով տղամարդկանց մասին է։

Գիտնականները բացատրում են այդ տենդենցը նրանով, որ նման տղամարդիկ իրենց վստահ են զգում և կարողանում են օգտագործել իրենց հմայքը, սակայն նրանց վերջնական նպատակը եսասիրական հաճույքն է։

Գիտնականները պարզել են երկարակեցության գլխավոր գործոնը

Ավելի վաղ Օսթինում Տեխասի համալսարանի հոգեբանները մի հիպոթեզ են ներկայացրել, որը բացատրում է` ինչպիսի գործոններ է հաշվի առնում տղամարդ ընտրող կինը։ Այդ վարկածի համաձայն` կանայք շտկում են իրենց պահանջները` ելնելով սեփական գրավչությունից։ Օրինակ, գեղեցիկ կանայք չեն բավարարվում «միջին» որակի տղամարդկանցով, որոնք լիովին ընդունելի են ոչ այդքան գեղեցիկ կանանց համար։

Հետազոտության հեղինակներն առանձնացրել են չորս գլխավոր որակներ, որոնք գնահատում են պոտենցիալ զուգընկերների մեջ։ Առաջին հերթին` լավ գեները, այսինքն տղամարդը պետք է առողջ լինի, արտաքնապես հրապուրիչ և խելացի, երկրորդ` տղամարդու նյութական բարեկեցության մակարդակը, երրորդ` երեխաներ ունենալու նրա ցանկությունը և ծնողական որակները, չորրորդ` նրա հավատարմությունը տվյալ կնոջը։

Կանանց մեծամասնությունը հույս ունի, որ իրենց ընտրյալը բարձր միավորներ կհավաքի բոլոր այդ չափանիշներով։ Սակայն ցածր ինքնագնահատական ունեցող կանանց մի մասը համաձայն է զիջել սկզբունքներին, խոստովանել, որ կատարյալ տղամարդ գտնելը բարդ է, և ընտրել ոչ բոլոր չափանիշներին համապատասխանող զուգընկեր։

Տարբեր ժողովուրդներ տարբեր կերպ են որոշում` ով է գեղեցիկ. գիտնականների եզրակացությունը

150
թեգերը:
գիտնական, ամուսնություն, տղամարդ, Կին
Ըստ թեմայի
Կրկնակի թանկ է տղամարդկանց սննդից․ ի՞նչ պետք է ուտեն կանայք առողջ լինելու համար
Անմոռանալի կինը․ գիտնականները պարզել են, թե ինչն են մտապահում տղամարդիկ
Գիտնականները պարզել են` որ հայացքից են սիրահարվում կանայք
Վերիշեն. արխիվային լուսանկար

Սյունիքում ճանապարհը փակած անձանցից 8-ը բերման են ենթարկվել, 1-ը` ձերբակալվել

93
(Թարմացված է 12:45 15.05.2021)
Սյունիքում տղամարդիկ ճանապարհը փակել էին` պահանջելով, որ կամավորներին զենք տրամադրեն։ Խուլիգանության հատկանիշներով քրգործ է հարուցվել։

ԵՐԵՎԱՆ, 15 մայիսի- Sputnik. Երեկ` մայիսի 14–ին Սյունիքում ճանապարհը փակած անձանցից 8-ը բերման են ենթարկվել, 1-ը ձերբակալվել։ Տեղեկությունը հայտնում է ոստիկանության մամուլի ծառայությունը` անդրադառնալով Տեղ գյուղի մոտ կատարված դեպքերին։

Երեկ մի խումբ անձինք փակել էին Սյունիքից Արցախ տանող ճանապարհը` պահանջելով, որպեսզի իշխանություններւ զենք տրամադրեն կամավորներին` Սյունիքի սահմանները պաշտպանելու համար:

«Մայիսի 14-ին, ժամը 15։30-ի սահմաններում, մի խումբ անձինք Սյունիքի մարզի Տեղ գյուղի հատվածում փակել էին Գորիս-Ստեփանակերտ ճանապարհը և 10-15 րոպե կոպիտ կերպով խախտելով հասարակական կարգը՝ քաշքշել էին ճանապարհը բացել պահանջող քաղաքացիներին: Ժամը 17։47-ին 8 անձ բերման է ենթարկվել ոստիկանության Գորիսի բաժին»,–նշված է հաղորդագրության մեջ։

