Մարիամ Մուղդուսյան

Հայ արվեստագետները հիշեցրել են Ցեղասպանության ու կարմիր կակաչներով պատերազմի մասին

48
(Թարմացված է 16:03 25.04.2021)
Կոմիտասի արձանի մոտ կազմակերպված արտ-ինստալյացիան կոչված է հիշեցնելու միջազգային հանրությանը Հայոց պատմության ծանր էջերի, այդ թվում՝ Արցախում վերջին պատերազմի մասին:

ԵՐԵՎԱՆ, 23 ապրիլի - Sputnik. Աշխարհը պետք է ճանաչի Ցեղասպանությունը ու դատապարտի 44-օրյա պատերազմն Արցախում։ Որպես դրա կոչ Երևանի սրտում տեղադրվել է բուտաֆորային կակաչների ինստալյացիա։ Կազմակերպիչներն են «Մուղդուսյան» կենտրոնը և «Նաիրյան» համույթը:

Арт-инсталляция, посвященная 106-й годовщине Геноцида армян, у памятника Комитасу (23 апреля 2021). Еревaн
© Sputnik / Aram Nersesyan
Կակաչների ինստալյացիա

Կարմիր թղթից սարքած բացված ծաղիկներ՝ 106 ու ևս 44 արհեստական կակաչները շարված են Կոմիտասի արձանի մոտ:

Գաղափարի հեղինակ ու ակցիայի կազմակերպիչ, «Մուղդուսյան» կենտրոնի հիմնադիր Մարիամ Մուղդուսյանի խոսքով՝ արտ-ինստալյացիան նվիրված է Օսմանյան կայսրությունում Հայոց ցեղասպանության 106-րդ տարելիցին ու արցախյան պատերազմի 44 օրերին: Նկարչուհին համոզված է, որ եթե աշխարհը 106 տարի առաջ չլռեր, ավելի քան հարյուր տարի անց այդ պատերազմը չէր լինի։

Соорганизатор арт-инсталляции, посвященной 106-й годовщине Геноцида армян, художественный руководитель вокального ансамбля «Наирян» Наира Мугдусян (23 апреля 2021). Еревaн
© Sputnik / Aram Nersesyan
Նաիրա Մուղդուսյան

Յուրաքանչյուր ծաղիկ մեծ քարով սեղմված է գետնին։ Քարը խորհրդանշում է հայ ժողովրդի ապրած ցավն ու ծանրությունը։ Բայց դրանք նաև խորհրդանշում են այն ծանրությունը, որն ընկած է միջազգային հանրության ուսերին, որի մի մասը մինչև հիմա չի ճանաչել Ցեղասպանությունը, լռել է արցախյան երկրորդ պատերազմի ընթացքում հայ ժողովրդի դեմ կատարվող հանցագործությունների մասին։ Հետո թղթե կակաչներից ցեղասպանության թեմայով բացիկներ կսարքեն։

Организаторы арт-инсталляции, посвященной 106-й годовщине Геноцида армян, Наира (слева) и Мариам Мугдусян (23 апреля 2021). Еревaн
© Sputnik / Aram Nersesyan
Նաիրա ու Մարիամ Մուղդուսյաններ

«Նաիրյան» երգի համույթի գեղարվեստական ղեկավար Նաիրա Մուղդուսյանը նշեց, որ նման ձևաչափով միջոցառման գաղափարը ծագել է պատահական, քննարկումների ժամանակ։ Նրանք ուզում էին բարձրացնել այս թեման, բայց անել դա չկրկնվող, թարմ ձևով։