«Ադրբեջանցին նշեց` եթե ասեն վերադարձեք, ներողություն կխնդրենք, կգնանք». Վարդենիսի ղեկավար

Դեպքի առթիվ հարուցվել է քրեական գործ՝ ՀՀ քրեական օրենսգրքի 258-րդ հոդվածի (խուլիգանությունը) հատկանիշներով։

Նշվում է նաև, որ հարուցված քրգործով ձերբակալված 44-ամյա տղամարդը ոստիկանության Գորիսի բաժնում բռունցքով կոտրել է աշխատասենյակներից մեկի պատուհանի ապակին։

Կատարվում է նախաքննություն։

Ադրբեջանցիների մի մասը շարունակում է գտնվել ՀՀ տարածքում. ՊՆ–ն հայտարարություն է տարածել

93
թեգերը:
Ձերբակալություն, ՀՀ Ոստիկանություն, Սյունիք, Ճանապարհ
Ըստ թեմայի
«Եկել ենք գործուղման». ռուս զինվորականները Սյունիքում են
Պետք է պատրաստ լինենք հնարավոր վատ զարգացումներին. Ավինյանը` Սյունիքի մասին
Սյունիքի հարցով Նիկոլ Փաշինյանը պաշտոնապես դիմել է ՀԱՊԿ–ին
Վերիշենի բնակիչներ

«Ադրբեջանցիները հիմա «ամենալավ» տեղում են». ինչ են պատմում Վերիշենի բնակիչները

174
(Թարմացված է 13:29 15.05.2021)
Վերիշենի բնակիչները նշում են` եթե ադրբեջանցիները չհեռանան Սև լճի տարածքից, ապա իրենք ամբողջ կյանքում «գյուլլի տակ» են ապրելու։

ԵՐԵՎԱՆ, 15 մայիսի- Sputnik. Սյունիքի մարզի Վերիշենի բնակիչներն այս օրերին իրենց բանուգործով են ապրում։ Sputnik Արմենիայի հետ զրույցում նրանցից մեկը` Ալբերտ Ադունցը, պատմում է, որ Սև լիճն իրենց գյուղից 22 կիլոմետր է հեռու, սակայն ադրբեջանցիներն այնպիսի դիրքում են, որ ամբողջ գյուղը բացվում է նրանց առջև` «ամենալավ» տեղում են։

Житель села Веришен Сюникской области во время беседы с корреспондентами Sputnik Армения
© Sputnik / Hovhannes Shoghikyan
Ալբերտ Ադունց

«Էս օրերին ամեն մեկը մի բան է պատմում, մտածում ենք, թե ավելի լավ է` ոչ մի լուր չլսենք։ Հարցն էն է, որ ադրբեջանցիներն իրենց կանգնած տեղից գյուղը կարող են ամեն ձև նկարել, այսինքն` եթե այստեղ կանգնած մնան, մենք գյուլլի տակ ենք ապրելու` էլ ձև չկա, որ փրկվենք կամ էլ փախչենք»,–ասաց Ադունցը։

Նա հիշեց` ժամանակին այնքան քեֆեր է արել Սև լճի տարածքում։ Ասում է` «ամենաուժեղ» ձուկն այնտեղ էր, շատ իշխան կար։ Հիմա, սակայն, այլևս չկա։

Վերիշենի մեկ այլ բնակիչ էլ` Վլադիկ Ադամյանը, պատմեց, որ Սև լճի տարածքում սեփականաշնորհված տարածք չկա` բոլորը համայնքին են պատկանում։

Житель села Веришен Сюникской области во время беседы с корреспондентами Sputnik Армения
© Sputnik / Hovhannes Shoghikyan
Վլադիկ Ադամյան

«Այստեղ հիմնականում անասնապահությամբ և հողագործությամբ են զբաղվում։ Ես, օրինակ, անասուն չունեմ, մենակ հող եմ մշակում։ Դե, առաջվա նման չի էլի, որ 7 օր աշխատեինք` 4 օր ճամփորդեինք, հիմա դժվար ժամանակներ են»,–ասում է Ադամյանը։

Վերիշենի բնակիչները նշում են, որ լուրեր կային, թե այսօր առավոտյան ժամը 7-ին արդեն պետք է համաձայնության գային, որ ադրբեջանցիները հետ քաշվեին։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