  • Կոմիտասի արձանի մոտ կազմակերպված արտ-ինստալյացիան
    Կոմիտասի արձանի մոտ կազմակերպված արտ-ինստալյացիան
    © Sputnik / Aram Nersesyan
  • Կոմիտասի արձանի մոտ կազմակերպված արտ-ինստալյացիան
    Կոմիտասի արձանի մոտ կազմակերպված արտ-ինստալյացիան
    © Sputnik / Aram Nersesyan
  • Մարիամ Մուղդուսյան
    Մարիամ Մուղդուսյան
    © Sputnik / Aram Nersesyan
  • Կոմիտասի արձանի մոտ կազմակերպված արտ-ինստալյացիան
    Կոմիտասի արձանի մոտ կազմակերպված արտ-ինստալյացիան
    © Sputnik / Aram Nersesyan
  • Մարիամ Մուղդուսյանը զրուցում է անցորդների հետ
    Մարիամ Մուղդուսյանը զրուցում է անցորդների հետ
    © Sputnik / Aram Nersesyan
  • Նաիրա ու Մարիամ Մուղդուսյաններ
    Աջից՝ Մարիամ Մուղդուսյանը
    © Sputnik / Aram Nersesyan
1 / 6
© Sputnik / Aram Nersesyan
Կոմիտասի արձանի մոտ կազմակերպված արտ-ինստալյացիան

Հիշեցնենք, որ 2020 թվականին կորոնավիրուսի համավարակի հետ կապված պարետի որոշմամբ ավանդական ջահերով երթի փոխարեն ակցիա էր անցկացվել: Քաղաքացիները ուղիղ ժամը 21:00-ին տներում լույսը մարել էին ու որոշ ժամանակ պատուհանների մոտ լապտեր էին վառել: Անջատել էին նաև փողոցային լուսավորությունը, և ամբողջ երկրում եկեղեցիների զանգեր էին հնչում։

48
թեգերը:
Արցախյան պատերազմ, Հայոց ցեղասպանություն
Կորոնավիրուս

131 նոր դեպք, 9 մահ` մեկ օրում. կորոնավիրուսային հիվանդության ընթացքը Հայաստանում

76
(Թարմացված է 11:04 16.05.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 16 մայիսի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 131–ով և դարձել 220860: Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 7023 մարդ (-234), կատարվել է 1036673 թեստավորում (+3160), առողջացել են վարակվածներից 208454-ը (+354): Գրանցվել է մահվան 4323 դեպք (+9)։ Կորոնավիրուսով վարակված, բայց այլ պատճառով մահացածների թիվն ավելացել է 2ով և դարձել 1060։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

10 հատ ձու, անվճար օղի. պատվաստումը խթանելու ինչ եղանակներ են կիրառվում տարբեր երկրներում

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

76
թեգերը:
Մահ, թեստ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Որքան գումար է ծախսել ՀՀ առողջապահության նախարարությունը Covid-19–ի դեմ պայքարի շրջանակում
Հայաստանում արդեն մոտ 11 հազար մարդ է պատվաստվել Covid-19-ի դեմ
Հայաստանը COVID-19-ից մահացության հարաբերական ցուցանիշով աշխարհում 31-րդ տեղն է զբաղեցնում
Վարդան Պապիկյան

Գյումրեցի հոգեբան-քիմիկոսի օրգանական-կոսմետիկ ձեռքբերումները

117
(Թարմացված է 15:51 14.05.2021)
Ամեն ինչ սկսվեց գերչակի, կոկոսի, արմավի, ձիթապտղի, խաղողի կտի յուղի հիմքով պատրաստված օճառներից։

ԵՐԵՎԱՆ, 15 մայիսի - Sputnik. Հոգեբան ու քիմիկոս Վարդան Պապիկյանը, որը նաև դասավանդում է Շիրակի պետական համալսարանում, օրվա մեծ մասն անցկացնում է իր ստեղծած մինի լաբորատորիայում։ Այստեղ օրգանական կոսմետիկ միջոցներ են պատրաստում։

Քիմիական  նյութերից ստացված միջոցները բավական մատչելի են, բայց և վնասակար, իսկ օրգանական՝ ստանդարտներին համապատասխան միջոցները, ոչ միայն  չեն վնասում, այլև բուժական նշանակություն ունեն, տեղեկացնում է Վարդան Պապիկյանը։

Ամեն ինչ սկսվեց գերչակի, կոկոսի, արմավի, ձիթապտղի, խաղողի կտի յուղի հիմքով պատրաստված օճառներից, հետո արդեն սկսեցին օճառներ պատրաստել խոտաբույսերի թուրմերի համադրությամբ: Ավելի ուշ հաջորդեցին շամպուններն ու դիմակները:

Օրգանական արտադրանք ստեղծելու գաղափարին ընտանիքի անդամները դեմ չէին, բայց սկզբում «չէին շտապում» աջակցել, միայն վերջերս, երբ արդեն  նկատեցին, որ այդ միջոցների պահանջարկը կա, փորձում են օգտակար լինել:

«Պասիվ, սպասողական   դիրքորոշում դրսևորեցին, բայց վերջերս ավելի հետաքրքրություն եմ նկատում նրանց կողմից՝ առցանց մաքետինգը նրանց ուսերին է»,-ժպտում է քիմիկոսն ու հավելում, որ ընտանիքի  անդամներն իր ստեղծած արտադրանքն են օգտագործում։

Պատրաստված զինվորը փրկված կյանք է. ինչպես գյումրեցի հոգեբանը դարձավ ֆրանսիական լեգեոներ

«Այնքան զգալի է տարբերությունը, որ ով գեթ մեկ անգամ օգտագործել է, ասում է, որ այլևս հին օճառներին ու շամպուններին չի վերադառնա»,-ասում է Պապիկյանը:

Աշխարհում տարեկան օրգանական նյութերի արտադրության 20 տոկոս աճ է գրանցվում:

«Մարդիկ ժամանակի ընթացքում հասկացան, որ լավագույն միջոցը մոռացված հինն  է, ու փորձ են անում վերհիշել այդ հին բաղադրատոմսերը: Հայաստանի բնաշխարհը համարվում է վայրի, մենք դեռ գենետիկորեն շատ չենք փչացրել մեր բնությունը»,-նշում է քիմիկոսը ցույց տալով հավաքած երիցուկը, անանուխն ու եղինջը, որոնք օգտակար հավելանյութեր են օճառների ու շամպունների համար:

Հումքի պակաս Հայատանում չկա: Լավ հավելանյութ է նաև Հայկական բնաշխարհում աճող վայրի նռան կեղևը: Վարդան Պապիկյանն օգտագործում է նաև ոչ տեղական հավելումներ՝ նարնջի կեղև,  կոճապղպեղ, չիլի պղպեղ, զաֆրան, Էվկալիպտ և այլն:

Աշխատանքի մեջ  շատ է օգնում հոգեբան լինելը: «Շատերը զարմանում են, երբ իմանում են, որ քիմիայի մասնագետ լինելուց բացի նաև հոգեբան եմ: Ինձ համար երկուսն էլ կարևոր են՝ ինչպես հոգու, այնպես էլ արտաքին  էկոլոգիան»,-ասում է Վարդան Պապիկյանը:

  • Բնական կոսմետիկայի բաղադրանյութեր
    Բնական կոսմետիկայի բաղադրանյութեր
    © Sputnik / Armenuhi Mkhoyan
  • Վարդան Պապիկյանի արտադրանքներից
    Վարդան Պապիկյանի արտադրանքներից
    © Sputnik / Armenuhi Mkhoyan
  • Վարդան Պապիկյանի արտադրանքներից
    Վարդան Պապիկյանի արտադրանքներից
    © Sputnik / Armenuhi Mkhoyan
  • Վարդան Պապիկյանի արտադրանքներից
    Վարդան Պապիկյանի արտադրանքներից
    © Sputnik / Armenuhi Mkhoyan
  • Վարդան Պապիկյանն աշխատանքի պահին
    Վարդան Պապիկյանն աշխատանքի պահին
    © Sputnik / Armenuhi Mkhoyan
  • Վարդան Պապիկյանն աշխատանքի պահին
    Վարդան Պապիկյանն աշխատանքի պահին
    © Sputnik / Armenuhi Mkhoyan
1 / 6
© Sputnik / Armenuhi Mkhoyan
Բնական կոսմետիկայի բաղադրանյութեր