ԱՄՆ-ը սադրանք է համարում Ադրբեջանի գործողությունները Հայաստանի սահմանների մոտ. Պետդեպ

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

174
թեգերը:
Սահման, ադրբեջանցի, Սյունիք
Ըստ թեմայի
Ի՞նչ է կատարվում Սյունիքի մարզի Վերիշեն գյուղում
ՀԱՊԿ Հավաքական անվտանգության խորհրդի նախագահը Սյունիքի հետ կապված կարգադրություններ է տվել
Իշխանասարում ադրբեջանցիների ներկայությունը վտանգում է Սյունիքի խմելու ջրի հասանելիությունը
«Եկել ենք գործուղման». ռուս զինվորականները Սյունիքում են
Դավիթ Հարությունյան. արխիվային լուսանկար

Կան մոտեցումներ, որոնք տարբերվում են. Հարությունյանը` Քոչարյանի հետ դաշինք կազմելու մասին

31
(Թարմացված է 14:30 15.05.2021)
Դավիթ Հարությունյանը վստահեցնում է, որ համագործակցում են Ռոբերտ Քոչարյանի հետ, քանի որ իրենց նպատակը նույնն է։ Նա չբացառեց նաև ՀԱԿ–ի հետ դաշինք կազմելը։

ԵՐԵՎԱՆ, 15 մայիսի- Sputnik. «Պատիվ ունեմ» դաշինքը չմիավորվեց ՀՀ երկրորդ նախագահ Ռոբերտ Քոչարյանի հետ, քանի որ կան որոշակի մոտեցումներ, որոնք տարբերվում են։ Այս մասին հայտնեց «Պատիվ ունեմ» նախընտրական շտաբի ներկայացուցիչ, արդարադատության նախկին նախարար Դավիթ Հարությունյանը` պատասխանելով հարցին, թե ինչո՞ւ դաշինք չկազմեցին Քոչարյանի հետ։

Նշենք, որ ՀՀԿ–ն և «Հայրենիք» կուսակցությունն այսօր դաշինք կազմավորելու մասին հուշագիր ստորագրեցին։ Նրանք ընտրություններին կմասնակցեն «Պատիվ ունեմ» դաշինքով:

«Մեր նպատակները նույնն են` ունենալ անվտանգ և զարգացող Հայաստան, հեռացնել գործող իշխանություններին։ Սակայն կան մոտեցումներ էլ, որ տարբեր են, բայց սա չի նշանակում, որ մենք չենք համագործակցում։ Մենք համագործակցում ենք, սակայն ընտրողներին նաև այլընտրանք են առաջարկել»,–ասաց Հարությունյանը։

Հարությունյանը հավելեց` այն, որ ընդդիմադիր ուժերը տարբեր ճակատներով են պայքարի գնում, ամենևին էլ չի նշանակում ուժերի փոշիացում։ Ավելին, իրենք կարծում են, որ այդպես ավելի ճիշտ և արդյունավետ է։

Մեկ այլ հարցի, թե հնարավո՞ր է, որ ՀԱԿ–ն էլ միանա իրենց դաշինքին` Հարությունյանը նշեց, որ ոչինչ չի բացառում և միայն իշխանության կողմից ստեղծված կեղծ ընդդիմադիր ուժերի հետ համագործակցությունն են բացառում։

Հիշեցնենք, որ հունիսի 20-ին Հայաստանում նախատեսված են արտահերթ խորհրդարանական ընտրություններ։

Վանեցյանը ժամանակին գիտակցեց շնագայլերի էությունը. Սերժ Սարգսյանը` դաշինք կազմելու մասին

31
թեգերը:
«Հայրենիք» կուսակցություն, Հայաստանի Հանրապետական կուսակցություն (ՀՀԿ), «Պատիվ ունեմ» դաշինք, Ռոբերտ Քոչարյան, Դավիթ Հարությունյան
Ըստ թեմայի
Պատկերացնո՞ւմ եք` ընտրություններում հաղթի Քոչարյանը, իսկ Երևանի քաղաքապետ մնա դերասանը
Ի՞նչ ցույց տվեց Ռոբերտ Քոչարյանի, ՀՅԴ–ի ու «Վերածնվող Հայաստանի» հանրահավաքը
Սերժ Սարգսյանի և Քոչարյանի շահերից է բխում, որ ՀԱԿ-ը մասնակցի ընտրություններին․ «Հրապարակ»