Այս պահին օրգանական կոսմետիկ միջոցներն իրացվում են միայն Գյումրիում, բայց հեղինակը  բրենդավորելուց ու սերտիֆիկացնելուց հետո դրանք արտահանելու, նաև տեսականին ավելացնելու ծրագրեր ունի։

117
Ըստ թեմայի
Կտավի ու նյութի փոխարեն գյումրեցի արվեստագետը ջինս է օգտագործում
27-ի առավոտյան գնաց ու չվերադարձավ. 31-ամյա փոխգնդապետը պարգևատրվեց հետմահու
Հին արհեստի նոր լեզուն. գյումրեցի արվեստագետի թաղիքագործական ձեռքբերումները
Իսրայել

Գազայի հատվածից շուրջ 2900 հրթիռ է արձակվել Իսրայելի ուղղությամբ

0
(Թարմացված է 12:46 16.05.2021)
Արաբա–իսրայելական հակամարտության գոտում լարվածությունը պահպանվում է։

ԵՐԵՎԱՆ, 16 մայիսի – Sputnik. Էսկալացիայի սկզբից մինչ օրս Գազայի հատվածի պաղեստինցի խմբավորումները իսրայելական տարածքի ուղղությամբ մոտ 2900 հրթիռ են արձակել, որոնցից 1150–ը որսացել է ՀՀՊ համակարգը։ Տեղեկությունը հայտնում է ՌԻԱ Նովոստին` հղում անելով  Իսրայելի պաշտպանության բանակի (ՑԱԽԱԼ) մամուլի ծառայությանը։  

«Մինչ այսօր Գազայի հատվածից Իսրայելի ուղղությամբ կատարվել է 2900 հրթիռային արձակում, որոնցից 1150–ը որսացել են, իսկ 450 հրթիռ ընկել է հենց Գազայի տարածքում», – նշվում է հաղորդագրության մեջ։

Պաղեստինն էլ հայտնել է Գազայի հատվածին իսրայելական ՌՕՈւ–ի հասցված հարվածների հետևանքով զոհերի թվի ավելացման մասին։ Անկլավի առողջապահության նախարարության տվյալներով` զոհերի թիվը հասել է 174–ի։

«174 զոհ, այդ թվում`47 երեխա և 29 կին, 1200 մարդ տարբեր վնասվածքներ են ստացել», – ասվում է հայտարարության մեջ։

Իսրայելի և Պաղեստինի սահմանին իրավիճակը սրվել է մայիսի 10-ի երեկոյան։ Բախումները սկսվել են Արևելյան Երուսաղեմում՝ Շեյխ Ջարախ թաղամասում, որտեղ պետք է 7 արաբ ընտանիքի տեղավորեին։ Արաբների բողոքի ակցիաները շարունակվել են մի քանի օր, այնուհետև դրանք վերածվել են բախումների։

Եթե չդադարեք աջակցել, կճանաչենք Ցեղասպանությունը. Իսրայելը գտել է Էրդողանի թույլ տեղը

0
թեգերը:
հրթիռակոծություն, Պաղեստին, Իսրայել
Ըստ թեմայի
Ինչո՞վ են տարբեր հայերն ու հրեաները. ՀՀ–ի անհաջողության և Իսրայելի հաջողության գրավականը
Իսրայելի ուղղությամբ չորս օրում ավելի քան 1,8 հազար հրթիռ է արձակվել. ՊԲ ներկայացուցիչ
Գազայի հատվածից գիշերն ավելի քան 200 հրթիռ է արձակվել. Իսրայելի բանակ